గీతములకు గీతము-2 (5--8 అధ్యాయాలు)
*గీతాలకు గీతము-పరమగీతము*
*88వ భాగము*
*నా ఉద్యానవనమునకు నేను ఏతెంచితిని*
పరమగీతము 5: 1. నా సహోదరీ, ప్రాణేశ్వరీ, నా ఉద్యానవనమునకు నేను ఏతెంచితిని నా జటామాంసిని
నా గంధవర్గములను కూర్చుకొనుచున్నాను తేనెయు తేనెపట్టును భుజించుచున్నాను క్షీరసహిత
ద్రాక్షారసము పానము చేయుచున్నాను. నా సఖులారా, భుజించుడి లెస్సగా పానము చేయుడి స్నేహితులారా, పానము
చేయుడి.
ప్రియులారా! పరమగీతములను ధ్యానము చేస్తున్నాము. ఇంతవరకు 4 అధ్యాయాలలోనుండి అనేకమైన విషయాలు ధ్యానం చేశాము!
ఇక 5 వ అధ్యాయంలో పరిశుద్ధాత్మ దేవుడు మనకు ఏమి
బోధిస్తారో నేర్చుకుందాం!
ఇక
మొదటి వచనంలో ప్రియుడైన సోలోమోను అంటున్నాడు నా సహోదరీ, ప్రాణేశ్వరీ,
నా ఉద్యానవనమునకు నేను ఏతెంచితిని నా జటామాంసిని నా గంధవర్గములను కూర్చుకొనుచున్నాను
తేనెయు తేనెపట్టును భుజించుచున్నాను క్షీరసహిత ద్రాక్షారసము పానము చేయుచున్నాను.
నా సఖులారా, భుజించుడి లెస్సగా పానము చేయుడి స్నేహితులారా,
పానము చేయుడి.
ప్రియులారా! ఈ వచనం యేసుక్రీస్తుప్రభులవారి
యొక్క రెండవరాకడ తర్వాత జరిగే సన్నివేశమును సూచిస్తుంది!
నా సహోదరీ, ప్రాణేశ్వరీ అనుచు ఒకానొక దినమున ప్రియుడైన క్రీస్తు ప్రభువు ఉద్యానవనమునకు
అనగా వధువు సంఘమునకు వస్తారు. అలా వచ్చిన క్రీస్తు ప్రభువు అక్కడ ఆయనకు సంబంధించిన జటామాంసిని గంధవర్గములను
కూర్చుట చేయును. అనగా
జయించినవారిని వారి వారి వర్గములుగా విభజించుట చేయును. ఇలా ఏడు వర్గములుగ విభజిస్తాడు. ప్రకటన రెండవ, మూడవ అధ్యాయాలలో జయించిన వారిని ఏడు వర్గములుగా విభజించి వారికి జయించిన వర్గమును
బట్టి వారితో కూడ వారికి సంబంధమైన బహుమానముతో సత్కరిస్తాడు. అటుతరువాత అందరు కలిసి ప్రియుడైన
క్రీస్తు ప్రభువు ఇచ్చు విందులో పాల్గొనుట జరుగును.
ప్రకటన 3:20, ''ఇదిగో నేను తలుపునొద్ద నిలుచుండి
తట్టుచున్నాను. ఎవడైనను
నా స్వరము విని తలుపుతీసిన యెడల, నేను అతనియొద్దకు వచ్చి అతనితో
నేనును, నాతో కూడ అతడును భోజనము చేయుదుము.'' ఇక్కడ మారుమనస్సు పొందిన అందరు అనగా ఆయనకు తమ హృదయములో చోటు ఇచ్చిన
వారందరు కలిసి భుజించుట జరుగును. అందుకే ప్రకటన
19:9, ''మరియు అతడు నాతో ఈలాగు చెప్పెను-గొఱ్ఱెపిల్ల
పెండ్లివిందుకు పిలువబడిన వారు ధన్యులని వ్రాయుము; మరియు ఈ మాటలు
దేవుని యథార్థమైన మాటలని నాతో చెప్పెను.'' ఈ విందులో పాల్గొనువారు ధన్యులని వ్రాయబడింది.
కనుక వధువు సంఘములో ఉన్నవారికి
ప్రియుని రాక ఒక పండుగే. అందరిని వారి వారి క్రియలను బట్టి వర్గములుగా విభజించి వారిని సత్కరించి చివరకు
వారితోకూడ విందు చేయును. అక్కడ ఆయన ఇచ్చు తేనెను తియ్యటి తేనెపట్టును, పాలతో కలిపిన
పులియని ద్రాక్షారసమును పానము చేస్తారు.
అప్పుడు క్రీస్తు ప్రభువు వారినుద్దేశించి - నా వధువు సంఘములో ఉండి నాకు భార్యగా అనగా సాటి సహాయులుగా మారుచున్న విశ్వాసులారా
- ''తృప్తిగా భుజించమని పానము చేయమని చెప్పును.'' అని చెప్పుచూనే వారందరు ఆయనకు స్నేహితులు
అనగా సహోదరులు కనుక అది గుర్తు చేస్తూ ఇంకను పానము చేయమని ప్రేరేపించును. ఈ విధముగా క్రీస్తు ప్రభువు వధువుసంఘములో ప్రవేశించి విందును ఏర్పాటు చేయుట
వారు ప్రభువుతో కూడ అత్యానందము పొందుదురు.
ఇంకా
వివరంగా చూసుకుంటే రమ్మని ఆమె అనగా ప్రియురాలు ఇచ్చిన
ఆహ్వానాన్ని ఎంత త్వరగా ఆయన మన్నించాడో చూడండి. యెషయా 65:24, అన్నట్లుగా జరుగును. వారికీలాగున జరుగును వారు వేడుకొనక మునుపు నేను ఉత్తరమిచ్చెదను వారు మనవి చేయుచుండగా
నేను ఆలంకిచెదను.
ఆమెతో
లేక సంఘముతో కలిసి ఉండడంలో ఆయనకెంత హాయి,
సంతృప్తి ఉన్నాయో చూడండి. యేసుప్రభువు తనకోసం ఎవరైతే
ఆశిస్తారో సిద్ధపడి ఉంటారో వారితో ముచ్చటించేందుకు తప్పక వస్తాడు (యోహాను 14:23, యేసు ఒకడు
నన్ను ప్రేమించిన యెడల వాడు నా మాట గైకొనును, అప్పుడు నా తండ్రి
వానిని ప్రేమించును, మేము వాని యొద్దకువచ్చి వానియొద్ద నివాసము
చేతుము). సంఘంలో
తనతోబాటు తన స్నేహితులను ప్రేమికులనూ కూడా పాలుపంచుకొనేందుకు పిలుస్తాడు.
మరి
ప్రియ సంఘమా! నీవు ఆయన పిలుపును విని ఆయనతో ఆ విందులో
పాల్గొనడానికి సిద్దంగా ఉన్నావా?
ఎత్తబడతానికి
సిద్దంగా ఉన్నావా?
ఎత్తబడే
గుంపులో ఉండటానికి నీకు అర్హత ఉందా? అనగా నీ జీవితం లేక నీ ఆత్మీయ జీవితం సరిగా ఉందా?
నీ ప్రార్ధనా జీవితం నీ విశ్వాస జీవితం దేవునికి ఇష్టముగా ఉందా లేక ఆయాసకరంగా
ఉందా?
సరిచూసుకో!
సరిచేసుకో!
దైవాశీస్సులు!!!
*గీతాలకు గీతము-పరమగీతము*
*89వ భాగము*
*నా సఖులారా, భుజించుడి లెస్సగా
పానము చేయుడి స్నేహితులారా, పానము చేయుడి*
పరమగీతము 5: 1. నా సహోదరీ, ప్రాణేశ్వరీ, నా ఉద్యానవనమునకు నేను ఏతెంచితిని నా జటామాంసిని
నా గంధవర్గములను కూర్చుకొనుచున్నాను తేనెయు తేనెపట్టును భుజించుచున్నాను క్షీరసహిత
ద్రాక్షారసము పానము చేయుచున్నాను. నా సఖులారా, భుజించుడి లెస్సగా పానము చేయుడి స్నేహితులారా, పానము
చేయుడి.
ప్రియులారా! పరమగీతములను ధ్యానము చేస్తున్నాము.
ఇక
మొదటి వచనంలో ప్రియుడైన సోలోమోను అంటున్నాడు నా సహోదరీ, ప్రాణేశ్వరీ,
నా ఉద్యానవనమునకు నేను ఏతెంచితిని నా జటామాంసిని నా గంధవర్గములను కూర్చుకొనుచున్నాను
తేనెయు తేనెపట్టును భుజించుచున్నాను క్షీరసహిత ద్రాక్షారసము పానము చేయుచున్నాను.
నా సఖులారా, భుజించుడి లెస్సగా పానము చేయుడి స్నేహితులారా,
పానము చేయుడి.
ప్రియులారా! ఈ వచనం యేసుక్రీస్తుప్రభులవారి యొక్క రెండవరాకడ తర్వాత
జరిగే సన్నివేశమును సూచిస్తుంది!
ఇక తర్వాత భాగము చూసుకుంటే ఇది మధ్యాకాశంలో జరిగే గొర్రెపిల్ల పెండ్లి
విందును సూచిస్తుంది ప్రియులారా! నా ఉద్యానవనమునకు నేను ఏతెంచితిని నా జటామాంసిని
నా గంధవర్గములను కూర్చుకొనుచున్నాను తేనెయు తేనెపట్టును భుజించుచున్నాను క్షీరసహిత
ద్రాక్షారసము పానము చేయుచున్నాను. నా సఖులారా, భుజించుడి లెస్సగా పానము చేయుడి స్నేహితులారా, పానము
చేయుడి అంటున్నారు!
ప్రభువు రెండవరాకడలో మొదట సంఘాన్ని మధ్యాకాశంలో కలుసుకోబోతున్నారు! సిద్ధపడిన
వారు జయజీవితం జీవిస్తున్న వారు పరిశుద్ధతను సాక్షాన్ని కాపాడుకున్నవారు ఎత్తబడి మేఘాలమీద
మధ్యాకాశానికి కొనిపోబడి ప్రియుడైన యేసుక్రీస్తుప్రభులవారిని కలుసుకుంటారు!
అక్కడ వారి ప్రతి భాషపబిందువును ప్రభువు తుడుస్తారు! అప్పుడే విందు జరుగుతుంది!
ఇది
మనకు 1
థెస్స 4: 16లో కనబడుతుంది! ఆర్భాటముతోను, ప్రధానదూతశబ్దముతోను, దేవుని బూరతోను పరలోకమునుండి ప్రభువు
దిగివచ్చును; క్రీస్తునందుండి మృతులైన వారు మొదట లేతురు.
17 ఆ మీదట సజీవులమై నిలిచియుండు మనము వారితోకూడ ఏకముగా
ప్రభువును ఎదుర్కొనుటకు ఆకాశమండలమునకు మేఘములమీద కొనిపోబడుదుము. కాగా మనము సదాకాలము ప్రభువుతో కూడ ఉందుము.
ఇంకా 1 కోరింథీ 15: 51 ఇదిగో మీకు ఒక మర్మము తెలుపుచున్నాను; మన మందరము నిద్రించము
గాని నిమిషములో, ఒక రెప్ప పాటున, కడబూర
మ్రోగగానే మనమందరము మార్పు పొందుదుము.
52 బూర మ్రోగును; అప్పుడు మృతులు
అక్షయులుగా లేపబడుదురు, మనము మార్పు పొందుదుము.
కాబట్టి
బూర స్వరము విని ఎత్తబడ్డ వారు మహిమ దేహాలతో మధ్యాకాశంలో ప్రవేశించి ప్రియుడైన యేసయ్యతో
ప్రేమ విందులో పాల్గొనబోతున్నాము!
నిజానికి కీర్తనాకారుడు ఎప్పుడో దీనిని
కోరుకున్నాడు 49: 15 దేవుడు నన్ను చేర్చుకొనును పాతాళ బలములోనుండి
ఆయన నా ప్రాణమును విమోచించును.(సెలా.)
కీర్తన 71 లో కూడా భక్తుడు ఆశిస్తున్నాడు
20 అనేకమైన కఠినబాధలను మాకు కలుగజేసిన వాడా, నీవు మరల మమ్ము బ్రదికించెదవు భూమియొక్క అగాధ స్థలములలోనుండి నీవు మరల మమ్ము
లేవనెత్తెదవు.
హొషేయా
భక్తుడు మృతులకు పునరుత్థానం ఉందని ముందే ఆత్మలో గ్రహించి అంటున్నారు ఓ మరణమా నీ ముల్లెక్కడ? ఓ మరణమా నీ విజయామెక్కడ
అంటూ 13:14!!!
కాబట్టి
మరణించిన వారిలో ప్రధమ ఫలముగా క్రీస్తు లేచారు అని నమ్మిన వారు ఆయన వలె పునరుత్థానం
పొంది మరణమును జయించి లేచి ప్రభువును కలుసుకుంటారు! దానిని ప్రభువు ముందుగానే చెప్పారు యోహాను 5 లో
25 మృతులు దేవుని కుమారుని శబ్దము విను గడియ వచ్చుచున్నది, ఇప్పుడే వచ్చియున్నది, దానిని వినువారు జీవింతురని మీతో
నిశ్చయముగా చెప్పుచున్నాను.
ఇదే
సత్యము మనము 6:40 లోనూ, 11:25 లో కూడా కనిపిస్తుంది! అందుకే పౌలుగారు నేను మృతుల పునరుత్థానం కోసం ఎదురుచూస్తున్నాను అంటూ చెప్పారు!
అయితే
ఈ జయించిన వారు మొదటగా ప్రభువును కలుసుకుంటారు! వారికే ఈ విందు! అయితే అక్కడ
తీర్పు కూడా ఉంటుంది! అయితే ఇది కేవలం బహుమతి ప్రధానం మాత్రమే
ఉంటుంది. ఎందుకంటే శిక్ష పడటానికి వారు పాపులు కాదు!
క్రీస్తు రక్తములో కడుగబడి పరిశుద్ధతను
పవిత్రతను భక్తిని కాపాడుకుంటూ జయజీవితం జీవించిన వీరికి జరిగే బహుమతి ప్రధానం మరియు
విందు మాత్రమే ఈ మధ్యాకాశంలో జరిగే గొర్రెపిల్ల పెండ్లి విందు!
అయితే
జయజీవితం లేకుండా సాధారణంగా బ్రతికిన వారు వెయ్యి సంవత్సరాల తర్వాత లేచి తీర్పులో పాల్గొని
మంచిగా బ్రతికితే పరలోకం,
ఎలాపడితే అలా జీవించిన వారికి నరకము కలుగుతుంది! అనగా వారివారి క్రియల చొప్పున తీర్పు-ఇది దవళ సింహాసన
తీర్పు!!
అయితే
మనము ఈ మధ్యాకాశంలో జరిగే విందుకోసం కొంత వివరంగా చూసుకుందాము
తర్వాత భాగములో!
దైవాశీస్సులు!!!
*గీతాలకు గీతము-పరమగీతము*
*90వ భాగము*
*నా సఖులారా, భుజించుడి లెస్సగా
పానము చేయుడి స్నేహితులారా, పానము చేయుడి*
పరమగీతము 5: 1. నా సహోదరీ, ప్రాణేశ్వరీ, నా ఉద్యానవనమునకు నేను ఏతెంచితిని నా జటామాంసిని
నా గంధవర్గములను కూర్చుకొనుచున్నాను తేనెయు తేనెపట్టును భుజించుచున్నాను క్షీరసహిత
ద్రాక్షారసము పానము చేయుచున్నాను. నా సఖులారా, భుజించుడి లెస్సగా పానము చేయుడి స్నేహితులారా, పానము
చేయుడి.
ప్రియులారా! పరమగీతములను ధ్యానము చేస్తున్నాము.
ఇక
మొదటి వచనంలో ప్రియుడైన సోలోమోను అంటున్నాడు నా సహోదరీ, ప్రాణేశ్వరీ,
నా ఉద్యానవనమునకు నేను ఏతెంచితిని నా జటామాంసిని నా గంధవర్గములను కూర్చుకొనుచున్నాను
తేనెయు తేనెపట్టును భుజించుచున్నాను క్షీరసహిత ద్రాక్షారసము పానము చేయుచున్నాను.
నా సఖులారా, భుజించుడి లెస్సగా పానము చేయుడి స్నేహితులారా,
పానము చేయుడి.
(గతభాగం తరువాయి)
మొదటగా మత్తయి 16:27
మనుష్యకుమారుడు తన తండ్రి మహిమ గలవాడై తన దూతలతో కూడ రాబోవుచున్నాడు.
అప్పుడాయన ఎవని క్రియలచొప్పున వానికి ఫలమిచ్చును.
ఈ
వచనంలో రెండు అర్ధాలున్నాయి ప్రియులారా! మొదటగా లూకా 19వ అధ్యాయం
ప్రకారం ఎవరు చేసిన సేవా ఫలితము ప్రకారం వారికి మెప్పు కలుగుతుంది! పట్టణాల మీద అధికారం కలుగుతుంది!
ఇక
రెండవ అర్ధం గతభాగంలో చెప్పినట్లు దవళ సింహాసన తీర్పులో మనుష్యులు చేసిన ప్రతీ పనికి
పలికిన ప్రతీ మాటకు జవాబు చెప్పాలి. దాని ప్రకారం ఎవని క్రియలు చొప్పున ప్రతిఫలం ఇస్తారు
దేవుడు!
కాబట్టి
ఎవరి సేవను బట్టి, పరిచర్యను బట్టి వారికి దేవుడు ప్రతిఫలం ఇస్తారు!
ఇక
మత్తయి 5:11—12 ప్రకారం: 11 నా నిమిత్తము జనులు మిమ్మును నిందించి హింసించి
మీమీద అబద్ధముగా చెడ్డమాటలెల్ల పలుకునప్పుడు మీరు ధన్యులు.
12 సంతోషించి ఆనందించుడి, పరలోకమందు
మీ ఫలము అధికమగును. ఈలాగున వారు మీకు పూర్వమందుండిన ప్రవక్తలను
హింసించిరి.
కాబట్టి
ప్రభువు కొరకు ఆయన సేవ కొరకు ఆయన మహిమ కొరకు జీవించినప్పుడు మన విశ్వాస జీవితంలో ఎదురైన
శ్రమలకు శోధనలకు మనము సహించిన విధానం బట్టి మనం ఫలము పొందుకోబోతున్నాము! అది మధ్యాకాశంలో గొర్రెపిల్ల
పెండ్లి విందులో ప్రియులారా! కాబట్టి శ్రమలను శోధనలను హింసలను
చూసి బెంబేలు పడిపోవద్దు! మన ప్రభువు ఇంకా ఆది అపోస్టలులు ఆదిమ
విశ్వాసులు అదే మార్గములో నడిచారు! మనము కూడా అదే శ్రమల బాటలో
పయనించాలి! ఆ తర్వాత దానికి పరలోకమందు మన ఫలము అనగా పరలోకంలో
మనము పొందుకోబోయే ఫలము స్వాస్థ్యం అధికమౌతుంది!
ఇక లూకా సువార్తలో 19 వ అధ్యాయంలో మనకు ఏసయ్య చెప్పిన ఒక ఉపమానం ఉంది.
దానిలో యజమానుడు అందరికీ ఒకే మీనా ఇస్తారు! అయితే
వారి వారి స్థాయిని బట్టి ఒకడు 10 మినాలు, మరొకడు 5 మినాలు మరొకడు రెండు మినాలు సంపాదిస్తాడు,
ఒకడు రుమాలులో చుట్టి భూమిలో పాతిపెడతాడు ఇది మన అందరికీ తెలుసు!
అయితే 10 మినాలు సంపాదించిన వానికి దేవుడు
10 పట్టణాల మీద అధికారిగా చేశారు! అలా వారి స్థాయిని
బట్టి అనగా వారి ఆత్మీయ విశ్వాస స్థాయిని బట్టి వారిని పట్టణాల మీద అధికారులుగా చేశారు!
కాబట్టి పెండ్లి విందు జరిగాక వేయేండ్ల పాలనలో దేవుడు మనకు ఇచ్చే అధికారం
హోదా అనేది ఈ పెండ్లి విందులోనే మనము పొందుకోబోతున్నాము ప్రియులరా! అందుకే ఇది బహుమతి
ప్రధానోత్సవము అంటున్నాను ప్రియులారా ఈ గొర్రెపిల్ల పెండ్లి విందు!!
ఇక కీర్తన 56:8 ప్రకారం మనము కార్చిన కన్నీరు దేవుని బుడ్డిలో
భద్రపరచబడి ఉంటాయి! ఇక ఆ ప్రార్ధనలు అన్నీ అంత్య దినాలలో పరలోకమందు
గల దేవుని నిజమైన బలిపీటము మందసము మీద గల అగ్నితో జత చేయబడతాయి. దేవుని సన్నిధికి జ్నాపకార్ధంగా చేరుతాయి! ఇప్పుడు ఆ
కన్నీటికి ప్రతిఫలము కూడా అదే మధ్యాకాశంలో పొందుకోబోతున్నాము మరియు దేవుని చేత ఆయన
ఒడిలో కూర్చుని మన ప్రతీ కన్నీటి బొట్టును ఆయన తుడిచి వేస్తారు అక్కడ! అంతేకాకుండా కార్చిన ప్రతీ కన్నీటి బొట్టుకు ప్రతిఫలము అక్కడే దొరుకుతుంది
ప్రియులారా!
ఇక 2 తిమోతి 4:8 లో పౌలుగారు మంచి
పోరాటం పోరాడితిని నా పరుగు తుదముట్టించితిని విశ్వాసం కాపాడుకుంటిని ఇక నాకు నీతి
కిరీటం ఉంచబడింది అని చెప్పారు కదా తన సేవా ఫలితముగా, ఇంకా తన
విశ్వాసమును కాపాడుకున్నందుకు! ఆ ప్రతిఫలముగా పొందబోయే నీతి కిరీటం
గాని మరే కిరీటం గాని అన్నీ ఈ గొర్రెపిల్ల పెండ్లి విందులోనే పొందుకుంటాము ప్రియులారా!
సోలోమోను గారు చెప్పే ఆ విందు ఇదే!!!
కాబట్టి
ఆ విందులో పాల్గొనే కెపాసిటీ నీకుందా!!!
అట్టి
రీతిలో నీవు జీవిస్తున్నావా?
7 మంచి పోరాటము పోరాడితిని, నా
పరుగు కడ ముట్టించితిని, విశ్వాసము కాపాడుకొంటిని.
8 ఇకమీదట నా కొరకు నీతికిరీట ముంచబడియున్నది.
ఆ దినమందు నీతిగల న్యాయాధి పతియైన ప్రభువు అది నాకును, నాకు మాత్రమే కాకుండ తన ప్రత్యక్షతను అపేక్షించు వారికందరికిని అనుగ్ర హించును.
ఆమెన్! ఆమెన్! ఆమెన్!
ప్రభువైన
యేసూ! రమ్ము!
దైవాశీస్సులు!
*గీతాలకు గీతము-పరమగీతము*
*91వ భాగము*
*నా సఖులారా, భుజించుడి లెస్సగా
పానము చేయుడి స్నేహితులారా, పానము చేయుడి*
పరమగీతము 5: 1. నా సహోదరీ, ప్రాణేశ్వరీ, నా ఉద్యానవనమునకు నేను ఏతెంచితిని నా జటామాంసిని
నా గంధవర్గములను కూర్చుకొనుచున్నాను తేనెయు తేనెపట్టును భుజించుచున్నాను క్షీరసహిత
ద్రాక్షారసము పానము చేయుచున్నాను. నా సఖులారా, భుజించుడి లెస్సగా పానము చేయుడి స్నేహితులారా, పానము
చేయుడి.
ప్రియులారా! పరమగీతములను ధ్యానము చేస్తున్నాము.
ఇక
మొదటి వచనంలో ప్రియుడైన సోలోమోను అంటున్నాడు నా సహోదరీ, ప్రాణేశ్వరీ,
నా ఉద్యానవనమునకు నేను ఏతెంచితిని నా జటామాంసిని నా గంధవర్గములను కూర్చుకొనుచున్నాను
తేనెయు తేనెపట్టును భుజించుచున్నాను క్షీరసహిత ద్రాక్షారసము పానము చేయుచున్నాను.
నా సఖులారా, భుజించుడి లెస్సగా పానము చేయుడి స్నేహితులారా,
పానము చేయుడి.
(గతభాగం తరువాయి)
ఇక తర్వాత తేనేయు తేనె పట్టును నేను భుజించుచున్నాను- క్షీర
సహిత ద్రాక్షారసము అనగా పాలు కలిపిన ద్రాక్షారసము నేను త్రాగుతున్నాను, నా సఖులారా అనగా నా స్నేహితులారా భుజించుడి పానము చేయుడి అంటున్నారు!
మొదటగా స్నేహితులు ఎవరు?
రెండు తేనె తేనె పట్టు ఏమిటి?
క్షీర సహిత ద్రాక్షారసము ఏమిటి?
గమనించాలి! ప్రభువు ఇప్పుడు మధ్యాకాశంలోనికి వచ్చేశారు!
సంఘము ఎత్తబడింది! ఇప్పుడు ప్రభువు తన ప్రియురాలైన
వధువు సంఘముతో ఉన్నారు! అప్పుడు మధురమైన తియ్యగా ఉండే తేనె మరియు
తేనె పట్టు తింటే ఇంకా మధురముగా ఉంటుంది!
అయితే సఖులు ఎవరు అంటే బైబిల్ పండితుల మొదటి అర్ధం: సంఘమే!
రెండవ అర్ధం: తండ్రి కుమార పరిశుద్దాత్ములు-
ఇప్పుడు కుమారుడు అంటున్నాడు గనుక- తండ్రి మరియు
పరిశుద్దాత్ముడు అనేది రెండవ అభిప్రాయం!
మూడవ అభిప్రాయం: 24 గురు పెద్దలు- నాలుగు జీవులు అనేది కూడా మరో అభిప్రాయం!
దీనికి ఇంకా లోతుగా ఆలోచించి బుర్ర పాడుచేసుకోవద్దు! బైబిల్
ఇంతకంటే లోతుగా చెప్పడం లేదు కాబట్టి Better to Stop Where Bible Stops!
దీనికి
ముందు వచనము అనగా 4:16 లో ప్రభువు తనకు ఇష్టమైన ఫలాలు భుజిస్తారు అని చూసుకున్నాము! 2:3 లో ప్రభువు ఇచ్చే ఫలమును షూలమ్మితి భుజించినట్లు చూడగలము!! అనగా ఇక్కడ ప్రభువు నొద్ద మనం పొందుకునే వరములు ఫలములు అని అర్ధం! అంతేకాకుండా ఎత్తబడిన వారు పెండ్లి విందులో తినబోయే పొందుకొన బోయే భాగ్యాలే
ఈ తేనె తేనెపట్టు! ఇంకా ఆ జీవజలములు మరియు జీవ వృక్ష ఫలములు అని
అర్ధము ప్రియులారా!
సరే ఇక్కడ ప్రజలు లేక సంఘము ఆయనతో చేసే అన్నపానాదులు ఇవి! ఇవి మామూలు బోజనము కానేకాదు
ప్రియులారా! మత్తయి 26:29 లో ఒకమాట అంటున్నారు
ప్రభువు: 29 నా తండ్రి రాజ్యములో మీతోకూడ నేను ఈ ద్రాక్షారసము
క్రొత్త దిగా త్రాగు దినమువరకు, ఇకను దాని త్రాగనని మీతో చెప్పుచున్నాననెను.
ఇది ప్రభువు సంఘముతో కలిసి చేసే ఆరాధనగా కనిపిస్తుంది! తనకిష్టమైన ప్రజలు తనకు
ఇష్టమైన రీతిలో ఆరాధన చేస్తూ ఉంటే అక్కడే ఉన్న ప్రభువు పరవశమై పోవడమే ఇది! దానికి సాధ్రుష్యమైన ప్రభు సంస్కారమును అనేకులు తమ బ్రతుకులు సరి లేనందున తినడం
మానేస్తున్నారు! తద్వారా దేవుని ప్రభావమును పొందుకోలేక పోతున్నారు!
మరికొందరు ఏదో ఆచారంగా మొదటి ఆదివారం నాడు వచ్చి సరియైన సిద్దపాటులేకుండా
అది ప్రభువు శరీరమని కొంచెమైనా ఆలోచన లేకుండా గర్విశ్టులై సంస్కారము తీసుకుంటున్నారు
తమకు శాపమును కొని తెచ్చుకుంటున్నారు!
ప్రకటన 19:9 లో 9 మరియు అతడు నాతో ఈలాగు చెప్పెను గొఱ్ఱపిల్ల పెండ్లివిందుకు పిలువబడిన వారు
ధన్యులని వ్రాయుము; మరియు ఈ మాటలు దేవుని యథార్థమైన మాటలని నాతో
చెప్పెను.
మరి
ఈ గొర్రెపిల్ల పెండ్లి విందుకు పిలువబడిన యోగ్యత నీకుందా!! ఆ పరిశుద్ధత విశ్వాసము
పరిశుద్దాత్మ క్రియలు నీలో ఉన్నాయా!?
ఇక ప్రభువు నా స్నేహితులారా రండి పానము చేయుడి నాతో పాటు తినండి అంటున్నాడు
ప్రభువు! మరి ఆ పిలుపును విని నీవు ఆయనతో విందు ఆరగించడానికి వస్తావా? మత్తయి సువార్తలో కొందరిని విందుకు ఆహ్వానిస్తే వారు సాకులు చెప్పి రావడం మానేశారు!
అప్పుడు దేవుడు వీదులలో ఉన్నవారిని రమ్మని చెప్పారు- అందుకే పిలువబడిన వారు అనేకులు గాని ఏర్పరచ బడిన వారు కొద్దిమందే అన్నారు దేవుడు!
మరి ఆ ఏర్పరచబడిన గుంపులో నీవున్నావా?
ప్రకటన 3:20 లో 20 ఇదిగో నేను తలుపునొద్ద నిలుచుండి తట్టుచున్నాను. ఎవడైనను
నా స్వరము విని తలుపుతీసిన యెడల, నేను అతనియొద్దకు వచ్చి అతనితో
నేనును, నాతోకూడ అతడును భోజనము చేయుదుము. మరి ఈ పిలుపును విని
నీ హృదయపు ద్వారము తెరచి ఆయనను ఆహ్వానిస్తావా? ఆయనతో బోజనం చేస్తావా?
ఇక
ప్రకటన 17 వ అధ్యాయములో చూసుకుంటే
14 వీరు గొఱ్ఱపిల్లతో యుద్ధము చేతురు గాని, గొఱ్ఱపిల్ల ప్రభువులకు ప్రభువును రాజులకు రాజునై యున్నందునను, తనతోకూడ ఉండినవారు పిలువబడినవారై, యేర్పరచ బడినవారై,
నమ్మకమైనవారై యున్నందునను, ఆయన ఆ రాజులను జయించును.
ప్రియ
సహోదరి సహోదరుడా!! మరి ఈ పిలువబడిన వారి గుంపులో ఏర్పరచబడిన వారి గుంపులో నీవున్నా గాని ఇప్పుడు
నమ్మకమైన వారి గుంపులో నీవున్నావా?
ప్రాణం
పోయేంతవరకు నీతోనేనయా అని పాటలు పాడేస్తున్నావు గాని ప్రాణము పోయేటంతగా శ్రమలు శోధనలు
ఎదురైతే దానియేలు భక్తుని వలె అజర్యా మిషాయేలు హనన్యా వలె- ఆది అపోస్టులుల వలె మరణాన్ని
కూడా లెక్కచేయకుండా దేవునితోనే నడిచారు! మరి నీవు ఆ గుంపులో ఉన్నావా?
ఏ గుంపులో ఉంటివో ఎరిగి తెలుసుకో – గుర్తెరిగి
తెలుసుకో
జాగు చేయక వేగ మేలుకో ||ఏ గుంపులో||
మరణమనెడి మొదటి గుంపుమారని గుంపు –
నిర్జీవపు గుంపు దురాత్మ బలముతో తిరిగెడి గుంపు ||ఏ గుంపులో||.
. . . . . . . .
దైవాశీస్సులు!!
*గీతాలకు గీతము-పరమగీతము*
*92వ భాగము*
*నేను నిద్రించితినే గాని నా మనస్సు మేలుకొనియున్నది*
పరమగీతము 5: 2. నేను నిద్రించితినే గాని నా
మనస్సు మేలుకొనియున్నది నా సహోదరీ, నా ప్రియురాలా, నా పావురమా, నిష్కళంకురాలా, ఆలంకిపుము
నా తలమంచుకు తడిసినది నా వెండ్రుకలు రాత్రి కురియు చినుకులకు తడిసినవి. నాకు తలుపుతీయుమనుచు నాప్రియుడు వాకిలి తట్టుచున్నాడు.
ప్రియులారా! పరమగీతములను ధ్యానము చేస్తున్నాము.
ఇక
రెండవ వచనంలో ఇప్పుడు ప్రియుడు సోలోమోను
చెప్పిన మాటలకు ప్రియురాలు షూలమ్మితి జవాబు చెబుతూ తనకు ఎదురైన అనుభవం పంచుకుంటుంది!
నేను నిద్రించితినే గాని నా మనస్సు మేలుకొనియున్నది నా సహోదరీ,
నా ప్రియురాలా, నా పావురమా, నిష్కళంకురాలా, ఆలంకిపుము నా తలమంచుకు తడిసినది నా వెండ్రుకలు
రాత్రి కురియు చినుకులకు తడిసినవి. నాకు తలుపుతీయుమనుచు నాప్రియుడు
వాకిలి తట్టుచున్నాడు.
గమనించాలి!
ప్రియుడు షూలమ్మితి దగ్గరకు వచ్చాడు! అప్పుడు షూలమ్మితి
మంచము మీద పడుకుంది, మనసు మేలుకుని ఉంది అట! ఈ సమయంలో ప్రియుడు వచ్చి పిలుస్తున్నాడు ఏమని? నా సహోదరీ, నా ప్రియురాలా, నా పావురమా, నిష్కళంకురాలా,
ఆలంకిపుము నా తలమంచుకు తడిసినది నా వెండ్రుకలు రాత్రి కురియు చినుకులకు
తడిసినవి. నాకు తలుపుతీయుమనుచు నాప్రియుడు వాకిలి తట్టుచున్నాడు.
మరో దృశ్యం, మరో సమయం. ఆమె రాత్రివేళ
ఒంటరిగా ఎక్కడో ఉండగా వరుడు వచ్చి ఆమెను పిలిచాడు. అతను దూరం
నుంచి ప్రయాణం చేసి వచ్చాడు. లేదా బయట చాలా సేపు నిలబడ్డాడు – మంచువల్ల
అతని తల తడిగా ఉంది. ఏవిధంగా చూచుకొన్నా అతని ప్రేమ అర్థమౌతూనే
ఉంది. అతడు వచ్చినందువల్ల ఆమె మురిసిపోయింది గాని లేచి తలుపు
తీయడానికి ఏమంత ఇష్టం ఉన్నట్టు లేదు (వ 3). ఆలస్యం చేస్తూ ఉంది. మొత్తానికి ఎలానో లేచినప్పుడు కూడా
తన గురించి పట్టింపే గాని అతని విషయం ఎక్కువగా ఆలోచించడం లేదు (వ 5).
ఇంతకుముందు
కూడా ఆమెలో ఈ పొరపాటు కనిపించకపోలేదు (పరమగీతము 1:5, , పరమగీతము
1:12, ; పరమగీతము 2:1, ).
ఆమె
జాగు చేయడం, తానంటే పెద్దగా ఆసక్తి చూపకపోవడం అతనికి బాధ కలిగించి అతను వెళ్ళిపోయాడు
(వ 6).
క్రీస్తు తనకోసం అభిలాష లేని చోట ఎంతో
కాలం నిలిచి ఉండడు. ఒక విశ్వాసి ఆధ్యాత్మిక జీవితంలో అతనికీ క్రీస్తుకూ
మధ్య సహవాస బంధం తెగిపోయిందంటే అందుకు కారణం క్రీస్తు ఎంత మాత్రం కాదు. సహవాసం కోసం ఎంత దూరమైనా ఆయన వస్తాడు. సహనంతో వేచి ఉంటాడు.
అయితే తలుపు తీసేందుకు అయిష్టత, నిర్లక్ష్యం
(ఇది ఆరంభ ప్రేమ అంతరించిందని సూచిస్తుంది) ఆయనకు
బాధ కలిగిస్తుంది. స్వంత వ్యవహారాల్లో మునిగి ఉన్న స్థితి ఆయనతో
సహవాసానికి అడ్డుపడుతుంది. తన ప్రేమలో యేసుప్రభువు మనలను పిలిచేది
మనం బద్దకంగానూ మన అందాలను మనం చూసుకుని మురిసిపోయే ధోరణిలోనూ ఉండాలని కాదు.
మనకు అబ్బిన దేవుని కృప, ఉచిత వరాలు మనల్ని మనం
చూచుకొంటూ చంకలు కొట్టుకునేందుకు కాదు. ఆయన సన్నిధే మరీ మరీ కావాలని
కోరేవారికీ, ఆ కోరికను వెల్లడించే వారికీ అది తప్పక దొరుకుతుంది.
ప్రేమించే ప్రతి వ్యక్తీ తాను ప్రేమించిన వ్యక్తీ అదే విధంగా తనను ప్రేమించాలని
కోరడం సహజమే కదా
పరమగీతము 8:6-7, 6 ప్రేమ మరణమంత బలవంతమైనది
ఈర్ష్య పాతాళమంత కఠోరమైనది దాని జ్వాలలు అగ్నిజ్వాలా సమములు అది యెహోవా పుట్టించు జ్వాల
నీ హృదయముమీద నన్ను నామాక్షరముగా ఉంచుము నీ భుజమునకు నామాక్షరముగా నన్నుంచుము.
7 అగాధసముద్ర జలము ప్రేమను ఆర్పజాలదు నదీ ప్రవాహములు
దాని ముంచివేయజాలవు ప్రేమకై యొకడు తన స్వాస్థ్యమంత ఇచ్చినను తిరస్కారముతో అతడు త్రోసివేయబడును.;
మత్తయి 22:37, అందుకాయన నీ పూర్ణహృదయముతోను నీ పూర్ణాత్మతోను
నీ పూర్ణమనస్సుతోను నీ దేవుడైన ప్రభువును ప్రేమింప వలెననునదియే.
మనకు ఉండవలసిన ప్రాముఖ్యమైన విషయం
ఏమంటే మన సావకాశం, మన సుఖం గురించి చూచుకోవడం కాకుండా కేవలం క్రీస్తునే
సంతోష పెట్టే విధంగా ఆయన్ను ప్రేమించాలి.
ఒకవేళ
ఇలాంటి నిర్లక్ష్య దోరణి నీలో ఉంటే నీవు కూడా విడిచిపెట్ట బడతావు జాగ్రత్త!
దైవాశీస్సులు!
*గీతాలకు గీతము-పరమగీతము*
*93వ భాగము*
*నేను నిద్రించితినే గాని నా మనస్సు మేలుకొనియున్నది*
పరమగీతము 5: 2. నేను నిద్రించితినే గాని నా
మనస్సు మేలుకొనియున్నది నా సహోదరీ, నా ప్రియురాలా, నా పావురమా, నిష్కళంకురాలా, ఆలంకిపుము
నా తలమంచుకు తడిసినది నా వెండ్రుకలు రాత్రి కురియు చినుకులకు తడిసినవి. నాకు తలుపుతీయుమనుచు నాప్రియుడు వాకిలి తట్టుచున్నాడు.
ప్రియులారా! పరమగీతములను ధ్యానము చేస్తున్నాము.
ఇక
రెండవ వచనంలో ఇప్పుడు ప్రియుడు సోలోమోను
చెప్పిన మాటలకు ప్రియురాలు షూలమ్మితి జవాబు చెబుతూ తనకు ఎదురైన అనుభవం పంచుకుంటుంది!
నేను నిద్రించితినే గాని నా మనస్సు మేలుకొనియున్నది నా సహోదరీ,
నా ప్రియురాలా, నా పావురమా, నిష్కళంకురాలా, ఆలంకిపుము నా తలమంచుకు తడిసినది నా వెండ్రుకలు
రాత్రి కురియు చినుకులకు తడిసినవి. నాకు తలుపుతీయుమనుచు నాప్రియుడు
వాకిలి తట్టుచున్నాడు.
(గతభాగం తరువాయి)
ఇక
మరో కోణంలో చూసుకుందాం ఈ రోజు!
ప్రకటన
3:20, ''ఇదిగో నేను తలుపునొద్ద నిలుచుండి తట్టుచున్నాను. ఎవడైనను నా స్వరము విని తలుపుతీసిన
యెడల, నేను అతనియొద్దకు వచ్చి అతనితో నేనును, నాతో కూడ అతడును భోజనము చేయుదుము.'' ఇలా ప్రియుడైన క్రీస్తు ప్రభువు ప్రతి ఒక్కరి హృదయమనే తలుపును
తీయుమని తట్టుచున్నాడు. ఇలా తట్టుచున్నట్లుగా ఇప్పుడు చెప్పుచున్నది
ప్రియురాలైన వధువు సంఘము అనగా విశ్వాసులమైన మనమే అంటే ప్రియుని పిలుపును విశ్వాసులు
గుర్తించారు. ఆయన తట్టుచున్న సంగతిని గుర్తించారు. అంతేకాదు తట్టుచూ క్రీస్తు ప్రభువు
ఏమి చెప్పుచున్నాడో తెలుసుకొందము.
''నేను నిద్రించితినేగాని నా మనస్సు మేలుకొని యున్నది,'' అంటే క్రీస్తు
ప్రభువు నశించినవారి కొరకు వారిలో సువార్త బీజమును విత్తుట కొరకు నిరంతరము ఆయన మనస్సు
ఆలోచిస్తూ మేలుకొని యున్నది. కనీసము నిద్రించినప్పుడు కూడ ఆయన
మనస్సు ఎవరిని ఎలా నిజదైవములోనికి రక్షణలోకి వచ్చుటకు ప్రేరేపించాలి? ఎవరు తననుగూర్చి నిజాన్ని పరిశోధించుటకు
మొదలుపెట్టారు అను సంగతులను ప్రతి క్షణము ఆయన మనస్సు మేలుకొని ఆలోచిస్తూ పరిశోధిస్తున్నట్లుగా
మనము గ్రహించాలి. ఆ కారణము
చేతనే విశ్వాసిగా మారాలని నిజదైవమును పరిశోధించాలన్న తలంపుతో పరిశోధించువారికి ప్రతినిత్యము
వారికి సహకరిస్తూ చివరకు తన వద్దకు చేర్చుకొంటారు కనుకనే ఆయన నిద్రించినను ఆయన మనస్సు
నల్లనిదియైన బబులోనులోని నరులలో మార్పు కోసము వారిని విశ్వాసులుగా మార్చి సీయోనులో
తరువాత పరమ యెరూషలేములో చేర్చుట కొరకు పరితపిస్తున్నట్లుగా గ్రహించాలి. ఇలా ప్రియురాలికి ప్రియుడైన క్రీస్తు ప్రభువు చెప్పుచూ - నా సహోదరీ, నా ప్రియురాలా అని సంబోధిస్తున్నాడు. అంటే మనమందరము ఈ భూమిమీద పుట్టిన
ప్రతి ఒక్కరు తనకు సహోదరులే. వీరంతా మారుమనస్సు పొంది వధువు సంఘములో పాలు పంపులు కలిగినట్లయితే వారు ఆయనకు
సహోదరిగాను ప్రియురాలుగాను మారుతారు.
అంటే ఈ వచనము విశ్వాసులు వధువు గాను లేక భార్యగాను మారినప్పటిది
కాదు. ఆయనకు ప్రియురాలుగా
ఉన్నప్పుడు జరుగు సంఘటనలతో వ్రాసిన వాక్యము. ఇంతకు ముందు నా సహోదరీ, నా ప్రాణేశ్వరీ అన్న సంబోధన వేరు.
ఇందులో భార్యను పిలిచిన పిలుపు కనబడుతుంది. కనుక విందుతో ఆ పిలుపును ముగించి
మరల ప్రియురాలుగా సంఘము ఉన్నప్పుడు తాను ప్రియునిగా పడ్డ కష్టమును ఈ సందర్భములో క్రీస్తు
ప్రభువు గుర్తు చేస్తున్నారు.
ఇలా గుర్తు
చేస్తూనే - సంఘములో క్రియ జరిగించు పరిశుద్ధాత్మను సంఘముతో కలిపి
ఉచ్ఛరిస్తూ - ''నా పావురమా, నిష్కళంకురాలా,
ఆలకింపుము,'' అని చెప్పుచున్నారు. పరిశుద్ధాత్మ పావుర రూపములో వారిలో
క్రియ జరిగించితేనే సంఘమునకు నిండుదనము ఆశీర్వాదము. సంఘములో చేరువారిని పరిశుద్ధాత్మ
పావుర రూపములో వారిని చేరి వారిని నిష్కల్మషముగా మార్చుట ద్వారా సంఘమును పరిశుద్ధముగా
ఉంచుట కళంకము లేకుండ ఉంచుట జరిగింది.
కనుకనే క్రీస్తు ప్రభువు దేవుని శక్తియైన పరిశుద్ధాత్మతో నిండిన
సంఘమును నా పావురమా, నిష్కళంకురాలా అని సంబోధించుచు నేను చెప్పునది
ఆలకించుమని చెప్పుచున్నారు. విశ్వాసిగా మారువారు మారుమనస్సు పొంది బాప్తిస్మము ద్వారా సంఘములో చేరుచున్నారు. సంఘములో చేరి నీతి మార్గములో ఎదిగినవారు
పరిశుద్ధాత్మకు నిలయమై అనేక క్రియలు మహత్కార్యాలు సూచక క్రియలు జరిగిస్తున్నారు. ఇలాంటి వారితో నిండుట వలన సంఘము కళంకము
లేనిదిగా ఉంటుంది. కాని
ఒక పాపి విశ్వాసిగా మారుటకు మన ప్రియుడైన క్రీస్తు ప్రభువు అనేక బాధలకు ఓర్చినట్లుగా
ఈ వచనములో మనకు అర్థమగుచున్నది.
అలాగే మన హృదయమనే
తలుపు బయట ఆయన ఉండి తట్టుట వలన ఆయన వెలుపల ఉండుట వలన రాత్రి మంచుకు చినుకులకు ఆయన తడిసినట్లుగా
చెప్పుచున్నారు అంటే ఆయన నిత్యము అనగా చలికాలము వర్షాకాలము అన్న తేడా లేకుండ ప్రతినిత్యము
ఆయన మనకోసము మన హృదయమనే తలుపును తట్టుచూనే ఉన్నారు.
ప్రకటన 3:15-16, ''-నీ క్రియలను నేనెరుగుదును,
నీవు చల్లగానైనను వెచ్చగానైనను లేవు; నీవు చల్లగానైనను
వెచ్చగానైనను ఉండిన మేలు. నీవు వెచ్చగానైనను చల్లగానైనను ఉండక, నులివెచ్చనగా ఉన్నావు
గనుక నేను నిన్ను నా నోటనుండి ఉమ్మివేయ నుద్దేశించుచున్నాను.'' చలికాలము చల్లనిదానికి వర్షాకాలము నులివెచ్చని జీవితములో ఉన్నదానికి
సూచనగా ఉన్నది. ఈ రెండు స్థితులలో జీవించువారి హృదయమనే
తలుపును తెరుచుటకు తట్టుచున్నట్లుగా చెప్పబడింది అలాంటి వారి కోసము తాను నిద్రించుచున్నను
ఆయన మనస్సు మేలుకొని యున్నది. అంతేకాదు, ఎవరికొరకు ఆయన మేల్కొని వారి హృదయమనే తలుపు
తట్టాడో వారు తలుపు తీయనప్పటికి, వారిలోని పాపపు జీవితము నులివెచ్చని
జీవితము రెండును మంచుగాను, చినుకులుగాను వచ్చి ఆయన తలను,
వెండ్రుకలకు అంటుకొనుచున్నట్లుగా చెప్పుచున్నారు. అంటే మనము నిజదైవమును గుర్తించి ఆయన
యందు బాప్తిస్మము పొంది రక్షణలోకి వచ్చామని ఆనందించుచున్నాము. కాని మనము రక్షణలోకి వచ్చునప్పటికి
మనలోని పాపపు జీవితాన్ని క్రీస్తు ప్రభువు ప్రక్షాళన చేస్తున్నట్లుగా మనము గుర్తించాలి. అలా ప్రక్షాళన చేయునప్పుడు మన జీవితమను
వస్త్రమును క్రీస్తు ప్రభువు రక్తములో ఉదుకుకొని తెలుపు చేసుకొంటున్నారు. ఈ పాపపు జీవితము ఆయన తలకు వెండ్రుకలకు
ధూళి మరకలుగాను మంచుగాను చినుకులుగాను అంటుకొను చున్నవి. అందుకే యెషయా ప్రవక్త ప్రవచిస్తూ
క్రీస్తు ప్రభువు మన పాపములను ఆయన భరించెనని వ్రాయబడింది. దీనిని భరించుటకు క్రీస్తు ప్రభువు
సిలువపై నలుగగొట్టబడినట్లుగా వ్రాయబడింది.
ఇలాంటి సంగతులను పరిశుద్ధాత్మ పావురము రూపములో ఉండగా కళంకము లేని
స్థితిలో ఉన్న తన ప్రియురాలైన సంఘమునకు క్రీస్తు ప్రభువు తాను పొందిన కష్టమును,
తాను ఆమె కోసము నిద్రించినను మనస్సు మేలుకొని ఉన్న సందర్భాలను గుర్తు
చేస్తున్నారు. కనుక విశ్వాసిగా
మారిన ఓ నరుడా! మరల పాపము
చేసి నీ రక్షకుని కష్టపెట్టవద్దు.
దైవాశీస్సులు!!
*గీతాలకు గీతము-పరమగీతము*
*94వ భాగము*
*నాకు తలుపుతీయుమనుచు నాప్రియుడు వాకిలి తట్టుచున్నాడు*
పరమగీతము 5: 2. నేను నిద్రించితినే గాని నా
మనస్సు మేలుకొనియున్నది నా సహోదరీ, నా ప్రియురాలా, నా పావురమా, నిష్కళంకురాలా, ఆలంకిపుము
నా తలమంచుకు తడిసినది నా వెండ్రుకలు రాత్రి కురియు చినుకులకు తడిసినవి. నాకు తలుపుతీయుమనుచు నాప్రియుడు వాకిలి తట్టుచున్నాడు.
ప్రియులారా! పరమగీతములను ధ్యానము చేస్తున్నాము.
ఇక
రెండవ వచనంలో ఇప్పుడు ప్రియుడు సోలోమోను
చెప్పిన మాటలకు ప్రియురాలు షూలమ్మితి జవాబు చెబుతూ తనకు ఎదురైన అనుభవం పంచుకుంటుంది!
నేను నిద్రించితినే గాని నా మనస్సు మేలుకొనియున్నది నా సహోదరీ,
నా ప్రియురాలా, నా పావురమా, నిష్కళంకురాలా, ఆలంకిపుము నా తలమంచుకు తడిసినది నా వెండ్రుకలు
రాత్రి కురియు చినుకులకు తడిసినవి. నాకు తలుపుతీయుమనుచు నాప్రియుడు
వాకిలి తట్టుచున్నాడు.
(గతభాగం తరువాయి)
ఇప్పుడు ప్రియుడు తలుపు తట్టుచున్నాడు నాకు తలుపు తీయు అంటూ!! సంఘములో అందరికీ ప్రభువు
అంటే ఇష్టమే! ఆయనకోసం జీవించాలి అని ఉంటుంది! గాని ఆయన కార్యాలను ఆశ్రద్దగా చేసేవారు చాలామంది ఉన్నారు! సువార్త ప్రకటించాలి అంటే కొంతమందికి భయము! కొంతమందికి
మొగమాటం! మరికొంతమందికి దురభిమాన పాపం! మరికొంతమందికి అశ్రద్ద! ప్రార్ధన చేయమంటే బద్ధకం అశ్రద్ద!
దేవునికివ్వాలంటే అశ్రద్ధ! ఇలా ఆశ్రద్దగా బద్దకంగా
ఉంటున్న హృదయాలను ఇప్పుడు నాకు తలుపు తీయు! నేను లోపలికి వస్తాను
అంటు తలుపు తట్టుచున్నారు ఆయన!
ప్రకటన గ్రంధము 3 వ అధ్యాయములో అంటున్నారు
20 ఇదిగో నేను తలుపునొద్ద నిలుచుండి తట్టుచున్నాను. ఎవడైనను నా స్వరము విని తలుపుతీసిన యెడల, నేను అతనియొద్దకు
వచ్చి అతనితో నేనును, నాతోకూడ అతడును భోజనము చేయుదుము.
కాబట్టి ఈ సంఘము పరమ చెత్త సంఘముగా కనిపిస్తుంది. పేరుకు క్రైస్తవులు గాని
దాని శక్తిని ఆశ్రయించకుండా లోకస్తులతో కలిసిపోయి ఉన్నారు! దేవుడు
బుద్ధి చెప్పాక అంటున్నారు ఒరేయ్! I Love You so much ra! నాకు
నీవు తలుపు తీయు! నేను లోపలికి వస్తాను అంటున్నారు! ఏడు సంఘాలలో ఏ సంఘమును అంతగా తిట్టలేదు దేవుడు! కేవలం
ఈ సంఘమునే తిట్టారు! చివరకు ఏ సంఘమును కూడా నేను నిన్ను ప్రేమిస్తున్నాను
అనలేదు! ఈ లవోదొకయ సంఘానికి మాత్రమే దేవుడు ఐ లవ్ యు చెప్పారు!
చెప్పి నా తలుపు తీయు అంటున్నారు! ఒకవేళ నీవు కూడా
అదే స్థితిలో ఉంటే దేవుడు నిన్ను గద్ధిస్తూ ఉంటే విని మారుమనస్సు పొంది ఆయనకు తలుపు
తీయు! దేవుడు నీ గృహము లోనికి వచ్చి నీతో కలసి బోజనం చేయాలని
నీతో ముచ్చటించాలని నీకు తన ఆశీర్వాద ఐశ్వర్యాలు అన్నీ ఇవ్వాలని ఆశిస్తున్నారు!
మరి తీస్తావా తలుపు!!!
యెషయా 32:9 ప్రకారం దేవుడు ఎన్నోసార్లు
వారి హృదయాలు తట్టారు కానీ వీరు తలుపు తీయలేదు! ఎందుకు తీయలేదు
అంటే వీరికి సుఖాసక్తి ఎక్కువ!! అందుకే రక్షణ పొందలేక పోయారు!
ఒకవేళ నీకు కూడా సుఖాసక్తి లగ్జరీల మీద మనస్సు ఉంటే దేవుని మాటలు వినలేవు!
ఈ రోజుల్లో అనేక సంఘాలలో విశ్వాసులు లగ్జరీలకు అలవాటు పడి తమ మంచాలను విడువలేక సంపూర్ణ రాత్రి
ప్రార్ధనకు ఉపవాస కూటములకు రావడం లేదు! ఇలాంటి వారినే అంటున్నారు
మీ సుఖాసక్తి వదిలేయ్ లేకపోతే ఆయుదదారుడు వచ్చేటట్టు కీడు నాశనం నీ మీదికి రాబోతుంది!
దేవుని స్వరాన్ని విని నీ సుఖాసక్తి వదులుతావా మరి!!!
యెషయా 64:7 లో వారు దేవుని రక్షణను నిర్లక్ష్యపెట్టారు!
ఆయనకు మొర్రపెట్టేవారు లేరు! దేవుణ్ణి ఆధారం చేసుకుని
ఆయనకోసం కనిపెట్టే వారు లేకపోయారు! ఆయనకు ప్రార్ధించే వారు లేకపోయారు!
అందుకే దేవుడు వారికి కనబడకుండా తన ముఖమును దాచుకున్నారు!
ఆమోసు 6:1 ప్రకారం: వారు దేవుని కార్యాలంటే పట్టించుకోకుండా నిర్విచారముగా ఉన్నారు! సంఘము పాడైపోతూ ఉంటే పట్టించుకునే వారు లేరు! సంఘములో
విశ్వాసులు వ్యభిచారులై పోతూ ఉంటే పట్టించుకునే వారు లేరు! సరిచేసే
వారు లేరు! మందిరము శిధిలమై పడిపోయే విధంగా ఉంటే మందిరమును కట్టేవారు
గాని రిపేర్ చేసేవారు కనబడటం లేదు!
ఆయనకోసం కనిపెట్టే వారు లేరు! యెహోవా కార్యమును
ఆశ్రద్దగా చేయువారు శాపగ్రస్తుడు అంటున్నారు యిర్మీయా గారు!!! 48:10
జెఫన్యా 1:12 ప్రకారం చాలామంది దేవుడు ఏమి
చేస్తాడు! ఆయన మేలైనను కీడైనను విచారించడు అంటూ గర్విష్టి మాటలు
పలుకుతున్నారు! వీరిని దేవుడు శిక్షిస్తారు!
మత్తయి 22 వ అధ్యాయంలో దేవుడు తన కుమారుని
పెండ్లి విందుకు పిలిచారు కానీ వారు వెళ్లలేదు! సాకులు చెప్పారు!
మరికొంతమంది ఆయన సేవకులను తిట్టారు అపహసించారు! మరికొంతమందిని చంపారు! అందుకే వారిని సంహరించారు దేవుడు!
మత్తయి 24:12 లో ఆక్రమము విస్తరించి అనేకుల
ప్రేమ చల్లారిపోయింది! ఈరోజు సంఘాలలో కూడా ఆక్రమము విస్తరించి
సంఘములో దేవుని ప్రేమ గాని సహోదర ప్రేమ గాని లేదు! చల్లారిపోయింది!
అందుకే ఉగ్రతకు పాత్రులుగా ఉన్నారు! మరి నీవు వీటిని
సరిదిద్దగలవా! క్రీస్తుకోసం బ్రతుకుతావా!! సరిచేయవలసిన వాటిని సరిచేస్తావా?
దైవాశీస్సులు!!
*గీతాలకు గీతము-పరమగీతము*
*95వ భాగము*
*నా తలమంచుకు తడిసినది నా వెండ్రుకలు రాత్రి కురియు చినుకులకు
తడిసినవి*
పరమగీతము 5: 2. నేను నిద్రించితినే గాని నా
మనస్సు మేలుకొనియున్నది నా సహోదరీ, నా ప్రియురాలా, నా పావురమా, నిష్కళంకురాలా, ఆలంకిపుము
నా తలమంచుకు తడిసినది నా వెండ్రుకలు రాత్రి కురియు చినుకులకు తడిసినవి. నాకు తలుపుతీయుమనుచు నాప్రియుడు వాకిలి తట్టుచున్నాడు.
ప్రియులారా! పరమగీతములను ధ్యానము చేస్తున్నాము.
ఇక
రెండవ వచనంలో ఇప్పుడు ప్రియుడు సోలోమోను
చెప్పిన మాటలకు ప్రియురాలు షూలమ్మితి జవాబు చెబుతూ తనకు ఎదురైన అనుభవం పంచుకుంటుంది!
నేను నిద్రించితినే గాని నా మనస్సు మేలుకొనియున్నది నా సహోదరీ, నా ప్రియురాలా, నా పావురమా, నిష్కళంకురాలా,
ఆలంకిపుము నా తలమంచుకు తడిసినది నా వెండ్రుకలు రాత్రి కురియు చినుకులకు
తడిసినవి. నాకు తలుపుతీయుమనుచు నాప్రియుడు వాకిలి తట్టుచున్నాడు.
* * * *
* * * * * * * * * * * * * * * * * * * * *
మరిన్ని
భాగములకు, శీర్షికలకు సంప్రదించండి
Facebook
page “యేసుక్రీస్తు అందరికీ ప్రభువు”,
https://www.facebook.com/share/18KPDoLwfe/
. . . .
https://adhyatmikasandeshalu.blogspot.com/
Website:
ఆధ్యాత్మిక సందేశాలు 👆👆
* * * *
* * * * * * * * * * * * * * * * * * * * * * *
(గతభాగం తరువాయి)
ఇప్పుడు దేవుని రక్షణను అశ్రద్ద చేసిన యూదులతో మాటలు అంటున్నారు దేవుడు! నా తల మంచుకు తడిసిపోయింది!
తొందరగా తలుపు తీయు!! ఇశ్రాయేలు దేశంలో రాత్రిపూట
మంచు ఎక్కువగా కురుస్తుంది! అందుకే ఆ మంచుతోనే పంటలు పండుతాయి
అని ఇశ్రాయేలు దేశంలో పనిచేస్తున్న స్నేహితులు చెప్పారు నాకు! ఇప్పుడు అదే మంచుకు ప్రియుని తల తడిసిపోతుంది! యూదా సంఘమును
దేవుడు ఎంతగానో ప్రేమించాడు! అందుకే నా సహోదరి అన్నారు దేవుడు!
శరీరమును బట్టి క్రీస్తు వారిలో నుండి పుట్టారు కాబట్టి నా సహోదరి అని
పిలుస్తున్నారు ఇక్కడ! అయితే ఒకరోజు వివాహం చేసుకోబోతున్నారు
అందుకోసం ఆయన తన ప్రాణము కూడా పెట్టారు ఎంతో ప్రేమించారు అందుకే నా ప్రియురాలా అని
పిలుస్తున్నారు! అవిధేయులై మెడవంచని తరము వారికోసం దినమెల్ల చేతులు
చాచి పిలుస్తున్నారు! ఎంతగా ఎదురు చూస్తున్నారు అంటే ఆయన తల మంచుకు తడిసిపోతున్నా తలుపుతీస్తుంది
కదా అని ఎదురుచూస్తున్నారు!
ఈ
మంచుకోసం ధ్యానం చేస్తే:
ఆదికాండం 27:28 లో ఆకాశపు మంచు
అన్నారు 28 ఆకాశపుమంచును భూసారమును
విస్తారమైన ధాన్యమును ద్రాక్షారసమును దేవుడు నీ కనుగ్రహించుగాక!
ఈ మంచు ఆకాశము నుండి వచ్చినట్లు పరలోకం నుండి దిగివచ్చిన వాడు మన ప్రభువు!
ఆకాశపు మంచు భూమియొక్క సారముతో కలిసి
పంటలు ఎంతో బాగా పండుతాయి! ఆదేవిదంగా ప్రభువైన యేసు పరలోకం నుండి దిగివచ్చి మనకు మేలు కలుగజేశారు!
పరలోకపు మంచు అనే పరిశుద్దాత్మ దేవుడు మోడుబారిపోయిన మన జీవితాలను వెలిగిస్తున్నారు!
ఇక ఇదే మంచు ఇశ్రాయేలు జాతికి అరణ్యంలో 40 సంవత్సరాలు
పోషించింది మన్నా రూపములో!!! నిర్గమ 16:13 ప్రకారం! అలాగే పరిశుద్దాత్మ దేవుడు కూడా నిన్ను పోషించగలడు
నిన్ను నడిపించ గలాడు నిన్ను ఆదరించగలడు!
ఇక మోషే గారు దీవిస్తున్నారు ద్వితీ 33:28 లో:
28 ఇశ్రాయేలు నిర్భయముగా నివసించును యాకోబు ఊట ప్రత్యేకింపబడును అతడు
ధాన్య ద్రాక్షారసములుగల దేశములో నుండును అతనిపై ఆకాశము మంచును కురిపించును.
ఇక్కడ శాశ్వతుడైన దేవుడు ఇశ్రాయేలు ప్రజలమీదికి ఆకాశపు మంచు
కురిపిస్తారు అంటూ! అదే ఆకాశపు మంచు పెంతుకొస్తు దినాన ఇశ్రాయేలు దేశం
మీద ఇశ్రాయేలు ప్రజలమీద
అనగా ఆది అపోస్టలుల మీద కురిసింది! పరిశుద్దాత్మ దేవుడు దిగివచ్చాడు!
సంఘము కట్టబడింది! పెంతుకొస్తు అనే తొలకరి వర్షమును
అనుభవించారు వారు!
రాజులు 17:1 లో మీ మీద మంచు గాని వర్షము
గాని పడదు అని ఏలీయా గారు చెప్పి వెళ్లారు! అలాగే మూడున్నర సంవత్సరాలు
మంచు గాని వర్షం గాని పడలేదు! అలాగే ఏ సంఘము మీదగాని ఏ వ్యక్తి మీద గాని ఏ దేశంలో గాని ఏ పట్టణంలో గాని పరిశుద్దాత్ముడు
కురవడో ఎక్కడైతే పరిశుద్దాత్మ క్రియలు జరగడం లేదో ఆ సంఘము లేక ఆవ్యక్తి ఏ విధముగానైనా
ఆశీర్వదించ బడదు ఇంకా దేవుని శాపము నిలుస్తుంది అక్కడ!! అక్కడ
విశ్వాసులు ఆత్మీయ బ్రష్టులుగ మారిపోతారు!
కాబట్టి
ఆ మంచును కలిగి ఉన్నావా!!!
ఆత్మపూర్ణుడైన
ప్రభువు అదే మంచు తలమీద కురిసి తన తలను తడిపేస్తున్న కొండలమీద ప్రార్ధన ఆపకుండా నశించిపోతున్న
వారి కోసం రాత్రంతా ప్రార్ధించేవారు! ఆయన శ్రమలన్నీ ఓర్చుకున్నారు! మరి ఆయనకోసం నీవు నిలబడతావా!!
ఆయన
మంచును పొందుకుంటావా!!
దైవాశీస్సులు!!!
# # # #
# # # # # # # # # # # # # # #
📢
గమనిక: ఈ సందేశం అనేకులకు ఆశీర్వాదకరంగా ఉండాలని
ఆశిస్తున్నాము. కంటెంట్
లో ఎట్లాంటి మార్పులు చెయ్యకుండా షేర్ చేసి, మీరునూ ప్రభువు పరిచర్యలో
పాలిభాగస్తులు కాగలరు. వందనములు!!
✍️ ఇట్లు మీ సహోదరుడు
బ్రదర్. రాజకుమార్ దోనె
📧
Email: rajkumardone@gmail.com
గీతాలకు గీతము-పరమగీతము
96వ భాగము
నేను వస్త్రము తీసివేసితిని నేను మరల దాని ధరింపనేల
పరమగీతము 5: 3. నేను వస్త్రము తీసివేసితిని నేను మరల దాని
ధరింపనేల? నా పాదములు కడుగుకొంటిని నేను మరల వాటిని
మురికిచేయనేల?
ప్రియులారా! పరమగీతములను ధ్యానము చేస్తున్నాము.
ఇక
మూడవ వచనంలో నేను వస్త్రము తీసివేసితిని
నేను మరల దాని ధరింపనేల?
నా పాదములు కడుగుకొంటిని నేను మరల వాటిని మురికిచేయనేల?
''నేను వస్త్రము తీసివేసితిని నేను
మరల దాని ధరింపనేల? నా
పాదములు కడుగుకొంటిని నేను మరల వాటిని
మురికిచేయనేల?''
మొదటగా దీనిని యూదుల కోణములో చూసుకుందాము!
ఈ
మాటలు షూలమ్మితి మాటలే గాని ఇవి రక్షణ పొందుటకు అశ్రద్ద చేస్తున్న యూదుల మాటలను
చెబుతున్నాయి ఇక్కడ! వారి స్వంత వస్త్రములు గూర్చి ఇక్కడ మాట్లాడుచున్నారు!
ప్రభువు ఇచ్చే వస్త్రాలను వారు వేసుకోవాలి! అవి రక్షణ వస్త్రాలు! మరియు నీతి
క్రియలు అనే వస్త్రాలు!! యెషయా 61:10 లో
వివరంగా చెబుతున్నారు అవి రక్షణ అనే వస్త్రాలు నీతి అనే పైబట్ట!!
10 శృంగారమైనపాగా ధరించుకొనిన పెండ్లికుమారుని రీతిగాను
ఆభరణములతో అలంకరించుకొనిన పెండ్లికుమార్తెరీతి గాను ఆయన రక్షణవస్త్రములను నాకు
ధరింపజేసి యున్నాడు నీతి అను పైబట్టను నాకు ధరింపజేసియున్నాడు కాగా యెహోవానుబట్టి
మహానందముతో నేను ఆనందించుచున్నాను నా దేవునిబట్టి నా ఆత్మ ఉల్లసించుచున్నది
ఈ
వస్త్రాలు యూదులే కాదు ప్రతీ ఒక్కరూ అనగా ప్రతీ విశ్వాసి కూడా ధరించుకోవాలి! అయితే
నేను వాటిని తీసివేశాను మరలా ఎందుకు వేసుకోవడం అంటూ బద్దకపు మాటలు పలుకుతున్నారు
యూదులు!
తర్వాత
నా పాదములు కడుగుకున్నాను మరలా నడిస్తే నా పాదములకు మురికి అంటుకుంటుంది అంటుంది
షూలమ్మితి! నిజానికి ఎవరికి వారు తమ పాదములను శుద్ది చేసుకోలేరు- ఇక్కడ పాదములు
అనగా నడిచే తీరు అనగా మన ప్రవర్తనకు సాదృశ్యముగా ఉంది! ఇక్కడ ఇశ్రాయేలు ప్రజలు తమ స్వనీతిని
ప్రేమిస్తున్నారు తప్ప దేవుని మాటలకు ప్రాధాన్యత ఇవ్వడం లేదు! వారికి వారు తమ
పాదములు శుభ్రముగా ఉన్నాయి అనుకుంటున్నారు
అనగా తమ ప్రవర్తన చాలా పరిశుద్దంగా ఉంది అని అనుకుంటున్నారు! అందుకే సామెతల
గ్రంధంలో అంటున్నారు 3: 5 నీ స్వబుద్ధిని ఆధారము
చేసికొనక నీ పూర్ణహృదయముతో యెహోవాయందు నమ్మక ముంచుము
6 నీ ప్రవర్తన అంతటియందు ఆయన అధికారమునకు ఒప్పుకొనుము
అప్పుడు ఆయన నీ త్రోవలను సరాళము చేయును.
7 నేను జ్ఞానిని గదా అని నీవనుకొనవద్దు యెహోవాయందు
భయభక్తులుగలిగి చెడుతనము విడిచి పెట్టుము
8 అప్పుడు నీ దేహమునకు ఆరోగ్యమును నీ యెముకలకు సత్తువయు
కలుగును.
పౌలుగారు
పత్రిక రాస్తూ అంటున్నారు రోమా 10:3 ఏలయనగా వారు దేవుని నీతినెరుగక తమ స్వనీతిని
స్థాపింప బూనుకొనుచు దేవుని నీతికి లోబడలేదు.
ఒకవేళ
ప్రియ విశ్వాసి నీవు కూడా ఇదే స్థితిలో ఉంటే నీవుకూడా ఘోరమైన దుష్టత్వములో
ఉన్నావని తెలుసుకో!
ఇక్కడ
శుద్ధి చేయవలసినది దేవుడే! ప్రభువు తాను మరణించే ముందు శిష్యుల పాదములను కడిగి
వారిని శుద్ధి చేశారు! అలాగే మనము కూడా వాక్యము ద్వారా పరిశుద్ధాత్మ ద్వారా మనము
శుద్ధి చేయబడాలి!
ఇక సంఘ కోణములో చూసుకుందాము!
ఎప్పుడైతే క్రీస్తు ప్రభువు పరిశుద్ధాత్మ
నిలయమైన నిష్కళంకురాలును ప్రియురాలైన సంఘమునకు తాను పడిన కష్టములు చెప్పెనో, అప్పుడే ప్రియురాలైన
సంఘముపై మూలవచనములోని రీతిగా అనుకొనుట జరుగును.
ఏమని? ''నేను
వస్త్రము తీసివేసితిని నేను మరల దాని
ధరింపనేల,'' అనగా మలిన వస్త్రమును మారుమనస్సు ద్వారా తీసి వేయుట
జరిగింది. ఇప్పుడు దేవుని మహిమయను
వస్త్రమును ధరించుకొని నిష్కల్మషముగా కళంకము లేక సంఘమైన ప్రియురాలు ఉన్నది. అందులోను పరిశుద్ధాత్మతో నిండియున్నది. ఇంత ఉన్నత స్థానములోకి వచ్చిన నేను పాపపు మలిన
వస్త్రాలను మరల ఎందుకు ధరించాలి? అని ప్రశ్నించుకొనుచున్నది.
కనుక ఇక పాపము చేయక జీవిస్తానన్న అర్థము ఇందులో కనబడుచున్నది. అలాగే ''నా పాదములు కడుగుకొంటిని నేను మరల వాటిని
మురికిచేయనేల?'' అని తనను తానే ప్రశ్నించుకొనుచున్నది.
శరీరమంతా స్నానము చేసినవాడు బయట అడుగుపెట్టితే మలినమయ్యేది పాదములే. తాను చేసిన పాపములన్ని ప్రక్షాళన క్రీస్తు
ప్రభువు చేస్తే మరల పాపము చేయుటకు నా పాదములను పాపకూపమునకు నడిపించుట ద్వారా
తిరిగి వాటిని ఎందుకు మురికి చేయాలి? అని తనను తానే
ప్రశ్నించుకుంటూ ఇక పవిత్రముగా ఉండాలని కోరుకొనుచున్నట్లుగా వ్రాయబడింది.
అయితే
గమనించాలి: ఇంతకీ పిలిచినది ఎవరు? పరిశుద్ధుడైన దేవుడు- నిన్ను ఆపవిత్రమైన చోట్లకు తీసుకుని
వెళతారా? అసలు నీతో కలసి మాట్లాడి నీతో నివాసం చేయాలని నీతో
కలసి బోజనం చేయాలని నీతో సహవాసం చేయాలని వస్తే ఈ సాకులెందుకు??? ఈ బద్ధకము ఎందుకు? అందుకే ప్రభువు ప్రియురాలిని
వదిలి వెళ్లిపోయినట్లు తర్వాత వచనం చూడగలము!
దైవాశీస్సులు!!!
గీతాలకు గీతము-పరమగీతము
107వ భాగము
అతని తలవెండ్రుకలు కాక పక్షములవలె కృష్ణ వర్ణములు
పరమగీతము 5: 11. అతని శిరస్సు అపరంజివంటిది అతని
తలవెండ్రుకలు కాక పక్షములవలె కృష్ణ వర్ణములు అవి నొక్కులు నొక్కులుగా
కనబడుచున్నవి.
ప్రియులారా! పరమగీతములను ధ్యానము చేస్తున్నాము.
ఇక
11వ వచనములో షూలమ్మితి అంటుంది అతని
శిరస్సు అపరంజివంటిది అతని తలవెండ్రుకలు కాక పక్షములవలె కృష్ణ వర్ణములు అవి
నొక్కులు నొక్కులుగా కనబడుచున్నవి.!!
(గతభాగం తరువాయి)
ప్రియుని తల వెండ్రుకలు:
అతని తలవెండ్రుకలు కాక పక్షములవలె కృష్ణ వర్ణములు ఇంకా అవి నొక్కులు
నొక్కులు గా ఉన్నాయి అంటుంది షూలమ్మితి!
ఇంతకు ముందు గత అధ్యాయాలలో ప్రియున్ని వర్ణిస్తూ తల వెండ్రుకలు కోసం
ధ్యానం చేశాము! అప్పుడు ఆయన తలపైన పరిశుద్దాత్మ లేక మంచుతో కప్పబడి ఉంది అని
నేర్చుకున్నాము!
ఇక అవి కాకపక్షముల వలె కృష్ణ వర్ణములు అంటున్నది షూలమ్మితి! గమనించాలి మన
తెలుగు బైబిల్ ను ప్రభువును నమ్ముకొనని బ్రాహ్మణులు తర్జుమా చేశారు! అందుకే అతని
తల వెంట్రుకలు ఎంతో నల్లగా ఉన్నాయి అనడానికి బదులుగా కృష్ణ వర్ణములు అన్నారు వారు!
ఎందుకంటే కృష్ణుడు నల్లగా ఉంటాడట! మరికొంతమంది నీలమేఘ శ్యాముడు అంటారు! అది వారి
నమ్మకం!! అయితే మనము తీసుకోవలసింది యేసుక్రీస్తుప్రభులవారి తల వెండ్రుకలు నల్లగా
ఉన్నాయట! అనగా మార్పులేని జీవితానికి సాదృశ్యం! అనగా ఆయన మార్పులేని వాడు! అందుకే
హెబ్రీ పత్రికలో అంటున్నారు ఏసుక్రీస్తు నిన్న నేడు నిరంతరము ఒకటే రీతిగా ఉన్నాడు!
13: 8 యేసుక్రీస్తు నిన్న, నేడు,
ఒక్కటేరీతిగా ఉన్నాడు; అవును యుగయుగములకును
ఒక్కటే రీతిగా ఉండును.
మనమైతే నీళ్ళవలే చంచల బుద్ది గలవారము గాని ఆయన మార్పులేని దేవుడు! అందుకే
నేనే ఆల్ఫా మరియు ఒమేగా అన్నారు! మొదటి వాడను మరియు కడపటి వాడను అంటున్నారు!
ఇక తల వెండ్రుకలు సమర్పణ కు మరియు నాజీరు చేయబడిన జీవితానికి సాదృశ్యం అని
గతభాగలలో చూసుకున్నాము! ఆయన మనకోసం నాజీరు చేయబడి మచ్చలేని పరిశుద్ధ జీవితం
జీవించి నాలో పాపమున్నదని మీలో ఎవరు స్థాపించగలరు అని సవాలు విసిరారు!
ప్రభువు కోసం జీవించవలసిన మనము కూడా నాజీరు చేయబడిన జీవితం జీవించవలసి
ఉంది! మన జీవితాలు ప్రభువుకు సమర్పించుకుని పరిశుద్ధమైన జీవితం జీవించాలి!
తలవెండ్రుకలు కత్తిరించుకోకుండా
ఉండాలి నాజీరు చేయబడిన వ్యక్తి! సమూయేలు గారు అలాగే జీవించారు! గాని సంశోను గారు
లోకాశలకు గురై కామ కోరికలతో రగిలిపోయి వేశ్యలను ఆశ్రయించి చివరికి తన తలవెండ్రుకలు
కత్తిరించబడ్డాయి! అభిషేకము మరియు దేవుడిచ్చిన బలమును పోగొట్టుకుని పట్టబడి బంధీగా
చేయబడి రెండు కళ్ళు పీకించుకుని ఎన్నో అవమానాలను పొందారాయన!! ఇక్కడ తల వెండ్రుకలు
అభిషేక జీవితమును సమర్పణా జీవితానికి సాదృశ్యం! ఒకవేళ నీవు నేను సమర్పణ జీవితాన్ని
అభిషేకాన్ని పోగొట్టుకుంటే మన జీవితాలు కూడా సాతాను చేతులలోనికి పోయి నాశనం కొని
తెచ్చుకుంటాము!
ఇక నాజీరు ద్రాక్షారసము గాని ద్రాక్షాపళ్లు గాని తినకూడదు! అనగా మత్తు
కలిగించే వాటిని తినరాడు త్రాగరాదు! అలాగే మనము కూడా మన జీవితాలను పాడుచేసే వాటిని
తినరాదు త్రాగరాదు! గమనించాలి మన దేహము దేవుని ద్వారా దయచేయబడిన ఆలయము! ఎవడు
దానిని పాడుచేస్తాడో వానిని దేవుడు పాడు చేస్తాడు అని వ్రాయబడింది! కాబట్టి
దేవునికి యిష్టము కానివి మన దేహముతో చేయకూడదు! మత్తు పదార్ధాలు మనము తీసుకోకూడదు!
ఇంకా నాజీరు చచ్చిన వాటిని ముట్టకూడదు! సంశోను అదే చేశారు! మాలినమై పోయాడు
ఆయన! మనము కూడా ఆధ్యాత్మికంగా చచ్చిన వారితో సాంగత్యము చేయకూడదు! మన ఆధ్యాత్మిక
జీవితం బలపడే వాటిని మాత్రమే చేయాలి! చావుకు లోనైనా ఈ లోకములో సత్య వాక్యము చేత
పట్టుకుని జ్యోతుల వలె వెలగాలి! వెలుగు కార్యాలు సజీవ కార్యాలు పరిశుద్ధ కార్యాలు
మాత్రమే చేయాలి!
అప్పుడే ఆయన తల వెండ్రుకలను పోలి ఉంటాము మనము!
దైవాశీస్సులు!!
గీతాలకు గీతము-పరమగీతము
108వ భాగము
అతని నేత్రములు నదీతీరములందుండు గువ్వలవలె కనబడుచున్నవి
పరమగీతము 5: 12. అతని నేత్రములు నదీతీరములందుండు గువ్వలవలె
కనబడుచున్నవి అవి పాలతో కడుగబడినట్టున్నవి అవి చక్కగా తాచిన రత్నములవలె ఉన్నవి.
ప్రియులారా! పరమగీతములను ధ్యానము చేస్తున్నాము.
ఇక
12వ వచనములో షూలమ్మితి అంటుంది అతని
నేత్రములు నదీతీరములందుండు గువ్వలవలె కనబడుచున్నవి అవి పాలతో కడుగబడినట్టున్నవి
అవి చక్కగా తాచిన రత్నములవలె ఉన్నవి..!!
(గతభాగం తరువాయి)
ప్రియుని యొక్క నేత్రములు:
యేసుక్రీస్తుప్రభులవారి
నేత్రములు నదీ తీరములో ఉండే గువ్వల వలె కనబడుచున్నవి అంటుంది ప్రియురాలు! గువ్వ
మరియు పావురము ఒకే జాతికి చెందినవి. గువ్వకన్నులు రోధనము చేసే కన్నులు! అనగా
ప్రభువు కన్నులు మొదటగా రోధనం చేసే కన్నులు! ప్రభువు కన్నులు రోధనం చేసే అవసరం
ఏముంది?
మొదటగా
ఆయనకన్నులు పాపము చూడలేనంత పరిశుద్ధమైనవి!
కారణం ఆయన పరిశుద్దుడు!! హబక్కూకు గారు ఇదే అంటున్నారు:
1: 13 నీ కనుదృష్టి దుష్టత్వము చూడలేనంత నిష్కళంకమైనది గదా; బాధించువారుచేయు
బాధను నీవు దృష్టింపజాలవు గదా; కపటులను నీవు చూచియు, దుర్మార్గులు తమకంటె ఎక్కువ నీతిపరులను నాశనము చేయగా నీవు చూచియు ఎందుకు
ఊరకున్నావు?
ఈ
వచనం ప్రకారం మొదటగా ఆయన ఎందుకు ఏడుస్తున్నారు
అంటే మానవుల దుష్టత్వము చూచి ఆయన కన్నులు రోధిస్తున్నారు! ఆయన ప్రజలను
పేదలను దీనులను వారి ఆక్రందనలను వారి బాధలను చూసి రోధిస్తున్నారు!
ఇంకా
కపటులను చూచి, దుర్మార్గులను చూచి రోధిస్తున్నారు! నీతిమంతులు అన్యాయంగా పడే బాధలను చూసి
ఆయన కన్నులు రోధిస్తున్నాయి!
ఇంకా
లోకములో గల పాపమును అపరిశుద్ధతను చూసి ఆయన కన్నులు రోధిస్తున్నాయి! కారణం ఆయన
పరిశుద్ధుడు గనుక పాపమును ఆయన ఓర్వలేరు! అందుకే లోకములో విస్తరించిన పాపము కోసం
రోధిస్తున్నారు!
సరే, ఇక ఆయన కన్నులు
లోకమంతటినీ చూస్తున్నాయి! ఆయన రోధనం చేయడమే కాదు అన్యాయమును సహించక శిక్షించుట
కోసం ఆయన కన్నులు లోకమంతా సంచారం చేస్తున్నాయి!
కీర్తన 11: 4 యెహోవా తన పరిశుద్ధాలయములో ఉన్నాడుయెహోవా
సింహాసనము ఆకాశమందున్నదిఆయన నరులను కన్నులార చూచుచున్నాడుతన కనుదృష్టిచేత ఆయన
వారిని పరిశీలించుచున్నాడు.
5 యెహోవా నీతిమంతులను పరిశీలించునుదుష్టులును
బలాత్కారాసక్తులును ఆయనకు అసహ్యులు,
17: నీ సన్నిధినుండి నాకు తీర్పు వచ్చునుగాక నీ కనుదృష్టి
న్యాయముగా చూచును.
కీర్తన 34: 15 యెహోవా దృష్టి నీతిమంతులమీద నున్నది. ఆయన
చెవులు వారి మొరలకు ఒగ్గియున్నవి.
ఇక ద్వితీ 11:లో అంటున్నారు 12 అది ఆకాశవర్షజలము త్రాగును.
అది నీ దేవుడైన యెహోవా లక్ష్యపెట్టు దేశము. నీ దేవు డైన యెహోవా కన్నులు సంవత్సరాది
మొదలుకొని సంవత్సరాంతమువరకు ఎల్లప్పుడు దానిమీద ఉండును.
సామెతలు 15: 3 యెహోవా కన్నులు ప్రతి స్థలముమీద నుండును
చెడ్డవారిని మంచివారిని అవి చూచుచుండును.
ఇంకా
ఎన్నెన్నో రిఫరెన్సులున్నాయి గాని ఆయన కన్నులు మన అందరినీ పరీక్షిస్తున్నాయి అనియు
భూలోకమంతా ఆయన కన్నులు సంచారం చేస్తున్నాయి అవి కీడును సహించవు అని తెలుసుకోడానికి
ఇవి చాలు!
అంతేకాదు ప్రభువు కన్నులు ఆయన బిడ్డలపై ఉన్నాయి ఎవరైతే ఆపదలో ఉంటూ బాధలలో
ఉంటూ ప్రభువా కాపాడవా అంటు ప్రార్ధిస్తారో తప్పకుండా ఆయన వారికి సహాయం చేయడానికి
వెంటనే వస్తారు! దానికోసం కూడా ఆయన కన్నులు ఆయన బిడ్డలను చూస్తున్నాయి! ఉదాహరణకు
తన బిడ్డలు అపాయంలో ఉన్నట్లు గ్రహించిన దేవుడు మార్కు 6:45 లో ఆయన నీటిపై
నడుచుకుంటూ వచ్చి వారిని ఆపదలో నుండి కాపాడారు!!! కాబట్టి ఈ జీవితయాత్రలో లోకమనే
సముద్రంలో నీవెంత బాధపడుచున్నా నీవెంట ఒకరున్నారని మర్చిపోకూ! ఆయన కన్నులు నిన్ను
చూస్తున్నాయి! తన బిడ్డలకు ఎల్లప్పుడూ సహాయం చేయడానికి ఆయన నేత్రములు భూలోకమంతా
సంచారం చేస్తున్నాయి!
ఇక ఇదే వచనంలో ఆయన కన్నులు అవి పాలతో కడుగబడినట్టున్నవి అవి చక్కగా తాచిన
రత్నములవలె ఉన్నవి అంటుంది షూలమ్మితి! రత్నములు అనేకములు ఎర్రగా ఉంటాయి! ఆయన
కన్నులు ఎందుకు ఎర్రబడ్డాయి అంటే మొదటగా తన బిడ్డలు అనుభవిస్తున్న శ్రమలు శోధనలు
చూసి! ఒకరోజు ఆయన వారికి తీర్పు తీర్చడానికి రౌదరుడై రాబోతున్నట్లు మనము చూడగలము!
రెండవదిగా ఆయన లోకములో దుష్టత్వము
ను పాపమును చూసి కోపముతో రగిలిపోతున్నారు! అయితే అందరూ అంతటా మారుమనస్సు పొందాలని
వేచిచూస్తున్నారు! అందుకే ఆయన కన్నులు ఎర్రబడ్డాయి!
ప్రియ
దేవుని బిడ్డా నీవు దేవుని కరుణకు పాత్రుడుగా ఉండాలని అనుకుంటున్నావో లేక ఉగ్రతకు
పాత్రుడుగా ఉండాలని అనుకుంటున్నావో నీవే తేల్చుకో! కృపకు పాత్రుడుగా ఉండాలంటే
ఆయనకు కోపం కలిగించే కార్యాలు మాని పశ్చాత్తాప పడి ఆయాన కరుణ కోసం ప్రార్ధించి
ఆయనతో సమాధాన పడు! అలా కాకుండా నే పాపములో ఇంకా కొనసాగితే ఒకరోజు నీవు మండే అగ్ని
గుండంలో పడతావు అని మర్చిపోకూ!!!
దైవాశీస్సులు!
గీతాలకు గీతము-పరమగీతము
109వ భాగము
అతని చెక్కిళ్లు పరిమళ పుష్పస్థానములు సుగంధవృక్షములచేత
శోభిల్లు ఉన్నత భూభాగములు
పరమగీతము 5: 13 అతని చెక్కిళ్లు పరిమళ పుష్పస్థానములు
సుగంధవృక్షములచేత శోభిల్లు ఉన్నత భూభాగ ములు అతని పెదవులు పద్మములవంటివి ద్రవరూపక
జటామాంసివలె అవి పరిమళించును.
ప్రియులారా! పరమగీతములను ధ్యానము చేస్తున్నాము.
ఇక
13వ వచనములో షూలమ్మితి అంటుంది అతని చెక్కిళ్లు పరిమళ పుష్పస్థానములు
సుగంధవృక్షములచేత శోభిల్లు ఉన్నత భూభాగ ములు అతని పెదవులు పద్మములవంటివి ద్రవరూపక
జటామాంసివలె అవి పరిమళించును...!!
చెక్కిళ్లు అనగా బుగ్గలు! ఇవి మనిషికి ఎంతో అందమును
తీసుకుని వస్తాయి! ప్రియుని చెక్కిళ్లు
పరిమళ పుష్ప స్థానములు అంటూ ఇంకా అంటుంది సుగంధవృక్షములచేత శోభిల్లు ఉన్నత భూభాగ
ములు..!
ఆయన
చెక్కిళ్లు అనగా బుగ్గలు సుగంధ వృక్షములలో పరిమళ పుష్పములు ఉన్న విధముగా తాకాలంటే
అంత సున్నితముగా కనిపిస్తున్నది.
సరే, ఇంత అందమైన సుందరమైన
నునుపైన సున్నితమైన ఆయన బుగ్గలు మన పాపముల నిమిత్తము కొట్టబడ్డాయి! విలాపవాక్యములు
3లో అంటున్నారు 30 అతడు తన్ను కొట్టువానితట్టు తన
చెంపను త్రిప్ప వలెను. అతడు నిందతో నింపబడవలెను. నిజంగా అదే జరిగింది
కదా ఆయన చనిపోయే ముందు- తీర్పు సమయంలో!!!
ఇక
మీకా 5:1 లో చెపబడినట్లు ఇశ్రాయేలు అధిపతిని చెంపమీద కర్రతో కొట్టారు! 1 అయితే సమూహములుగా కూడుదానా, సమూహ
ములుగా కూడుము; శత్రువులు మన పట్టణము ముట్టడి వేయుచున్నారు,
వారు ఇశ్రాయేలీయుల న్యాయాధిపతిని కఱ్ఱతో చెంపమీద కొట్టుచున్నారు.
మార్కు 14:65 లోచూసుకున్నా యోహాను 18:22 లో చూసుకున్నా
యేసుక్రీస్తుప్రభులవారు కొత్తువారికి తన చెంపలను పేరుకువారికి తన గడ్డమును
అప్పగించారు!
మార్కు:14:65 కొందరు ఆయనమీద ఉమి్మవేసి ఆయన ముఖమునకు
ముసుకువేసి, ఆయనను గుద్దుచుప్రవచింపుమని ఆయనతో చెప్పసాగిరి.
బంట్రౌతులును ఆయనను అరచేతులతో కొట్టి పట్టుకొనిరి.
యోహాను 18: 22 ఆయన ఈ మాటలు చెప్పినప్పుడు దగ్గర నిలిచియున్న
బంట్రౌతులలొఒకడుప్రధానయాజకునికి ఈలాగు ఉత్తరమిచ్చు చున్నావా అని చెప్పి యేసును
అరచేతులతో కొట్టెను.
చివరికి
ఆయన పడిన హింసలకు ఆయనకు సురూపమైనను సొగసైనను లేకుండా పోయింది!
యెషయా 53: 2 లేతమొక్కవలెను ఎండిన భూమిలో మొలిచిన మొక్కవలెను
అతడు ఆయనయెదుట పెరిగెను. అతనికి సురూపమైనను సొగసైనను లేదు మనమతని చూచి, అపేక్షించునట్లుగా
అతనియందు సురూపము లేదు.
3 అతడు తృణీకరింపబడినవాడును ఆయెను మనుష్యులవలన
విసర్జింపబడినవాడును వ్యసనాక్రాంతుడుగాను వ్యాధి ననుభవించినవాడు గాను మనుష్యులు
చూడనొల్లనివాడుగాను ఉండెను. అతడు తృణీకరింపబడినవాడు గనుక మనము అతనిని
ఎన్నికచేయకపోతివిు.
4 నిశ్చయముగా అతడు మన రోగములను భరించెను మన వ్యసనములను
వహించెను అయినను మొత్తబడినవానిగాను దేవునివలన బాధింపబడినవానిగాను
శ్రమనొందినవానిగాను మనమతనిని ఎంచితివిు.
5 మన యతిక్రమక్రియలనుబట్టి అతడు గాయపరచ బడెను మన దోషములనుబట్టి
నలుగగొట్టబడెను మన సమాధానార్థమైన శిక్ష అతనిమీద పడెను అతడు పొందిన దెబ్బలచేత మనకు
స్వస్థత కలుగు చున్నది.
7 అతడు దౌర్జన్యము నొందెను బాధింపబడినను అతడు నోరు తెరవలేదు
వధకు తేబడు గొఱ్ఱపిల్లయు బొచ్చు కత్తిరించువానియెదుట గొఱ్ఱయు మౌనముగా నుండునట్లు
అతడు నోరు తెరువలేదు.
8 అన్యాయపు తీర్పునొందినవాడై అతడు కొనిపోబడెను అతడు నా జనుల
యతిక్రమమునుబట్టి మొత్తబడెను గదా. సజీవుల భూమిలోనుండి అతడు కొట్టివేయబడెను అయినను
అతని తరమువారిలో ఈ సంగతి ఆలో చించినవారెవరు?
ఇంతగా
ఆయన మనకోసం బాధించబడ్డారు! ఆయన దివ్య సుందర రూపము ఇప్పుడు మనుష్యులు
పోల్చుకోలేనంతగా మారిపోయింది! మాంసపు ముద్దగా మారిపోయింది! ఆయన మనకోసం చనిపోయారు!
తిరిగి లేచారు! ఇప్పుడు ఆయన ఆనంద తైలముతో అభిషేకించబడిన చెంపలు లేక బుగ్గలు కలిగి
సువాసనలు వెదజల్లుచు అన్నినామముల కంటే పై నామమును పొందుకుని ఆ పరలోక మహిమతో దివ్య
శోభితముగా వెలుగుచున్నాడు మన ప్రియుడు! ప్రతిష్టత తైలము సుగంధ వృక్షముల నుండి
తయారు చేయబడిన తైలము ఆయన తలమీద పోయబడగా అది ఆయన చెక్కిళ్ళపై నుండి పరిమలిస్తుంది!
దానినే ప్రియురాలు షూలమ్మితి చూసి పరవశించి చెబుతుంది ఈ మాటలు!
దైవాశీస్సులు!!
గీతాలకు గీతము-పరమగీతము
110వ భాగము
అతని పెదవులు పద్మములవంటివి ద్రవరూపక జటామాంసివలె అవి
పరిమళించును
పరమగీతము 5: 13 అతని చెక్కిళ్లు పరిమళ పుష్పస్థానములు
సుగంధవృక్షములచేత శోభిల్లు ఉన్నత భూభాగ ములు అతని పెదవులు పద్మములవంటివి ద్రవరూపక
జటామాంసివలె అవి పరిమళించును.
ప్రియులారా! పరమగీతములను ధ్యానము చేస్తున్నాము.
ఇక
13వ వచనములో షూలమ్మితి అంటుంది అతని
చెక్కిళ్లు పరిమళ పుష్పస్థానములు సుగంధవృక్షములచేత శోభిల్లు ఉన్నత భూభాగ ములు అతని
పెదవులు పద్మములవంటివి ద్రవరూపక జటామాంసివలె అవి పరిమళించును...!!
ప్రియుని పెదవులు:
ప్రభుని
పెదవులు పద్మములు అనగా పువ్వుల వంటివి అంటూ వర్ణిస్తుంది షూలమ్మితి! అనగా పద్మములు
ఎంత అందంగా ఉంటాయో అలాంటి సౌందర్యవంతమైనా పెదవులు ఆయనవి!
ఇంకా
పెదవులు తెల్లగా ఉండేవి కూడా ఉన్నవి అనగా ఆయన పెదవులు పరిశుద్ధమైనవి కూడా!
యెషయా
50:4 లో మనము ప్రభువు పెదవులను గమనిస్తాము! అవి అలసిన వారిని ఊరదించే మాటలు గలవి!
4 అలసినవానిని మాటలచేత ఊరడించు జ్ఞానము నాకు కలుగునట్లు శిష్యునికి తగిన నోరు
యెహోవా నాకు దయచేసి యున్నాడు శిష్యులువినునట్లుగా నేను వినుటకై ఆయన ప్రతి యుదయమున
నాకు విను బుద్ధి పుట్టించుచున్నాడు.
ఆయన
పెదవుల నోట నుండి వచ్చే మాటలు ఎంతో ఆదరణ కలిగిస్తాయి ఇంకా అవి శ్రేష్టమైనవి మరియు
జనానమైనవి కూడా!
ఇంకా
కీర్తన 45:2 లో ఆయన పెదవుల నుండి దయారసం కారుతుంది అంటున్నారు! 2. నరులకంటె నీవు అతిసుందరుడవై యున్నావు నీ పెదవులమీద
దయారసము పోయబడియున్నది కావున దేవుడు నిత్యము నిన్ను ఆశీర్వదించును
యేసుప్రభువు
భూమిపై నివసించినప్పుడు ఆయన అందం శరీర సంబంధమైనది కాదు (యెషయా 53:2-3, ). అది ఆధ్యాత్మికం.
ఆయన పెదవులపై దయ పోయబడింది అని లూకా 4:2లో చూడగలము: , 22 అప్పుడందరును ఆయననుగూర్చి సాక్ష్యమిచ్చుచు, ఆయన నోటనుండి వచ్చిన దయగల మాటల కాశ్చర్యపడి
ఈయన యోసేపు కుమారుడు కాడా? అని చెప్పుకొనుచుండగా
ఆయనకు నీతిన్యాయాలంటే ఎంతో ఇష్టం, దుర్మార్గత అంటే
ఎంతో అసహ్యం . అందువల్ల తండ్రి అయిన దేవుడు ఆయనకు శాశ్వత దీవెనలనిచ్చాడు.
యోహాను 7:46
7:46 - ఆ బంట్రౌతులు ఆ మనుష్యుడు మాటలాడినట్లు ఎవడును
ఎన్నడును మాటలాడలేదనిరి.
హెబ్రీయులకు 1:3-4
1:3 - ఆయన దేవుని మహిమ యొక్క తేజస్సును, ఆయన
తత్వముయొక్క మూర్తి మంతమునైయుండి, తన మహత్తుగల మాటచేత
సమస్తమును నిర్వహించుచు, పాపముల విషయములో శుద్ధీకరణము తానే
చేసి, దేవదూతలకంటె ఎంత శ్రేష్ఠమైన నామము పొందెనో వారికంటె
అంత శ్రేష్ఠుడై, ఉన్నత లోక
1:4 - ఉన్నత లోకమందు మహామహుడగు దేవుని కుడిపార్శ్వమున
కూర్చుం డెను.
ప్రకటన
గ్రంధం మొదటి అధ్యాయంలో ఆయన యొక్క రూపము వివరించబడినది! ప్రియులారా ఇది భూమిమీద
ఉన్నప్పటిది కాదు! రెండో రాకడలో పరలోకములో ఆయన రూపము
ప్రకటన గ్రంథం 1:13-18
1:13 - తిరుగగా ఏడు సువర్ణ దీపస్తంభములను, ఆ
దీపస్తంభములమధ్యను మనుష్యకుమారునిపోలిన యొకనిని చూచితిని. ఆయన తన పాదములమట్టునకు
దిగుచున్న వస్త్రము ధరించుకొని రొమ్మునకు బంగారుదట్టి కట్టుకొనియుండెను.
1:14 - ఆయన తలయు తలవెండ్రుకలును తెల్లని ఉన్నిని పోలినవై
హిమమంత ధవళముగా ఉండెను. ఆయన నేత్రములు అగ్ని జ్వాలవలె ఉండెను;
1:15 - ఆయన పాదములు కొలిమిలో పుటము వేయబడి మెరయుచున్న
అపరంజితో సమానమై యుండెను; ఆయన కంఠస్వరము విస్తార జలప్రవాహముల
ధ్వనివలె ఉండెను.
1:16 - ఆయన తన కుడిచేత ఏడు నక్షత్రములు పట్టుకొనియుండెను; ఆయన
నోటినుండి రెండంచులుగల వాడియైన ఖడ్గమొకటి బయలు వెడలుచుండెను; ఆయన ముఖము మహా తేజస్సుతో ప్రకాశించుచున్న సూర్యునివలె ఉండెను.
1:17 - నేనాయనను చూడగానే చచ్చినవానివలె ఆయన పాదముల యొద్ద
పడితిని. ఆయన తన కుడిచేతిని నామీద ఉంచి నాతో ఇట్లనెను భయపడకుము;
1:18 - నేను మొదటివాడను కడపటివాడను జీవించువాడను; మృతుడనైతిని
గాని ఇదిగో యుగయుగములు సజీవుడనైయున్నాను. మరియు మరణముయొక్కయు పాతాళ లోకము యొక్కయు
తాళపుచెవులు నా స్వాధీనములో ఉన్నవి.
ఇక
2 కోరింథీ 12:9 లో అంటున్నారు ఆయన పెదవుల నుండి కృప కూడా దొరుకుతుంది!
ఇన్ని
ఘనమైన లక్షణాలు ఉన్నాయి కనుకనే ఇక్కడ షూలమ్మితి అంటుంది అతని పెదవులు పద్మముల
వంటివి!
మరి
నీ పెదవులు కూడా అలాంటివి కావాలని ప్రభువు ఆశిస్తున్నారు!
దైవాశీస్సులు!!!
గీతాలకు గీతము-పరమగీతము
111వ భాగము
అతని కరములు తార్షీషు రత్నభూషితమైన స్వర్ణగోళమువలె ఉన్నవి
పరమగీతము 5: 14 అతని కరములు తార్షీషు రత్నభూషితమైన
స్వర్ణగోళమువలె ఉన్నవి అతని కాయము నీలరత్నఖచితమైన విచిత్రమగు దంతపుపనిగా
కనబడుచున్నది.
ప్రియులారా! పరమగీతములను ధ్యానము చేస్తున్నాము.
దేవునిలో ఉండే పడి లక్షణాలు ధ్యానం చేస్తున్నాము!
ఇక
14వ వచనములో షూలమ్మితి అంటుంది అతని కరములు తార్షీషు రత్నభూషితమైన
స్వర్ణగోళమువలె ఉన్నవి అతని కాయము నీలరత్నఖచితమైన విచిత్రమగు దంతపుపనిగా
కనబడుచున్నది....!!
ప్రియుని పెదవులు:
అతని కరములు తార్షీషు రత్నభూషితమైన స్వర్ణగోళమువలె ఉన్నవి
కరములు అనగా చేతులు! అవి తరశీసు దేశంలో తయారయ్యే రత్నాలు పొదిగిన స్వర్ణ
గోళములు వలె ఉన్నాయట! తార్షీషు వారు తమ చేతులకు ప్రపంచ ప్రసిద్ధి చెందిన రత్నములతో
గోళముగా చేసుకొని కడియములు
ధరించేవారు. ఆ విధముగా ఆయన చేతులు
స్వర్ణ గోళములవలె రత్నములతో అలంకరింపబడి కనిపిస్తున్నారు.
అయితే ప్రియులారా! ప్రయాసపడి భారమును మోసుకును సమస్తమైన జనులారా నా
యొద్దకు రండి నేను మీకు విశ్రాంతిని ఇస్తాను అని చేతులు చాపి పిలిచిన ఈ చేతులే
మేకులు గుచ్చబడి సిలువమీద వ్రేలాడినప్పుడు ఎంతో నొప్పిగా విలవిలాలాడుతూ గడిపాయి!
క్రీస్తు ప్రభుని శరీర బారమంతా ఈ చేతులే భరించాయి! మన పాపముల నిమిత్తం ఆ చేతులు
మేకులచే ఇంకా చెప్పాలంటే ఏడు అంగుళాలు పొడవున్న వాసం మేకులచే పొడువబడ్డాయి!!!
అనేక వేలమందిని ప్రేమతో తాకి వారిని శుద్ధి చేసిన చేతులలో మేకులు! కుష్టు
రోగిని నాకిష్టమే శుద్ధుడవు కామము అంటూ తాకి శుద్ధి చేసిన ఈ చేతులలోనే మేకులు
కొట్టారు!
చిన్న బిడ్డలను ప్రేమించి ఎత్తుకున్న ఇదే చేతులకు ఘోరమైన చీలమేకులు
కొట్టారు!
చిన్నదానా లెమ్మని నీతో చెప్పుచున్నాను అని చెప్పి తాకిన ఈ చేతులు ఆరోజు
సిలువపై మేకులు కొట్టించుకుని వ్రేలాడుతున్నాయి!
చివరికి ఆయన పునరుత్థానము చెందాక ఆయన చేతులలో మేకులు గుర్తులు ఇంకా
పోలేదు! ఆయన ప్రక్కలో బల్లెపూ పోటు గాయములు గురుతులు పోలేదు!
అయితే ఇప్పుడు ప్రభువు చేతులు మహిమలో ఉన్నాయి! తరశీసులో ఉండే రత్నముల చేత
అలంకరించ బడ్డాయి! అవి గోళపు ఆకారములో ఉంది పాపులను ఆయన బిడ్డలను కౌగలించు
కుంటున్నాయి! అలా ప్రజలకు నిత్యజీవము దాయచేశారు! స్వర్ణ గోళముల వలె ఉన్న ఆయన
చేతులలో నుండి ఎవరూ ఆయన గొర్రెలను ఇప్పుడు అపహరించలేదు! ఇప్పుడు లోబదనోళ్లని
పిల్లలకోసం ఆయన చేతులు దినామెల్ల చాపబడి ఉన్నాయి! యెషయా
65: 2 తమ ఆలోచనల ననుసరించి చెడుమార్గమున నడచు కొనుచు లోబడనొల్లని ప్రజలవైపు
దినమంతయు నా చేతులు చాపుచున్నాను.
మరలా ఇప్పుడు ఆయన పిలుస్తున్నారు మత్తయి 11: 28 ప్రయాసపడి
భారము మోసికొనుచున్న సమస్త జను లారా, నా యొద్దకు రండి; నేను మీకు విశ్రాంతి కలుగ జేతును.
ఆదికాండం 49:24 ప్రకారం ఆయన చేతులు చాపి మనలను
కాపాడుతున్నారు 24 యాకోబు కొలుచు పరాక్రమశాలియైనవాని హస్తబలమువలన అతని విల్లు
బలమైనదగును. ఇశ్రాయేలునకు బండయు మేపెడివాడును ఆయనే. నీకు సహాయము చేయు నీ తండ్రి
దేవునివలనను పైనుండి మింటి దీవెనలతోను..
మరి
ఇప్పుడు ఆయన వైపు నీ చేతులు చాపి ప్రార్ధన చేస్తావా? ఆయన వైపుకు నీవు తిరుగుతావా?
సాయంకాలం
చేతులెత్తుట నైవేద్యము అంటున్నారు దావీదు గారు!
ఆయన
తన చేతులు చాపి పిలుస్తుండగా మరి ఆయన వైపుకి పరుగెత్తి ఆయన కౌగిలిలో కరిగి పోతావా>
ఆయన
అంటున్నారు నా కాడి సులువు మరియు తేలిక! నా వద్దకు రండి!
నేడే
నిన్ను ఆయన తన వద్దకు పిలుస్తున్నారు!
దైవాశీస్సులు!!
గీతాలకు గీతము-పరమగీతము
112వ భాగము
అతని కాయము నీలరత్నఖచితమైన విచిత్రమగు దంతపుపనిగా
కనబడుచున్నది
పరమగీతము 5:14 అతని కరములు తార్షీషు రత్నభూషితమైన
స్వర్ణగోళమువలె ఉన్నవి అతని కాయము నీలరత్నఖచితమైన విచిత్రమగు దంతపుపనిగా
కనబడుచున్నది.
ప్రియులారా! పరమగీతములను ధ్యానము చేస్తున్నాము.
ఇక
14వ వచనములో షూలమ్మితి అంటుంది అతని కాయము నీలరత్నఖచితమైన విచిత్రమగు
దంతపుపనిగా కనబడుచున్నది...!!
ప్రియుని దేహము:
కాయము అనగా శరీరము లేక దేహము!!! ఇప్పుడు ప్రియుని దేహము నీల
రత్న ఖచ్చితమైన విచిత్రమగు దంతపు పనిగా కనబడుచున్నది అంటుంది ప్రియురాలైన
షూలమ్మితి!!!
నా ప్రియుడు దవళవర్ణుడు రత్నవర్ణుడు పదివేల మందిలో గుర్తించ వచ్చును! అతని
చేతులు ఇలా కాళ్ళు ఇలా అంటూ వివరిస్తున్న షూలమ్మితి ఇప్పుడు దేహము కోసం
వివరిస్తుంది అనగా టోటల్ అతని దేహము ఎలా ఉంది అంటే నీలరత్నఖచితమైన విచిత్రమగు
దంతపుపనిగా కనబడుచున్నది. నీలము అనేది గొప్ప విలువగల రత్నము! ఇది నీలం రంగులో ఎంతో
అందంగా ఉంటుంది! నీలం రంగులో అతని శరీరం ఎందుకు మారిపోయింది అంటే రాత్రంతా కొట్టిన
దెబ్బలకు అవమానాలకు అతని దేహము వాచిపోయి నీలము రంగులోనికి మారిపోయింది! ఇంకా
రత్నములతో ఉంది అనగా మెరిసిపోయే గుణము ఉంది! ఆయన మహిమ గలవాడు! ఆ రూపాంతర కొండమీద
ఆయన రూపము మారిపోయింది! దానిని అతని శిష్యులు ముగ్గురు చూశారు! నిర్గమ కాండములో
మోషే గారు ఆ ప్రభావమును చూడలేక పోయారు! ఆయన చుట్టూ అగ్ని మండుచున్నది ఆయన చుట్టూ
ప్రచండవాయువు విసరుచున్నది అంటున్నారు కీర్తనల గ్రంధంలో! ప్రకటన గ్రంధములో మొదటి అధ్యాయములో ఇంకా వివరంగా చూడవచ్చు ఆయన
మహిమను మరియు ప్రభావమును! గతభాగంలో వివరంగా చూసుకున్నాము దీనిని!
అయితే
మూల భాషలో కాయము అనగా పొట్ట మరియు అంతరిందరియములు అని కూడా వస్తుంది. ఆ
అంతరిందరియములలో ప్రేమ దయ కృప నిలిచి ఉన్నాయి ప్రభువులో!
యిర్మీయా
31:20 లో దేవుని కరుణ కనిపిస్తుంది మనకు 20
ఎఫ్రాయిము నా కిష్టమైన కుమారుడా? నాకు ముద్దు బిడ్డా? నేనతనికి విరోధముగ మాటలాడునప్పుడెల్ల అతని జ్ఞాపకము నన్ను విడువకున్నది,
అతనిగూర్చి నా కడుపులో చాలా వేదనగా నున్నది, తప్పక
నేనతని కరుణింతును; ఇదే యెహోవా వాక్కు.
దీనిని
బట్టి ఆయన కరుణ గలవాదని కృప గలవాడని జాలి గలవాడని గ్రహించవచ్చు! అంత భయంకరమైన
శ్రమలలో ఆ సిలువ మీద ప్రభువు అంటున్నారు తండ్రీ వీరేమి చేయుచున్నారో వీరికి
తెలియదు గనుక వీరిని క్షమించమని పలికి క్షమాపణ ప్రేమ కరుణ జాలి చూపించారు ఆయన!
మత్తయి 9:36 లో తన మందమీద జాలి చూపిస్తున్నట్లు చూడగలము! 36
ఆయన సమూహములను చూచి, వారు కాపరిలేని గొఱ్ఱల వలె విసికి చెదరియున్నందున
వారిమీద కనికరపడి. . . . .
లూకా
10:34 లో చూసుకుంటే అక్కడ ఒక యాత్రికుని
మీద జాలి చూపిస్తున్నారు 34 అతనిని చూచి, అతనిమీద
జాలిపడి, దగ్గరకుపోయి, నూనెయు
ద్రాక్షారసమును పోసి అతని గాయములను కట్టి, తన వాహనముమీద
ఎక్కించి యొక పూటకూళ్లవాని యింటికి తీసికొనిపోయి అతని . . . . . . .
రోమా 9:15 లో ఆయన కరుణించే వాడుగా కనిపిస్తున్నారు! 15
అందుకు మోషేతో ఈలాగు చెప్పుచున్నాడుఎవనిని కరుణింతునో వానిని కరుణింతును; ఎవనియెడల
జాలి చూపుదునో వానియెడల జాలి చూపుదును.
కీర్తన 102:13 లో ప్రభువు సీయోను ని కరుణించేను అని
చూడగలము! కాబట్టి దేవునిలో ప్రేమ జాలి దయ కృప కనికరం అన్నీ ఇమిడి ఉన్నాయి అని
అర్ధమవుతుంది!
ఇంకా
అది విచిత్రమగు దంతపు పనిగా కనిపిస్తుంది అంటుంది షూలమ్మితి! ఇక దంతము కోసం
చూసుకుంటే దంతపు పని అనగా ఏనుగు దంతములతో
చేసిన విలువైన వస్తువు! ఇవి తెలుపు రంగులో ఉంటాయి! దూరము నుండి ఆకర్షిస్తాయి! అనగా ఆయన మంచితనము
ఆయన యొక్క గొప్పతనము ఎంతో మందిని ఆకర్షిస్తాయి!
అయితే
దంతము యేసుక్రీస్తుప్రభులవారి మరణమునకు సాదృశ్యముగా కనిపిస్తుంది మనకు! ఏనుగులను
హింసించి లేక చంపి దంతములను సేకరిస్తారు వారు! ఈ విధంగా ప్రభువు యొక్క దేహము
మరణించి సమాధి చేయబడింది! కాబట్టి దంతము అనగా ఆయన పొందిన శ్రమలను సూచిస్తుంది!
ఏనుగు బ్రతికి ఉండగా దంతమును కోసి తీస్తే అది ఎంతో బాధపడుతుంది ఆదేవిధముగా
క్రీశతుప్రభువు మనకోసం ఎన్నో శ్రమలను ఇక్కట్లను పొందారు!
జాలిగాల
దేవునికి జాలి చూపించేవారే లేకపోయారు!ప్రేమ గల ఆయనకు ప్రేమించేవారు లేక పోయారు
ఆదినమున! మరి నీవు ఆయన బిడ్డవాని చెప్పుకుని తిరుగుతున్నావు కనుక ఆయన యొక్క ప్రేమ
జాలి కరుణ దయ కృప నీలో కనిపిస్తున్నాయా?
దైవాశీస్సులు!!!
గీతాలకు గీతము-పరమగీతము
113వ భాగము
అతని కాళ్లు మేలిమిబంగారు మట్లయందు నిలిపిన చలువరాతి
స్తంభములవలె ఉన్నవి
పరమగీతము 5: 15
అతని కాళ్లు మేలిమిబంగారు మట్లయందు నిలిపిన చలువరాతి స్తంభములవలె ఉన్నవి.
అతని వైఖరి లెబానోను పర్వతతుల్యము అది దేవదారు వృక్షములంత ప్రసిద్ధము
ప్రియులారా! పరమగీతములను ధ్యానము చేస్తున్నాము.
ఇక
15వ వచనములో షూలమ్మితి అంటుంది అతని
కాళ్లు మేలిమిబంగారు మట్లయందు నిలిపిన చలువరాతి స్తంభములవలె ఉన్నవి. అతని వైఖరి
లెబానోను పర్వతతుల్యము అది దేవదారు వృక్షములంత ప్రసిద్ధము...!!
ప్రియులారా!
షూలమ్మితి ప్రభువు యొక్క తల నుండి వర్ణించడం మొదలుపెట్టి ఇప్పుడు కాళ్ళ వరకు
వచ్చింది!
ఇక్కడ
షూలమ్మితి ప్రభువు కాళ్ళను చలువరాతి స్తంభములతో పొలుస్తుంది! అతని మట్ల యందు అనగా
పాదముల క్రింద చలువరాతి వంటి జోడులు అనగా చెప్పులు ఉన్నట్లుగా చెప్పుచున్నది.
చలువరాయి
స్థిరత్వము నకు సూచన మరియు శక్తికి సూచన! ఆదేవిధముగా ప్రభువైన ఏసుక్రీస్తు కాళ్ళు
ఉన్నతమైన పరలోకములో స్థిరంగా బలంగా నిలిచి ఉన్నాయి అని దీని అర్ధము!
యెషయా
33:6 లో ఆయన స్థిరత్వము గలవాదని మనం నేర్చుకున్నాము! గాని మానవుని జీవితం
అస్థిరమైనది! ఈ చలువరాతి స్తంభములు బంగారు మెట్ల యందు నిలువబడి ఉన్నాయి! ఇచ్చట
బంగారు మెట్లు అనగా దేవుని నీతిని తెలియజేస్తున్నాయి! అనగా ఆయన నీతి అనే బలమైన
మెట్ల మీద నిలబడి ఉన్నారు! అందుకే కీర్తన 9:8లో
నీతిని బట్టి లోకమునకు ఆయన తీర్పు తీర్చును అంటున్నారు!
11:7 లో దేవుడు నీతిమంతుడు ఇంకా నీతిని ప్రేమించేవాడు
అంటున్నారు!
33:5 లో ఆయన నీతిని న్యాయమును ప్రేమించు చున్నాడు
అంటున్నారు
45:7 లో నీతిని ప్రేమించి భక్తిహీనతను ద్వేషించే వాడవు
అంటున్నారు!
65:5 లో అదే నీతిని బట్టి భీకర కార్యములు చేస్తున్నావు
అంటున్నారు
72:7 లో నీతిని బట్టి ప్రజలకు న్యాయము తీరుస్తున్నావు
అంటున్నారు!
94:15 లో నీతిని స్థాపించ డానికి న్యాయపు తీర్పు
తీరుస్తున్నావు అంటున్నారు!
చివరకు 97:6 లో ఆకాశము కూడా ఆయన నీతిని తెలియజేస్తుంది
అంటున్నారు!
ఇంకా
బైబిల్ మొత్తం ఆయన నీతిమంతుడని నీతిని ప్రేమిస్తూ నీతినే జరిగించువాడని అన్యాయమును
ద్వేషించు వాడని చెబుతుంది!
కాబట్టి
ఆయన అడుగులు నీతి మీద ఉన్నాయి!
మనము
కూడా నీతిమంతులుగానే ఉండాలని ఆయన కోరుకుంటున్నారు!
ఇక
ఆయన కాళ్ళు కోసం మరింత ధ్యానం చేస్తే ఆయన ఉదయమంతా నీతిని స్థాపించడానికి
బోధించడానికి ఊరూరా తిరిగేవి! రాత్రంతా తండ్రి చిత్తము జరిగేలా ప్రార్ధన కోసం
మోకరించేవి!
ఒకరోజు ఆయన కపెరనహోము లో సువార్త ప్రకటన చేసి స్వస్థత కార్యాలు సూచక క్రియలు
చేసి అలసిపోయారు! గాని ఆ రాత్రి నిద్రపోలేదు! ఆ రాత్రంతా నడుస్తూనే ఉన్నారు!
ఎందుకో శిష్యులకు అర్ధం కాలేదు! ఆయనతో పాటుగా నడిచారు! ఉదయానికి నాయీను అనే గ్రామం
చేరుకున్నారు! రెండు గ్రామాల మధ్య దూరము 53.2 కి. మీ. నడిచి రావాలంటే కనీసం 11.5 గంటలు పడుతుంది! గాని
ఆయన రాత్రంతా నడిచే వచ్చారు! ఎందుకంటే అక్కడ ఒక పేద విధవరాలు ఉంది! ఆమెకు ఒక్కడే
కుమారుడు! ఆ కుమారుడు జబ్బు పది చనిపోయాడు! ఆ రాత్రంతా ఆ విధవరాలు ఏడుస్తూనే ఉంది
ఆ రోధనం ఎవరికీ వినబడలేదు! కానీ యేసుక్రీస్తుప్రభులవారికి వినబడింది ఆ ఆర్తనాదం!
అందుకే ఉదయం ఎనిమిది అయితే ఆ వ్యక్తిని వారు సమాధి చేసేస్తారు! ఇంకా సమాధిలో
పెట్టకముందే ఆ విధవరాలి కన్నీరు తుడవాలని రాత్రంతా నడిచారు నా దేవుడు! ఇదీ ఆయన
కాళ్ళు నడిచే తీరు! ఇదీ ఆయన మనస్సు! ఇలా ఆయన తన మూడున్నర సంవత్సరముల సువార్త
పరిచర్య మొత్తం నడుస్తూనే సువార్త చేశారు! సువార్త కోసం నశించిపోయే ఆత్మల కోసం ఆయన
కాళ్ళు నడిచాయి పరుగెత్తాయి!
ప్రియ
విశ్వసి నీ కాళ్ళు సువార్త కోసం నడుస్తున్నాయా? పరుగెత్తు తున్నాయా>
అన్యాయమేమిటంటే
మా గ్రామాలలో ఇప్పుడు ఆటోలు పంపితేగాని సువార్త కూటములకు రావడం లేదు! ఆదివారం
ఆరాధనకు కూడా పాస్టర్ గారు ఆటో పంపితేనే కరుణించి వస్తున్నారు మందిరానికి! ఎంత
అన్యాయం! గాని దేవుడు నడుస్తూనే సువార్త పరిచర్య చేశారు! ఈనాడు దైవ సేవకులకు కూడా
కారు పంపించాలి కొందరు ప్రసంగీకులకు! ఇదే నా ప్రభువుకు- నేడు విశ్వాసులకు తేడా!
దేవునికి స్తోత్రం- దేవుని కృప వలన నా కాళ్ళు వందల వేల కిమీ లు సేవకోశం నడిచాయి!
అందుకే దేవుడు నన్ను ఈ స్థితిలో పెట్టారు! అందుకే నేను దేవునికి ఎంతో కృతజ్నత
కలిగి ఉంటాను!
మరి
నీవు ప్రభువు సువార్త కోసం నడవడానికి సిద్దామా??
ఆయన
నీతి అనే మెట్లు మీద నిలబడినట్లు నీవు నీతి పై నిలిచి నీతిగా జీవించడానికి సిద్దమా???
దైవాశీస్సులు!!!
గీతాలకు గీతము-పరమగీతము
114వ భాగము
అతని వైఖరి లెబానోను పర్వతతుల్యము అది దేవదారు వృక్షములంత
ప్రసిద్ధము
పరమగీతము 5: 15
అతని కాళ్లు మేలిమిబంగారు మట్లయందు నిలిపిన చలువరాతి స్తంభములవలె ఉన్నవి.
అతని వైఖరి లెబానోను పర్వతతుల్యము అది దేవదారు వృక్షములంత ప్రసిద్ధము
ప్రియులారా! పరమగీతములను ధ్యానము చేస్తున్నాము.
ఇక
15వ వచనములో షూలమ్మితి అంటుంది అతని
కాళ్లు మేలిమిబంగారు మట్లయందు నిలిపిన చలువరాతి స్తంభములవలె ఉన్నవి. అతని వైఖరి
లెబానోను పర్వతతుల్యము అది దేవదారు వృక్షములంత ప్రసిద్ధము...!!
ప్రియులారా!
షూలమ్మితి ప్రభువు యొక్క తల నుండి వర్ణించడం మొదలుపెట్టి ఇప్పుడు కాళ్ళ వరకు
వచ్చింది!
ఇక
చివరిగా ఓవరాల్ గా ఆయన వైకరిని వివరిస్తుంది! అతని వైఖరి లెబానోను పర్వతతుల్యము
అది దేవదారు వృక్షములంత ప్రసిద్ధము!
యెషయా గ్రంధంలో 53 లో ప్రభువు వైఖరి అందవిహీనంగా సురూపమైనను సొగసైనను
లేకుండా ఉంది అని వ్రాయబడింది!
అదే నిర్గమ 24:17 లో శీనాయి పర్వతం మీద ఆయన దహించు అగ్నిగా కనిపించారు!
కాబట్టి ఒకప్పుడు ఆయన చూడనోళ్లని వాడిగా ఉన్నా మరొకప్పుడు ఆయన దహించు
అగ్నిగా ఉన్నారు!
ఇంత
అద్భుతముగా కనిపిస్తున్న ఇతని వైఖరి లెబానోను పర్వతములవలె దేవదారు వృక్షములవలె
ఉన్నతమైనది మరియు అంత ప్రసిద్ధిని పొందియున్నదని చెప్పబడింది. ఎవరికి లేని విధముగా ప్రపంచ ప్రఖ్యాతి పొందిన
చరిత్ర క్రీస్తు ప్రభువుది.
పునరుత్థానుడైన
తర్వాత ఎఫెసీ 4:10 లో అంటున్నారు 10 దిగినవాడు తానే సమస్తమును నింపునట్లు ఆకాశమండలము లన్నిటికంటె
మరి పైకి ఆరోహణమైన వాడునై యున్నాడు.
ఇక ఫిలిప్పీ 2:5 లో
5 క్రీస్తుయేసునకు కలిగిన యీ మనస్సు మీరును కలిగియుండుడి.
6 ఆయన దేవుని స్వరూ పము కలిగినవాడైయుండి, దేవునితో
సమానముగా ఉండుట విడిచిపెట్టకూడని భాగ్యమని యెంచుకొనలేదు గాని
7 మనుష్యుల పోలికగా పుట్టి, దాసుని
స్వరూపమును ధరించుకొని, తన్ను తానే రిక్తునిగా చేసికొనెను.
8 మరియు, ఆయన ఆకారమందు మనుష్యుడుగా
కనబడి, మరణము పొందునంతగా, అనగా
సిలువమరణము పొందు నంతగా విధేయత చూపినవాడై, తన్నుతాను
తగ్గించుకొనెను.
9 అందుచేతను పరలోకమందున్నవారిలో గాని, భూమిమీద
ఉన్నవారిలో గాని,
10 భూమి క్రింద ఉన్నవారిలో గాని, ప్రతివాని
మోకాలును యేసునామమున వంగునట్లును,
11 ప్రతివాని నాలుకయు తండ్రియైన దేవుని మహిమార్థమై
యేసుక్రీస్తు ప్రభువని ఒప్పుకొనునట్లును, దేవుడు ఆయనను అధికముగా
హెచ్చించి, ప్రతి నామ మునకు పైనామమును ఆయనకు అనుగ్రహించెను.
ఇదే
మనము కీర్తన 50 లో చూసుకుంటే ఆయన వైఖరి మరోవిధంగా కనిపిస్తుంది
1 దేవాది దేవుడైన యెహోవా ఆజ్ఞ ఇచ్చుచున్నాడు తూర్పుదిక్కు
మొదలుకొని పడమటి దిక్కువరకు భూనివాసులను రమ్మని ఆయన పిలుచుచున్నాడు.
2 పరిపూర్ణ సౌందర్యముగల సీయోనులోనుండి దేవుడు
ప్రకాశించుచున్నాడు
3 మన దేవుడు వేంచేయుచున్నాడు ఆయన మౌనముగా నుండడు. ఆయన ముందర
అగ్ని మండుచున్నది ఆయనచుట్టు ప్రచండవాయువు విసరుచున్నది.
4 ఆయన తన ప్రజలకు న్యాయము తీర్చుటకై
5 బల్యర్పణ చేత నాతో నిబంధన చేసికొనిన నా భక్తులను
నాయొద్దకు సమకూర్చుడని మీది ఆకాశమును భూమిని పిలుచుచున్నాడు.
ఇక
89 వ కీర్తనలో మరోవిధంగా ఉంది 11 ఆకాశము నీదే భూమి
నీదే లోకమును దాని పరిపూర్ణతను నీవే స్థాపించితివి.
12 ఉత్తర దక్షిణములను నీవే నిర్మించితివి. తాబోరు
హెర్మోనులు నీ నామమునుబట్టి ఉత్సాహ ధ్వని చేయుచున్నవి.
13 పరాక్రమముగల బాహువు నీకు కలదు నీ హస్తము బలమైనది నీ
దక్షిణహస్తము ఉన్నతమైనది.
14 నీతిన్యాయములు నీ సింహాసనమునకు ఆధారములు కృపాసత్యములు నీ
సన్నిధానవర్తులు.
15 శృంగధ్వనుల నెరుగు ప్రజలు ధన్యులు యెహోవా, నీ
ముఖకాంతిని చూచి వారు నడుచు కొనుచున్నారు.
16 నీ నామమునుబట్టి వారు దినమెల్ల హర్షించుచున్నారు. నీ
నీతిచేత హెచ్చింపబడుచున్నారు.
ఇంత
ఘనుడైన దేవుడు నీకు ఎందుకు పనికిరాని వాడుగా కనిపిస్తున్నారు! ఆయనంటే నీకు భక్తి
ఉంది గాని భయము లేదు! ఆయన నిజంగా ఎవరో నీవు గ్రహిస్తే ఈ విధంగా నీవు
ప్రవర్తించలేవు! ఆయనకు భయపడతామే కాదు ఆయన సన్నిధిలో వణకుతావు!
దైవాశీస్సులు!!!
గీతాలకు గీతము-పరమగీతము
115వ భాగము
అతని నోరు అతిమధురము
పరమగీతము 5: 16.అతని నోరు అతిమధురము. అతడు అతికాంక్షణీయుడు
యెరూషలేము కూమార్తెలారా, ఇతడే నా ప్రియుడు ఇతడే నా స్నేహితుడు.
ప్రియులారా! పరమగీతములను ధ్యానము చేస్తున్నాము.
ఇక
16వ వచనములో షూలమ్మితి అంటుంది అతని నోరు
అతిమధురము. అతడు అతికాంక్షణీయుడు యెరూషలేము కూమార్తెలారా, ఇతడే నా ప్రియుడు
ఇతడే నా స్నేహితుడు....!!
ప్రియులారా!
చివరిగా అంటుంది: అతని నోరు అతి మధురము!!!
ఇంత చరిత్ర ఉన్న అతని నోరు
అతి మధురమైనదని ఆ నోటి నుండి వచ్చు ప్రతి మాట మనలను రక్షించునంత గొప్పదని
చెప్పబడింది. అంతేకాదు చూచుటకు
అతికాంక్షణీయుడుగా కనబడును. ఒక్కసారి
ఆయనను చూచిన మరల మరల చూడాలన్న తపన ఉంటుంది. ఆ రూపమును ప్రతినిత్యము గుర్తు
చేసుకొంటూనే ఉంటారు అని చెప్పుచూ నల్లనిదియైన బబులోను కుమార్తె తన అన్వేషణలో చూచిన
నిజమును అంత అద్భుతముగా వర్ణిస్తూ సంఘములోని విశ్వాసులను ఉద్దేశించి యెరూషలేము
కుమార్తెలారా, అంతటి గొప్పవాడే నా ప్రియుడని అతనే నా స్నేహితుడని సాక్ష్యమిచ్చుట
జరుగును. అయనే క్రీస్తు ప్రభువు. ఎంత గొప్పగా ఉన్నదో ఒక్కసారి ఊహించుకోండి. . . .
ఆయన నోరు ఎంతో మధురము! ఎంతో శ్రేష్టమైనది! ఈ లోకములో ఆయన జీవించి ఉన్న
కాలంలో ఎల్లప్పుడూ ఆయన నోటితో తండ్రి చిత్తాన్ని బయలుపరచి దేవునికి మహిమ తీసుకుని
వచ్చారు! మనము కూడా ఆయన స్తుతిని ప్రచారం చేయాలి!
దావీదు గారు జీవితమంతా దేవుణ్ణి స్తుతిస్తూనే గడిపారు!
ఇక
ఆయన మధ్యవర్తిగా తండ్రి విషయాలన్నీ మనకు బయలుపరిచారు! యోహాను 15:11 లో అంటున్నారు 11 మీయందు నా సంతోషము ఉండవలెననియు, మీ
సంతోషము పరిపూర్ణము కావలెననియు, ఈ సంగతులు మీతో
చెప్పుచున్నాను. ఇంకా అంటున్నారు
ఎందుకనగా నేను నా తండ్రివలన వినిన సంగతులన్నిటిని మీకు
తెలియజేసితిని.
16 మీరు నన్ను ఏర్పరచుకొనలేదు; మీరు
నా పేరట తండ్రిని ఏమి అడుగుదురో అది ఆయన మీకనుగ్రహించునట్లు మీరు వెళ్లి
ఫలించుటకును, మీ ఫలము నిలిచియుండుటకును నేను మిమ్మును
ఏర్పరచుకొని నియమించితిని.
17 మీరు ఒకనినొకడు ప్రేమింపవలెనని యీ సంగతులను మీకు
ఆజ్ఞాపించుచున్నాను.
దీనిని
బట్టి ఆయన నోరు ఎంత శ్రేష్టమైనదో ఆయన మనలను ఎంతగా ప్రేమించారో అర్ధమవుతుంది!
ఇంకా
యోహాను 17 లో ప్రార్ధిస్తూ అంటున్నారు 7 నీవు నాకు
అనుగ్రహించిన మాటలు నేను వారికిచ్చి యున్నాను; వారామాటలను
అంగీకరించి, నేను నీయొద్దనుండి బయలుదేరి వచ్చితినని నిజముగా
ఎరిగి,నీవు నన్ను పంపితివని నమి్మరి గనుక
8 నీవు నాకు అనుగ్రహించిన వన్నియు నీవలననే కలిగినవని
వారిప్పుడు ఎరిగి యున్నారు.
దేవుని
మాటలే యేసుక్రీస్తుప్రభులవారు మనకు తెలియజేశారు! ఆయన మాటలో పరిశుద్ధత! ఆయన ఎప్పుడు
బూతులు మాట్లాడలేదు! ఆయన మాట్లాడినట్లు ఎవరూ కూడా మాట్లాడలేదు! యోహాను 7: 45 ఆ బంట్రౌతులు ప్రధానయాజకులయొద్దకును పరి
సయ్యులయొద్దకును వచ్చినప్పుడువారుఎందుకు మీ రాయ నను తీసికొని రాలేదని అడుగగా
46 ఆ బంట్రౌతులుఆ మనుష్యుడు మాటలాడినట్లు ఎవడును ఎన్నడును
మాట లాడలేదనిరి.
ఇంకా
సువార్తలలో చూసుకుంటే ఆయన దయగల మాటలు ఎందరినో ఆదరించినట్లు చూడగలము!!
ఇంకా
ఆయాన అంటున్నారు భయపడకుము దిగులు పడకుము! నీ పిల్లల కోసం అంటున్నారు నీ పిల్లలను
నేనే సంరక్షించేదను నేనే పోషిస్తాను అంటున్నారు! ఏ విషయంలో కూడా చింతపడకుడి
అంటున్నారు! నీ చింత యావత్తు నామీద వేయండి అంటున్నారు!
అందుకే
అతని నోరు అతి మధురం! అందుకే అతడంటే నాకిష్టము!!
ఓ
యెరూషలేము కుమార్తె లారా! ఇతడే నా ప్రియుడు అంటుంది షూలమ్మితి!
ఈ
విధంగా నీవు చెప్పగలవా???
దైవాశీస్సులు!!
*గీతాలకు గీతము-పరమగీతము*
*116వ భాగము*
*నీ ప్రియుడు ఎక్కడికి పోయెను*
పరమగీతము 6: 1. స్త్రీలలో అధిక సుందరివగుదానా,
నీ ప్రియుడు ఎక్కడికి పోయెను? అతడేదిక్కునకు తిరిగెను?
ప్రియులారా! పరమగీతములను ధ్యానము చేస్తున్నాము. ఇంతవరకు మనము 5 అధ్యాయాలు ధ్యానం చేశాము! 5 వ అధ్యాయం చివరలో షూలమ్మితి ప్రభువును/ ప్రియున్ని ఆరాధిస్తుంది!
నిజానికి ఇది సంఘము ఎత్తబడ్డాక, ఏడేళ్ళ శ్రమల కాలము
మొదట్లో యూదులు యొక్క రక్షణ కార్యము మొదలవుతుంది. అప్పుడు రక్షించబడిన
యూదులు చేసే స్తుతి ఆరాధనే ఈ షూలమ్మితి వర్ణించిన తీరు అని చూసుకున్నాము!
ఇక
ఆరవ అధ్యాయం నుండి ఎనిమిదవ అధ్యాయం వరకు మనము ధ్యానం చేసే అంశాలు: సంఘం ఎత్తబడ్డాక జరుగబోయే
సంభవాలు; శ్రమల కాలము, హార్మెగిద్డోన్ యుద్ధం,
వేయేండ్ల పాలన కోసం వ్రాయబడింది గోప్యముగా!
ఈ
మొదటి వచనంలో స్త్రీలలో అధిక సుందరివగుదానా అంటూ మొదలు పెట్టారు!....!!
గమనించాలి! గత అధ్యాయం చివరలో తన ప్రియుడు
దవళవర్ణుడు అని రత్నవర్ణుడు అని పదివేల మందిలో అతన్ని గుర్తించవచ్చును అంటూ,
తల అపరంజి అని, నేత్రములు అపవిత్రతను చూడలేనివనియు,
పెదవులు పవిత్రమైనవని ఆరాధన చేసింది. నోరు అతి
మధురం అని ఆయన అతి కాంక్షయనీయుడు అనియు కూడా ఆరాధించింది! ఈ ఆరాధన
యెరూషలేము కుమార్తెలను ఆకర్షించింది! గమనించాలి ప్రభువును మనం
వెంబడించే విధానం, మన ఆధ్యాత్మిక జీవితం ప్రవర్తన మన ఆరాధన ఇతరులను
ప్రభువు వైపు ఆకర్షించేలా ఉండాలి! మన ఆరాధన జీవితం మన లో ఉన్న
ఆధ్యాత్మిక సౌందర్యాన్ని అభివృద్ధి చేయాలి!
అందుకే
మొదటి అధ్యాయం 8వ వచనంలో నారీమణి సుందరీ అది నీకు తెలియక పోయేనా అన్నారు గాని ఇక్కడ ఆరవ అధ్యాయంలో
స్త్రీలలో అధిక సుందరివగుదానా అన్నారు!
1:15
లో ప్రియురాలా! నీవు సుందరివి నీవు సుందరివి అని
ఆమె సౌందర్యం పొగడబడింది! కారణం ఆమె తన సౌందర్యాన్ని కాపాడుకుంటూ
వచ్చింది! అలాగే మనము కూడా మన ఆధ్యాత్మిక జీవితాన్ని కాపాడుకుంటూ
ఉండాలి! లోక మాలిన్యం అంటకుండా మన ఘటములను కాపాడుకోవాలి!
ఎప్పుడైతే షూలమ్మితి లోకమాలిన్యం అంటకుండా కాపాడుకుందో 2వ అధ్యాయంలో
11 వ వచనంలో నా ప్రియురాలా సుందరవతీ అని ప్రభువే పలికారు!!
అంటే ఆమె తన ఆత్మీయ సౌందర్యమును ఎంతో
కాపాడుకుంటుంది అని అర్ధమవుతుంది!
ఇక :7 వచ్చేసరికి నా ప్రియురాలా! నీవు అధిక సుందరివి నీయందు కళంకము ఏమియు లేదు అని సాక్ష్యం పలుకుతున్నారు దేవుడు!
కాబట్టి ప్రభువు బిడ్డలు ఏ కళంకము లేని పవిత్ర జీవితం తప్పకుండా జీవించాలి!
పరిశుద్ధత కాపాడుకోవాలి! అపవిత్రత నుండి పారిపోవాలి!
అందుకే ఇప్పుడు ఈ వచనంలో స్త్రీలలో అధిక సుందరివగుదానా అంటూ యెరూషలేము
కుమార్తెలు పలుకుతున్నారు!
గమనించాలి
ఫిలిప్పీ 2:14 లో భక్తుడు రాస్తున్నారు 14 మీరు మూర్ఖమైన వక్రజనము మధ్య, నిరపరాధులును నిష్కళంకులును
అనింద్యులునైన దేవుని కుమారులగునట్లు,
15 సణుగులును సంశయములును మాని, సమస్త కార్యములను చేయుడి.
క్రీస్తు
సహవాసం కోసం మనలోని అభిలాషలూ, ఆయన గుణాలను గురించి మనం చేసే స్తుతులూ ఇతరులు ఆయనను వెదికేందుకు
పురికొలుపుతాయి.
ఎప్పుడైతే సాక్ష్య జీవితమును
విన్నారో నల్లనిదియైన బబులోను కుమార్తెలోని నల్లదనము బదులు అందముగా మారుచున్న సంగతి
యెరూషలేము కుమార్తెలు గుర్తించారు.
అప్పుడు నీవు ప్రేమించిన నీ ప్రియుడు ఎక్కడికి పోయెను?
అని యెరూషలేము కుమార్తెలు నల్లనిదియైన బబులోను కుమార్తెను- అతడు ఏ దిక్కున తిరుగుచున్నాడని అడుగుచున్నారు. అంతేకాదు మనము పోయి యతనిని వెదకుదము
రమ్ము అని యెరూషలేము కుమార్తెలు పిలుస్తున్నారు. అంటే నల్లనిదియైన బబులోను కుమార్తెలో
కలిగిన మారుమనస్సును గుర్తించిన యెరూషలేము కుమార్తెలు ఆమెను తమలో కలుపుకొని ఆమె కోసముగా
వారు కూడ ఆమెకు సహకరిస్తూ క్రీస్తునుగూర్చి విషయాలు, ఆయన గూర్చిన
సంగతులు అందరు కలిసి ప్రార్థనలో, వాక్య బోధలో, కీర్తనలలో వెదకుట మొదలుపెట్టారు.
అపొస్తలుల కార్యములు 2:46-47లో వివరించిన విధముగా క్రీస్తు ప్రభువు
ఎక్కడ ఉంటాడు? ఎక్కడ
తిరుగుతాడు? ఎటువైపు
వెళ్లుతాడో వారి వాక్య బోధలో అర్థము చేసుకొంటున్నారు. ఈ విధముగా నల్లనిదియైన బబులోను కుమార్తె
మారుమనస్సు ద్వారా యెరూషలేము కుమార్తెగా మారిపోయింది. ఇతడును అబ్రాహాము కుమారుడేయని అన్యుడైన
జక్కయ్యను గూర్చి లూకా 19:9లో ప్రభువు పలికినట్లుగా ఈమె ఇకపై
యెరూషలేము కుమార్తెలలో ఒకటిగా పిలువబడునుగాని నల్లనిదియైన బబులోను కుమార్తెగా పిలువబడదు. కనుకనే వారందరు కలిసి క్రీస్తు ప్రభువును
గూర్చి వెదకుచున్నారు.
మరి నీకు అటువంటి లక్షణము ఉందా?
దైవాశీస్సులు!
*గీతాలకు గీతము-పరమగీతము*
*117వ భాగము*
*నీ ప్రియుడు ఎక్కడికి పోయెను*
పరమగీతము 6: 1. స్త్రీలలో అధిక సుందరివగుదానా,
నీ ప్రియుడు ఎక్కడికి పోయెను? అతడేదిక్కునకు తిరిగెను?
ప్రియులారా! పరమగీతములను ధ్యానము చేస్తున్నాము.
ఇక
ఈ మొదటి వచనంలో స్త్రీలలో అధిక సుందరివగుదానా అంటూ మొదలు పెట్టారు!....!!
(గతభాగం తరువాయి)
ఇక అంటున్నారు స్త్రీలలో అధిక సుందరివగుదానా, నీ ప్రియుడు ఎక్కడికి
పోయెను? అతడేదిక్కునకు తిరిగెను అని అడుగుతున్నారు!
ఎందుకంటే షూలమ్మితి లో ఉన్న ఆత్మీయ సౌందర్యము వారిని ఆకర్షించి ఆమెకు సహాయం
చేయాలని అనుకుంటున్నారు ఇక్కడ! మన ఆధ్యాత్మిక జీవితం మరియు మన ప్రవర్తన ఇతరులను
క్రీస్తువైపుకు ఆకర్షించాలి అని గతభాగంలో చూసుకున్నాము! మనము
ఆత్మలో ఆత్మీయతలో ఎదుగుచున్న విధానము తోటి విశ్వాసులను కూడా పురికొల్పాలి !
బైబిల్ గ్రంధములో అనేకమంది భక్తులు దేవుణ్ణి వెదికారు! మరియు వారికి దేవుడు దొరికారు!
కీర్తన 27:8 లో దావీదుగారు అంటున్నారు
8 నా సన్నిధి వెదకుడని నీవు సెలవియ్యగా
యెహోవా, నీ సన్నిధి నేను వెదకెదనని నా హృదయము నీతో అనెను.
ఎంత
ఆశ దావీదుగారికి దేవునిమీద!
అందుకే
నీ ముఖ దర్శనముతో నా ఆశను తీర్చుకుంటాను బాబు అంటున్నారు 17 వ కీర్తనలో!
15 నేనైతే నీతిగలవాడనై నీ ముఖదర్శనము చేసెదను నేను మేల్కొనునప్పుడు
నీ స్వరూపదర్శనముతో నా ఆశను తీర్చుకొందును.
11: 7 యెహోవా నీతిమంతుడు, ఆయన నీతిని
ప్రేమించు వాడు యథార్థవంతులు ఆయన ముఖదర్శనము చేసెదరు
నిజమైనది
శ్రేష్టమైనది ఏదో దావీదుగారికి ఎప్పుడో తెలిసిపోయింది!
అందుకే నిత్యత్వములో భక్తులు కూడా అలాగే చేస్తారు
ప్రకటన 22: 4 ఆయన దాసులు ఆయనను సేవించుచు
ఆయన ముఖదర్శనము చేయు చుందురు; ఆయన నామము వారి నొసళ్లయందుండును.
ప్రియ
దేవుని బిడ్డా! నీకు కూడా దేవుణ్ణి వెదకాలని ఆయనను చూడాలని ఉందా??? అడుగుడి
మీకు ఇవ్వబడును వెదకుడి మీకు దొరకును అంటున్నారు దేవుడు! నిజానికి దైవ ప్రసన్నత అనగా ప్రార్ధించేటప్పుడు
దేవుడు నీతో ఉండటమే! నీవు వాక్యము చదివేటప్పుడు ఆయన స్వరమును
నీవు వినడమే! ఆయన స్వరమును గుర్తెరిగి ఆయనతో మాట్లాడటమే!!
ఇంకా
దేవుణ్ణి వెదుకట అంటే దేవునికి ఎక్కువగా ప్రార్ధన చేయుట అని కూడా వస్తుంది!
ఇక
కీర్తన 69:6 లో అంటున్నారు
6 ప్రభువా, సైన్యములకధిపతివగు యెహోవా,
నీకొరకు కనిపెట్టుకొనువారికి నావలన సిగ్గు కలుగ నియ్యకుము ఇశ్రాయేలు
దేవా, నిన్ను వెదకువారిని నావలన అవమానము నొంద నియ్యకుము.
దైవ
సన్నిధిని వెదికేటప్పుడు ఆ ప్రార్ధనా బలము వలన తమలో ఉన్న బలహీనతలను జయించేవారుగా ఉండాలని
ఈ వచనము యొక్క భావము! ప్రార్ధించేవారిలో దేవుణ్ణి వెదికేవారిలో లోపములు ఉంటే దేవుని నామమునకు అవమానం
కలుగుతుంది! అందుకే లోపములేని వానిగా ఉండాలని భక్తుని ఆశ!!!
కీర్తన 105:లో అంటున్నారు
3 ఆయన పరిశుద్ధ
నామమునుబట్టి అతిశయించుడి. యెహోవాను వెదకువారు హృదయమందు సంతో
షించుదురుగాక.
4 యెహోవాను వెదకుడి ఆయన బలమును వెదకుడి ఆయన సన్నిధిని
నిత్యము వెదకుడి
మనము ప్రభువుని సేవిస్తూ ఆయనను వెదకాలని దేవుడు కోరుతున్నాడు! ఎందుకంటే
దేవుణ్ణి వెదుకుతూ ఆయనను ప్రార్ధిస్తే మనకు ఆధ్యాత్మిక బలము దొరుకుతుంది!
నిర్గమ 33:7 ప్రకారం యెహోవాను వెదకిన ప్రతివాడు
పాలెమునకు వెలుపల వున్న ప్రత్యక్షపు గుడారమునకు వెల్లుచు వచ్చెను అని వ్రాయబడింది! ప్రభువును వెదికే వారు అనగా ప్రభువు
యొక్క సహవాసమును కోరేవారు!
ఇశ్రాయేలు ప్రజలు చేసిన పాపములకు ఫలితముగా ఈ గుడారము ప్రజల మధ్య నుండి
తీయబడి పాలెమునకు వెలుపల వేయబడింది! గాని నిజంగా దేవుణ్ణి వెదికేవారు
ఆయన సన్నిధి కావాలని కోరుకునే వారు పాలెము బయటకు కూడా వెళ్ళి ఆయనను ఆరాధించి వచ్చేవారు!
అలాగే నీ జీవితాంతము ఎంతదూరమైనా ప్రభువు సన్నిధిని వెదుకుతూ పొందుకుని
నింపబడాలి!
2 దిన 11:16 లో ఇశ్రాయేలు ప్రజలు
దేవుణ్ణి వదిలేసినా కొంతమంది దేవుని వెదకుటకు మనస్సు నిలుపుకున్న వారై తమ పితరుల దేవుడైన
యెహోవాకు బలులను అర్పించుటకు యెరూషలేము వచ్చారు అని వ్రాయబడింది!
2 దిన 20:3 లో యెహోషాపాతు రాజు
యెహోవా యొద్ద విచారించుటకు మనస్సు నిలుపుకొని ఉపవాస దినాన్ని ప్రకటించి ఉపవాస మున్నాడు! ఈ విధంగా దేవుణ్ణి వెదికిన వారు
అనేకమంది బైబిల్ లో ఉన్నారు! వెదికారు వారికి దేవుడు దొరికారు! మరి
నీవు వెదుకుతావా దేవుణ్ణి? అయితే తప్పకుండా దేవుడు నీకు దొరుకుతారు!!!
దైవాశీస్సులు!!
*గీతాలకు గీతము-పరమగీతము*
*118వ భాగము*
*నా ప్రియుడు తన ఉద్యానవనమునకు పోయెను*
పరమగీతము 6: 2.ఉద్యానవనమునందు మేపుటకును పద్మములను
ఏరుకొనుటకును. నా ప్రియుడు తన ఉద్యానవనమునకు పోయెను పరిమళ పుష్పస్థానమునకు
పోయెను.
ప్రియులారా! పరమగీతములను ధ్యానము చేస్తున్నాము.
ఇక
ఈ 2 వ వచనంలో ఉద్యానవనమునందు మేపుటకును పద్మములను
ఏరుకొనుటకును, నా ప్రియుడు
తన ఉద్యానవనమునకు పోయెను పరిమళ పుష్పస్థానమునకు పోయెను.
ఇక్కడ షూలమ్మితి అంటుంది ఉధ్యాన వనమందు మేపుటకు పద్మములు ఏరుకొనుటకు
నా ప్రియుడు తన ఉధ్యానవనమునకు పోయెను అంటుంది! ఉధ్యాన వనము అనగా
ఏమిటి? ఇశ్రాయేలు జాతి
కోణములో చూసుకుంటే:::
ఆయన ఉద్యానవనము అనగా రక్షించబడిన
ఇశ్రాయేలు ప్రజలు! మహాశ్రమల
కాలంలో దేవుడు తన ఇద్దరు సాక్షులను పంపినప్పుడు రక్షించబడిన యూదులు! వారియొద్దకు ప్రభువు వస్తున్నారు అని దీని అర్ధము!
ఇక పద్మములను ఏరుకొనుటకు
అనగా ఆ పద్మములు కూడా ఇశ్రాయేలు ప్రజలలో ఆ ఇద్దరు సాక్షుల యొక్క సువార్త విని రక్షించబడి
క్రీస్తుకోసం బ్రతికే వారు- ఆ మృగము
యొక్క ముద్రను వేయించుకొనని రక్షించబడ్డ యూదులు ఈ పద్మములు!
నిజానికి
ఈ వచనం ప్రాచీన ప్రతులలో ఉద్యాన వనమునకు పోయెను అని ఉండదు! దిగిపోయేను అని ఉంటుంది!
ఇది
రెండవరాకడకు సూచన! ప్రభువు ఇశ్రాయేలు ప్రజలను దర్శించుటకు తన వనమునకు దిగిపోయేను అని అసలైన అర్ధము!
అందుకే
ఇదే అధ్యాయము 11 లో అంటున్నారు
11. లోయలోని చెట్లు ఎట్లున్నవో చూచుటకు ద్రాక్షావల్లులు చిగిర్చెనో లేదో దాడిమవృక్షములు
పూతపట్టెనో లేదో చూచుటకు నేను అక్షోట వృక్షోద్యానమునకు వెళ్లితిని.
ఇక్కడ ఆయన తన ప్రజలను వెదుకుటకు రక్షించుటకు వెళ్లారు! దేవుడు అతి త్వరలో దిగి
రాబోతున్నారు తన ప్రజలను తీసుకుని పోవుటకు!! ఇశ్రాయేలు ప్రజలు
ఇప్పటికీ మెస్సయ్య వస్తారని ఎదురుచూస్తున్నారు! ఏసుక్రీస్తుప్రభులవారిని
వారు మెస్సయ్యాగా అంగీకరించలేదు! రాకడ అనంతరం- విశ్వాసులు ఎత్తబడిన మరుక్షణం ఇశ్రాయేలు
ప్రజల యొక్క రక్షణ కార్యం మొదలవుతుంది!
వారిని రక్షించడానికి దేవుడే పరమును వీడి భూమికి వస్తారు!
అప్పటికే ఇశ్రాయేలు దేశం శత్రువుల సైన్యంతో చుట్టబడి ఉంది! వారిని భూమిమీద లేకుండా చేయాలని హార్మెగిద్ధోను అనే ప్రాంతంలో శత్రువులు కూడుకున్నారు!
దానియేలు గ్రంధం ప్రకారం ఇంకా జెకర్యా గ్రంధం ప్రకారం ఇశ్రాయేలు ప్రజలు
చెరపట్ట బడ్డారు! స్త్రీలు బలాత్కరించ బడ్డారు! ఏడుస్తున్నారు ఇశ్రాయేలు ప్రజలు! అప్పుడు యేసుక్రీస్తుప్రభులవారు
వారి రక్షణ కోసం ఒలీవల కొండమీద అడుగుపెట్టి శత్రువులను సంహరిస్తారు! గొప్ప వధ చేసి వారిని రక్షించి ఆ తర్వాత నిజమైన మెస్సయ్య నేనే వారికి తెలియజేస్తారు!
అందుకే పద్మములను ఏరుకోడానికి తనకు ఇష్టమయిన ఫలములు బుజయించటానికి ఆయన
రాబోతున్నారు!
ఇక సంఘ కోణములో నల్లనిదియైన బబులోను కుమార్తె మారుమనస్సు
ద్వారా యెరూషలేము కుమార్తెగా మారిందో, అప్పుడు అందరు కలిసి క్రీస్తు
ప్రభువును వెదకి కనుగొనుట జరిగింది.
బైబిలు గ్రంథము ప్రకారము ఆయనను వెదికారు కనుగొన్నారు.
ఆయనను తన మందను మేపుటకు ఉద్యానవనమునకు వెళ్లెనని చెప్పబడింది.
ఉద్యానవనము అంటే వధువు సంఘము అనగా ప్రియురాలు ఆమె సన్నిధికి వెళ్లాడు.
అలాగే 3వ వచనములో పద్మము వంటిదైన నల్లనిదియైన బబులోను
కుమార్తె అనగా సత్యాన్వేషణలో ముందుకు వస్తున్న బబులోను కుమార్తెలను వారి మధ్య నుండి
ప్రత్యేకించుటకు బయలుదేరి వెళ్లాడు.
అందుకే పద్మములను ఏరుటకు వెళ్లాడు అని చెప్పబడింది.
ఈ
వచనములో ప్రియురాలైన పరమయెరూషలేము కుమార్తెలు క్రీస్తు ప్రభువు రెండు విధాలుగా తిరుగుచున్నట్లుగా
గుర్తించారు.
1. యెరూషలేము
కుమార్తెలను తన ఉద్యానవమైన సంఘములో మందగా వారిని మేపుట. అనగా వాక్యమందును, పరిచర్యయందును రొట్టె విరుచుట యందును వారు నిరంతరము పోషింపబడుచున్నారు.
2. నల్లనిదియైన బబులోను కుమార్తెలను వెదకుటకు వెళ్లుచున్నాడు.
అందుకే పద్మములను ఏరుకొను చున్నట్లుగా చెప్పబడింది. పద్మములు ఏరుట అంటే అక్కడక్కడ ఉన్నట్లే కదా కొంతమంది అని అర్థము. అలాగే అగాధముగా ఉన్న అన్ని పాపములతో
నిండిన లోయలలో నీటిమధ్య పద్మములు ఉంటాయి. అలాంటిది అని నల్లనిదియైన
బబులోను కుమార్తెనని చెప్పుకొనగా పరమగీతము 2:1లో చదివాము. ఈ విధముగా రెండు విధాలుగా ఆయన వెళ్లుచున్నట్లుగా
వారు గుర్తించారు.
దైవాశీస్సులు!!!
*గీతాలకు గీతము-పరమగీతము*
*119వ భాగము*
*నా ప్రియుడు తన ఉద్యానవనమునకు పోయెను*
పరమగీతము 6: 2.ఉద్యానవనమునందు మేపుటకును పద్మములను
ఏరుకొనుటకును. నా ప్రియుడు తన ఉద్యానవనమునకు పోయెను పరిమళ పుష్పస్థానమునకు
పోయెను.
ప్రియులారా! పరమగీతములను ధ్యానము చేస్తున్నాము.
ఇక
ఈ 2 వ వచనంలో ఉద్యానవనమునందు మేపుటకును పద్మములను
ఏరుకొనుటకును, నా ప్రియుడు
తన ఉద్యానవనమునకు పోయెను పరిమళ పుష్పస్థానమునకు పోయెను.
(గతభాగం తరువాయి)
షూలమ్మితి
తన ప్రియుడు ఉధ్యాన వనమునకు మేపుటకు పద్మములను ఏరుకొనుటకు వెళ్లారు అని చెబుతుంది! ఆ ఉద్యాన వనము శ్రమకాలమందు
రక్షించబడిన యూదులు అని గతభాగములో చూసుకున్నాము! ఎప్పుడు అంటే
హార్మెగిద్దోన్ యుద్ద సమయంలో! ఒకసారి జెకర్యా గ్రంధం చూసుకుంటే
14: 2 ఏలయనగా యెరూషలేము మీద యుద్ధము చేయుటకు నేను అన్యజనులందరిని సమకూర్చబోవు చున్నాను;
పట్టణము పట్టబడును, ఇండ్లు కొల్ల పెట్టబడును,
స్త్రీలు చెరుపబడుదురు, పట్టణములో సగముమంది చెర
పట్టబడి పోవుదురు; అయితే శేషించువారు నిర్మూలము కాకుండ పట్టణములో
నిలుతురు.
3 అప్పుడు యెహోవా బయలుదేరి తాను యుద్ధకాలమున యుద్ధము
చేయు రీతిగా ఆ అన్యజనులతో యుద్ధము చేయును.
4 ఆ దినమున యెరూషలేము ఎదుట తూర్పుతట్టుననున్న ఒలీవ కొండమీద
ఆయన పాదములుంచగా ఒలీవకొండ తూర్పు తట్టునకును పడమటి తట్టువకును నడిమికి విడిపోయి సగము
కొండ ఉత్తరపుతట్టునకును సగముకొండ దక్షిణపుతట్టునకును జరుగును గనుక విశాలమైన లోయ యొకటి
యేర్పడును.
5 కొండలమధ్య కనబడులోయ ఆజీలువరకు సాగగా మీరు ఆ కొండలోయలోనికి
పారిపోవుదురు. యూదారాజైన ఉజ్జియా దినములలో కలిగిన భూకంపము నకు
మీరు భయపడి పారిపోయినట్లు మీరు పారిపోవు దురు, అప్పుడు నీతోకూడ
పరిశుద్దులందరును వచ్చెదరు. నా దేవుడైన యెహోవా ప్రత్యక్షమగును.
12 మరియు యెహోవా తెగుళ్లుపుట్టించి యెరూషలేముమీద యుద్ధము
చేసిన జనములనందరిని ఈలాగున మొత్తును; వారు నిలిచి యున్నపాటుననే
వారి దేహములు కుళ్లిపోవును, వారి కన్నులు కను తొఱ్ఱలలో ఉండియే
కుళ్లిపోవును వారి నాలుకలు నోళ్లలో ఉండియే కుళ్లిపోవును.
13 ఆ దినమున యెహోవా వారిలో గొప్ప కల్లోలము పుట్టింపగా
వారందరు ఒకరి కొకరు విరోధులై ఒకరిమీదనొకరు పడుదురు.
14 యూదావారు యెరూషలేమునొద్ద యుద్ధము చేయుదురు,
బంగారును వెండియు వస్త్రములును చుట్టు నున్న అన్యజనులందరి ఆస్తియంతయు
విస్తారముగా కూర్చ బడును.
15 ఆలాగుననే గుఱ్ఱములమీదను కంచర గాడిదల మీదను ఒంటెలమీదను
గార్దభములమీదను దండు పాళె ములో ఉన్న పశువులన్నిటిమీదను తెగుళ్లుపడును.
ఇక
ఇశ్రాయేలు ప్రజల కోసమైతే 13: 8 దేశమంతట జనులలో రెండు భాగములవారు తెగవేయబడి
చత్తురు, మూడవ భాగము వారు శేషింతురు.
9 ఆ మూడవ భాగమును నేను అగ్నిలోనుండి వెండిని తీసి శుద్ధపరచినట్లు
శుద్ధపరతును. బంగారమును శోధించినట్లు వారిని శోధింతును;
వారు నా నామమునుబట్టి మొఱ్ఱపెట్టగా నేను వారి మొఱ్ఱను ఆలకింతును.
వీరు నా జనులని నేను చెప్పుదును, యెహోవా మా దేవుడని
వారు చెప్పుదురు.
ఇంకా వివరంగా కావాలంటే 12 వ అధ్యాయములో
కనిపిస్తుంది మనకు ఇశ్రాయేలు వారు రక్షించబడే విధానము:
2 నేను యెరూషలేము చుట్టునున్న జనులకందరికి మత్తు పుట్టించు
పాత్రగా చేయబోవుచున్నాను; శత్రు వులు యెరూషలేమునకు ముట్టడివేయగా
అది యూదా మీదికిని వచ్చును.
3 ఆ దినమందు నేను యెరూష లేమును సమస్తమైన జనులకు బరువైన
రాయిగా చేతును, దానిని ఎత్తి మోయువారందరు మిక్కిలి గాయ పడుదురు,
భూజనులందరును దానికి విరోధులై కూడు దురు.
4 ఇదే యెహోవా వాక్కుఆ దినమందు నేను గుఱ్ఱములన్నిటికిని
బెదరును, వాటిని ఎక్కువారికి వెఱ్ఱిని పుట్టింతును, యూదావారిమీద నా దృష్టియుంచి జనముల గుఱ్ఱములన్నిటికిని అంధత్వము కలుగజేతును.
5 అప్పుడు యెరూషలేములోని అధికారులుయెరూషలేము నివా సులు
తమ దేవుడైన యెహోవాను నమ్ముకొనుటవలన మాకు బలము కలుగుచున్నదని తమ హృదయమందు చెప్పు కొందురు.
6 ఆ దినమున నేను యూదా అధికారులను కట్టెల క్రింది నిప్పులుగాను
పనల క్రింది దివిటీగాను చేతును, వారు నలుదిక్కులనున్న జనములనందరిని
దహించుదురు. యెరూషలేమువారు ఇంకను తమ స్వస్థలమగు యెరూషలేములో నివసించుదురు.
7 మరియు దావీదు ఇంటి వారును యెరూషలేము నివాసులును,
తమకు కలిగిన ఘనతనుబట్టి యూదావారిమీద అతిశయపడకుండునట్లు యెహోవా యూదావారిని
మొదట రక్షించును.
8 ఆ కాలమున యెహోవా యెరూషలేము నివాసులకు సంరక్ష కుడుగా
నుండును; ఆ కాలమున వారిలో శక్తిహీనులు దావీదువంటివారుగాను,
దావీదు సంతతి వారు దేవునివంటి వారుగాను జనుల దృష్టికి యెహోవా దూతలవంటి
వారుగాను ఉందురు.
9 ఆ కాలమున యెరూషలేముమీదికి వచ్చు అన్యజనులనందరిని నేను
నశింపజేయ పూనుకొనె దను.
10 దావీదు సంతతివారిమీదను యెరూషలేము నివా సులమీదను కరుణ
నొందించు ఆత్మను విజ్ఞాపనచేయు ఆత్మను నేను కుమ్మరింపగా వారు తాము పొడిచిన నామీద దృష్టియుంచి,
యొకడు తన యేక కుమారుని విషయమై దుఃఖించునట్లు,తన
జ్యేష్ఠపుత్రుని విషయమై యొకడు ప్రలాపించునట్లు అతని విషయమై దుఃఖించుచు ప్రలాపింతురు.
11 మెగిద్దోను లోయలో హదదిమ్మోనుదగ్గర జరిగిన ప్రలాపమువలెనే
ఆ దినమున యెరూషలేములో బహుగా ప్రలాపము జరుగును.
12 దేశనివాసులందరు ఏ కుటుంబ మునకు ఆ కుటుంబముగా ప్రలాపింతురు,
దావీదు కుటుంబి కులు ప్రత్యేకముగాను, వారి భార్యలు
ప్రత్యేకముగాను, నాతాను కుటుంబికులు ప్రత్యేకముగాను, వారి భార్యలు ప్రత్యేకముగాను,
13 లేవి కుటుంబికులు ప్రత్యేకముగాను, వారి భార్యలు ప్రత్యేకముగాను, షిమీ కుటుంబికులు ప్రత్యేకముగాను,
వారి భార్యలు ప్రత్యేకముగాను,
14 మిగిలిన వారిలో ప్రతి కుటుంబపువారు ప్రత్యేకముగాను,
వారి భార్యలు ప్రత్యేకముగాను, ప్రలాపింతురు.
ఈ విధంగా ఇశ్రాయేలు ప్రజలంతా రక్షించబడతారు! వీరే ఆ
ఉద్యాన వనము!
ఇంకా దీనికోసం రోమా పత్రికలో పౌలుగారు మరింత వివరంగా చెబుతున్నారు!
11: 24 ఎట్లనగా నీవు స్వాభావికమైన అడవి ఒలీవ చెట్టునుండి
కోయబడి స్వభావవిరుద్ధముగా మంచి ఒలీవ చెట్టున అంటుకట్టబడిన యెడల స్వాభావికమైన కొమ్మలగు
వారు మరి నిశ్చయముగా తమ సొంత లీవచెట్టున అంటు కట్టబడరా?
25 సహోదరులారా, మీదృష్టికి మీరే
బుద్ధిమంతులమని అనుకొనకుండునట్లు ఈ మర్మము మీరు తెలిసికొన గోరు చున్నాను. అదేమనగా, అన్యజనుల ప్రవేశము సంపూర్ణమగువరకు ఇశ్రాయేలునకు
కఠిన మనస్సు కొంతమట్టుకు కలిగెను.
26 వారు ప్రవేశించునప్పుడు విమోచకుడు సీయోనులోనుండి వచ్చి
యాకోబులో నుండి భక్తిహీనతను తొలగించును;
27 నేను వారి పాపములను పరిహరించినప్పుడు నావలన వారికి
కలుగు నిబంధన ఇదియే అని వ్రాయబడినట్టు ఇశ్రాయేలు జనులందరును రక్షింప బడుదురు.
ఇలా రక్షించబడిన వారిని ఆయన పరమగీతము
2:16 లో చెప్పబడినట్లు పద్మములున్న చోట అతడు మందను మేపుచున్నాడు అనేది
నెరవేరుతుంది! ఇప్పుడు అదే ఈ వచనములో పద్మములున్న చోట మందను మేపడమే
కాదు- ఇప్పుడు ఆయన పద్మములను ఏరుకొంటున్నారు కూడా!! ఈ పద్మములు ఇశ్రాయేలు జాతిలో రక్షించబడిన వీరులు! జయించే
అనుభవము కలిగిన యూదులు!
ఇప్పుడు ఈ రక్షించబడిన ఇశ్రాయేలు జాతి
అనబడే ఉద్యానవనమునకు ప్రభువు దిగి వచ్చారు- ఆయన ఒలీవల
కొండమీద అడుగుపెట్టారు!
గమనించాలి అప్పటికి సంఘము భూమిమీద లేదు!
ఎత్తబడింది!
అయితే
8:13 లో చూసుకుంటే ఉద్యానవనములలో పెంచబడిన దానా! నీ చెలికత్తెలు నీ స్వరమును వినగోరుదురు, నన్నును దాని
విననిమ్ము అంటున్నారు!! ఇక్కడ ఉద్యానవనములు అనే మాట చూస్తాము!
ఎందుకంటే ఒక ఉద్యాన వనము మధ్యాకాశంలో ఉంది!
మరో ఉద్యానవనము భూమిమీద ఇశ్రాయేలు దేశంలో
ఉంది! అందుకే ఉద్యానవనములు అన్నారు దేవుడు!
మరో విధంగా చెప్పాలంటే సంఘము ఎత్తబడక మునుపు భూమిమీద ఉన్న సంఘాలే దేవుని
ఉద్యానవనములుగా చెప్పుకోవచ్చు! సంఘము ఎత్తబడ్డాక మధ్యాకాశంలో
ఉన్న ఎత్తబడిన సంఘము ఒక ఉద్యానవనమైతే ఇశ్రాయేలు దేశంలో ఉన్న రక్షించబడిన యూదులతో ఉన్నది
మరో ఉద్యానవనము!
ప్రియ
విశ్వాసి నీవు ఆ ఉద్యాన వనములో ఉన్నావా? ఆ ఉద్యానవనములో ప్రభువుతో కలసి విహారం చేస్తున్నావా?
ఆయన
ఆత్మతో నింపబడి ఆత్మలో ఆనందిస్తున్నావా?
లేకపోతే
విడవబడతావు అని మర్చిపోకూ!
దైవాశీస్సులు!!!
*గీతాలకు
గీతము-పరమగీతము*
*120వ భాగము*
*నేను పద్మములలో
మేపుచున్న నా ప్రియునిదానను*
పరమగీతము 6: 3 నేను పద్మములలో మేపుచున్న నా ప్రియునిదానను అతడును నావాడు.
ప్రియులారా! పరమగీతములను ధ్యానము చేస్తున్నాము.
ఇక
ఈ 3వ వచనంలో
3. నేను పద్మములలో మేపుచున్న నా ప్రియునిదానను అతడును నావాడు.
. అంటుంది షూలమ్మితి!
ఇక
షూలమ్మితి అంటుంది నేను పద్మములలో మేపుచున్న నా ప్రియునిదానను!!
పద్మములలో
మేపుచున్న అనగా పద్మములు అనగా ఇశ్రాయేలు జాతి అని గతభాగాలలో చూసుకున్నాము! అనగా ఇశ్రాయేలు జాతిలో
రక్షించబడిన స్త్రీని నేను అంటుంది!
ఇంకా
నేను నా ప్రియుని దానను అతడు నావాడు అంటుంది!
దీనికోసం
చూసుకుంటే రెండవ అధ్యాయంలోనే నేను షారోను పొలములో
పూయు పుష్పము వంటి దానను! లోయలలో పుత్తు పద్మము వంటి దానను అని
చెప్పడం జరిగింది! దీనికోసం వివరంగా చూసుకున్నాము!
ఇంకా 2:16 వ వచనంలో 16 నా ప్రియుడు నా వాడు నేను అతనిదానను పద్మములున్నచోట
అతడు మందను మేపుచున్నాడు అని చెబుతుంది ప్రియురాలు!!!
ఇంకా
ప్రియుడైన సోలోమోను ను అతడు నా వాడు అని ధైర్యంగా చెబుతుంది! ఇలా చెప్పగలగిన ప్రేమ
అతనిపట్ల ఆమెకుంది అంతేకాకుండా అంటే ప్రేమ షూలమ్మితి పట్ల అతనికి ఉంది! అందుకే అతడు నావాడు అని మరీ చెబుతుంది షూలమ్మితి! ప్రేమ
అనేది ఇచ్చి పుచ్చు కునేది! నీవు ఎంతగా దేవుణ్ణి ప్రేమిస్తావో
అంతగా ఆయన కూడా నీ పట్ల ప్రేమను చూపిస్తారు!
ఇంతటి
ప్రేమ నీకుందా ప్రియ సహోదరీ సహోదరుడా ప్రభువు పట్ల!!!
తాము
క్రీస్తుకూ, క్రీస్తు తమకూ శాశ్వతంగా చెంది ఉంటారన్న మధురమైన నిశ్చయత విశ్వాసులకు ఉండాలి
(యోహాను 17:6, ; రోమీయులకు 7:4, ; రోమీయులకు 8:38-39, ; 1 కోరింథీయులకు
3:21-23, ). ఇది నిజమో కాదో అనే సందేహంలో వారు ఉండిపోకూడదు.
ఇంకా 7 వ అధ్యాయములో పరమగీతము
7:10
10 నేను నా ప్రియునిదానను అతడు నాయందు ఆశాబద్ధుడు.
ఇక
హెబ్రీ 8:10 లో దేవుడు అంటున్నారు 10 ఆ దినములైన తరువాత ఇశ్రాయేలు ఇంటివారితో నేను చేయబోవు నిబంధన యేదనగా,
వారి మనస్సులో నా ధర్మవిధులను ఉంచెదను వారి హృదయములమీద వాటిని వ్రాయుదును
నేను వారికి దేవుడునై యుందును వారు నాకు ప్రజలై యుందురు.
ఇంతగా
దేవుడు మనలను ప్రేమిస్తున్నారు!
ఇంకా
ప్రకటన గ్రంధంలో చూసుకుంటే 21: 2 మరియు నేను నూతనమైన యెరూషలేము అను ఆ పరిశుద్ధపట్టణము
తన భర్తకొరకు అలంకరింపబడిన పెండ్లికుమార్తెవలె సిద్ధపడి పరలోకమందున్న దేవుని యొద్దనుండి
దిగి వచ్చుట చూచితిని.
3 అప్పుడు ఇదిగో దేవుని నివాసము మనుష్యులతో కూడ ఉన్నది,
ఆయన వారితో కాపురముండును, వారాయన ప్రజలైయుందురు,
దేవుడు తానే వారి దేవుడైయుండి వారికి తోడైయుండును.
4 ఆయన వారి కన్నుల ప్రతి బాష్పబిందువును తుడిచివేయును,
మరణము ఇక ఉండదు, దుఃఖమైనను ఏడ్పైనను వేదనయైనను
ఇక ఉండదు, మొదటి సంగతులు గతించి పోయెనని సింహాసనములోనుండి వచ్చిన
గొప్ప స్వరము చెప్పుట వింటిని.
ప్రియురాలైన నల్లనిదియు యెరూషలేము
కుమార్తెగా మారుటకు సిద్ధపడుచున్న విశ్వాసి పద్మమువంటిది. ఈ పద్మము లోయలోనే ఉంటుంది. అనగా బబులోనులోనే ఉంటుంది కాని బబులోనులోని
విగ్రహ దేవుళ్లను రక్షకునిగా నమ్మదుగాని క్రీస్తు ప్రభువును మాత్రము రక్షకునిగా నమ్మును. కనుక ఈమెను లోయలో ఉన్న పద్మముగా చెప్పబడింది. ఇలాంటి విశ్వాసిని క్రీస్తు ప్రభువు
పద్మము ఎక్కడ ఉన్నదో అక్కడ ఆమెను పోషించును. అయినప్పటికి ఆ విశ్వాసి అనగా ప్రియురాలు
ప్రియుడైన క్రీస్తు సంబంధి. అంటే మనము అన్యుల మధ్య ఉన్నను మనము
ఆయన సంబంధులమే. కాబట్టి
మనలను అన్యుల మధ్యనే ఉంచి పోషించునని ఈ వచనములో చెప్పుచున్నది. అలాంటి స్థితిలో నన్ను పోషించుచున్న
అతను అనగా క్రీస్తు ప్రభువు నావాడు అని చెప్పుచున్నది. అనగా తన రక్షకునిగా గుర్తించుచున్నది.
నీవు
నీ ప్రియుడైన యేసుక్రీస్తుప్రభులవారిని గుర్తిస్తున్నావా ప్రియ చదువరీ!!!
దైవాశీస్సులు!!
*గీతాలకు గీతము-పరమగీతము*
*121వ భాగము*
*నీవు తిర్సాపట్టణమువలె సుందరమైన దానవు*
పరమగీతము 6: 4.నా సఖీ, నీవు తిర్సాపట్టణమువలె సుందరమైన దానవు.
యెరూషలేమంత సౌందర్యవంతురాలవు టెక్కెముల నెత్తిన సైన్యమువలె భయము పుట్టించుదానవు
ప్రియులారా! పరమగీతములను ధ్యానము చేస్తున్నాము.
ఇక
ఈ 4వ వచనంలో4.
నా సఖీ, నీవు తిర్సాపట్టణమువలె సుందరమైన దానవు.
యెరూషలేమంత సౌందర్యవంతురాలవు టెక్కెముల నెత్తిన సైన్యమువలె భయము పుట్టించుదానవు ఈమాట పలుకుతుంది ప్రియుడైన సోలోమోను!!
ప్రియులారా! ఈ పరమ గీతమంతటిలోను ఆయన
ఈమెను గురించి ఆలోచిస్తూ ఉన్నంతగా ఆమె ఆయనను తలచుకోవడం కనిపించదు. ఇతర విషయాలు ఆమెను ఆకర్షిస్తాయి గాని ఆయన ధ్యాస మాత్రం అంతా ఆమెమీదే.
ఇది ఈ లోకంలో ఉన్న తన సంఘంపై క్రీస్తుకు ఉన్న ప్రేమ, సంఘానికి క్రీస్తు పై ఉన్న ప్రేమ కంటే చాలా ఎక్కువ. మనం
ఆయనను ప్రేమించాలన్న దానికి ఆయన ప్రేమ ఆదర్శం.
ఇక “తిర్సా”– ఈ పదానికి అర్థం
“సౌక్యం”, “అందం”. తరువాతి
కాలంలో ఉత్తర ఇజ్రాయేల్ రాజ్యానికి మొదటి రాజధానిగా ఈ పట్టణాన్ని ఎన్నుకొన్నారు
(దయచేసి ఈ రిఫరెన్సులు చూడండి 1 రాజులు
14:17, ; 1 రాజులు 15:21, , 1 రాజులు
15:33, ; 1 రాజులు 16:6, , 1 రాజులు
16:23, ). ఇది చాలా సుందర స్థలమని దీనివల్ల తెలుస్తున్నది.
“జెరుసలం”– కీర్తనల గ్రంథము
48:2, ఉత్తరదిక్కున మహారాజు పట్టణమైన సీయోను పర్వతము రమ్యమైన యెత్తుగల
చోట నుంచబడి సర్వభూమికి సంతోషకరముగా నున్నది;
కీర్తనల
గ్రంథము 50:2, పరిపూర్ణ సౌందర్యముగల సీయోనులోనుండి దేవుడు ప్రకాశించుచున్నాడు .
ఇక “సైన్యం” అనగా – క్రీస్తు సంఘం అనగా సార్వత్రిక
సంఘము కూడా బలమైన ఆధ్యాత్మిక
సైన్యం.
ప్రియులారా
ఇక తిర్సా పట్టణము కోసం
4 వ అధ్యాయంలో చాలా వివరంగా ధ్యానం చేసుకున్నాము!
అందుకే
ముఖ్యమైన మాటలు చూసుకుని ముందుకు పోదాము! ఈ మాటలు ప్రియుడైన సోలోమోను ప్రియురాలైన షూలమ్మితికి
చెబుతున్న మాటలు!
ఇక్కడ షూలమ్మితిని తిర్సా పట్టణము తోను
మరియు యెరూషలేము పట్టణము తోను పొలుస్తున్నారు ఇక్కడ!
తిర్సా అనగా సౌందర్యవంతమైనది అని పైన చూసుకున్నాము! అనగా ఇప్పుడు సంఘము ఎంతో సుందరమైనది లోపము లేనిది అని ప్రియుడైన యేసుక్రీస్తుప్రభులవారు
అంటున్నారు! అనగా ఏ లోపములేనిదిగా సంఘము ఉండాలని ప్రియుడు కోరుకుంటున్నారు!
సంఘము యొక్క ప్రవర్తన ఎంతో సుందరముగా లోపము లేనిదిగా ఉండాలని ఆయన కోరుకున్నారు!
అయితే
మరోవిధంగా చూసుకుంటే యెషయా
42:1 లో అంటున్నారు దేవుడు ఇదిగో నేను
ఆదుకొను నా సేవకుడు నేను ఏర్పరచుకొన్నవాడు నా ప్రాణమునకు ప్రియుడు అతని యందు నా ఆత్మను
ఉంచియున్నాను అంటున్నారు! అనగా యేసుక్రీస్తుప్రభులవారు
తండ్రియైన దేవునికి ఎంతో ప్రియమైన వారు అని అర్ధమవుతుంది!
అదే సమయంలో ఈ 4 వ వచనం ప్రకారం
తిర్సా మరియు యెరూషలేము పట్టణాలు కూడా ప్రభువుకు ఎంతో ప్రీతిపాత్రమైనవిగా కనిపిస్తున్నాయి!
అనగా సంఘమును అనగా సంఘములో లోపము లేనివారిని విశ్వాసమందు అధ్యాత్మికంగా
సౌందర్యవంతులను ప్రభువు ప్రేమిస్తున్నారు అలాగే సీయోను సంబంధులైన యెరూషలేము నివాసులను
కూడా దేవుడు ఎంతగానో ప్రేమిస్తున్నారు! సంఘములో ప్రతీ విశ్వాసి
ఇలాగే ఉండాలని దేవుడు కోరుకుంటున్నారు!
ఇంకా చరిత్ర చూసుకుంటే తిర్సా తండ్రి
అరణ్యములో చనిపోయాడు! తిర్సాకు సహోదరులు లేరు!
అందువలన ఆమెకు మరియు ఆమె సొదరీమణులకు ఏ విధమైన ఆస్తి సంక్రమించ లేదు!
అందుకోసం ఆమె తన సోదరీలతో కలసి మోషే గారిని సంప్రదించింది! మోషే గారు దేవుణ్ణి అడిగి ఆమెకు ఆస్తిని ఇచ్చారు! దీనిని
బట్టి ఏమని అర్ధమవుతుంది అంటే తిర్సా అనగా అందమైనదే కాదు ఆమె దేవుని వలన కృప పొందినది అనికూడా అర్ధమవుతుంది!
అలాగే దిక్కుమాలిన దీనులమై ఉన్నప్పుడు
ప్రభువు మనలను ఆదరించి సేదదీర్చి తన కృపకు పాత్రులుగా చేసి తన పిల్లలుగా మార్చారు!
తరువాత తన స్వాస్థ్యము నకు హక్కుదారులుగా కూడా చేశారు ప్రభువు!
అంతకంటే ఎక్కువగా అక్షయమైనది నిర్మలమైనది వాడబారనిది అయిన తన స్వాస్థ్యమును
మనకు ఇచ్చారు!
ఇక యెరూషలేము అనగా శాంతి నిలయము అని అర్ధం!
అనగా సంఘములో శాంతి సమాధానాలు కూడా నింపేవాడు మన దేవుడు! సంఘము కూడా అందరితో శాంతి సమాధానము కలిగి ఉండాలి!
ఇక
నా సఖీ టెక్కెముల నెత్తిన సైన్యము వలే భయము పుట్టిస్తున్నావు అంటున్నారు! ఈ టెక్కెము కోసం కూడా
సైన్యము కోసం కూడా గతంలో ధ్యానం చేసుకున్నాము!
దైవాశీస్సులు!!!
*గీతాలకు గీతము-పరమగీతము*
*122వ భాగము*
*నీ కనుదృష్టి నామీద ఉంచకుము*
పరమగీతము 6: 5 నీ కనుదృష్టి నామీద ఉంచకుము అది నన్ను వశపరచుకొనును నీ తలవెండ్రుకలు గిలాదు
పర్వతముమీది మేకలమందను పోలియున్నవి.
6 నీ పలువరుస కత్తెర వేయబడినవియు కడుగబడి యప్పుడే పైకి
వచ్చినవియునై జోడుజోడు పిల్లలు కలిగి ఒకదానినైన పోగొట్టు కొనక సుఖముగానున్న గొఱ్ఱల
కదుపులను పోలియున్నవి.
ప్రియులారా! పరమగీతములను ధ్యానము చేస్తున్నాము.
ఇక
ఈ 5వ వచనంలో ప్రియుడైన సోలోమోను అంటున్నాడు
5 నీ కనుదృష్టి నామీద ఉంచకుము అది నన్ను వశపరచుకొనును నీ తలవెండ్రుకలు
గిలాదు పర్వతముమీది మేకలమందను పోలియున్నవి.
6 నీ పలువరుస కత్తెర వేయబడినవియు కడుగబడి యప్పుడే పైకి వచ్చినవియునై జోడుజోడు
పిల్లలు కలిగి ఒకదానినైన పోగొట్టు కొనక సుఖముగానున్న గొఱ్ఱల కదుపులను పోలియున్నవి..!!
ఈ
వచనాలు పరమగీతము 4:1-3,
లాగా ఉన్నాయి. ఆమె ప్రేమతో చూచిన చూపు ఆయన భరించలేనంత
ప్రేమను ఆయనలో రేకెత్తిస్తుంది (వ 5; పరమగీతము
4:9, ).
4:1 నా ప్రియురాలా, నీవు సుందరివి
నీవు సుందరివి నీ ముసుకుగుండ నీ కన్నులు గువ్వకన్నులవలె కనబడుచున్నవి నీ తలవెండ్రుకలు
గిలాదు పర్వతముమీది మేకల మందను పోలియున్నవి.
2 నీ పలువరుస కత్తెరవేయబడినవియు కడుగబడి అప్పుడే పైకి
వచ్చినవియునై జోడుజోడు పిల్లలు కలిగి ఒకదానినైన పోగొట్టుకొనక సుఖముగానున్న గొఱ్ఱెల
కదుపులను పోలియున్నది.
3 నీ పెదవులు ఎరుపునూలును పోలియున్నవి. నీ నోరు సుందరము నీ ముసుకుగుండ నీ కణతలు విచ్చిన దాడిమ ఫలమువలె నగపడుచున్నవి.
9 నా సహోదరీ, ప్రాణేశ్వరీ,
నీవు నా హృదయమును వశపరచుకొంటివి ఒక చూపుతో నా హృదయమును వశపరచుకొంటివి.
నీ హారములలో ఒకదానిచేత నన్ను వశపరచుకొంటివి.
నిజానికి
లోకానుసారంగా చూసుకుంటే దీని అర్ధం (దయచేసి నా భాషను క్షమించండి) నీ కొంటె చూపులు నా మీద నుండి తీసేయ్! నేను తట్టుకోలేక
పోతున్నాను అని ప్రియుడు చెప్పినట్లుగా ఉంది ఈ వచనం!
మొత్తానికి
ఒకటి అర్ధమవుతుంది ఏమంటే ప్రియురాలు తన చూపులు ప్రభువు మీద లేక ప్రియుని మీదనే పెట్టుకుంది! ఈ లోకములో మరెవరి మీద
లేక మరో దానిమీద తన చూపులు లేవు! అలాగే మన చూపులు కూడా ప్రభువు
మీద ఆధ్యాత్మిక విషయాల మీదనే ఉండాలి గాని లోక సంబంధమైన విషయాల మీద ఉండకూడదు!
అందుకే కీర్తన 123 లో అంటున్నారు
1 ఆకాశమందు
ఆసీనుడవైనవాడా, నీ తట్టు నా కన్ను లెత్తుచున్నాను.
2 దాసుల కన్నులు తమ యజమానుని చేతితట్టును దాసి కన్నులు
తన యజమానురాలి చేతితట్టును చూచు నట్లు మన దేవుడైన యెహోవా మనలను కరుణించువరకు మన కన్నులు
ఆయనతట్టు చూచుచున్నవి.
మన
దృష్టి లోకస్తుల మీద గాని బలవంతుల మీద గాని గొప్పవారి మీద గాని రాజకీయ నాయకుల మీద గాని
కాకుండా కేవలం క్రీస్తుమీదనే నీ చూపు నీ ఆశ పెట్టుకుంటే తప్పకుండా నిన్ను కనికరించి
నిన్ను ఆదుకునే దేవుడు!
ఇక
తల వెండ్రుకల కోసం, గిలాదు పర్వతం కోసం మేకల మందకోసం కూడా 4వ అధ్యాయం ధ్యానం
చేసినప్పుడు చూసుకున్నాము గనుక ముందుకు పోదాం!
ఇక
పలువరుస కోసం కూడా 4 వ అధ్యాయంలో ధ్యానం చేసుకున్నాము గనుక ముందుకు పోదాం!
దైవాశీస్సులు!!
*గీతాలకు గీతము-పరమగీతము*
*123వ భాగము*
*నా పావురము నా నిష్కళంకురాలు ఒకతే ఆమె తన తల్లికి ఒకతే
కుమార్తె*
పరమగీతము 6: 8 అరువదిమంది రాణులును ఎనుబదిమంది ఉపపత్ను లును లెక్కకు మించిన కన్యకలును కలరు.
9 నా పావురము నా నిష్కళంకురాలు ఒకతే ఆమె తన తల్లికి ఒకతే
కుమార్తె కన్నతల్లికి ముద్దు బిడ్డ స్త్రీలు దాని చూచి ధన్యురాలందురు రాణులును ఉపపత్నులును
దాని పొగడుదురు.
ప్రియులారా! పరమగీతములను ధ్యానము చేస్తున్నాము.
ఇక
ఈ 8వ వచనంలో ప్రియుడైన సోలోమోను అంటున్నాడు 8 అరువదిమంది రాణులును ఎనుబదిమంది
ఉపపత్ను లును లెక్కకు మించిన కన్యకలును కలరు.
9 నా పావురము నా నిష్కళంకురాలు ఒకతే ఆమె తన తల్లికి ఒకతే కుమార్తె కన్నతల్లికి
ముద్దు బిడ్డ స్త్రీలు దాని చూచి ధన్యురాలందురు రాణులును ఉపపత్నులును దాని పొగడుదురు.
ప్రియులారా! ఈ రెండు వచనాల కోసం విభిన్నమైన
ఆలోచనలు ఉన్నాయి! నాకు
తెలిసిన మూడు రకాలైన అభిప్రాయాలు చూసుకుందాం!
మొదటిది: పెండ్లి కుమార్తె సంఘము
(సంఘ కోణములో)
మానవ
చరిత్ర అంతటిలోనూ పాత నిబంధన లోని ఇజ్రాయేల్ ప్రజకూ, క్రొత్త నిబంధన లోని క్రీస్తు సంఘానికీ
గొప్ప ప్రత్యేకత, విశిష్ఠత ఉన్నాయి
నిర్గమకాండము 19:5-6,
5 కాగా మీరు నా మాట శ్రద్ధగా విని నా నిబంధన ననుసరించి
నడిచినయెడల మీరు సమస్త దేశ జనులలో నాకు స్వకీయ సంపాద్యమగుదురు.
6 సమస్త భూమియు నాదేగదా. మీరు నాకు
యాజక రూపకమైన రాజ్యముగాను పరిశుద్ధమైన జనముగాను ఉందురని చెప్పుము; నీవు ఇశ్రాయేలీయులతో పలుకవలసిన మాటలు ఇవే అని చెప్పగా ;
ద్వితీయోపదేశకాండము 7:6, నీవు నీ దేవుడైన యెహోవాకు
ప్రతిష్ఠిత జనము, నీ దేవుడైన యెహోవా భూమిమీదనున్న సమస్త జనములకంటె
నిన్ను ఎక్కువగా ఎంచి, నిన్ను తనకు స్వకీయజనముగా ఏర్పరచుకొనెను.
కీర్తనల గ్రంథము
135:4, యెహోవా తనకొరకు యాకోబును ఏర్పరచుకొనెను తనకు స్వకీయధనముగా ఇశ్రాయేలును
ఏర్పరచు కొనెను.;
యోహాను 17:6, లోకము నుండి నీవు నాకు అనుగ్రహించిన
మనుష్యులకు నీ నామమును ప్రత్యక్షపరచితిని. వారు నీవారై యుండిరి,
నీవు వారిని నాకను గ్రహించితివి; వారు నీ వాక్యము
గైకొనియున్నారు. ,
యోహాను 17:9, నేను వారికొరకు ప్రార్థన చేయుచున్నాను;
లోకముకొరకు ప్రార్థన చేయుటలేదు, నీవు నాకు అనుగ్రహించియున్న
వారు నీవారైనందున వారికొరకే ప్రార్థన చేయుచున్నాను;
తీతుకు 2:14, ఆయన సమస్తమైన దుర్నీతినుండి
మనలను విమోచించి, సత్క్రియలయందాసక్తిగల
ప్రజలను తన కోసరము పవిత్రపరచుకొని తన సొత్తుగా చేసికొనుటకు తన్నుతానే మనకొరకు అర్పించుకొనెను;
1 పేతురు 2:9-10,
9 అయితే మీరు చీకటిలోనుండి ఆశ్చర్యకరమైన తన వెలుగులోనికి
మిమ్మును పిలిచిన వాని గుణాతిశయములను ప్రచురముచేయు నిమిత్తము, ఏర్పరచబడిన వంశమును, రాజులైన యాజకసమూహమును, పరిశుద్ధ జనమును, దేవుని సొత్తయిన ప్రజలునైయున్నారు.
10 ఒకప్పుడు ప్రజగా ఉండక యిప్పుడు దేవుని ప్రజయైతిరి;
ఒకప్పుడు కనికరింపబడక యిప్పుడు కనికరింపబడినవారైతిరి.
వేలకొలది జాతులు, ప్రజలు, సమాజాలు,
సంస్థలు ఈ లోకంలో ఉన్నాయి గానీ క్రీస్తు వధువుగా ఉండదగ్గది క్రీస్తు
సంఘం ఒకటే. దానికి ఎంత ధన్యత! కాబట్టి ఈ
రెండు వచనాలు పెండ్లి కుమార్తె వధువు సంఘము కోసం చెప్పబడింది సంఘ కోణములో!
ఇక ఇశ్రాయేలు జాతి కోణములో చూసుకుంటే :
ఈ వచనంలో కన్నతల్లికి ఒక్కతే కుమార్తె ఆమె
షూలమ్మితి! వీరు రక్షించబడిన ఇశ్రాయేలు ప్రజలు!
ఇప్పుడు ఈమెకు ఒక్క ముద్దుబిడ్డ!
ఆ ముద్దుబిడ్డ అనగా వీరు మహా శ్రమల కాలంలో రక్షించబడిన ఇశ్రాయేలు ప్రజలు!
వీరు ఇశ్రాయేలు ప్రజలనుండి ఏర్పరచబడిన వారు! అయితే
ప్రపంచ అన్య జనులలో నుండి కూడా ఒక ముద్దు బిడ్డ ఉంది! దేవుడు
తన స్వరక్తమిచ్చి సంపాదించుకున్న సంఘమే! ఈమె నా పావురము నా నిష్కలంకురాలు
అంటున్నారు ప్రభువు!!
ఇక
మూడవ అభిప్రాయము కూడా ఉంది!
దానిని కూడా పరిశీలన చేద్దాం!
ఈమె
మరెవరో కాదు! యేసుక్రీస్తుప్రభులవారిని కన్న తల్లి మరియమ్మ గారు !!
(ఇంకాఉంది)
*గీతాలకు గీతము-పరమగీతము*
*124వ భాగము*
*నా పావురము నా నిష్కళంకురాలు ఒకతే ఆమె తన తల్లికి ఒకతే
కుమార్తె*
పరమగీతము 6: 8 అరువదిమంది రాణులును ఎనుబదిమంది ఉపపత్ను లును లెక్కకు మించిన కన్యకలును కలరు.
9 నా పావురము నా నిష్కళంకురాలు ఒకతే ఆమె తన తల్లికి ఒకతే
కుమార్తె కన్నతల్లికి ముద్దు బిడ్డ స్త్రీలు దాని చూచి ధన్యురాలందురు రాణులును ఉపపత్నులును
దాని పొగడుదురు.
ప్రియులారా! పరమగీతములను ధ్యానము చేస్తున్నాము.
ఇక
ఈ 8వ వచనంలో ప్రియుడైన సోలోమోను అంటున్నాడు 8 అరువదిమంది రాణులును ఎనుబదిమంది
ఉపపత్ను లును లెక్కకు మించిన కన్యకలును కలరు.
9 నా పావురము నా నిష్కళంకురాలు ఒకతే ఆమె తన తల్లికి ఒకతే కుమార్తె కన్నతల్లికి
ముద్దు బిడ్డ స్త్రీలు దాని చూచి ధన్యురాలందురు రాణులును ఉపపత్నులును దాని పొగడుదురు.
ప్రియులారా! ఈ రెండు వచనాల కోసం విభిన్నమైన
ఆలోచనలు ఉన్నాయి! నాకు
తెలిసిన మూడు రకాలైన అభిప్రాయాలు చూసుకుంటున్నాము!!
(గతభాగం తరువాయి)
ఇక మూడవ అభిప్రాయం:
ఈమె మరెవరో కాదు! యేసుక్రీస్తుప్రభులవారిని కన్నతల్లి
మరియమ్మ గారు!!
(ఎక్కువ ప్రాచుర్యములో ఉన్న ఈ అభిప్రాయం చూడండి )
పరమగీతము 6:8-9, ''అరువదిమంది రాణులును ఎనుబదిమంది
ఉపపత్నులును లెక్కకు
మించిన కన్యకలును కలరు. నా పావురము నా నిష్కళంకురాలు ఒకతే
ఆమె తన తల్లికి ఒకతే కుమార్తె కన్నతల్లికి ముద్దు బిడ్డ స్త్రీలు దాని చూచి ధన్యురాలందురు. రాణులును ఉపపత్నులును దాని పొగడుదురు.''
ఈ ప్రవచనములు
మరియమ్మను గూర్చినవి. పరమగీతము 6:8, ''ఆరువదిమంది
రాణులును ఎనుబదిమంది ఉపపత్నులును లెక్కకు మించిన కన్యకలును కలరు.'' అని వ్రాయబడిన విధముగా
రాణులు అనగా భార్యలు. వీరు అధికారము కలిగినవారు అనగా యజమానురాలు. ఉపపత్నులు అనగా వీరు భార్యలు కారు
కాని భార్యలాగా ప్రవర్తించువారు, అలాగే లెక్కకు మించిన కన్యకలు
కూడ కలరు. ఇక్కడ రాణువులు ఉపపత్నులుగా చెప్పబడినవారు సంసార జీవితమును
అనుభవించువారు వీరు కొందరు ఉన్నట్లుగా సంఖ్య ఉదాహరణగా చెప్పబడినది. ఈ సంఖ్యనుబట్టి కొందరు ఉన్నట్లుగా
గుర్తించాలి. వీరు వేరేవారికి
భార్యలుగా చెప్పబడినది.
ఇక కన్యకలు అనేకులు కలరు. వీరు నూతన నిబంధన కాలములో అనేకులు
ఉన్నట్లుగా చెప్పబడినది. పరమయెరూషలేము కూడ కన్యకయే!
ఇప్పుడున్న సంఘము కూడ కన్యకయే! ప్రకటన గ్రంథము 19వ అధ్యాయము ప్రకారము మానవులు అందరు అనగా పవిత్రమైనవారు వధువు అనే కన్యకగా మారి
క్రీస్తులో ఐక్యమగుదురు. కనుక మనమందరము కన్యకలమే. మనలనుగూర్చి రోమా 3:11, ''నీతిమంతుడు లేడు, ఒక్కడును లేడు గ్రహించువాడెవడును లేడు దేవుని వెదకువాడెవడును లేడు.'' కనుక ఈ అనేకమైన కన్యకలు నీతిని తప్పి
ఒక్కరును పవిత్రముగా లేరు.
లోకపాపపరిహారార్థము
ఈ లోకములో దేవుడు అవతరించుటకు నిష్కళంకమైన కన్యనుగూర్చి అన్వేషించుచు, దేవుడు తన తలంపులోని ఆలోచనను పరమగీతములో సొలోమోను చేత వ్రాయించెను.
మరియమ్మ ఎక్కడ పుట్టింది? ఎవరికి పుట్టింది? ఎక్కడ పెరిగింది? వీటికి బైబిలు గ్రంథమందు సమాధానాలు
లేవు. కాని పరమగీతము
6:9, ''నా పావురము నా నిష్కళంకురాలు ఒకతే ఆమె తన తల్లికి ఒకతే కుమార్తె కన్నతల్లికి ముద్దు బిడ్డ స్త్రీలు దాని చూచి ధన్యురాలందురు
రాణులును ఉపపత్నులును దాని పొగడుదురు.''
అని వ్రాయబడిన
ప్రకారము, ఆమె తన తల్లికి ఒకతే కుమార్తె
అని, ఆమె ముద్దుబిడ్డగా పుట్టిందని, ఈమెను
స్త్రీలు ధన్యురాలు అంటారని చెప్పబడినది.
ఈమె ఒకతే కుమార్తె అనగా ఆమెకు తరువాతగాని ముందుగాని ఆమె తల్లికి
సంతానము లేదు అని తెలియుచున్నది. ఈ విధముగా తండ్రియైన దేవుడు సొలోమోను చేత ఈ ప్రవచనములు వ్రాయించెను.
ఆమె మరియమ్మ అని వేరే చెప్పనవసరము లేదు. అయితే ముస్లీం మతగ్రంథమైన ఖురాన్-ఈ-షరీష్ నందు ఈమె పుట్టుక,
ఎక్కడ పెరిగింది? ఎవరికి పుట్టింది? అను వాటినిగూర్చి సంపూర్ణముగా తెలియజేస్తున్నది. ఆమె తండ్రి ఇమ్రాన్. ఈయన భార్యకు బహుకాలము అనగా ముసలితనము
వరకు సంతానము లేక దేవుని ప్రార్థించినట్లుగా వ్రాయబడియున్నది. ఆమె ప్రార్థించింది మగ సంతానము కొరకు. కాని ఆమెకు పుట్టింది ఆడ సంతానము. ఈమెయే కన్య మరియ. ఈమెను పోషించినవారు జెకర్యా అనగా
ఈమె పుట్టినప్పటికే ఆమె తల్లిదండ్రులు ముసలివారుగా మనము గుర్తించాలి. వీరు మరియమ్మ పుట్టిన తర్వాత మరణించియుండాలి. లేని పక్షములో
ఆమెను తల్లిదండ్రులే పోషించేవారుగాని జెకర్యా పోషణకర్తగా ఉండవలసిన అవసరము లేదు.
అదే ఖురాన్-ఈ-షరీష్ గ్రంథములో ఈమెను జెకర్యా
చూడడానికి వెళ్లినప్పుడల్లా ఆమెదగ్గర ఆహారము ఉన్నట్లుగా చెప్పబడి యున్నది. అంతే కాదు ఈ ఆహారము జెకర్యా ఇచ్చినది
కాదు. ఈమెను దేవుడు స్వయముగా
పోషించాడు. ఇందునుబట్టి
జెకర్యా పోషణకర్తగా ఎన్నిక కాబడినను జెకర్యా ఈమెను పోషించలేదు. దేవుడైన యెహోవా యెరూషలేము ఆలయములో ఆమెను పోషించి
పెద్ద జేశాడు.
ఈ విధముగా
మన మూల ప్రవచనములో చెప్పబడినట్లుగా ఈమె తన తల్లికి ఒకతే కుమార్తె ఈమె ఆమెకు ముద్దు
బిడ్డగా పుట్టింది. యెరూషలేము
దేవాలయములో ఒక అనాధగా ఈమె తల్లిదండ్రులు చనిపోయిన తరువాత అప్పగింపబడి ఈమె పోషణకర్తగా
జెకర్యా పేరు దేవుడే తెలియజేయగా ఆయన
పోషణకర్తగా ఉన్నాడు.
కాని ఎప్పుడు కూడ ఆయన పోషించినట్లుగా బైబిలు గ్రంథమందుగాని,
ఖురాన్-ఈ-షరీష్
గ్రంథమందు గాని చెప్పలేదు.
పైపెచ్చు ఆమె ఆహారము కొరత లేకుండ ఉన్నట్లుగా చెప్పబడింది. ఈ ఆహారము దేవుడు పంపినట్లుగా గ్రహించాలి. తండ్రియైన దేవుడు ఆమెను పోషించాడు
అనగా ఈ లోకసంబంధమైన ఆహారముతో ఆమె పోషింపబడలేదు. ఈ విషయములను గూర్చి చివరి అధ్యాయములో
అనగా ఖురాన్-ఈ-షరీష్ మరియమ్మనుగూర్చి ఏమి చెప్పుచున్నది? అన్న విభాగములో ఇంకా ఎక్కువగా చదువుకొనగలరు. ఇటువంటి స్త్రీయైన కన్య మరియను ప్రతి
స్త్రీ ధన్యురాలుగా పిలుచుదురు అని వ్రచనములో చెప్పబడియున్నది. దీనినే మనము లూకా సువార్తలో చదువగలము. లూకా 1:49, ''సర్వశక్తి మంతుడు నాకు గొప్పకార్యములు చేసెను గనుక ఇది మొదలుకొని అన్నితరములవారును
నన్ను ధన్యురాలని యందురు.''
చివరగా
''నా పావురము నా నిష్కళంకురాలు ఒకతే,'' అనుటలో
నా పావురము అనగా దేవునియొక్క
పావురము ఎవరు? పరిశుద్ధాత్మ
దేవుడే కదా! మత్తయి
3:17, ''మరియు-ఇదిగో ఈయనే నా ప్రియ కుమారుడు,
ఈయనయందు నేనానందించుచున్నా నని యొక శబ్దము ఆకాశమునుండి వచ్చెను.''
నా నిష్కళంకురాలు ఎవరు? ఈమె కన్యయైన మరియ. ఈమె కళంకము లేనిది అని పరమగీతములో
దేవుడు సాక్ష్యమిచ్చు చున్నారు. ఈ సాక్ష్యము సాధారణమైనది కాదు.
దేవుడే స్వయముగా ఇస్తున్న సాక్ష్యము. ఈ సాక్ష్యములో తన ఆత్మయైన పరిశుద్ధాత్మను
పావురముగా చెప్పుచూనే కన్య మరియను నిష్కళంకురాలుగా చెప్పుచున్నారు. ఇంత గొప్ప సాక్ష్యము తండ్రియైన దేవుడు
ఇస్తుంటే ఆమెకు కళంకమును ఆపాదించువారు అబద్ధ బోధకులు కారా?
ఇంకొంత లోతుగా ఈ వచనములను మనము
పరికిస్తే ఇందులో ఇంకొక ముఖ్య రహస్యము మనకు తెలియును. ''నా పావురము నా నిష్కళంకురాలు ఒకతే,''
అనగా దేవుని పావురమైన పరిశుద్ధాత్మ కన్య మరియమ్మలో చేరి మరియను తనతో
సమానముగా చేసుకొనినందున ఇద్దరు ఒక్కరే.
ఇది
వారి అభిప్రాయము! వారి అభిప్రాయం ఏమిటంటే మరియమ్మ గారు మరియు పరిశుద్ధాత్మ దేవుడు ఒక్కటే అంటారు!!
సరే, దీనికోసం సరియైన వివరణ ఏమిటో దేవునికే
తెలియాలి! మీద చెప్పిన చరిత్ర ఎలా ఉన్నా- నేను చదివిన చరిత్ర ప్రకారం మరియమ్మ గారికి ఒక అక్క ఉంది ఆమె పేరు సలోమి!!
వీరు పుట్టాక తల్లిదండ్రులు చనిపోతే దేవాలయములో యాజకుల చేత నడుపబడుచున్న
అనాధ శరణాలయములో వీరిద్దరూ పెరిగారు! యాజకులే వీరిద్దరికీ వివాహాలు
కూడా చేశారు! మరియమ్మ గారి అక్కకు జెబదయి గారిని ఇచ్చి చేశారు!
వీరికి పెద్ద యాకోబు గారు మరియు అపోస్టలుడైన యోహాను గారు పుట్టారు!
ఇక మరియమ్మ గారికి నీతిమంతుడు అని సర్టిఫై పొందిన యోసేపు గారికి ఇచ్చి
పెళ్లి చేశారు! అయితే మరియమ్మ గారు పుట్టిన దగ్గర నుండి ఎక్కువగా
యాజకుల ఇళ్లలోనే ఎక్కువగా ఉండేది! ఎక్కువగా పెంచి పోషించింది
యాజకుడైన జెకర్యా గారి భార్య ఎలీషబేతు గారు! నిజానికి మరియమ్మ
గారు యూదా గోత్రానికి చెందినది అయినా ఎలీషాబేతు గారు కూడా యూదురాలే గాని ఆమె యాజకుణ్ణి
వివాహం చేసుకున్నందున లేవీయురాలు అయ్యింది గాని ఎలీషబేతు గారికి మరియమ్మ బంధువురాలు
మరియు వారింటిలోనే ఎక్కువగా పెరిగింది గనుక దేవదూత గాబ్రియేలు నీ బంధువురాలు అని పిలవడం
జరిగింది! ఇదీ నేను చదివిన మరియు విన్న చరిత్ర!! అయితే మరియమ్మ గారు భక్తిపరురాలు
మరియు దేవునియందు భయభక్తులు గల స్త్రీ!! దానిలో సందేహము ఏమీ లేదు!
ఆమెను ఎంతమాత్రమూ హేళన చేయడం అవమానించడం తప్పు! అయితే ఆమెకు దేవత్వం ఆపాదించడం ఎంతమాత్రమూ సరికాదు!! యేసుక్రీస్తుప్రభులవారు ఈ భూలోకానికి
రావడానికి దేవుడు ఎన్నుకున్న గొప్ప పాత్ర మరియు గొప్ప పరిశుద్దురాలు ఆమె!! నిజంగా నిష్కలంకురాలు ఆమె!
దైవాశీస్సులు!!!
*గీతాలకు గీతము-పరమగీతము*
*125వ భాగము*
*వ్యూహితసైన్య సమభీకర రూపిణియునగు ఈమె ఎవరు*
పరమగీతము 6: 10
సంధ్యారాగము చూపట్టుచు చంద్రబింబమంత అందముగలదై సూర్యుని అంత స్వచ్ఛమును
కళలునుగలదై వ్యూహితసైన్య సమభీకర రూపిణియునగు ఈమె ఎవరు?
ప్రియులారా! పరమగీతములను ధ్యానము చేస్తున్నాము.
ఇక
ఈ 10వ వచనంలో ప్రియుడైన సోలోమోను అంటున్నాడు సంధ్యారాగము చూపట్టుచు చంద్రబింబమంత
అందముగలదై సూర్యుని అంత స్వచ్ఛమును కళలునుగలదై వ్యూహితసైన్య సమభీకర రూపిణియునగు ఈమె
ఎవరు?
ప్రియులారా! ఈ వచనం కోసం కూడా విభిన్నమైన ఆలోచనలు ఉన్నాయి! నాకు తెలిసిన మూడు రకాలైన అభిప్రాయాలు
చూసుకుందాము!!
మొదటగా
ఆమె వధువు సంఘము:
బైబిల్లోని పరమగీతము
6:10 లో వర్ణించబడిన ఈమె షూలమ్మీతి (సొలొమోను రాజు
ప్రియురాలు / వధువు).
ఆధ్యాత్మికంగా
మరియు ప్రవచనార్ధంగా ఈ వచనాన్ని రెండు ముఖ్యమైన కోణాల్లో క్రైస్తవ పండితులు వివరిస్తారు:
1. క్రీస్తు సంఘము (ది చర్చ్)
• ఈమెను
యేసుక్రీస్తు యొక్క వధువు అయిన సంఘానికి సాదృశ్యంగా చూస్తారు.
• సంధ్యారాగము
/ ఉదయకాలపు వెలుగు: చీకటి లాంటి లోకంలో సంఘం ఇచ్చే
నిరీక్షణ, నూతన వెలుగు.
• చంద్రబింబమంత
అందము: చంద్రునికి స్వంత వెలుగు ఉండదు, సూర్యుని వెలుగును ప్రతిబింబిస్తుంది. అలాగే సంఘం కూడా
క్రీస్తు నీతిని, మహిమను లోకానికి ప్రతిబింబిస్తుంది.
• సూర్యుని
అంత స్వచ్ఛము: క్రీస్తు రక్తము ద్వారా కడగబడి, పవిత్ర పరచబడిన మహిమగల సంఘం.
• వ్యూహితసైన్య
సమభీకర రూపిణి: సాతాను శక్తులకు, చీకటి
అధికారాలకు వ్యతిరేకంగా జయధ్వజం ఎత్తిన దేవుని సైన్యంలా సంఘం భయంకరమైనదిగా ఉంటుంది
2. షూలమ్మీతి (చారిత్రక నేపథ్యం)
• గ్రంథ
చారిత్రక సందర్భం ప్రకారం, సొలొమోను రాజు తన వధువైన షూలమ్మీతి
రూపాన్ని, ఆమెలోని తేజస్సును మరియు గాంభీర్యాన్ని అత్యంత అద్భుతమైన
ఉపమానాలతో కొనియాడడం ఇక్కడ కనిపిస్తుంది. [1, 2]
సంక్షిప్తంగా చెప్పాలంటే, ఈమె బాహ్యంగా
షూలమ్మీతి వధువు కాగా, అంతరార్ధంలో సాతాను శక్తులను లయంచేసే శక్తిమంతమైన
దేవుని సంఘం!
రెండు: మరో కోణంలో అనగా ఇశ్రాయేలు జాతి
కోణములో చూసుకుంటే ఈమె ఇశ్రాయేలు జనాంగము! ఇంకా వివరంగా చెప్పాలంటే
హార్మెగిద్దోన్ యుద్దానికి సిద్దమైన ఇశ్రాయేలు జనాంగము!
ఎలాగూ అంటే ఈ వచనంలో సూర్యుడు కనిపిస్తున్నాడు! అనగా దేవునికి
సాదృశ్యం! చంద్రభింభము వలె ప్రకాశిస్తున్నది ఎత్తబడిన సంఘము!
వ్యూహిత సైన్య సమభీకరమైనది అనగా ప్రస్తుతం ప్రపంచ దేశాలను తన తెలివితేటలతో
యుద్ద ప్రణాళికలతో సైన్యముతో ప్రపంచ దేశాలతో సమంగా వారికంటే యుద్ద ప్రావీణ్యతలో మించినదై
ఉన్న హార్మెగిద్దోన్ యుద్దానికి సిద్దమై ఉన్న ఇశ్రాయేలు సైన్యము లేక జనాంగము!!!!
ఈ వచనంలో కనిపిస్తున్న వ్యూహములుగా తీరిన భీకర భీకరమైన ఇశ్రాయేలు
దేశం ఒక్కటే ప్రపంచములో గల అనేక దేశాలతో యుద్దములు చేయడానికి తలపడబోతున్నారు! దీనికోసం
గతభాగాలలో మనం జెకర్యా గ్రంధం నుండి మరియు దానియేలు గ్రంధం నుండి వివరాలు చూసుకున్నాము!
ఇది ఏడు సంవత్సరాల శ్రమల కాలం యొక్క చివరలో జరుగుతుంది! హార్మెగిద్దోన్
అనే ప్రాంతంలో అనగా యెరూషలేము పట్టణానికి ఎదురుగా ఉన్న లోయలో జరుగుతుంది! శత్రువుల ముఖ్య ఉద్దేశం ఇశ్రాయేలు జాతిని భూమిమీద లేకుండా చేయడం!
దానియేలు 12: 1 ఆ కాలమందు నీ జనుల పక్షమున
నిలుచునట్టి మహా అధిపతియగు మిఖాయేలు వచ్చును. అప్పుడు నీ జనులు
రాజ్యముగా కూడిన కాలము మొదలుకొని యీ కాలము వరకు ఎన్నటికిని కలుగనంత ఆపద కలుగును;
అయితే నీ జనులలో గ్రంథమునందు దాఖలైనవారెవరో వారు తప్పించుకొందురు.
జెకర్యా 12: 2 నేను యెరూషలేము చుట్టునున్న
జనులకందరికి మత్తు పుట్టించు పాత్రగా చేయబోవుచున్నాను; శత్రు
వులు యెరూషలేమునకు ముట్టడివేయగా అది యూదా మీదికిని వచ్చును.
3 ఆ దినమందు నేను యెరూష లేమును సమస్తమైన జనులకు బరువైన
రాయిగా చేతును, దానిని ఎత్తి మోయువారందరు మిక్కిలి గాయ పడుదురు,
భూజనులందరును దానికి విరోధులై కూడు దురు.
4 ఇదే యెహోవా వాక్కుఆ దినమందు నేను గుఱ్ఱములన్నిటికిని
బెదరును, వాటిని ఎక్కువారికి వెఱ్ఱిని పుట్టింతును, యూదావారిమీద నా దృష్టియుంచి జనముల గుఱ్ఱములన్నిటికిని అంధత్వము కలుగజేతును.
5 అప్పుడు యెరూషలేములోని అధికారులు యెరూషలేము నివాసులు
తమ దేవుడైన యెహోవాను నమ్ముకొనుటవలన మాకు బలము కలుగుచున్నదని తమ హృదయమందు చెప్పు కొందురు.
6 ఆ దినమున నేను యూదా అధికారులను కట్టెల క్రింది నిప్పులుగాను
పనల క్రింది దివిటీగాను చేతును, వారు నలుదిక్కులనున్న జనములనందరిని
దహించుదురు. యెరూషలేమువారు ఇంకను తమ స్వస్థలమగు యెరూష లేములో
నివసించుదురు.
7 మరియు దావీదు ఇంటి వారును యెరూషలేము నివాసులును,
తమకు కలిగిన ఘనతనుబట్టి యూదావారిమీద అతిశయపడకుండునట్లు యెహోవా యూదావారిని
మొదట రక్షించును.
8 ఆ కాలమున యెహోవా యెరూషలేము నివాసులకు సంరక్ష కుడుగా
నుండును; ఆ కాలమున వారిలో శక్తిహీనులు దావీదువంటివారుగాను,
దావీదు సంతతి వారు దేవునివంటి వారుగాను జనుల దృష్టికి యెహోవా దూతలవంటి
వారుగాను ఉందురు.
9 ఆ కాలమున యెరూషలేముమీదికి వచ్చు అన్యజనులనందరిని నేను
నశింపజేయ పూనుకొనెదను.
జెకర్యా 14: 2 ఏలయనగా యెరూషలేము మీద యుద్ధము
చేయుటకు నేను అన్యజనులందరిని సమకూర్చబోవు చున్నాను; పట్టణము పట్టబడును,
ఇండ్లు కొల్ల పెట్టబడును, స్త్రీలు చెరుపబడుదురు,
పట్టణములో సగముమంది చెర పట్టబడి పోవుదురు; అయితే
శేషించువారు నిర్మూలము కాకుండ పట్టణములో నిలుతురు.
3 అప్పుడు యెహోవా బయలుదేరి తాను యుద్ధకాలమున యుద్ధము
చేయు రీతిగా ఆ అన్యజనులతో యుద్ధము చేయును.
4 ఆ దిన మున యెరూషలేము ఎదుట తూర్పుతట్టుననున్న ఒలీవ కొండమీద
ఆయన పాదములుంచగా ఒలీవకొండ తూర్పు తట్టునకును పడమటి తట్టువకును నడిమికి విడిపోయి సగము
కొండ ఉత్తరపుతట్టునకును సగముకొండ దక్షిణపుతట్టు నకును జరుగును గనుక విశాలమైన లోయ యొకటి
యేర్పడును.
5 కొండలమధ్య కనబడులోయ ఆజీలువరకు సాగగా మీరు ఆ కొండలోయలోనికి
పారిపోవుదురు. యూదారాజైన ఉజ్జియా దినములలో కలిగిన భూకంపము నకు
మీరు భయపడి పారిపోయినట్లు మీరు పారిపోవు దురు, అప్పుడు నీతోకూడ
పరిశుద్దులందరును వచ్చెదరు. నా దేవుడైన యెహోవా ప్రత్యక్షమగును.
ఈ
విధంగా వచ్చిన సైన్యములతో దేవుడే యుద్దము చేసి వారిని హతం చేస్తారు! దానినే ఇక్కడ భక్తుడు
ఆత్మావేషుడై వ్రాస్తున్నాడు!
దైవాశీస్సులు!
*గీతాలకు గీతము-పరమగీతము*
*126వ భాగము*
*వ్యూహితసైన్య సమభీకర రూపిణియునగు ఈమె ఎవరు*
పరమగీతము 6: 10
సంధ్యారాగము చూపట్టుచు చంద్రబింబమంత అందముగలదై సూర్యుని అంత స్వచ్ఛమును
కళలునుగలదై వ్యూహితసైన్య సమభీకర రూపిణియునగు ఈమె ఎవరు?
ప్రియులారా! పరమగీతములను ధ్యానము చేస్తున్నాము.
ఇక
ఈ 10వ వచనంలో ప్రియుడైన సోలోమోను అంటున్నాడు సంధ్యారాగము చూపట్టుచు చంద్రబింబమంత
అందముగలదై సూర్యుని అంత స్వచ్ఛమును కళలునుగలదై వ్యూహితసైన్య సమభీకర రూపిణియునగు ఈమె
ఎవరు?
ప్రియులారా! ఈ వచనం కోసం కూడా విభిన్నమైన ఆలోచనలు ఉన్నాయి! నాకు తెలిసిన మూడు రకాలైన అభిప్రాయాలు
చూసుకుందాము!!
ఇక మూడవ అభిప్రాయం: మహా బబులోనుగా చెప్పబడుతున్న
RCM సంఘము లేక పునరుత్తరించ బడబోయే రోమా సామ్రాజ్యము:
ఇందులో మూడు రకముల స్త్రీలని
గూర్చి వర్ణిస్తున్నాడు.
మొదటి రకము స్త్రీ యెరూషలేము సంఘము.
రెండవ రకము స్త్రీ
నల్లనిదియైన మారుమనస్సు ద్వారా రక్షకునికి దగ్గరవుతున్న బబులోను కుమార్తె అనగా షూలమ్మీతి.
మూడవ స్త్రీ వ్యూహితసైన్య సమభీకర రూపిణియగు స్త్రీ.
ఈమె ఎవరు?
దీనికిముందు ఈ వచనము ఈమె అందమును గూర్చి
వర్ణించుట జరిగింది.
అందులో ఈమె సంధ్యారాగము చూపట్టుచు అని చెప్పుచున్నాడు. సంధ్యా కాలములో సూర్యుని వెలుగు ఎర్రగా
అనేక సందర్భాలలో మారుటను గుర్తించాలి.
అలాగే ఈమె సంధ్య వెలుగులాగే నెమ్మది కలిగినట్లుగా
ఉన్నను మధ్యమధ్యలో ఈమె స్వభావము ఎర్రని స్వభావము అనగా రక్తపాతానికి గుర్తు.
అలాగే చంద్రబింబమంత అందముగలదై అంటున్నాడు. అంటే ఈ స్త్రీయొక్క ఆకర్షణ ఎక్కువ. చంద్రుని ఏదో ఒక సందర్భములో దాని
అందము మనలను ఆకర్షించును. అంత ఆకర్షించగల సామర్థ్యము ఈ స్త్రీలో కూడ ఉన్నది.
అలాగే సూర్యుని అంత స్వచ్ఛమును కళలునుగలదై
అంటున్నాడు. అంటే నీతిసూర్యుడు క్రీస్తు
ప్రభువు ఆయనకు సంబంధించిన ప్రతి కళలు అనగా ప్రభువు దగ్గర ఉన్నవారి నైపుణ్యములన్ని అంత
నైపుణ్యము స్వచ్ఛతగ కళలు తెలిసినవారు అందులో ఉన్నారు.
ఇంత స్థానము కలిగినను ఆమె వద్ద వ్యూహితసైన్యము
ఉన్నది. అనగా ఈమె ఆ స్థానములో వ్యూహములు చేస్తూ కుళ్లు కుతంత్రాలతో వల పన్నే సైన్యము
ఉంది. అంతేకాదు ఈమె సమభీకర
రూపిణి అనగా భయానకముగా కనిపించు ఒక స్త్రీ. ఈమె ఎవరు?
ప్రకటన 17:1-5, ''ఆ యేడు పాత్రలను పట్టుకొనియున్న యేడుగురు
దేవదూతలలో ఒకడువచ్చి నాతో మాటలాడుచు ఈలాగు చెప్పెను. -నీవిక్కడికి రమ్ము, విస్తార జలములమీద కూర్చున్న మహావేశ్యకు చేయబడు తీర్పు నీకు కనుపరచెదను;
భూరాజులు ఆమెతో వ్యభిచరించిరి, భూనివాసులు ఆమె
వ్యభిచార మద్యములో మత్తులైరి. అప్పుడతడు ఆత్మవశుడనైన నన్ను అరణ్యమునకు కొనిపోగా, దేవదూషణ
నామములతో నిండుకొని, యేడు తలలును పది కొమ్ములునుగల ఎఱ్ఱని మృగముమీద
కూర్చుండిన యొక స్త్రీని చూచితిని.
ఆ స్త్రీ ధూమ్రరక్తవర్ణముగల వస్త్రము ధరించుకొని, బంగారముతోను రత్నములతోను ముత్యములతోను అలంకరింపబడినదై, ఏహ్యమైన కార్యములతోను తాను చేయుచున్న వ్యభిచారసంబంధమైన అపవిత్రకార్యములతోను
నిండిన యొక సువర్ణ పాత్రను తనచేత పట్టుకొనియుండెను. దాని నొసట దాని పేరు ఈలాగు వ్రాయబడి
యుండెను -మర్మము, వేశ్యలకును భూమిలోని ఏహ్యమైనవాటికిని
తల్లియైన మహాబబులోను.''
ఈమె బబులోను అను వేశ్య. ఈమె పరిశుద్ధుల రక్తముతో సంధ్యా రాగము
చూపట్టుచు ఉంది. తనలో
ఎఱ్ఱని స్వభావమును చూపుచున్నది.
ప్రకటన 17:6, ''మరియు ఆ స్త్రీ పరిశుద్ధుల
రక్తముచేతను, యేసుయొక్క హతసాక్షుల రక్తముచేతను మత్తిల్లియుండుట
చూచితిని. నేను దాని
చూచి బహుగా ఆశ్చర్యపడగా,''
అలాగే ఈమె ఆకర్షణ
వలన ప్రకటన 17: లో భూరాజులు, భూనివాసులు
వ్యభిచారులై మద్యము మత్తులో ఉన్నారు.
అంటే అందరిని ఆకర్షించగల శక్తి ఈమెలో ఉన్నది. ప్రతి ఒక్కరిని పాపములో దించగల ఆకర్షణ
ఈమెదని చెప్పుచున్నాడు. అలాగే ఈమె వద్ద కుట్రలు కుతంత్రములు చేయు సైన్యము ఉంది.
ప్రకటన 17:7, 9, ''ఆ దూత నాతో ఇట్లనెను-నీవేల ఆశ్చర్యపడితివి? యీ స్త్రీనిగూర్చిన మర్మమును, ఏడు తలలును పది కొమ్ములును
గలిగి దాని మోయుచున్న క్రూరమృగమును గూర్చిన మర్మమును నేను నీకు తెలిపెదను. . . . ఇందులో జ్ఞానముగల మనస్సు కనబడును.
ఆ యేడు తలలు ఆ స్త్రీ కూర్చున్న యేడు కొండలు;'' ఈ విధముగా ఈ సమభీకర రూపమైన ఈ స్త్రీ
వద్ద రాజులే ఆమెకు ఊడిగము చేస్తున్నారు అంటే ఎంత భయంకర హీనమైన స్థితిలో ఈమె ఉన్నదో
గమనించాలి.
అధ్యాయం 15వ వచనంలో ఇంకా విస్తారంగా
వివరము చెబుతున్నారు జలములు అనగా ఏమిటి? ....
నీవు
చూచిన జలములు- ప్రజలను, జన సమూహములను ఆయా భాషలను మాట్లాడువారిని సూచిస్తుంది. అనగా ప్ర్రపంచంలో గల అనేక దేశాలలో
గల ప్రజలను సూచిస్తుంది. అనగా ఈ స్త్రీ ప్రపంచంలో ఉన్న అనేకదేశాల
మీద పెత్తనం చేస్తున్న ఒక మత సంస్థను సూచిస్తుంది అనుకోవచ్చు!
ఇంకా వివరాలు కావాలంటే తొమ్మిదో
వచనంలో ఇందులో జ్ఞానం గల మనస్సు అవసరం అంటూ ఆ మృగము యొక్క ఏడు తలలు ఆ స్త్రీ కూర్చున్న
ఏడు కొండలు అంటున్నారు! మనకు ఏడు కొండలు అనగా గుర్తుకు వచ్చేది- ఏడు కొండలమీద
నిర్మించబడిన రోమ్ నగరం అని! అవును ఈ దేవదూత కూడా అదే చెబుతున్నాడు!
నీవు చూస్తున్న ఆ మృగము యొక్క ఏడు తలలు ఆ స్త్రీ కూర్చున్న ఏడు కొండలు!
రోమ్ నగరం కోసం చూసుకుంటే రోమ్ నగరం- రోమన్ కతోలిక్
సంఘాల ముఖ్య నగరం! అది ఏడు కొండలమీద నిర్మించబడి ప్రపంచంలో ఉన్న
రోమన్ కేథలిక్ సంఘాలను- అనేక దేశాలను శాసిస్తుంది. ఆ ఏడు కొండలు ఏమిటంటే:
క్యాపిటోలిన్; క్యురినల్; విమినల్; ఎస్క్యులిన్; కెలియన్; అవెంటైన్;
పాలటిన్;
ఇక 18వ వచనంలో నీవు చూచిన ఆ స్త్రీ భూరాజులను పరిపాలిస్తున్న
ఆ మహా నగరమే! అనగా రోమా పట్టణమే! ఈ నగరం
నమ్మకద్రోహం చేసిన భ్రష్ట క్రైస్తవ గుంపుకు సాదృష్యంగా ఉంది. అప్పుడు ప్రజలు తెలుసుకోలేక పోయినా ఇప్పుడు తెలుసుకుంటున్నారు!
మరి 15వ వచనంలో జలముల మీద అనగా అనేక
దేశాల మీద ఎలా కూర్చుని ఉంది? ఒకప్రక్క ఏడు తలలు ఏడు కొండలు అంటున్నారు-
అంటే రోమ్ అనేది ఆ మత సంస్థ ఇల్లు! దాని ముఖ్య
కేంద్రం! అయితే ఆ సంస్థకు ప్రపంచ వ్యాప్తంగా సంఘాలున్నాయి.
ప్రపంచమంతా వ్యాపించి ఉంది అని అర్ధం!
సరే, మొదటికి వద్దాం!
కాబట్టి ఎక్కడైతే వేశ్య అనేమాట బైబిల్ లో అలంకారంగా వాడబడిందో
అక్కడ దేవుణ్ణి వదిలి ఇతర దేవుళ్ళ వెంట విగ్రహాల వెంట వెళ్ళిన వారిని సూచిస్తుంది! ఇదే మాట
అలంకారంగా ఒకసారి తూరు నగరంకోసం వాడబడింది యెషయా 23:15—17 లో!
ఇదే మాట ఒకసారి నీనెవే నగరం కోసం వాడబడింది నహూము ౩:4 లో!
ఈ రెండు నగరాలు మొదటగా వ్యాపార కేంద్రాలు, రెండవదిగా
విగ్రహారాధన చేసే నగరాలు! విగ్రహపూజతో నిండిపోయిన నగరాలు!
అందుకే ఈ రెండు నగరాలను వేశ్యతో పోల్చారు దేవుడు!
అనగా ఎవరైతే ఏ ప్రజలైతే నిజదేవున్ని లెక్కచేయకుండా ఇహలోక సంపదల
వెంట అధికారం కోసం మరో దానికోసం పరుగులిడుతూ నిజ దేవుణ్ణి నిర్లక్ష్యం చేస్తారో వారు
దేవుని దృష్టికి వేశ్య!!!! ఆ ప్రజలు దేవుని దృష్టికి వేశ్య!
నిజదేవున్ని వదిలి సత్యాన్ని వదిలి బ్రష్టమైన ఈ క్రైస్తవ మత
సంస్థను దేవుడు వేశ్యతో పోల్చి- భూరాజులు కూడా ఆమెతో వ్యభిచారం
చేశారు అంటున్నారు దేవుడు! 2తిమోతి ౩:1—5 లో చెప్పబడిన
విధంగా దేవుని మాటలను తమకు అనుకూలంగా మలుచుకుని అనుకూలమైన బోధలు తయారుచేసుకుని సత్యాన్ని
తారుమారు చేసి ప్రజలను త్రోవ తప్పించారు ఈ మతపెద్దలు! బైబిల్
చెప్పనివి-బైబిల్ లో లేనివి ఆచారాలు- పద్దతులు-
పదవులు అన్నీ వచ్చేశాయి! ఇంకా ఆ ఇటలీ ప్రాంతంలో
గల కొన్ని విగ్రహాల పూజలు- పండుగల పేర్లు మార్చుకుని క్రైస్తవ
సంఘాలలోనికి ప్రవేశించాయి!
భూలోకమంతా ఈ అబద్ద క్రైస్తవ్యం ఇదే నిజమని వీరివెంట వెళ్ళింది. ఇదే ఆమె
మద్యములో మత్తులై పోవడం! దేవుని కోసం కాకుండా తమ సొంత ప్రయోజనాల
కోసం, సుఖభోగాల కోసం ప్రజలు ఈ మతసంస్తతో పొందుపెట్టుకున్నారు.
భూరాజులు ఈమెతో కలిసి పనిచేయడం మొదలుపెట్టారు! చివరకు రాజకీయ పదవులు ఎలా ఉంటాయో- అదే రకమైన పదవులు ఈ
మత సంస్థలో వచ్చాయి. బిషప్ కి ఒక రాజకీయ నాయకుడు- గవర్నర్ కి ఉన్న అధికారాలు కట్టబెట్టారు!
దేవుని బిరుదులను
వీరు కొట్టేశారు! రెవరెండ్ అనగా భయంకరుడు అనే పదాన్ని వారికి
అనుకూలంగా మార్చుకుని- చివరికి ఆక్సఫర్డ్ డిక్షనరీలో కూడా దాని
అర్ధాన్ని మార్పించుకున్నారు- పూజ్యనీయుడు అంటూ! నిజానికి భయంకరుడు మరియు పూజ్యనీయుడు దేవుడే గాని మతపెద్దలు కానేకాదు!
మతపెద్దలను బైబిల్ లో దాసులు అన్నారు గాని పూజ్యనీయులు భయంకరులు అని
పిలువలేదు! పౌలుగారు ఇంత ఘనమైన సేవ చేశారు గాని ఎక్కడా నేను అంతటివాడను
ఇంతటి వాడను అని చెప్పుకోకుండా నేను దేవుని దాసుడను బానిసను అనిచెప్పుకున్నారు!
ఈ రకంగా వీరు ప్రజలమధ్య తమనుతాము హెచ్చించుకుని దేవుని బిరుదులను
కొట్టేసి తమకు తగిలించుకున్నారు! ఈదుర్మార్గత లో ప్రజలను కూడా భాగస్వాములుగా
చేశారు! తప్పుడుబోధలతో తప్పుడు మార్గంలో నడిపించారు!
రాజులను శాసించారు! అదే నిజమైన మార్గమని నమ్మించారు!
వినని వారిని చంపించారు!
ఏ రూపంలో కూడా విగ్రహాలు చెయ్యకూడదు, మ్రొక్కకూడదు
అని బైబిల్ చెబితే మరియమ్మ యేసుబాబు, సిలువ విగ్రహాలుచేసి పూజిస్తూ విగ్రహారాదికులుగా
ప్రజలను చేశారు! చివరికి చనిపోయిన ఆ దైవభక్తులు అపోస్తలుల విగ్రహాలు
చేసి వారిని కూడా మ్రొక్కేలా చేశారు! వారికి దైవత్వాన్ని అంటగట్టి
చనిపోయిన భక్తులను పూజించేలా చేశారు! ఇంకా మర్మమైన పూజా పద్దతులు
అబద్దదేవతలను పూజిస్తూ- గారడీలను కూడా సపోర్ట్ చేస్తూ వారు బ్రష్టులైపోయినదే
కాకుండా ప్రజలను నాయకులను తప్పుడు త్రోవను నడిపించారు!
అంతేనా- తిమోతి పత్రికలో పౌలుగారు నీ కడుపు
నొప్పి కోసం ద్రాక్షారసం తీసుకో అని చెబితే- దానిని వక్రీకరించి-
వైన్ త్రాగినా పరవాలేదు పౌలుగారు త్రాగమన్నారు అని చెబుతూ వారు త్రాగుబోతులుగా
మారడమే కాకుండా ప్రజలను త్రాగుబోతులుగా మార్చేశారు!
నిజానికి పౌలుగారు త్రాగమన్నది- ద్రాక్షారసం!
ఈస్ట్ కలిపి- పుల్లబెట్టి- దానిని కొన్నిరోజులు కప్పిపెట్టి- తర్వాత వాడే వైన్ కానేకాదు!
ద్రాక్షారసం కొన్ని జబ్బులను నయం చేస్తుంది. అంతేకాకుండా
డెట్టాయిల్ అయోడిన్ లేని రోజులలో గాయాలను కడగటానికి ద్రాక్షారసాన్ని వాడేవారు!
అయితే దానిని తారుమారుచేసి తమకు అనుకూలంగా వాక్యాన్ని మార్చేసుకుని వైన్
త్రాగుతూ అందరినీ వైన్ త్రాగేలా చేశారు!
ఇంకా ప్రజలమీద అధికారం చెలాయించాలని వారిమీద నాయకులుగా ప్రకటించుకున్నారు! పోప్ దేవుని
అవతారం అని ప్రచారం చేయించుకున్నారు. చివరికి తెగించి పోప్ మనిషి
రూపంలో వచ్చిన యేసుప్రభువు అనికూడా చెప్పించుకున్నారు!
ఇంకా ధన వ్యామోహంతో పాపపరిహార పత్రాలు అమ్మడం మొదలుపెట్టారు! ఎవరైనా
పాపం చేస్తే ఆ పాప పరిహార పత్రాన్ని డబ్బులు ఇచ్చి కొని చదివితే వారి పాపాలు పోయినట్లే
అని చెప్పారు!
దేవుని ఎదుట నీపాపాలు ఒప్పుకోమంటే ప్రీస్ట్ దగ్గరకు వచ్చి తమ
పాపాలు ఒప్పుకుంటే దేవుడు వెంటనే క్షమిస్తాడు అంటూ బోధిస్తూ, అలా ఒప్పుకున్నా
కొందరిని లొంగదీసుకుని వ్యభిచారం చేయడం కూడా మొదలుపెట్టారు! ఇదే
భూనివాసులు ఆమె వ్యభిచార మద్యములో మత్తులవ్వడం!
ఇక మూడవ
వచనంలో మరో స్త్రీ కనిపిస్తుంది.ఈమె అరణ్యంలో ఎఱ్ఱని మృగము మీద కూర్చుని ఉంది! ఆ ఎఱ్ఱని
మృగం- క్రూరమృగాన్ని సూచిస్తుంది. ఆ మృగం మీద దేవదూషణ కరమైన పేరులు
ఉన్నాయి. కాబట్టి ఈ అరణ్యంలో మృగం మీద కూర్చున్న స్త్రీ మరో స్త్రీ కానేకాదు
గాని జలాల మీద కూర్చున్న స్త్రీ – మొదటినుండి
ప్రస్తుత కాలము వరకు ఉన్న రోమన్ కథోలిక సంఘము.
అయితే ఈ అరణ్యంలో కూర్చున్న స్త్రీ అంత్యదినాలలో క్రూరమృగం అనబడే
క్రీస్తువిరోధిని బలపరచి వాడితో కలిసి చేతులు కలిపే రోమా సామ్రాజ్యాన్ని మరియు రోమన్
కథోలికసంఘాన్ని సూచిస్తుంది. ఆమె అరణ్యంలో ఎందుకుంది అంటే ఆమె దేవుని నుండి దూరమై పోయి- దేవుని జీవజలములను వదిలి నీరులేని నీరు నిలవని తొట్లను తనకోసం తొలిపించుకుని
ఆధ్యాత్మికతను పోగొట్టుకుని ఆధ్యాత్మిక అరణ్యంలో జీవిస్తుంది అని అర్ధము! అనగా అరణ్యమనెడి లోకంలో ఉంటూ లోకపుటాచారాలలో మునిగి పోయింది అన్నమాట!
ఇంకా చాలాఉంది గాని ఇది చాలు! పూర్తి
వివరాలు ప్రత్యక్షతల గ్రంధము అనే శీర్షికలో 13, 17 అధ్యాయాల ధ్యానములో
చదువవచ్చు!
(ప్రత్యక్షతల గ్రంధము- సందేశాలు
https://drive.google.com/file/d/14GpdTZaoUEhECezzWDXROmZDJHO3bZx2/view?usp=drivesdk
.
ప్రత్యక్షతల గ్రంధము- కామెంటరీ
https://drive.google.com/file/d/14PqBCLavQH7B8y9lP7vtZXwMxONMBP0H/view?usp=drivesdk)
దైవాశీస్సులు!!!
*గీతాలకు గీతము-పరమగీతము*
*127వ భాగము*
*లోయలోని చెట్లు ఎట్లున్నవో చూచుటకు ద్రాక్షావల్లులు చిగిర్చెనో
లేదో*
పరమగీతము 6: 11 లోయలోని చెట్లు ఎట్లున్నవో
చూచుటకు ద్రాక్షావల్లులు చిగిర్చెనో లేదో దాడిమవృక్షములు పూతపట్టెనో లేదో చూచుటకు నేను
అక్షోట వృక్షోద్యానమునకు వెళ్లితిని.
12 తెలియకయే నా జనులలో ఘనులగువారి రథములను నేను కలిసికొంటిని.
13 షూలమీ్మతీ, రమ్ము రమ్ము మేము
నిన్ను ఆశతీర చూచుటకై తిరిగిరమ్ము, తిరిగి రమ్ము. షూలమీ్మతీయందు మీకు ముచ్చట పుట్టించునదేది? అమె మహనయీము
నాటకమంత వింతయైనదా?
ప్రియులారా! పరమగీతములను ధ్యానము చేస్తున్నాము.
ఇక
ఈ 11,12 వచనాలు
ఎవరు అంటున్నారు అంటే షూలమ్మితి అంటుంది!
ఈ
మాటలు అంటున్నది ఎవరు?
12వ వచనాన్ని బట్టి చూస్తే వధువే. హీబ్రూలో
13వ వచనానికి అర్థం స్పష్టంగా లేదు. కాబట్టి అసలు
అర్థం, భావార్థం కూడా అంతే.
11వ వచనంలో తన తోట ఎదిగి ఫలించాలని ఆమె కుతూహల పడుతున్నట్టు ఉంది (పరమగీతము 1:6, పోల్చిచూడండి). క్రీస్తుకు
చెందిన మన తోటను గురించి శ్రద్ధ వహించకపోతే, అంటే మన ఆధ్యాత్మిక
విషయాల గురించి పట్టించుకోకపోతే క్రీస్తు మీద మనకు ఎక్కువ ప్రేమ లేదన్న మాటే.
అక్కడ 12 తెలియకయే నా జనులలో ఘనులగువారి
రథములను నేను కలిసికొంటిని అంటుంది ఇంకా
13 షూలమ్మితీ, రమ్ము రమ్ము మేము
నిన్ను ఆశతీర చూచుటకై తిరిగిరమ్ము, తిరిగి రమ్ము. షూలమ్మితీయందు మీకు ముచ్చట పుట్టించునదేది? అమె మహనయీము
నాటకమంత వింతయైనదా?
ఇక్కడ వధువును “షూలము లేక షూనేము
ఊరిదానా” అని ఎందుకు పిలుస్తున్నారో ఖచ్చితంగా
చెప్పలేము. హీబ్రూలో
సాలొమోను పేరైన “ష్లోమో” నుండి పుట్టిన
పేరై ఉండవచ్చు. ఈమె సొలొమోనుకు చెందినది అని అర్థమిచ్చేలా సాలొమోను
పేరుకే స్త్రీ సమానార్థకం కావచ్చు లేదా, షూలం లేక షూనేం ఊరు సంబంధమైనది
కావచ్చు. ఈ వచనంలో మొదటి భాగం వధువు వయ్యారాన్ని, అందాన్ని తేరిచూడాలని ఆశిస్తూ ఉన్న చెలికత్తెలు లేక కన్యలు పలికినది.
రెండో భాగాన్ని పలికినది వరుడు. ఇది ప్రశ్నారూపకంగా
ఉంది. అయితే ఆమె ఎంత అందగత్తో అందరూ తదేకంగా ఆమెనెందుకు చూస్తారో
అతనికి బాగా తెలుసు. ఇక్కడి భాషను బట్టి చూస్తే ఇది ఆనందాన్ని
వెల్లడి చేసే ఒక పవిత్ర రూపకం అని అనుకోవచ్చు.
నిర్గమకాండము 15:20, మరియు అహరోను సహోదరియు ప్రవక్త్రియునగు
మిర్యాము తంబురను చేత పట్టుకొనెను. స్త్రీలందరు తంబురలతోను నాట్యములతోను
ఆమె వెంబడి వెళ్లగా ;
2 సమూయేలు 6:14-15,
14 దావీదు నారతో నేయబడిన ఏఫోదును ధరించినవాడై శక్తికొలది యెహోవా సన్నిధిని
నాట్య మాడుచుండెను.
15 ఈలాగున దావీదును ఇశ్రాయేలీయు లందరును ఆర్భాటముతోను
బాకా నాదములతోను యెహోవా మందసమును తీసికొని వచ్చిరి;
కీర్తనల గ్రంథము 30:11,
నా ప్రాణము మౌనముగా నుండక నిన్ను కీర్తించునట్లు నా అంగలార్పును
నీవు నాట్యముగా మార్చి యున్నావు.
కీర్తనల గ్రంథము 149:3, నాట్యముతో వారు ఆయన నామమును
స్తుతించుదురు గాక తంబురతోను సితారాతోను ఆయననుగూర్చి గానము చేయుదురు గాక. ;
కీర్తనల గ్రంథము 150:4, తంబురతోను నాట్యముతోను ఆయనను
స్తుతించుడి. తంతివాద్యములతోను పిల్లనగ్రోవితోను ఆయనను స్తుతించుడి.
;
యిర్మియా 31:13, వారి దుఃఖమునకు ప్రతిగా సంతోషమిచ్చి
వారిని ఆదరించెదను, విచారము కొట్టివేసి నేను వారికి ఆనందము కలుగజేతును
గనుక కన్యకలును ¸యౌవనులును వృద్ధులును కూడి
నాట్యమందు సంతోషించెదరు.
రెండు శిబిరాలు లేక రెండు సేనలు అని అర్థం ఇచ్చే హీబ్రూ పదం “మహనయీం”.
ఆదికాండము 32:1-2, చూడండి.
1 యాకోబు తన త్రోవను వెళ్లుచుండగా దేవదూతలు అతనిని ఎదుర్కొనిరి.
2 యాకోబు వారిని చూచి - ఇది దేవుని
సేన అని చెప్పి ఆ చోటికి మహనయీము అను పేరు పెట్టెను. పరలోక సైన్యాలు
చేరువలో ఉన్నాయని తెలియజేసేందుకు కవి ఈ పదం వాడివుండవచ్చు.
గమనించాలి
ఇశ్రాయేలు దేశంలో మహనయీము అనేది గొప్ప సాహిత్యం! దానికోసమైన కధ మరియు నాట్యము ఎంతో ప్రసిద్ధిలో
ఉండేది ఆ రోజులలో! దానికోసం ఈ మాటలు చెబుతున్నారు!
దైవాశీస్సులు!
*గీతాలకు గీతము-పరమగీతము*
*128వ భాగము*
*లోయలోని చెట్లు ఎట్లున్నవో చూచుటకు ద్రాక్షావల్లులు
చిగిర్చెనో లేదో*
పరమగీతము 6: 11 లోయలోని చెట్లు ఎట్లున్నవో
చూచుటకు ద్రాక్షావల్లులు చిగిర్చెనో లేదో దాడిమవృక్షములు పూతపట్టెనో లేదో చూచుటకు నేను
అక్షోట వృక్షోద్యానమునకు వెళ్లితిని.
12 తెలియకయే నా జనులలో ఘనులగువారి రథములను నేను కలిసికొంటిని.
13 షూలమ్మితీ, రమ్ము రమ్ము మేము
నిన్ను ఆశతీర చూచుటకై తిరిగిరమ్ము, తిరిగి రమ్ము. షూలమీ్మతీయందు మీకు ముచ్చట పుట్టించునదేది? అమె మహనయీము
నాటకమంత వింతయైనదా?
ప్రియులారా! పరమగీతములను ధ్యానము చేస్తున్నాము.
ఇక
ఈ 11,12 వచనాలు
ఎవరు అంటున్నారు అంటే షూలమ్మితి అంటుంది!
(గతభాగం తరువాయి)
ఈరోజు
ఇదే వచనాలు మరో కోణంలో చూసుకుందాం!
పరమగీతము 6:11-13, ''లోయలోని చెట్లు
ఎట్లున్నవో చూచుటకు ద్రాక్షా
వల్లులు చిగిర్చెనో లేదో దాడిమవృక్షములు పూతపట్టెనో లేదో చూచుటకు నేను ఆక్షోట వృక్షోద్యానమునకు వెళ్లితిని. తెలియకయే నా జనులలో ఘనులగువారి రథములను
నేను కలిసికొంటిని. షూలమ్మీతీ,
రమ్ము రమ్ము మేము నిన్ను ఆశతీర చూచుటకై తిరిగి రమ్ము, తిరిగిరమ్ము.
షూలమ్మీతీయందు మీకు ముచ్చట పుట్టించునదేది? ఆమె
మహనయీము నాటకమంత వింతయైనదా?''
వ్యూహితసైన్య
సమభీకర రూపిణియగు బబులోనుకు కుమార్తెగా ఉన్నప్పుడు ఆ స్త్రీ బబులోను వాసిగా లేక బబులోను
సంఘము క్రింద లెక్క. అందుకే ఈ స్త్రీ నల్లనిది యైన ప్రియురాలుగా
అనగా పాపములో కళంకము కలిగిన స్త్రీగా వర్ణించాడు. ఎప్పుడైతే ఈ స్త్రీలో రక్షకుని తెలుసుకోవాలని
అనుకొన్నదో అప్పుడు ప్రభువు స్వరము ఆమె హృదయమనే తలుపు వద్ద తట్టుచున్నట్లుగా వినిపించింది. ఆ పిలుపును అందుకొనిన బబులోను స్త్రీ
యెరూషలేములో కుమార్తెగా మారువరకు ఆమె నల్లనిదియైన బబులోను స్త్రీగా చెప్పుకొన్నాము.
ఈ వచనాలలో ఈ స్త్రీకి అనగా ఈ స్థితిలో అటు బబులోను కుమార్తెలవలె చల్లగా
లేక ఇటు యెరూషలేము కుమార్తెలవలె వెచ్చగా లేక నులివెచ్చగా అటు ఇటు ఉన్న స్థితి నిజమును
గూర్చి అన్వేషిస్తూ వస్తున్న ఈ స్త్రీని షూలమ్మీతీ అని చెప్పుచున్నారు. ఈ షూలమ్మీతీ ఇంకా పూర్తిగా క్రీస్తు
ప్రభువును గూర్చి తెలుసుకోలేదు. అలాగని విగ్రహారాధనను అన్యదేవతలు దేవుళ్లను దేవునిగా అంగీకరించని స్థితి. ఇలాంటి స్త్రీ నిజదైవము నిజమైన రక్షకుని
తెలుసుకొనుటకు అన్వేషిస్తూ వెళ్లితే సరిపోతుందా? రక్షణలోకి వస్తుంది కాబట్టి యెరూషలేము
సంఘము అందులోని కుమార్తెలైన నిజదైవ విశ్వాసులు ఆమె యెడల ఆనందమును వ్యక్తపరుస్తారు. క్రీస్తు ప్రభువు తన ప్రియురాలుగా
ఆమెను గుర్తించి తన వద్దకు ఆకర్షించుకొంటాడు. అయితే బబులోను అను వ్యూహితసైన్య సమభీకర
రూపిణియగు స్త్రీ ఊరుకుంటుందా?
పరమగీతము 5:7, ''పట్టణములో తిరుగు కావలివారు నా కెదురుపడి
నన్ను కొట్టి గాయపరచిరి ప్రాకారముమీది కావలివారు నా పైవస్త్రమును దొంగిలించిరి.'' షూలమ్మీతీ నివసిస్తున్న పట్టణము బబులోనుది కనుక ఆ పట్టణము బబులోను సంబంధమైన
కుట్రలు, కుతంత్రాలు పన్ను సైన్యము బబులోనుకు సహకరిస్తూ దృశ్యములో
షూలమ్మీతీని గాయపరుస్తున్నారు. అదృశ్య సాతాను శక్తులు పరిశుద్ధాత్మ వంటి పై వస్త్రముగా ఆమెను చేరగా దానిని
దొంగిలించ ప్రయత్నిస్తున్నారు. ఈ ప్రయత్నము ఇలాగే కొనసాగుచున్నను
తిరిగి రమ్మని మన మూలవచనాలలో పిలుస్తున్నారు.
లోయలోని చెట్లు ఎట్లున్నవో చూచుటకు అనగా షూలమ్మీతీ పద్మముగా మారబట్టి క్రీస్తు
ప్రభువు ఆకర్షణకు లోనైంది. మిగిలినవారు అక్కడ అనేక రకాలుగా పాపపు స్థితి పదివేలమంది విగ్రహ దేవుళ్లలో
ఒక దేవుడిని పూజిస్తూ ఉన్నారు కదా వారిని చూచుటకు, ఇంకా ద్రాక్షావల్లులు
చిగిర్చెనో లేదో అనగా బబులోనులో తనతో బాటుగా ఉన్నవారిలో ఎవరిలోనైన మార్పు వచ్చెనో లేదో
చూచుటకు, ఇంకా దాడిమవృక్షములు పూతపట్టెనో లేదో చూచుటకు అనగా వారిలో
నూతన ఆలోచనలు కలిగి రక్షకుని వైపు అన్వేషణవచ్చెనో లేదో చూచుటకు తాను నివశిస్తూ ఉన్న
అక్షోట వృక్షోద్యానమునకు వెళ్లింది షూలమ్మీతీ.
అక్కడ తన జనులలో ఘనులగువారిని ఆమె కలుసుకొనుట జరిగింది. వారికి విగ్రహ దేవుళ్లు, యాజకులు, పెద్దలు వంటివారు. వారు ఆమెను షూలమ్మీతీ రమ్ము రమ్ము
అని పిలుస్తున్నారు. మేమందరము తిరిగి నిన్ను మొదటి స్థితిలో మావలె ఉన్న స్థితిలోకి రమ్మని పిలుస్తూ
అలా చూడాలని అది వారి ఆశ అని చెప్పుచున్నారు.
షూలమ్మీతీయందు ముచ్చట పుట్టించునది
ఏది? వింతైనది ఏది?
పరమగీతము
6:13, ''షూలమ్మీతీ, రమ్ము రమ్ము మేము నిన్ను ఆశతీర చూచుటకై తిరిగిరమ్ము, తిరిగిరమ్ము. షూలమ్మీతీయందు మీకు ముచ్చట పుట్టించునదేది? ఆమె మహనయీము నాటకమంత వింతయైనదా?''
షూలమ్మీతీయందు ముచ్చట పుట్టించునది
సత్యాన్వేషణ. ఆమె చరిత్ర ఒక వింతయైన నాటకమని గ్రంథకర్త వ్రాసినారు. ఇంతగా ఈ పరమగీతము అను ఈ గ్రంథము ఎంత
నాటకీయ మలుపులు తిరుగుచూ ఆసక్తిగా ఉన్నది.
చదవాలి అని మొదలిడితే ఇంకా ఇంకా చదవాలి అన్న ఆసక్తి ఇందులో కనిపిస్తుంది. ఇదే దీనిలోని వింత. కనుక సత్యాన్వేషణ నాటకీయ మలుపులు
తిరుగుచు ఆసక్తిని రేకెత్తించినను అది నిజమైన సత్యాన్వేషణే కదా!
దైవాశీస్సులు!
*గీతాలకు గీతము-పరమగీతము*
*129వ భాగము*
*లోయలోని చెట్లు ఎట్లున్నవో చూచుటకు ద్రాక్షావల్లులు
చిగిర్చెనో లేదో*
పరమగీతము 6: 11 లోయలోని చెట్లు ఎట్లున్నవో
చూచుటకు ద్రాక్షావల్లులు చిగిర్చెనో లేదో దాడిమవృక్షములు పూతపట్టెనో లేదో చూచుటకు నేను
అక్షోట వృక్షోద్యానమునకు వెళ్లితిని.
12 తెలియకయే నా జనులలో ఘనులగువారి రథములను నేను కలిసికొంటిని.
13 షూలమీ్మతీ, రమ్ము రమ్ము మేము
నిన్ను ఆశతీర చూచుటకై తిరిగిరమ్ము, తిరిగి రమ్ము. షూలమీ్మతీయందు మీకు ముచ్చట పుట్టించునదేది? అమె మహనయీము
నాటకమంత వింతయైనదా?
ప్రియులారా! పరమగీతములను ధ్యానము చేస్తున్నాము.
(గతభాగం తరువాయి)
ఈరోజు
ఇదే వచనాలు మరో కోణంలో చూసుకుందాం! అనగా ఇశ్రాయేలు జాతి కోణములో చూసుకుందాము!
లోయలోని చెట్లు ఎట్లున్నవో ..
ఈ మాటలు స్వయముగా యేసుక్రీస్తుప్రభులవారు పలికిన మాటలుగా చెబుతారు!
ఇంతవరకు ఏడేళ్ళు మధ్యాకాశంలో పెండ్లి విందు జరిగింది! అదే సమయంలో
భూమిమీద శ్రమల కాలం మరియు మహా శ్రమల కాలం జరిగింది! ఈ శ్రమల కాలంలో
విడువబడిన క్రైస్తవులు శ్రమలను అనుభవించారు! అనేకమంది హతసాక్షులుగా
మారిపోయారు! ఆ కాలంలో యూదుల రక్షణ కార్యక్రమము పూర్తి అయిపోయింది-
ఇద్దరు సాక్షుల సాక్ష్యము వర్తమానం విని అనేకమంది రక్షించబడ్డారు!
శ్రమల కాలం అనగా మొదటి మూడున్నర సంవత్సరాల కాలంలో! అది జరిగాక ఇద్దరు సాక్షులు మరణించారు
లేక హత్య చేయబడ్డారు! అనుదిన బల్యర్పణ ఆపబడింది! క్రీస్తు విరోధి తానే దేవుడిగా ప్రకటించుకున్నాడు! హేయమైన
వస్తువు బహుశా పంది బలిపీఠం మీద అర్పించబడింది! ఇప్పుడు దానిని ఇశ్రాయేలు ప్రజలు వ్యతిరేకించారు!
వెంటనే మహాశ్రమల కాలం ప్రారంభమయ్యింది ఇశ్రాయేలు ప్రజలకు! ఆ సంవత్సరాల కాలంలో పెండ్లి విందు పూర్తిచేయబడి తన ప్రజలను రక్షించడానికి ప్రభువు
భూమిమీదకు వచ్చారు- ఒలీవల కొండమీద కాలుపెట్టారు! ఇదే రెండవరాకడ! ఇది బహిరంగ రాకడ! అప్పుడు జరిగిన యుద్దంలో హార్మెగిద్దోన్ యుద్దం లో శత్రువులను హతమార్చారు దేవుడు!
అప్పుడు తన ప్రజలయిన లేక పద్మములయిన ఇశ్రాయేలు ప్రజలను చూడటానికి పరామర్శించడానికి
చూడటానికి దేవుడు ఇశ్రాయేలు దేశములో పర్యటించబోతున్నారు! ఇదే
లోయలోని చెట్లు ఎట్లున్నవో చూచుటకు ద్రాక్షావల్లులు చిగిర్చెనో లేదో దాడిమవృక్షములు
పూతపట్టెనో లేదో చూచుటకు నేను అక్షోట వృక్షోద్యానమునకు వెళ్లితిని అనగా! ఆయన రాకతో ఇశ్రాయేలు దేశం ఉధ్యాన వనముగా మార్చబడింది!
వెంటనే
ఏమి జరిగిందో లేక జరుగుతుందో మనకు బైబిల్ లో చాలా రిఫరెన్సులు ఉన్నాయి ఒలీవల కొండ రెండుగా
విడిపోవడం తర్వాత జరిగేది మనం జెకర్యా గ్రంధంలో చూడవచ్చు!
అవి
గాక యెషయా 27:6 లో
6 రాబోవు దినములలోయాకోబు వేరుపారును ఇశ్రాయేలు చిగిర్చి
పూయును. వారు భూలోకమును ఫలభరితముగా చేయుదురు.
ఇది 1948 మి నెలలో జరిగినా
పూర్తిగా నెరవేరలేదు! అది సంపూర్తిగా రెండవరాకడ తర్వాత వేయేండ్ల
పాలన సమయంలో జరుగుతుంది!
ప్రభువు
పాలనలో భూలోకమంతా ఫలభరితముగా ఉంటుంది!
ఇక
యెషయా 35:1 లో 1 అరణ్యమును ఎండిన
భూమియు సంతోషించును అడవి ఉల్లసించి కస్తూరిపుష్పమువలె పూయును
2 అది బహుగా పూయుచు ఉల్లసించును ఉల్లసించి సంగీతములు
పాడును లెబానోను సౌందర్యము దానికి కలుగును కర్మెలు షారోనులకున్న సొగసు దానికుండును
అవి యెహోవా మహిమను మన దేవుని తేజస్సును చూచును.
4 తత్తరిల్లు హృదయులతో ఇట్లనుడి భయపడక ధైర్యముగా ఉండుడి
ప్రతిదండన చేయుటకై మీ దేవుడు వచ్చుచున్నాడు ప్రతిదండనను దేవుడు చేయదగిన ప్రతికారమును
ఆయన చేయును ఆయన వచ్చి తానే మిమ్మును రక్షించును.
5 గ్రుడ్డివారి కన్నులు తెరవబడును చెవిటివారి చెవులు
విప్పబడును
6 కుంటివాడు దుప్పివలె గంతులువేయును మూగవాని నాలుక పాడును
అరణ్యములో నీళ్లు ఉబుకును అడవిలో కాలువలు పారును
7 ఎండమావులు మడుగులగును ఎండిన భూమిలో నీటిబుగ్గలు పుట్టును
నక్కలు పండుకొనినవాటి ఉనికిపట్టులో జమ్మును తుంగగడ్డియు మేతయు పుట్టును.
8 అక్కడ దారిగా నున్న రాజమార్గము ఏర్పడును అది పరిశుద్ధ
మార్గమనబడును అది అపవిత్రులు పోకూడని మార్గము అది మార్గమున పోవువారికి ఏర్పరచబడును
మూఢులైనను దానిలో నడచుచు త్రోవను తప్పక యుందురు
9 అక్కడ సింహముండదు క్రూరజంతువులు దాని ఎక్కవు,
అవి అక్కడ కనబడవు విమోచింపబడినవారే అక్కడ నడచుదురు యెహోవా విమోచించినవారు
పాటలుపాడుచు తిరిగి సీయోనునకు వచ్చెదరు
10 వారి తలలమీద నిత్యానందముండును వారు ఆనందసంతోషములు
గలవారై వచ్చెదరు. దుఃఖమును నిట్టూర్పును ఎగిరిపోవును.
హొషేయా 14:5--7 లో 5 చెట్టునకు మంచు ఉన్నట్లు నేనతనికుందును, తామర పుష్పము
పెరుగునట్లు అతడు అభివృద్ధి నొందును, లెబానోను పర్వతము దాని వేళ్లు
తన్నునట్లు వారు తమ వేళ్లు తన్నుదురు.
6 అతని కొమ్మలు విశాలముగా పెరుగును, ఒలీవచెట్టునకు కలిగినంత సౌందర్యము అతనికి కలుగును, లెబానోనుకున్నంత
సువాసన అతనికుండును.
7 అతని నీడ యందు నివసించువారు మరలివత్తురు. ధాన్యమువలె వారు తిరిగి మొలుతురు ద్రాక్షచెట్టువలె వారు వికసింతురు.
లెబానోను ద్రాక్షరసము వాసనవలె వారు పరిమళింతురు.
ఇది కూడా జరుగుతుంది!
కీర్తన 72:7 లో 7 అతని దినములలో నీతిమంతులు వర్ధిల్లుదురు చంద్రుడు లేకపోవువరకు క్షేమాభివృద్ధి
కలుగును.
8 సముద్రమునుండి సముద్రమువరకు యూఫ్రటీసునది మొదలుకొని
భూదిగంతములవరకు అతడు రాజ్యము చేయును.
9 అరణ్యవాసులు అతనికి లోబడుదురు. అతని శత్రువులు మన్ను నాకెదరు.
10 తర్షీషు రాజులు ద్వీపముల రాజులు కప్పము చెల్లించె
దరు షేబరాజులును సెబారాజులును కానుకలు తీసికొని వచ్చెదరు.
11 రాజులందరు అతనికి నమస్కారము చేసెదరు. అన్యజనులందరు అతని సేవించెదరు.
12 దరిద్రులు మొఱ్ఱపెట్టగా అతడు వారిని విడిపించును.
దీనులను నిరాధారులను అతడు విడిపించును.
13 నిరుపేదలయందును బీదలయందును అతడు కనిక రించును బీదల
ప్రాణములను అతడు రక్షించును
14 కపట బలాత్కారములనుండి అతడు వారి ప్రాణ మును విమోచించును.
వారి ప్రాణము అతని దృష్టికి ప్రియముగా ఉండును.
15 అతడు చిరంజీవియగును, షేబ బంగారము
అతనికి ఇయ్యబడును. అతని క్షేమమునకై జనులు నిత్యము ప్రార్థన చేయుదురు
దినమంతయు అతని పొగడుదురు.
16 దేశములోను పర్వత శిఖరములమీదను సస్య సమృద్ధి కలుగును
దాని పంట లెబానోను వృక్షములవలె తాండవమాడు చుండును నేలమీది పచ్చికవలె పట్టణస్థులు తేజరిల్లుదురు.
17 అతని పేరు నిత్యము నిలుచును అతని నామము సూర్యుడున్నంతకాలము
చిగుర్చు చుండును అతనినిబట్టి మనుష్యులు దీవింపబడుదురు అన్యజనులందరును అతడు ధన్యుడని
చెప్పుకొందురు.
18 దేవుడైన యెహోవా ఇశ్రాయేలు యొక్క దేవుడు స్తుతింపబడును
గాక ఆయన మాత్రమే ఆశ్చర్యకార్యములు చేయువాడు.
92: 12 నీతిమంతులు ఖర్జూరవృక్షమువలె మొవ్వువేయు దురు
లెబానోనుమీది దేవదారు వృక్షమువలె వారు ఎదుగు దురు
13 యెహోవా మందిరములో నాటబడినవారై వారు మన దేవుని ఆవరణములలో
వర్ధిల్లుదురు.
ఇవన్నీ
ఇశ్రాయేలు జనాంగమునకు జరుగుతుంది! దేవుడు తన ప్రజలకు మేలు చేస్తారు! దేవుని
భక్తులంతా భూలోకమును ఏలుతారు!
మరి
నీవు దానికి సిద్దంగా ఉన్నావా?
దైవాశీస్సులు!
*గీతాలకు గీతము-పరమగీతము*
*130వ భాగము*
*తెలియకయే నా జనులలో ఘనులగువారి రథములను నేను కలిసికొంటిని*
పరమగీతము 6: 11 లోయలోని చెట్లు ఎట్లున్నవో
చూచుటకు ద్రాక్షావల్లులు చిగిర్చెనో లేదో దాడిమవృక్షములు పూతపట్టెనో లేదో చూచుటకు నేను
అక్షోట వృక్షోద్యానమునకు వెళ్లితిని.
12 తెలియకయే నా జనులలో ఘనులగువారి రథములను నేను కలిసికొంటిని.
13 షూలమీ్మతీ, రమ్ము రమ్ము మేము
నిన్ను ఆశతీర చూచుటకై తిరిగిరమ్ము, తిరిగి రమ్ము. షూలమీ్మతీయందు మీకు ముచ్చట పుట్టించునదేది? అమె మహనయీము
నాటకమంత వింతయైనదా?
ప్రియులారా! పరమగీతములను ధ్యానము చేస్తున్నాము.
(గతభాగం తరువాయి)
ప్రియులారా! ఇక్కడ తెలియకయే నా జనులలో ఘనులగు వారి రధములను నేను కలుసు కొంటిని
అంటుంది షూలమ్మితి! నా జనులలో ఘణులైన వారి రధములు అంటుంది!
మరి వీరు ఎవరు? ఎవరీ ఘనులు!! వీరు ఇశ్రాయేలు ప్రజలే అని అర్ధమవుతుంది! అనగా ఇశ్రాయేలు
జాతి నుండి వారు అయి ఉండవచ్చు! లేక క్రీస్తుతో అంటుకట్టబడినందున
ఇశ్రాయేలు జాతిగా మార్చబడిన అంటుకట్టబడిన ఇశ్రాయేలు ప్రజలమైన సార్వత్రిక సంఘమునకు చెందిన
మనము కూడా దానిలో ఉన్నాము! అయితే అక్కడ ఒక మెలిక ఉంది!
ఘనులగు వారి రధములు!!! మనము అంటుకట్టబడిన ఇశ్రాయేలు ప్రజలమే గాని నీవు ఘనులగు
వారి గుంపులో ఉన్నావా?
అయితే ఎవరిని ఘణులుగా దేవుడు చేశారో కొంతమందిని చూద్దాం!
వీరు దేవుని పనిని ఇష్టపూర్వకముగా చేసేవారు! ప్రభువు
కోసం ఆయన సేవ కోసం ఆయన పరిచర్య కోసం ఆయన దేశం కోసం కష్టపడే వారు, తమకున్నవి ప్రభువు కోసం అర్పించేవారు అవసరమైతే ప్రభువుకోసం హతసాక్షిగా మారడానికి
కూడా సిద్దమయ్యే వారే ఆ ఘనులు!!!
అందుకే
ప్రతీ స్థానిక సంఘమునుండి ప్రభువు తనకు ఘనులుగా ఆయనకోసం కష్టపడే వారిని దేవుడు పిలుస్తున్నారు!
నిర్గమ 35:5—22 వచనాలలో కొంతమంది ఘనులు కనిపిస్తారు మనకు!
5 మీరు మీలోనుండి యెహోవాకు అర్పణము పోగు చేయుడి.
ఎట్లనగా బుద్ధిపుట్టిన ప్రతివాడు యెహోవా సేవనిమిత్తము బంగారు,
వెండి, ఇత్తడి,
6 నీల ధూమ్ర రక్త వర్ణములు, సన్ననార
మేకవెండ్రుకలు, ఎఱ్ఱరంగువేసిన పొట్టేళ్ల తోళ్లు, సముద్రవత్సల తోళ్లు, తుమ్మకఱ్ఱ,
7 ప్రదీపమునకు తైలము,
8 అభిషేకతైలమునకును పరిమళ ద్రవ్య ధూపమునకును సుగంధ సంభారములు,
9 ఏఫోదుకును పతకమునకును లేత పచ్చలును చెక్కు రత్నములును
తీసికొని రావలెను.
10 మరియు వివేక హృదయులందరు వచ్చి యెహోవా ఆజ్ఞాపించినవన్నియు
చేయవలెను.
21 తరువాత ఎవని హృదయము వాని రేపెనో, ఎవని మనస్సు వాని ప్రేరేపించెనో వారందరు వచ్చి, ప్రత్యక్షపు
గుడారముయొక్క పనికొరకును దాని సమస్త సేవకొరకును ప్రతిష్ఠిత వస్త్రముల కొరకును యెహోవాకు
అర్పణను తెచ్చిరి.
22 స్త్రీలుగాని పురుషులుగాని యెవరెవరి హృదయములు వారిని
ప్రేరేపించెనో వారందరు యెహోవాకు బంగారు అర్పించిన ప్రతివాడును ముక్కరలను, పోగులను, ఉంగరములను తావళ ములను, సమస్తవిధమైన బంగారు వస్తువులనుతెచ్చిరి.
23 మరియు నీల ధూమ్ర రక్తవర్ణములు, సన్ననార, మేక వెండ్రుకలు, ఎఱ్ఱరంగు
వేసిన పొట్టేళ్ల తోళ్లు, సముద్రవత్సల తోళ్లు, వీటిలో ఏవి యెవరి యొద్ద నుండెనో వారు వాటిని తెచ్చిరి.
24 వెండిగాని యిత్తడిగాని ప్రతిష్ఠించిన ప్రతివాడును
యెహోవాకు ఆ అర్పణము తెచ్చెను. ఆ సేవలో ఏ పనికైనను వచ్చు తుమ్మకఱ్ఱ
యెవని యొద్దనుండెనో వాడు దాని తెచ్చెను.
25 మరియు వివేక హృదయముగల స్త్రీలందరు తమ చేతులతో వడికి
తాము వడికిన నీల ధూమ్ర రక్తవర్ణములుగల నూలును సన్ననార నూలును తెచ్చిరి.
26 ఏ స్త్రీలు జ్ఞానహృదయము గలవారై ప్రేరేపింపబడిరో వారందరు
మేక వెండ్రుకలనువడికిరి.
27 ప్రధానులు ఏఫోదుకును పతకమునకును చెక్కు రత్నములను
లేతపచ్చలను
28 సుగంధద్రవ్యమును, దీపమునకును
అభిషేక తైలమునకును పరిమళ ధూపమునకును తైలమును తెచ్చిరి.
29 మోషే చేయవలెనని యెహోవా ఆజ్ఞాపించిన పనులన్నిటి కొరకు
ఇశ్రాయేలీయులలో పురుషులేమి స్త్రీలేమి తెచ్చుటకు ఎవరి హృదయములు వారిని ప్రేరేపించునో
వారందరు మనఃపూర్వకముగా యెహో..
కాబట్టి
ఈ వచనాలు చూసుకుంటే ప్రభువు కోసం ఇచ్చారు వారు! అనగా ప్రభువు పనికోసం తమ ధనమును ఖర్చుపెట్టే వారు
ఘనులు!
మరో
ఘనులు కూడా ఉన్నారు! వీరు 25,26 వచనాలలో ప్రభువు పనికోసం తమ చేతులతో కష్టపడి
ప్రభువు పనిని ఫలితం ఆశించకుండా చేశారు! 36 వ అధ్యాయంలో స్త్రీలే
కాకుండా అనేకమంది పురుషులు కూడా ప్రభువుకోసం ప్రభువు పనికోసం కష్టపడ్డారు! వీరు ఘనులు!!!
ఇక
న్యాయాధిపతుల గ్రంధములో
5:2,9 వచనాలలో
2 ఇశ్రాయేలీయులలోయుద్ధశాలులు ధైర్యము కనుపరచిరి ప్రజలు
సంతోషముగా సిద్ధపడిరి. యెహోవాను స్తుతించుడి.
9 జనులలో ఇశ్రాయేలీయుల అధిపతులు సంతోషముగా సిద్ధపడిరి.వారియందు నాకు ప్రేమకలదు యెహోవాను స్తుతించుడి.
వీరు
దేశం కోసం దేవుని కోసం తమ ప్రాణాలు కూడా లెక్క చేయకుండా యుద్దానికి వెళ్ళి గెలిచారు! వీరు ఘనులు! అనగా ప్రభువు కోసం అనేకులను సాతాను చెరనుండి విడిపించటానికి సువార్త ప్రకటిస్తూ
శ్రమలను ఓర్చుకుంటూ మరణాన్ని కూడా లెక్కచేయకుండా శ్రమలు శోధనలను కూడా లెక్కచేయకుండా
ప్రభువు సువార్త వ్యాప్తి చేసే వీరు ఘనులు!!
ఇక 1 దిన 9:19 ప్రకారం:
19 మరియు కోరహు కుమారుడగు ఎబ్యాసాపునకు పుట్టిన కోరే కుమారుడైన షల్లూమును
వాని పితరుని యింటివారును వాని సహోదరులగు కోరహీయులును సేవాసంబంధమైన పనిమీదనుండి గుడారమునకు
ద్వారపాలకులై యుండిరి; వారి పితరులు యెహోవా పాళెమునకు కావలివారై
యుండి ప్రవేశ స్థలమును కాయుచుండిరి.
ఇక్కడ
వీరు ద్వారపాలకుల పని చేస్తున్నారు! అయితే గమనించవలసిన మాట ఏమిటంటే: నీవు దేవునికోసం ఏదైనా ఒక పని చేయాలి! అది చిన్నదా లేక
పెద్దదా లేక ఘనమైనదా లేక ఘనత లేనిదా అని కాదు! దేవునికోసం ఏదైనా
చేస్తున్నావా లేదా అనేదే ముఖ్యం! దేవుని పరిచర్యలో నీవు చేసే
చిన్నపనిని కూడా దేవుడు ఎంతో ఘనముగా చూస్తారు! చివరకు నీవు దేవుని
ఆలయంలో టాయిలెట్లు కడిగినా చాపలు కుర్చీలు వేసినా ఎత్తినా దానిని దేవుడు ఎంత ఘనముగానో
ఎంచుతారు! కాబట్టి దేవుని పరిచర్య చేసే వారు ఘనులు!!!
కాబట్టి
నా జనులలో ఘనులగు వారి రధములు అనగా దేవుని సంఘములో ప్రభువు కోసం ఇచ్చేవారి కానుకలు, ఇచ్చేవారు కూడా ఘనులు!! సంఘములో ప్రభువు సువార్త కోసం కష్టపడే
వారు ఘనులు!! ఇంకా ప్రభువు పరిచర్యలో చిన్నది గాని పెద్దది గాని
ఏదో ఒక పనిచేసే వారు కూడా ఘనులు! వారు చేసే కార్యములే ఘనులగు
వారి రధములు!!
మరి
ప్రియ సహోదరి సహోదరుడా నీవు ఆ ఘనులలో ఉన్నావా?
దైవాశీస్సులు!!!
*గీతాలకు గీతము-పరమగీతము*
*131వ భాగము*
*మేము నిన్ను ఆశతీర చూచుటకై తిరిగిరమ్ము, తిరిగి రమ్ము*
పరమగీతము 6: 11 లోయలోని చెట్లు ఎట్లున్నవో
చూచుటకు ద్రాక్షావల్లులు చిగిర్చెనో లేదో దాడిమవృక్షములు పూతపట్టెనో లేదో చూచుటకు నేను
అక్షోట వృక్షోద్యానమునకు వెళ్లితిని.
12 తెలియకయే నా జనులలో ఘనులగువారి రథములను నేను కలిసికొంటిని.
13 షూలమీ్మతీ, రమ్ము రమ్ము మేము
నిన్ను ఆశతీర చూచుటకై తిరిగిరమ్ము, తిరిగి రమ్ము. షూలమీ్మతీయందు మీకు ముచ్చట పుట్టించునదేది? అమె మహనయీము
నాటకమంత వింతయైనదా?
ప్రియులారా! పరమగీతములను ధ్యానము చేస్తున్నాము.
(గతభాగం తరువాయి)
ప్రియులారా! ఇక మరో మాట షూలమ్మితి
రమ్ము తిరిగి రమ్ము అని పిలుస్తున్నారు కొందరు! తిరిగి రమ్ము
అనే మాట పాత నిబంధన గ్రంధములో చాలాసార్లు వ్రాయబడి ఉంది! ఈ మాట
ఒక వ్యక్తి కోసం చెప్పిన మాట కాదు! ఒక జాతిని తిరిగి రమ్మని పిలుస్తున్నారు!
వారు ఇశ్రాయేలు వారు! పడిపోయిన స్థితిలో ఉన్నవారిని
తిరిగి రమ్ము అని పిలుస్తున్నారు! అయితే ఇలా పిలిచినప్పుడు కొంతమంది మనస్పూర్తితో తిరిగి ప్రభువు వద్దకు వచ్చారు
కొందరు మారినట్లు నటించారు అంతే, నిజంగా రాలేదు!
యిర్మీయా 4:1 లో ప్రభువు పిలుస్తున్నారు
1 ఇదే యెహోవా వాక్కు ఇశ్రాయేలూ, నీవు తిరిగి రానుద్దేశించిన యెడల నా యొద్దకే రావలెను, నీవు ఇటు అటు తిరుగుట మాని నీ హేయక్రియలను నా సన్నిధినుండి తొలగించి
2 సత్యమునుబట్టియు న్యాయమును బట్టియు నీతినిబట్టియు యెహోవా
జీవముతోడని ప్రమా ణముచేసినయెడల జనములు ఆయనయందు తమకు ఆశీర్వా దము కలుగుననుకొందురు,
ఆయనయందే అతిశయపడుదురు.
ఈ
పిలుపును విని వచ్చిన వారు కొద్దిమంది మాత్రమే!
హొషేయా 7:16 లో మరో బ్యాచ్ ఉంది!
వీరు నటించే వారు
16 వారు తిరుగుదురు గాని సర్వోన్నతుడైన వానియొద్దకు తిరుగరు;
వారు అక్కరకురాని విల్లువలె నున్నారు; వారి యధిపతులు
తాము పలికిన గర్వపు మాటలలో చిక్కుపడి కత్తి పాలగుదురు. ఈలాగున
వారు ఐగుప్తుదేశములో అపహాస్యము నొందుదురు.
అయితే
యెషయా 7:3 లో దేవుడు యెషయా గారితో అంటున్నారు! 3
అప్పుడు యెహోవా యెషయాతో ఈలాగు సెలవిచ్చెను ఆహాజు నెదుర్కొనుటకు నీవును
నీ కుమారుడైన షెయార్యాషూబును చాకిరేవు మార్గమున పై కోనేటి కాలువకడకు పోయి అతనితో ఈలాగు
చెప్పుము
దీనికోసం
జాగ్రత్తగా ఆలోచిస్తే యెషయా గారి కుమారుని పేరు షెయార్యాషూబు- పేరుకు అర్ధము ఏమిటంటే
దేవుని వైపు తిరుగుట! పూర్తి అర్ధం ఏమిటంటే దేవుని ప్రజలు దేవుని
వైపు తిరిగాలి! ఇప్పుడు
షూలమ్మితి ని కూడా షూలమ్మితి తిరిగి రమ్ము అంటున్నారు! అనగా ఇక
లోకము వద్దు దేవుని వైపుకి సంపూర్తిగా తిరిగి రమ్ము అని పిలుస్తున్నారు!
ప్రియ
విశ్వాసి ఒకవేళ నీవు పేరుకు విశ్వాసిగా ఉంటూ లోకములో ఉంటే నీవు ఇప్పటికైనా తిరిగిరమ్ము
అని దేవుడు మరియు సంఘపెద్దలు పిలుస్తున్నారు!!!
ఇక మరో విధంగా చూసుకుంటే షూలమ్మితి వేయేండ్ల పాలనకు ముందు రక్షణ
పొందబోయే ఇశ్రాయేలు జాతికి సాదృశ్యంగా ఉంది ఇక్కడ! దేవుని
ప్రజలయిన ఇశ్రాయేలు ప్రజలు శ్రమల కాలంలో సంఘము ఎత్తబడ్డాక రక్షించబడతారు అనేది ఎంతో
వివరంగా చూసుకున్నాము! అలా రక్షించబడటానికే మరలా తిరిగిరమ్ము అని పిలుస్తున్నారు ఇక్కడ! గతభాగాలలో ఇశ్రాయేలు ప్రజలు దేవునివైపు తిరుగుతారు అని అందరూ రక్షించబడతారు
అని కూడా చూసుకున్నాము! కేవలం 144000 మంది
మాత్రమే కాదు! ఇద్దరు సాక్షుల సాక్ష్యమును అంగీకరించిన వారంతా
రక్షించబడతారు!
వారు
అలా రక్షించబడిన తర్వాత ఎలా ఉంటారో యెషయా గారు చెబుతున్నారు
33: 20 ఉత్సవకాలములలో మనము కూడుకొనుచున్న
సీయోను పట్టణమును చూడుము నిమ్మళమైన కాపురముగాను తియ్యబడని గుడారముగాను నీ కన్నులు యెరూష
లేమును చూచును దాని మేకులెన్నడును ఊడదీయబడవు దాని త్రాళ్లలో ఒక్కటియైనను తెగదు.
21 అచ్చట యెహోవా ప్రభావముగలవాడై మన పక్షముననుండును,
అది విశాలమైన నదులును కాలువలును ఉన్న స్థలముగా ఉండును అందులో తెడ్ల ఓడ
యేదియు నడువదు గొప్ప ఓడ అక్కడికి రాదు.
22 యెహోవా మనకు న్యాయాధిపతి యెహోవా మన శాసనకర్త యెహోవా
మన రాజు ఆయన మనలను రక్షించును.
23 నీ ఓడత్రాళ్లు వదలిపోయెను ఓడవారు తమ కొయ్య అడుగును
దిట్టపరచరు చాపను విప్పి పట్టరు కాగా విస్తారమైన దోపుడు సొమ్ము విభాగింపబడును కుంటివారే
దోపుడుసొమ్ము పంచుకొందురు.
24 నాకు దేహములో బాగులేదని అందులో నివసించు వాడెవడును
అనడు దానిలో నివసించు జనుల దోషము పరిహరింపబడును.
ఇంకా
అనేకమైన రిఫరెన్సులు ఉన్నాయి వాటన్నిటి ప్రకారం వేయేండ్ల పాలనకు ముందు ఇశ్రాయేలు జాతి
రక్షించబడుతుంది!!
హల్లెలూయ!
దైవాశీస్సులు!!!
*గీతాలకు గీతము-పరమగీతము*
*132వ భాగము*
*షూలమ్మితియందు మీకు ముచ్చట పుట్టించునదేది? అమె మహనయీము నాటకమంత వింతయైనదా?*
పరమగీతము 6: 11 లోయలోని చెట్లు ఎట్లున్నవో
చూచుటకు ద్రాక్షావల్లులు చిగిర్చెనో లేదో దాడిమవృక్షములు పూతపట్టెనో లేదో చూచుటకు నేను
అక్షోట వృక్షోద్యానమునకు వెళ్లితిని.
12 తెలియకయే నా జనులలో ఘనులగువారి రథములను నేను కలిసికొంటిని.
13 షూలమీ్మతీ, రమ్ము రమ్ము మేము
నిన్ను ఆశతీర చూచుటకై తిరిగిరమ్ము, తిరిగి రమ్ము. షూలమీ్మతీయందు మీకు ముచ్చట పుట్టించునదేది? అమె మహనయీము
నాటకమంత వింతయైనదా?
ప్రియులారా! పరమగీతములను ధ్యానము చేస్తున్నాము.
(గతభాగం తరువాయి)
ప్రియులారా! ఇక మరో మాట షూలమ్మితియందు
మీకు ముచ్చట పుట్టించునదేది? అమె మహనయీము నాటకమంత వింతయైనదా?
ఈ మాట ఎవరు అంటున్నారు? కొంతమంది యెరూషలేము కుమార్తెలు
అన్నారు అంటారు! మరికొంతమంది వరుడైన సోలోమోను అంటున్నారు అంటారు!
ఈ వచనంలో మొదటి భాగం వధువు వయ్యారాన్ని, అందాన్ని
తేరిచూడాలని ఆశిస్తూ ఉన్న చెలికత్తెలు లేక కన్యలు పలికినది. రెండో
భాగాన్ని పలికినది వరుడు. ఇది ప్రశ్నారూపకంగా ఉంది. అయితే ఆమె ఎంత అందగత్తో అందరూ తదేకంగా ఆమెనెందుకు చూస్తారో అతనికి బాగా తెలుసు.
ఇక్కడి భాషను బట్టి చూస్తే ఇది ఆనందాన్ని వెల్లడి చేసే ఒక పవిత్ర రూపకం
అని అనుకోవచ్చు . రెండు శిబిరాలు లేక రెండు సేనలు అని అర్థం ఇచ్చే
హీబ్రూ పదం “మహనయీం”. ఆదికాండము
32:1-2, చూడండి. పరలోక సైన్యాలు చేరువలో ఉన్నాయని
తెలియజేసేందుకు కవి ఈ పదం వాడివుండవచ్చు.
నిజానికి యాకోబు గారు తన మేనమామ మరియు తనకు పిల్లల నిచ్చిన మామగారి
ఇంటి నుండి వచ్చేటప్పుడు దేవుని దూతలు ఆశీర్వదించ బడిన యాకోబు గారిని ఎదుర్కోడానికి
తన సేనలతో వస్తారు! అప్పుడు యాకోబు గారి సేన మరియు దేవదూతల సేన రెండు ఎదురెదురుగా
వస్తారు! అది ఎంతో అందమైన దృశ్యముగా చెప్పబడింది! అందుకే దానికి మహనయీము అని పేరుపెట్టారు! రక్షించబడిన
యాకోబు తన కుటుంభముతో పాపమును వదిలి దేవునిచేత దీవించబడి తిరిగి తన స్వంత దేశమునకు
వస్తున్నప్పుడు దేవుడే తన దూతలను ఎదురుగా ఆహ్వానం పంపించారు అదే మహనయీము!!
ఆదేవిధముగా రక్షించబడిన
ఇశ్రాయేలు జాతిని ఎదుర్కోడానికి దేవుడు తన దూతలతో దిగిరాబోతున్నారు! అది నిజమైన మహనయీము!!! అప్పుడు రక్షించబడిన ఇశ్రాయేలు
జాతి మరియు దేవుని దూతగణములు కలసికుంటారు అప్పుడు! అక్కడ మహా
ఆనందము ఎదురవుతుంది!
కీర్తన 53 మహలతూ రాగం మీద పాడాలి!
మహలతూ అనగా నాట్యము! ఇదే మహనయీము నాటకము!
దేవుని ప్రజలు వారు పొందిన ఆనందము ప్రభువుతో పంచుకోవాలి! దానిని నాట్య రూపములో చూపిస్తారు వారు!
యిర్మీయా 31:13 లో అంటున్నారు దేవుడు:
13 వారి దుఃఖమునకు ప్రతిగా సంతోషమిచ్చి వారిని ఆదరించెదను, విచారము కొట్టివేసి నేను వారికి ఆనందము కలుగజేతును గనుక కన్యకలును యవనులును
వృద్ధులును కూడి నాట్యమందు సంతోషించెదరు.
14 క్రొవ్వుతో యాజకులను సంతోషపరచెదను, నా జనులు నా ఉపకార ములను తెలిసికొని తృప్తినొందుదురు; ఇదే యెహోవా వాక్కు.
ఇది
మహనయీము వలన కలిగిన అనుభవము!!
అందుకే
దావీదుగారు ఆత్మావేషుడై అంటున్నారు 30: 11 నా ప్రాణము మౌనముగా నుండక
నిన్ను కీర్తించునట్లు నా అంగలార్పును నీవు నాట్యముగా మార్చి యున్నావు.
12 నీవు నా గోనెపట్ట విడిపించి, సంతోషవస్త్రము నన్ను ధరింపజేసియున్నావు యెహోవా నా దేవా, నిత్యము నేను నిన్ను స్తుతించెదను.
కీర్తన 150:4 లో దావీదు గారు అంటున్నారు
3 బూరధ్వనితో ఆయనను స్తుతించుడి. స్వరమండలముతోను సితారాతోను ఆయనను స్తుతించుడి.
4 తంబురతోను నాట్యముతోను ఆయనను స్తుతించుడి. తంతివాద్యములతోను పిల్లనగ్రోవితోను ఆయనను స్తుతించుడి.
5 మ్రోగు తాళములతో ఆయనను స్తుతించుడి. గంభీరధ్వనిగల తాళములతో ఆయనను స్తుతించుడి.
6 సకలప్రాణులు యెహోవాను స్తుతించుదురు గాక యెహోవాను స్తుతించుడి.
ఇక మరోవిధంగా చూసుకుంటే
యెహోషువా 21:36—38 చూసుకుంటే
36 రూబేను గోత్రికుల నుండి నాలుగు పట్టణములను,
అనగా బేసెరును దాని పొలమును యాహసును దాని పొలమును
37 కెదెమోతును దాని పొలమును మేఫాతును దాని పొలమును ఇచ్చిరి.
38 గాదు గోత్రికుల నుండి నాలుగు పట్టణములును,
అనగా నరహంతకునికొరకు ఆశ్రయపట్టణమగు గిలాదులోని రామోతును దాని పొల మును
మహనయీమును దాని పొలమును.....
ఇక్కడ
మహనయీము నరహంతుకులకు ఆశ్రయ పురముగా ఇచ్చినట్లు చూడవచ్చు! నీవు ఎంత పాపివైనా నరహంతకుడవైనా
మహనయీము వస్తే నీకు ఆశ్రయము కలుగుతుంది! ఆ ఆశ్రయ పురము క్రీస్తుయేసు
శిలువ అని గ్రహించాలి!
కాబట్టి
మహనయీము లో రక్షణ దొరుకుతుంది పాపికి!
ఇక 2 సమూయేలు
2:8--10 లో 8 నేరు
కుమారుడగు అబ్నేరు అను సౌలుయొక్క సైన్యాధిపతి సౌలు కుమారుడగు ఇష్బోషెతును మహనయీమునకు
తోడుకొని పోయి,
9 గిలాదువారిమీదను ఆషేరీయులమీదను యెజ్రెయేలుమీదను ఎఫ్రాయిమీయులమీదను
బెన్యామీనీయులమీదను ఇశ్రాయేలు వారిమీదను రాజుగా అతనికి పట్టాభిషేకము చేసెను.
10 సౌలు కుమారుడగు ఇష్బోషెతు నలువదేండ్లవాడై యేల నారంభించి
రెండు సంవత్సరములు పరిపాలించెను; అయితే యూదావారు దావీదు పక్షమున
నుండిరి.
ఇక్కడ
మహనయీములో సౌలు రాజు కుమారునికి దావీదుగారికి వ్యతిరేఖంగా
పట్టాభిషేకము చేశారు! అనగా దేవుడు ఏర్పరచుకున్న వానికి వ్యతిరేఖంగా
మరొకరికి అభిషేకించారు అక్కడ! ప్రభువు పిలువక పోయినా అక్కడ అభిషేకం
పొందాడు! కొద్ది రోజులకు చచ్చాడు! సంఘాలలో
అభిషేకం పొందిన వారే ఉండాలి గాని పిలుపూ మరియు అభిషేకం లేకుండా పరిచర్య చేస్తే శిక్షించబడతారు!
సంఘము ఫలాభి వృద్ధి పొందనే పొందదు!
అయితే
నిజమైన మహనయీము నాటకము మరొకటి కనిపిస్తుంది మనకు 2 సమూయేలు 4:6 లో
అక్కడ అభిషేకం లేని వ్యక్తి చంపబడతాడు! ఇతడు క్రీస్తువిరోధికి
సాదృశ్యం గా ఉన్నాడు! దుష్టుడైన సాతానుని దేవుడు దండించబోతున్నారు!
విశ్వాసి లేక ఇశ్రాయేలు ప్రజలు వాడి బంధకముల నుండి విడిపించబడ బోతున్నారు!
అదే మహనయీము నాటకము!
2 సమూయేలు 17:24 లో మరో మహనయీము అనుభవం కనిపిస్తుంది!
ఇక్కడ రాజైన దావీదు ఆదరించబడ్డాడు!
కాబట్టి
నీవు ఎటువంటి మహనయీము అనుభవం పొందుకున్నావో తెలుసుకో!
దైవాశీస్సులు!!!
*గీతాలకు గీతము-పరమగీతము*
*133వ భాగము*
*రాజకుమార పుత్రికా, నీ పాదరక్షలతో
నీవెంత అందముగా నడుచు చున్నావు*
పరమగీతము 7: 1 రాజకుమార పుత్రికా,
నీ పాదరక్షలతో నీవెంత అందముగా నడుచు చున్నావు! నీ ఊరువులు శిల్పకారి చేసిన ఆభరణ సూత్రములవలె ఆడుచున్నవి.
ప్రియులారా! పరమగీతములను ధ్యానము చేస్తున్నాము. ఇంతవరకు 6 అధ్యాయాలు ధ్యానం చేశాము! ఇక ఏడవ అధ్యాయము ధ్యానం చేద్దాం!
ఈ
వచనంలో అంటున్నారు : రాజకుమార పుత్రికా, నీ పాదరక్షలతో నీవెంత అందముగా నడుచు
చున్నావు?
4 వ అధ్యాయం మొదటి 15 వచనాలలో ఒకసారి ఇలాగే షూలమ్మితి అందమును
వర్ణించడం జరిగింది ప్రియుడు! అలాగే 6:4—9 వరకు కూడా వర్ణించడం
జరిగింది! మరలా ఇక్కడ
కూడా వర్ణిస్తున్నారు!
ఇక్కడ
రాజకుమార పుత్రికా అనగా రాకుమారి ఎవరూ అనగా సంఘము! దాని ఆకారం, సౌష్టవం
అంతా ఎంతో చక్కగా కనిపిస్తుంది! (1 కొరింతు 12:14-27;
ఎఫెసు 4:15-16). సంఘం క్రీస్తు శరీరం. దానిలో ప్రతి భాగాన్నీ దేవుడు శ్రద్ధతో ఉంచాడు. మొత్తం
శరీరం అందంగా, ఉపయోగకరంగా ఉండాలని దేవుని ఉద్దేశం. దానిని అపేక్షగా చూస్తూ ఉండిపోవడం ఆయనకెంతో ఇష్టం. ఆయన
దృష్టిలో ఆమె అందాన్ని వర్ణించడమంటే ఎంతో మక్కువ. ఈ లోకంలో భార్యాభర్తల
బంధం అన్ని బంధాల్లోకీ సన్నిహితమైనది. ఈ బంధం దేవునికీ,
ఆయనకు చెందిన ప్రత్యేక ప్రజకూ మధ్య ఉన్న ప్రేమపూర్వకమైన సన్నిహిత ఆత్మ
సంబంధాన్ని వివరించడానికి పవిత్రాత్మ బైబిల్లో పదే పదే వాడిన గుర్తు. ఆత్మరూపి అయిన దేవునికీ ఆయనకు చెందిన ఆధ్యాత్మిక ప్రజలకూ గల ఈ సంబంధంలో ఉన్న
ప్రేమ, మహదానందం, సన్నిహిత సహవాసాల కంటే
ఎక్కువగా మరి ఏ సంబంధంలో లేవు. ఈ వచనాలలోని మాటలు దీన్ని సూచిస్తాయి.
కీర్తన 45: 13 అంతఃపురములోనుండు రాజుకుమార్తె
కేవలము మహిమ గలది ఆమె వస్త్రము బంగారు బుట్టాపని చేసినది.
14 విచిత్రమైన పనిగల వస్త్రములను ధరించుకొని రాజు నొద్దకు
ఆమె తీసికొని రాబడుచున్నది ఆమెను వెంబడించు ఆమె చెలికత్తెలైన కన్యకలు నీయొద్దకు తీసికొని
రాబడుచున్నారు.
సరే, ఇప్పుడు మరో కోణములో
చూసుకుందాము ఈ వచనమును:
రాజకుమారా
పుత్రికా అనగా రాజుగా ఒకరు ఉన్నారని అతనికి ఒక కూతురు ఉన్నదని అర్థము వచ్చుచున్నది. ఈ రాజు దేవాదిదేవుడు దేవుడైన యెహోవా.
ఆయన పుత్రిక సంఘమైన యెరూషలేము. ఆయనకు ప్రియమైన కుమారుడు క్రీస్తు
ప్రభువు. ఈ వచనాలలో ప్రియునిగా
దేవునికి ప్రియమైన కుమారుడు క్రీస్తు ప్రభువు వధువు సంఘమును గూర్చి వర్ణించుచు ముందుగా
ఆమె ఎవరి కూతురో చెప్పుచున్నారు. ఆమె దేవాదిదేవుడు సైన్యములకధిపతి పరలోక భూలోక పాతాళ లోకాలకు మొదలైన అన్ని లోకాలకు
రాజు యొక్క కూతురు. ఈ
కూతురు జీవాత్మగా భూమి పైకి వచ్చి జీవాత్మ యొక్క అణువులుగా ఈ భూమిపై విస్తరించి జీవించి,
ప్రతి విషయములో దేవునికి యోగ్యమైన రీతిలో జీవించుచు యెరూషలేము కుమార్తెలుగా
మారింది. దేవునికి అయోగ్య
రీతిగా అసహ్యకరమైన రీతిలో జీవించినవారు వ్యూహితసైన్య సమభీకర రూపిణియైన మహాబబులోనుగా
మారి పాతాళ లోకములో అగ్నిగంధకములతో కూడిన శిక్షను రెండవ మరణముగా పొందుదురు.
అయితే నిజదైవములో ఉండి క్రీస్తు ప్రభువును తమ రక్షకునిగా అంగీకరించినవారు
యెరూషలేము కుమార్తెలుగా పిలువబడి, చివరకు వధువుగా, భార్యగా క్రీస్తు ప్రభువుకు ప్రేమపాత్రులుగా మారుదురు. వీరిని క్రీస్తుప్రభువు ప్రియునిగా పెండ్లి కుమారునిగా అందరిని కలిపి ఇలా రాజకుమార
పుత్రికా అని సంబోధించుట జరిగింది.
ఇలా సంబోధించిన
క్రీస్తు ప్రభువు మొదటగా ఆమెలోని సౌందర్యమునుగూర్చి వర్ణించుచు - ''నీ పాదరక్షలతో నీవెంత అందముగా నడుచుచున్నావు!'' అని చెప్పుచున్నారు. ఒకప్పుడు క్రీస్తు ప్రభువు రక్షణలోకి
వచ్చి సువార్త కోసము ప్రతి సందు, ప్రతి ఊరు, ప్రతి పట్టణము కాళ్లు, కాళ్ల చెప్పులు అరిగేలా తిరిగిన
విశ్వాసి ఆమెలో ఉన్నాడు. కనుక సువార్తని బోధించువారి పాదములు ఎలా ఉంటాయి? బైబిలు గ్రంథము బహుసుందరముగా ఉండునని
బోధించుచున్నది. యెషయా
52:7. దానినే క్రీస్తు ప్రభువు
నీ పాదరక్షలతో ఓ రాజకుమార పుత్రికా నీవు పడిన కష్టము నాకు బహుసుందరము అందముగా కనిపిస్తుందని
చెప్పుచున్నారు. కనుక
పాదరక్షలు విశ్వాసి సువార్త కొరకు పడిన కష్టమునకు గుర్తు.
ఇక ''నీ ఊరువులు శిల్పకారి చేసిన ఆభరణ
సూత్రములవలె ఆడుచున్నవి,'' అనుటలో విలువగల వస్తువులను పరలోక సంఘములో
మన పనితనము ద్వారా కూర్చుకోమని పౌలు చెప్పుచున్నారు. ఊరువులు అనగా తొడలు! దీనికోసం గతంలో ధ్యానం చేసుకున్నాము!
1 కొరింథీ 3:10-15. ఎవరి పనితనము పరిశుద్ధాత్మ పరీక్షలో కాలిపోకుండ నిలుచునో వారు ధన్యులు అని
చెప్పుచున్నారు. ఈ నిలిచిన
విలువగల బంగారు, రత్న, వజ్రాలు అందులో రాజకుమార
పుత్రికకు ఆభరణములుగా నడుము నుండి క్రిందకు వ్రేలాడుచు ఆడుచున్నట్లుగా కనిపిస్తున్నవి. ఆభరణములు విశ్వాసి ఈ లోకములో కూర్చుకున్న
ధనమునకు గుర్తు.
దైవాశీస్సులు!!
*గీతాలకు గీతము-పరమగీతము*
*134వ భాగము*
*నీ యిరు కుచములు జింకపిల్లలయి తామరలో మేయు ఒక కవలను
పోలి యున్నవి*
పరమగీతము 7: 2 నీ నాభీదేశము మండలాకార కలశము
సమి్మళిత ద్రాక్షారసము దానియందు వెలితిపడకుండును గాక నీ గాత్రము పద్మాలంకృత గోధుమరాశి
3 నీ యిరు కుచములు జింకపిల్లలయి తామరలో మేయు ఒక కవలను
పోలి యున్నవి.
4 నీ కంధరము దంతగోపుర రూపము నీ నేత్రములు జనపూర్ణమైన
హెష్బోను పట్టణమున నున్న రెండు తటాకములతో సమానములు నీ నాసిక దమస్కు దిక్కునకు చూచు
లెబానోను శిఖరముతో సమానము.
5 నీ శిరస్సు కర్మెలు పర్వతరూపము నీ తలవెండ్రుకలు ధూమ్రవర్ణముగలవి.
రాజు వాటి యుంగరములచేత బద్ధుడగుచున్నాడు.
6 నా ప్రియురాలా, ఆనందకరమైనవాటిలో
నీవు అతిసుందరమైనదానవు అతి మనోహరమైనదానవు.
7 నీవు తాళవృక్షమంత తిన్ననిదానవు నీ కుచములు గెలలవలె
నున్నవి.
8 తాళవృక్షము నెక్కుదుననుకొంటిని దాని శాఖలను పట్టుకొందుననుకొంటిని
నీ కుచములు ద్రాక్షగెలలవలె నున్నవి. నీ శ్వాసవాసన జల్దరుఫల సువాసనవలె
నున్నది.
9 నీ నోరు శ్రేష్టద్రాక్షారసమువలె నున్నది ఆ శ్రేష్ఠద్రాక్షారసము
నా ప్రియునికి మధుర పానీయము అది నిద్రితుల యధరములు ఆడజేయును.
10 నేను నా ప్రియునిదానను అతడు నాయందు ఆశాబద్ధుడు.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : నీ నాభీదేశము మండలాకార కలశము సమి్మళిత ద్రాక్షారసము దానియందు వెలితిపడకుండును
గాక నీ గాత్రము పద్మాలంకృత గోధుమరాశి
3 నీ యిరు కుచములు జింకపిల్లలయి తామరలో మేయు ఒక కవలను పోలి యున్నవి.
ప్రియులారా! ఈ వచనాలు 10 వ వచనం వరకు గతభాగాలలో విస్తారంగా ధ్యానం చేసుకున్నాము గనుక చాలా క్లుప్తంగా
చూసుకుని ముందుకు పోదాము!
''నీ
నాభీదేశము మండలాకార కలశము,'' అనగా బొడ్డు భాగము గుండ్రని గిన్నెవలె
ఉన్నదని చెప్పుచున్నారు.
''సమ్మిళిత ద్రాక్షారసము దానియందు వెలితిపడకుండును గాక,''
అనగా ద్రాక్షారసము క్రీస్తు ప్రభువు రక్తమునకు సాదృశ్యముగా చెప్పబడింది. ఈ ద్రాక్షారసమునకు సంఘములో లోటు ఎప్పటికి
రాదు. ఎందుంటే ఆ రక్తములోనే
రక్షణ పొందినవారు తమ పాపములను ఉదుకుకొని ప్రక్షాళన గావించి నాభి అనగా గుండ్రని గిన్నె
ద్వారా అనగా ద్వారము ద్వారా సంఘములో ప్రవేశించుదురు అనుటకు మాదిరిగా చెప్పబడింది. ద్రాక్షారస కలశము విశ్వాసి పొందిన
రక్షణకు గుర్తు.
''నీ
శరీరము పద్మాలంకృత గోధుమరాశి,'' అనగా ఆమె యొక్క శరీరము గోధుమ
వర్ణముతో పేర్చబడిన పద్మములతో అలంకరింపబడినట్లుగా ఉంది అంటే బబులోను కుమార్తెలుగా ఉండి షూలమ్మీతీగా
మారి చివరకు నీతిలో రక్షణలో నిలువబడిన వధువు సంఘమైన పరమయెరూషలేములో భాగమును పొందిన
స్థితి అని చెప్పుట జరిగింది. కనుక ''పద్మాలంకృత గోధుమరాశి'' మారుమనస్సుతో రక్షణలోకి వచ్చిన షూలమ్మీతీకి గుర్తు.
''నీ
యిరు కుచములు జింకపిల్లలయి తామరలో మేయు ఒక కవలను పోలియున్నవి,'' అనగా జింక పిల్లలు చూచుటకు చాలా అందముగా ఉంటాయి. అవి చూచినకొద్ది ఇంకా చూడాలి అన్న
తలంపు మనస్సులో లుగును. అంతటి పరిశుద్ధతను సంఘము కలిగి అంత ఆకర్షణ కలిగియున్నట్లుగా పై వచనములోని అర్థము. కనుక యిరు కుచముల వర్ణన సంఘము యొక్క
ఆకర్షణకు గుర్తు.
''నీ
కంధరము దంతగోపుర రూపము,'' అనగా కంఠము తెల్లని దంతముతో పోల్చబడింది
కనుక సంఘములోని పరిశుద్ధతకు గుర్తు.
''నీ
నేత్రములు జనపూర్ణమైన హెష్బోను పట్టణమున
నున్న రెండు తటాకములతో సమానములు,'' అనగా తటాకములతో నీళ్లు నింపి
ఉంచుతారు. ఈ నీళ్లు జీవజలములకు
సూచన. అలాగే నేత్రములకు
దీనిని పోల్చుట కరుణా పూర్ణమైన జీవితమునకు గుర్తు.
''నీ
నాసిక దమస్సు దిక్కునకు చూచు లెబానోను శిఖరముతో సమానము,'' అనగా
లెబానోను శిఖరము యెరూషలేము ఆలయ ఉన్నతికి సూచన, ఎందుకంటే లెబానోనులోని
దేవదారు కొయ్యలతో ఇది నిర్మించబడింది.
దాని నాసిక దమస్సు దిక్కునకు చూచుట గూర్చి చెప్పబడింది. అంటే యెరూషలేము అను వధువు సంఘము లెబానోనులోని
దేవదారు కొయ్యలవలె శ్రేష్ఠమైన యెరూషలేము కుమార్తెలచే నిండియున్నను దాని నాసిక అనగా
శ్వాస ఎప్పుడు దమస్సు దిక్కునకు అనగా రక్షణలోకి వచ్చువారి వైపు ఉన్నదనుటకు సూచనగా చెప్పబడింది.
''నీ శిరస్సు కర్మెలు పర్వతరూపము,''
అనగా శిరస్సును కర్మెలు పర్వతముతో పోల్చుట అత్యున్నత స్థానముగా చెప్పుట.
సంఘమునకు శిరస్సు క్రీస్తు ప్రభువు. కనుక అత్యున్నత పర్వతమువలె సంఘములో
క్రీస్తుప్రభువు తలగా కనిపిస్తారు అనుటకు గుర్తు.
''నీ
తలవెండ్రుకలు ధూమ్రవర్ణముగలవి,'' అనగా ధూమ్రవర్ణముగల వెండ్రుకలు
సంఘము ఈ లోకములో పడిన వేదనకు గుర్తు.
''రాజు
వాటి యుంగరములచేత బద్ధుడగుచున్నాడు,'' అనగా రాజులకు రాజుగా క్రీస్తు
ప్రభువు వివాహమునకు ముందు జరుగు నిశ్చితార్థముగా ప్రామాణికముగా సంఘము యొక్క యుంగరము
మార్చుకొని ఆమెను తనదిగా ఒప్పుకొనును అని అర్థము.
''నా
ప్రియురాలా, ఆనందకరమైనవాటిలో నీవు అతిసుందరమైనదానవు అతి మనోహరమైనదానవు.'' కనుక సంఘములో ఆనందము ఉంటుంది. మనస్సుకు ఆహ్లాదకరము ఉంటుందనుటకు
ఇది గుర్తు.
''నీవు
తాళవృక్షమంత తిన్ననిదానవు,'' అనగా తాటిచెట్టు ఎలా పొడవుగా ఉండునో
ఆకాశాన్నంటుతున్నట్లుగా పెద్దదిగాని చిన్నది కాదు అనుటకు గుర్తు.
''నీ
కుచములు గెలలవలె నున్నవి,'' అందులో ఆ సంఘము యొక్క కుచములు ఫలింపును
కలిగి ప్రియునికి ఆకర్షణతో కలిగించుచున్నదనుటకు గుర్తు.
''తాళవృక్షము
నెక్కుదుననుకొంటిని,'' అనుటలో సంఘమును తన భార్యగా చేసుకొందునని
అలంకార ప్రాసతో చెప్పుట జరిగింది.
''దాని
శాఖలను పట్టుకొందుననుకొంటిని,'' అనుటలో సంఘమును తన భార్యగా చేసుకొన్న
తరువాత ఆమెను తన కౌగిలిలోనికి తెచ్చుకొందునని అర్థము.
''నీ
కుచములు ద్రాక్షగెలలవలె నున్నవి,'' అనుటలో యెరూషలేము సంఘము పరిపక్వత
క్రీస్తు ప్రభువుకు భార్యగా మారి, ఆయనలో లీనమైనప్పుడు పొందునని
అర్థము.
''నీ
శ్వాసవాసన జల్దరుఫల సువాసనవలె నున్నది,'' అనుటలో జల్దరు ఫలము
ప్రియునికి సూచనగా చెప్పబడింది. కనుక వధువు వేరు క్రీస్తు వేరు కారని వధువు శ్వాస కూడ క్రీస్తు ప్రభువు శ్వాసవలె
ఏకమై ఒకటిగా అయ్యారని అనగా క్రీస్తు ప్రభువులో సంఘము ఏకమై పోవునని అర్థము.
ఇలాంటి
ఏకమైన స్థితిలో వధువు సంఘము నోరు శ్రేష్ఠమైన ద్రాక్షారసమువలె క్రీస్తు రక్తముతో నిండియున్నది. కనుక ఈ శ్రేష్ఠమైన ద్రాక్షారసము ప్రియుడైన
క్రీస్తు ప్రభువు శరీరములో ప్రవహించు మధురమైన రక్తము. అది విశ్వాసికి మధురమైన పానీయము. ''అది నిద్రితుల యధరములు ఆడజేయును,''
అనగా సంఘము క్రీస్తు ప్రభువు ఏకమై విశ్రాంతిని పొందుదురని అర్థము.
దైవాశీస్సులు!!
*గీతాలకు గీతము-పరమగీతము*
*135వ భాగము*
*నా ప్రియుడా, లెమ్ము రమ్ము మనము
పల్లెలకు పోదము గ్రామసీమలో నివసింతము*
పరమగీతము 7: 10 నేను నా ప్రియునిదానను అతడు
నాయందు ఆశాబద్ధుడు.
11 నా ప్రియుడా, లెమ్ము రమ్ము మనము
పల్లెలకు పోదము గ్రామసీమలో నివసింతము.
12 పెందలకడ లేచి ద్రాక్షవనములకు పోదము ద్రాక్షావల్లులు
చిగిరించెనో లేదో వాటి పువ్వులు వికసించెనో లేదో దాడిమచెట్లు పూతపట్టెనో లేదో చూతము
రమ్ము అచ్చటనే నా ప్రేమసూచనలు నీకు చూపెదను
13 పుత్రదాత వృక్షము సువాసన నిచ్చుచున్నది నా ప్రియుడా,
నేను నీకొరకు దాచియుంచిన నానావిధ శ్రేష్ఠఫలములు పచ్చివియు పండువియు మా
ద్వారబంధములమీద వ్రేలాడుచున్నవి.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : నా ప్రియుడా, లెమ్ము రమ్ము మనము పల్లెలకు పోదము గ్రామసీమలో
నివసింతము.
ప్రియులారా! నేను నా ప్రియునిదానను
అతడు నాయందు ఆశాబద్ధుడు. ఈ మాట గతంలో కూడా చెప్పింది షూలమ్మితి
సోలోమోను కోసం!! 2:16, ఇంకా 6:3 లో!!!
గమనించాలి 9 వ వచనం చివరి భాగంలోనూ ఈ వచనంలోనూ
తన ప్రేమామృతం తన వారునికి అంగీకారంగా ఉందనీ తామిద్దరమూ ఒకటే అని ఆమె తన నిశ్చయతను తెలియపరుస్తుంది ఈ
వచనాలలో!
ఇక 11 వ వచనం లో నా ప్రియుడా, లెమ్ము
రమ్ము మనము పల్లెలకు పోదము గ్రామసీమలో నివసింతము అంటుంది షూలమ్మితి! దీనిని కూడా మనము 2 వ అధ్యాయం ధ్యానించినప్పుడు ధ్యానించాము!
అక్కడ సోలోమోను గారు షూలమ్మితి ని పల్లెలకు పోదాము అని పిలిచారు!
ఇక్కడ ఇప్పుడు షూలమ్మితి సోలోమోను గారిని పల్లెలకు పోయి అక్కడ గ్రామ
సీమలలో నివాసం చేద్దాము అని పిలుస్తుంది! ఇక్కడ పల్లెసీమలు అనగా
ఈ లోకంలో దేవుని పని అని గ్రహించాలి! అంటే క్రీస్తు మొదట ఈ సువార్త
పని ప్రారంభించారు గ్రామగ్రామాలకు వెళ్ళి సర్వలోకానికి ఈ క్రీస్తు శిలువ ప్రేమ సువార్త
ప్రకటించుట అనేది!! మన
హృదయాలలో నెలకొన్న ఆయన ప్రేమ ఆ పనిని నెరవేర్చాలని మనలను పురికొలిపి మనతో పాటు ఆయన
రావాలని ప్రార్ధించేలా చేస్తుంది! అదే షూలమ్మితి ప్రియున్ని పిలవడం
పల్లెలకు పోదాము రమ్మని!
ఇక మరో కోణములో చూసుకుంటే:
నేను
నా ప్రియునిదానను అని యెరూషలేము సంఘము ఏక నిర్ణయమును కలిగియున్నది. బబులోనువలె దేవునికి దూరమై సాతానును
తనకు ప్రియునిగా చేసుకొని వ్యభిచారిణిగా ఉండదు కనుక యెరూషలేము సంఘము ఎప్పటికి ప్రభువునకు
సంబంధించి నదే! కనుక
క్రీస్తు ప్రభువు ఎప్పటికి యెరూషలేము సంఘమునందు ఆయన ఆశను కలిగియున్నారు. ఏ ఆశను కలిగియున్నారు? నీతి పరిశుద్ధత కలిగి తనయందు విశ్వాసముతో
ఉండాలి అన్న ఆశను కలిగియున్నారు. ఈ ఆశ న్యాయమైనదని ప్రియురాలు ఈ వచనములో తెలియజేయుచున్నది. ఇలా ఒకరి యందు ఒకరు ఏకమై జీవించుట
పరలోకములో జరుగును. ఆ
స్థితిని పరమగీతములో బహుఅలంకారముగా వర్ణించుట జరిగింది. ''నా ప్రియుడా, లెమ్ము రమ్ము మనము పల్లెలకు పోదము గ్రామసీమలో నివసింతము.'' ఈ విధముగా వారు ఇరువురు ఈ అనంత విశ్వములో సంచరించుదురు. సంఘము అను ప్రియురాలు ఒంటరిగా వెళ్లలేదుగాని
ప్రియుడైన క్రీస్తు ప్రభువుతో కలిసి మాత్రమే సంచరించగలదు. కనుకనే ప్రియురాలైన సంఘము తన ప్రియుని
లేచి రమ్మని పిలుస్తూనే తన కోరికను వెళ్లవలసిన ప్రాంతములను గుర్తు చేస్తున్నది.
ప్రకటన 7:17, ''ఏలయనగా సింహాసన మధ్యమందుండు గొఱ్ఱెపిల్ల
వారికి కాపరియై, జీవజలముల బుగ్గలయొద్దకు వారిని నడిపించును,
దేవుడే వారి కన్నులనుండి ప్రతి బాష్పబిందువును తుడిచి వేయును.'' కనుక క్రీస్తు ప్రభువు నడిపించితేనే
వారు ఆయనతోకూడ వెళ్లుటకు సాధ్యమగును.
అందుకే
తరువాత వచనములో పెందలకడ లేచి ద్రాక్షవనములకు పోదము అని అడుగుచున్నది.
ఆ వనము క్రీస్తు ప్రభునిది. అక్కడ జీవవృక్షము, జీవజలములనది ఉన్నది కనుక అక్కడకి వెళ్లుదమని తన ప్రియుని అడుగుచున్నది. అక్కడ ద్రాక్షా వల్లులు చిగిరించెనో
లేదో వాటి పువ్వులు వికసించెనో
లేదో దాడిమచెట్లు పూతపట్టెనో
లేదో చూతము రమ్ము అని ప్రియుడైన క్రీస్తు ప్రభువును పిలుస్తున్నది.
దైవాశీస్సులు!!
*గీతాలకు గీతము-పరమగీతము*
*136వ భాగము*
*పుత్రదాత వృక్షము సువాసన నిచ్చుచున్నది*
పరమగీతము 7:
12 పెందలకడ లేచి ద్రాక్షవనములకు పోదము ద్రాక్షావల్లులు
చిగిరించెనో లేదో వాటి పువ్వులు వికసించెనో లేదో దాడిమచెట్లు పూతపట్టెనో లేదో చూతము
రమ్ము అచ్చటనే నా ప్రేమసూచనలు నీకు చూపెదను
13 పుత్రదాత వృక్షము సువాసన నిచ్చుచున్నది నా ప్రియుడా,
నేను నీకొరకు దాచియుంచిన నానావిధ శ్రేష్ఠఫలములు పచ్చివియు పండువియు మా
ద్వారబంధములమీద వ్రేలాడుచున్నవి.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : పెందలకడ లేచి ద్రాక్షవనములకు పోదము ద్రాక్షావల్లులు చిగిరించెనో లేదో వాటి
పువ్వులు వికసించెనో లేదో దాడిమచెట్లు పూతపట్టెనో లేదో చూతము రమ్ము అచ్చటనే నా ప్రేమసూచనలు
నీకు చూపెదను
(గతభాగం తరువాయి)
ఇక్కడ పెండలకడ మనం లేచి ద్రాక్షావనములకు
వెళ్దాము! ఎందుకు అంటే ద్రాక్షావల్లులు
చిగురించాయో లేదో వాటి పువ్వులు వికాశించాయో లేదో ఇంకా దానిమ్మ చెట్లు పూత పట్టాయో
లేదో చూద్దాము అంటూ అక్కడనే నేను నా ప్రేమ సూచనలు నీ చూపెదను అంటుంది!
ప్రేమ ఉన్న చోట ప్రేమికుడికి అంతా ఇచ్చేయ్యాలన్న
అభిలాష కూడా ఉంటుంది. ఇద్దరి మధ్య ప్రేమ ఉండడం
అంటే ఇదే – పరస్పరం ఆత్మత్యాగం. మనం క్రీస్తుకు ఏమి ఇస్తున్నాం,
ఇవ్వకుండా ఏమేమి దాచి పెడుతున్నాం అన్న దాన్ని బట్టే మనకు క్రీస్తు పై
ఉన్న ప్రేమ ఎంతో తెలుస్తుంది. విశ్వాసులు కూడబెట్టవలసినది తమకోసం
కాదు, క్రీస్తు కోసమే. తమకోసం ఉంచుకొన్నదంతా
వారు కోల్పోతారు. క్రీస్తుకోసం కూడబెట్టిన దాన్నే నిలబెట్టుకుంటారు
– ఆయనతో కలిసి శాశ్వతంగా దాన్ని అనుభవిస్తారు.
మన ఫలాలన్నీ ఆయనకోసమే ఉండాలి.
ఇక 13 వ వచనంలో
13 పుత్రదాత వృక్షము సువాసన నిచ్చుచున్నది నా ప్రియుడా, నేను నీకొరకు దాచియుంచిన నానావిధ శ్రేష్ఠఫలములు పచ్చివియు పండువియు మా ద్వారబంధములమీద
వ్రేలాడుచున్నవి అంటుంది!
ఇక్కడ
దీనికోసం ఇంకా జాగ్రత్తగా పరిశీలన చేస్తే:
ప్రకటన
22:1-2, ''మరియు స్ఫటికమువలె మెరయునట్టి జీవజలముల నది దేవునియొక్కయు
గొఱ్ఱెపిల్లయొక్కయు సింహాసనమునొద్దనుండి ఆ పట్టణపు రాజవీధిమధ్యను ప్రవహించుట ఆదూత నాకు
చూపెను. ఆ నదియొక్క ఈవలను ఆవలను జీవవృక్షముండెను; అది నెలనెలకు ఫలించుచు పండ్రెండు కాపులు కాయును. ఆ వృక్షము యొక్క ఆకులు జనములను స్వస్థపరచుటకై
వినియోగించును.'' పరలోకములో ప్రవేశించిన విశ్వాసులలో
ఈ లోకములో జీవించినప్పుడు పాపము చేసినవారు మారుమనస్సుద్వారా క్రీస్తు ప్రభువులో ప్రవేశించి
రక్షణ వలన వారు పరలోక రాజ్యమును వారసత్వముగా పొందియున్నారు.
.
రోమా 3:11-12, ''నీతిమంతుడు లేడు,
ఒక్కడును లేడు గ్రహించువాడెవడును లేడు దేవుని వెదకువాడెవడును లేడు
అందరును త్రోవ తప్పి యేకముగా పనికిమాలినవారైరి. మేలుచేయువాడు లేడు, ఒక్కడైనను లేడు.'' కనుక ఎంత పాపియైన క్రీస్తు ప్రభువు
ద్వారా రక్షణ పొంది పరమయెరూషలేమును చేరుకొన్నారు. కాని వారు పాపపు జీవితములో ఉన్నప్పుడు
చేసిన పాపము వారి ఆత్మను దెబ్బతీయును.
ఉదా :- దేవుని దూతలు దృఢమైన
సైనికులు వంటి శరీరమును కలిగినవారు. వారు మనవలె ఉంటారు. అలాంటి దూతలు వికార రూపమునకు కప్పలవంటి
రూపమునకు ఎందుకు మారిపోయారు?
ప్రకటన 16:13, ''మరియు ఆ ఘటసర్పము నోటనుండియు క్రూరమృగము నోటనుండియు
ఆబద్ధ ప్రవక్త నోటనుండియు కప్పలవంటి మూడు అపవిత్రాత్మలు బయలువెడలగా చూచితిని.'' అపవిత్రాత్మలు కూడ దేవుని దూతలు.
కాని వారు ఈ స్థితిని ఎందుకు పొందారు? దైవవ్యతిరేత వలననే కదా! అలాగే వారు దేవుని ఆజ్ఞను మీరి పాపము
చేసినారు. కనుక వారి ఆత్మ దెబ్బ తిని ఈ స్థితికి క్రమేణా వచ్చుచున్నది.
అయితే పరమ యెరూషలేములో భాగము పొందినవారిలో పాపము అతి తక్కువ పాళ్లలో
ఉండును. యాకోబు
4:17. కనుక వారి ఆత్మ కొద్దిమేర దెబ్బ తినును కనుక వారు జీవజలముల యొద్దకు
క్రీస్తు ప్రభువుచే నడిపింపబడి అక్కడ జీవవృక్షపు ఆకులచే ఆత్మలోని అస్వస్థతకు చికిత్స
చేసుకొందురు. దీనిని పరమగీతములో పైవిధముగా వర్ణించుట జరిగింది. పాపము వలన దెబ్బ తినిన వారి ఆత్మలలో
ఎవరి ఆత్మలు మరల చిగురించాయి పువ్వులవలె వికసించాయి దానిమ్మ పూతలవలె పూలు పట్టాయి చూతము రమ్మని సంఘము క్రీస్తు ప్రభువును పిలుస్తున్నది.
ఆ ప్రదేశములో స్వస్థత పొందుచున్న విశ్వాసులకు క్రీస్తుప్రభువు ఎంతగా
వారిని ప్రేమించెనో చూపునదిగా గ్రహించాలి.
పాప ప్రక్షాళన అక్కడ పూర్తిగా జరిగి విశ్వాసి ఆత్మ సంపూర్ణత్వమును
పొందును.
ఈ స్థితిలో విశ్వాసి సంపూర్ణత్వము పొందుట వలన అన్ని రకములవారు సంఘములోఉన్నారని
వారికి సంఘములోని ద్వారముల వద్ద నిరీక్షణ కలిగి ఎప్పటికి ఆయన వారుగా ఉంటారు.
మరి
నీవు ఒకవేళ క్రీస్తు నుండి దూరమై పోయి ఎండిన స్థితిలో ఉంటే మరలా క్రీస్తు వద్దకు వస్తే
దేవుడు మరలా నిన్ను చిగురించేలా ఫలించేలా చేస్తారు! అప్పుడు ప్రభువు నీవు చిగురించావా లేదా నిన్ను చూడటానికి తొందరలో రాబోతున్నారు!
దైవాశీస్సులు!!!
*గీతాలకు గీతము-పరమగీతము*
*137వ భాగము*
*నా తల్లియొద్ద స్తన్యపానము చేసిన యొక సహోదరుని వలె నీవు
నాయెడలనుండిన నెంతమేలు*
పరమగీతము 8: 1.నా తల్లియొద్ద స్తన్యపానము
చేసిన యొక సహోదరుని వలె నీవు నాయెడలనుండిన నెంతమేలు! అప్పుడు
నేను బయట నీకు ఎదురై ముద్దులిడుదును ఎవరును నన్ను నిందింపరు.
ప్రియులారా! పరమగీతములను ధ్యానము చేస్తున్నాము. ఇంతవరకు మనము ఏడు అధ్యాయాలు ధ్యానం
చేశాము! ఇక చివరి అధ్యాయం చూసుకుందాం! ప్రియులారా!
ఈ అధ్యాయం యొక్క ఆత్మీయ భావము బైబిల్ పండితుల అభిప్రాయం ప్రకారం:
భూమిమీద వేయేండ్ల పాలన జరుగుతుంది. ఇశ్రాయేలీయులకు
యేసుక్రీస్తుప్రభులవారికి మధ్య గల కుటుంభ సంబంధము ఈ అధ్యాయం చెబుతుంది. ఆయన ఇశ్రాయేలు ప్రజలకు సహోదరుడుగా కనిపిస్తారు ఈ అధ్యాయంలో! వారి తల్లి ఇంట అనగా యెరూలేములో కాపురముంటారు ఆయన! ఆయన
వారికి ఉపదేశం చేస్తారు! వారు వింటారు! ఆయన ఎడమచేయి వారి తలక్రింద ఉంచి కుడిచేత వారిని కౌగలించు కుంటారు తల్లి తన
చంటిబిడ్డను ఎత్తు కున్నట్లు దేవుడు ఇశ్రాయేలు ప్రజలను ఎత్తుకుని ముద్దాడుతారు!
ఎన్నడూ వీడని ప్రేమ బంధం వారి మధ్య ఉంటుంది!
ఈ
వచనంలో అంటున్నారు : 1.
నా తల్లియొద్ద స్తన్యపానము చేసిన యొక సహోదరుని వలె నీవు నాయెడలనుండిన
నెంతమేలు! అప్పుడు నేను బయట నీకు ఎదురై ముద్దులిడుదును ఎవరును
నన్ను నిందింపరు.
నా అభిప్రాయం: నిజానికి ఆమె భావము ఏమిటంటే ఇప్పుడు
యేసుక్రీస్తుప్రభులవారిని గట్టిగా హత్తుకుని ముద్దాడవలెనని ఉంది ఆమెకు ఆ పట్టణము మధ్యలో!
గాని ఎవరైనా చూస్తే ఏమనుకుంటారో కదా! అందుకే ఒకవేళ
ఆయన తన తల్లియొద్ద స్తన్యపానము చేసిన యొక సహోదరుని వలె ఉంటే , ఇప్పుడు హత్తుకుని కౌగలించుకుంటే ఎవరూ ఆమెను అపార్ధం చేసుకోరు కదా అంటుంది!
గాని ఆమె మర్చిపోయింది ఏమిటంటే అతడు ఆమెను 5 సార్లు
సోదరీ అని సంబోధించాడు.
ఈ
భ్రష్ట లోకంలో క్రీస్తును ప్రేమించేవారూ ఆయన ప్రేమను చూరగొనేవారూ భక్తి హీనుల తిరస్కారానికీ
ద్వేషానికీ గురౌతారు (యోహాను 15:18-21, ; యోహాను 16:33, ; 1 పేతురు 4:12-16, ). ఇక్కడ పరిస్థితులు వేరుగా ఉంటే ఎంత
బావుణ్ణు అనుకొంటూ ఉంది వధువు. అయితే ఆమె పరమగీతము
4:9-10, , పరమగీతము 4:12, ; పరమగీతము
5:1-2, లో ఉన్న వరుని మాటలను మర్చిపోయిందా? – అతడు ఆమెను 5 సార్లు సోదరీ అని సంబోధించాడు.
సరే, వివరంగా చూసుకునే ముందు
ఈ వచనం యొక్క భావమును మరో కోణములో కొందరు ఏమి చెబుతున్నారో అది కూడా చూసుకుందాం!
ఈ లోకములో
సంఘము యొక్క బాధను ఇందులో వర్ణించబడింది.
ఈ లోకములో మూడు రకములైన సంఘములనుగూర్చి తెలుసుకొన్నాము. అందులో 1. యెరూషలేము సంఘము 2. బబులోను సంఘము 3. షూలమ్మీతీ సంఘము. దేవుడు ఏకసంఘముగా ఈ లోకములో ఏర్పరచినను పాపపు స్థితిలోకి జీవాత్మ నడచి దేవునికి
దూరమై విగ్రహ దేవుళ్లు అను సాతాను మాయలో పడి వారిలో ఎక్కువ శాతము బబులోను సంఘములో కుమార్తెలుగా
మారిపోయారు. కనుక బబులోను
దేవుని నుండి దూరమై పాపపు స్థితిలో జీవించుచున్నది. నిజానికి బబులోనులోని కుమార్తెలందరు
యెరూషలేము సంఘములో కుమార్తెలుగా ఉండవలసినవారు. అలా ఉండి ఉంటే వారు క్రీస్తు ప్రభువుకు
ప్రియురాలుగా, వధువుగా, భార్యగా ఉండేది. కాని నిజదైవమును వీడుట ద్వారా బబులోనులోని
కుమార్తెలు సాతానుకు ప్రియురాలుగా, వధువుగా, భార్యగా ఉంటుంది. కనుక ఈమెను మహావేశ్యగా చెప్పబడింది. ప్రకటన 17:1, 5, ''ఆ యేడు పాత్రలను పట్టుకొనియున్న యేడుగురు దేవదూతలలో ఒకడువచ్చి నాతో మాటలాడుచు ఈలాగు చెప్పెను. -నీవిక్కడికి రమ్ము, విస్తార జలములమీద కూర్చున్న మహావేశ్యకు చేయబడు తీర్పు నీకు కనుపరచెదను; . . . దాని నొసట దాని పేరు ఈలాగు
వ్రాయబడి యుండెను-మర్మము, వేశ్యలకును భూమిలోని
ఏహ్యమైనవాటికిని తల్లియైన మహాబబులోను.''
అయితే ఈ పాపపు స్థితిలోని కొందరు నిజమైన దైవమును పరిశోధించి ఆయననుగూర్చి
తెలుసుకొనుటకు ప్రయత్నిస్తారు. వారిని షూలమ్మీతీగా ఆమె చరిత్రను పరమగీతములో వర్ణించుట జరిగింది. ఈమెనుగూర్చి ఈమె భూలోకములో ప్రవర్తించు
తీరునుగూర్చి వర్ణించుట జరిగింది. మరల ఈ అధ్యాయములో తిరిగి ప్రస్తావించుట
జరిగింది. దీనినిగూర్చి
మనము మరికొన్ని నూతన విషయాలు తెలుసుకొందము.
బబులోను
సంఘములో వేలకొలది పురుషులుగా విగ్రహ దేవుళ్లుగా చెలామణి అగుచున్న పతనము చెందిన దేవుని
దూతలు సాతానుకు ప్రతిగా సాతానుకు సాటివారుగా క్రియ జరిగిస్తున్నారు. వీరు జీవాత్మయైన నరులకు సహోదరులే,
ఎందుకంటే దేవుని దూతలు నరులతో బాటుగా దేవుని సహదాసులని బైబిలు గ్రంథములో
ప్రకటన 22:9 చెప్పుచున్నది. కెనుక వీరు దేవుని దూతలైన వారిలో
పతనము చెందినవారైనను నరులకు సహోదరులే.
దీనినిబట్టి బబులోను కుమార్తెలుగా ఉన్నవారికి సహోదరులు అనగా విగ్రహ
దేవుళ్లు చాలామంది ఉన్నారు. అంటే విగ్రహ దేవుళ్లయిన పతనము చెందిన దేవుని దూతలు. వీరితో వారు నిరంతరము ఒక తల్లి బిడ్డలవలె
జీవిస్తున్నారు. వారు
ప్రియుడు ప్రియురాలుగా తిరిగినను ముద్దులిడినను ఎవరు అడుగుట లేదు నిందించుట లేదు. అనగా కుమార్తెలు దూతలను దేవుళ్లుగాను
దేవతలుగాను భావించి నైవేద్యములు అర్పిస్తూ వాటిని పూజిస్తూ జీవించుటలో ఎవరు వారికి
అభ్యంతరములు చెప్పుట లేదు. అయితే క్రీస్తు ప్రభువు విషయానికి వచ్చుసరికి ఆయన అందులోనివాడు కాదు. ఈయన ప్రత్యేకింప బడిన వాడు.
విగ్రహ దేవుళ్ల వంటి వాడు కాదు. కనుక వారిలో వారికి
సహోదరుడుగా ఉండడు. బబులోనుకు
ఆయనకు సంబంధము లేదు. అందులో క్రీస్తు ప్రభువు ఉండడుగాని యెరూషలేములో మాత్రము ఆయన ఒక్కడే ఉంటాడు. అందులో విగ్రహ దేవుళ్లు అను పతనము
చెందిన దేవుని దూతలు ఉండరు. కనుక యెరూషలేము కుమార్తెలు ప్రియులుగా తమ నాథుడైన క్రీస్తు ప్రభుని ప్రియునిగా
ప్రార్థనలు, వాక్య పరిచర్య కీర్తనలు వంటివి జరిపిస్తూ సహోదరులు
ఐక్యత కలిగి ప్రభువుకు ముద్దులర్పిస్తూ ఒకరితో ఒకరు ఆప్యాయముగా జీవిస్తున్నను అక్కడ
అడిగేవారు ఉండరు. కాని
ఎప్పుడైతే నిజదైవమును తెలుసుకోవాలన్న తలంపు కలిగి మారుమనస్సు ద్వారా బబులోనులో తనతో
బాటుగా సహోదరులుగా ఉంటూ తన నుండి ముద్దులు పొందుచు అనగా నైవేద్యములు, పూజలు వంటివి పొందుతున్నవారు నిజదైవము కాదని అబద్ధికులని గుర్తించి విడనాడుట
జరిగింది. కాని క్రీస్తు
ప్రభువు మాత్రమే నిజదైవమును రక్షకుడును నిజమైన ప్రియుడు. ఆ ముద్దులు నిజముగా క్రీస్తు ప్రభువునికి
చెందాలని గుర్తించింది. వారిని విడనాడి తన ముద్దులతో ఆయన ఎదురై బహిరంగముగా ఆనందించాలనుకొంటే ఆ బబులోను
సంఘములో ఆయన ఉండడు. ఒకవేళ
తాను ఆయనను తీసుకొని వెళ్లి బబులోను సంఘములో ఆరాధన, వాక్య పరిచర్య,
రొట్టె విరుచుట వంటివి చేస్తే అనగా ఆయనకు బహిరంగముగా ముద్దులిస్తే అక్కడ
ఉన్న బబులోను కుమార్తెలందరు ఆమెను నిందించుదురని చెప్పుచున్నది. అదే క్రీస్తు ప్రభువు విగ్రహ దేవుళ్లతో
ఒకరుగా అందులో ఇంతకుముందే ఉండి ఉంటే తనను ఎవరు నిందించరు కదా అని షూలమ్మీతీ తన బాధను
వ్యక్తపరుస్తుంది. క్రీస్తు ప్రభువు విషయములో నేను క్రైస్తవునిగా
మారిన క్రొత్తల్లో నా బంధువులు నాతో మనకు ఎంతోమంది దేవుళ్లు లేరా? ఆయననే ఎందుకు ఆరాధించాలి? మన వాళ్లలో ఎవరిని పూజించిన మాకు అభ్యంతరము లేదని అనేక రకములుగా నన్ను నిందించారు. ఇదే బాధ ఈ వచనాలలో షూలమ్మీతీ చెప్పుచున్నది.
ఇది ఒక అభిప్రాయం ప్రియులారా!
దైవాశీస్సులు!!
*గీతాలకు గీతము-పరమగీతము*
*138వ భాగము*
*నా తల్లియొద్ద స్తన్యపానము చేసిన యొక సహోదరుని వలె నీవు
నాయెడలనుండిన నెంతమేలు*
పరమగీతము 8: 1. నా తల్లియొద్ద స్తన్యపానము
చేసిన యొక సహోదరుని వలె నీవు నాయెడలనుండిన నెంతమేలు! అప్పుడు
నేను బయట నీకు ఎదురై ముద్దులిడుదును ఎవరును నన్ను నిందింపరు.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : 1.
నా తల్లియొద్ద స్తన్యపానము చేసిన యొక సహోదరుని వలె నీవు నాయెడలనుండిన
నెంతమేలు! అప్పుడు నేను బయట నీకు ఎదురై ముద్దులిడుదును ఎవరును
నన్ను నిందింపరు.
ఇక
ఈ రోజు యూదుల కోణములో చూసుకుందాం!!
(గతభాగం తరువాయి)
ఇవి షూలమ్మితి మాటలు! గాని ఆత్మీయముగా వేయేండ్ల పాలనలో
ఇవి ఇశ్రాయేలు ప్రజల మాటలు!! ఇశ్రాయేలు జనాంగము లోనికి ఇశ్రాయేలు
దేశములోనికి ప్రభువు వచ్చారు! వారితో నివాసం చేస్తున్నారు!
వారి తరుపున యుద్ధం చేసి వారిని రక్షించారు! ఇంతవరకు
వారు యేసుక్రీస్తుప్రభులవారిని ద్వేషించారు! గాని ఇప్పుడు ఆయనే
దిక్కయ్యారు!
గమనించాలి ప్రకటన 12 వ అధ్యాయంలో కనబడే సూర్యుని ధరించిన స్త్రీ
ఇశ్రాయేలు జనాంగమును సూచిస్తుంది! ఆమె కనిన మగ శిశువు ప్రభువుకు
సాదృశ్యముగా ఉన్నారు! తరువాత ఆమె అరణ్యమునకు పారిపోయినట్లుగా
చూస్తాము! అనగా అది ఇశ్రాయేలు ప్రజలకు శ్రమల కాలము! ఆ శ్రమలలో వారు ప్రభువు దగ్గరకు వస్తారు! దీనికోసం గతంలో
విస్తారంగా ధ్యానం చేసుకున్నాము! కొన్ని క్లుప్తంగా చూసుకుందాము!
ఈ జరుగబోయే సంభవమునకు అనేక ప్రవచనాలు రిఫరెన్సులు ఉన్నాయి!
హొషేయా 2:14—16
14 పిమ్మట దానిని ఆకర్షించి అరణ్యములోనికి కొనిపోయి అక్కడ
దానితో ప్రేమగా మాటలాడుదును;
15 అక్కడనుండి దానిని తోడుకొనివచ్చి దానికి ద్రాక్షచెట్లనిత్తును;
ఆకోరు (శ్రమగల) లోయను నిరీక్షణద్వారముగా
చేసెదను, బాల్యమున ఐగుప్తు దేశములోనుండి అది వచ్చినప్పుడు నా
మాట వినినట్లు
16 అది ఇచ్చటనుండి నా మాట వినును; నీవుబయలు అని నన్ను పిలువక నా పురుషుడవు అని పిలుతువు, ఇదే యెహోవా వాక్కు.
2 దిన 15:15
15 ఈలాగు ప్రమాణము చేయబడగా యూదావారందరును సంతో షించిరి;
వారు పూర్ణహృదయముతో ప్రమాణముచేసి పూర్ణమనస్సుతో ఆయనను వెదకియుండిరి గనుక
యెహోవా వారికి ప్రత్యక్షమై చుట్టునున్న దేశస్థులతో యుద్ధములు లేకుండ వారికి నెమ్మది
కలుగజేసెను.
ఇది
రాజైన ఆసా ఏలుబడిలో జరిగిన సంభవము అయినా ఇదే మరలా వేయేండ్ల పాలనలో జరుగబోతుంది!
యెషయా 1: 26 మొదటనుండినట్లు నీకు న్యాయాధిపతులను
మరల ఇచ్చెదను ఆదిలోనుండినట్లు నీకు ఆలోచనకర్తలను మరల నియ మించెదను అప్పుడు నీతిగల పట్టణమనియు
నమ్మకమైన నగరమనియు నీకు పేరు పెట్టబడును.
27 సీయోనుకు న్యాయము చేతను తిరిగి వచ్చిన దాని నివాసులకు
నీతిచేతను విమోచనము కలుగును.
28 అతిక్రమము చేయువారును పాపులును నిశ్శేషముగా నాశనమగుదురు
యెహోవాను విసర్జించువారు లయమగుదురు.
యెషయా 33: 20 ఉత్సవకాలములలో మనము కూడుకొనుచున్న
సీయోను పట్టణమును చూడుము నిమ్మళమైన కాపురముగాను తియ్యబడని గుడారముగాను నీ కన్నులు యెరూష
లేమును చూచును దాని మేకులెన్నడును ఊడదీయబడవు దాని త్రాళ్లలో ఒక్కటియైనను తెగదు.
21 అచ్చట యెహోవా ప్రభావముగలవాడై మన పక్షముననుండును,
అది విశాలమైన నదులును కాలువలును ఉన్న స్థలముగా ఉండును అందులో తెడ్ల ఓడ
యేదియు నడువదు గొప్ప ఓడ అక్కడికి రాదు.
22 యెహోవా మనకు న్యాయాధిపతి యెహోవా మన శాసనకర్త యెహోవా
మన రాజు ఆయన మనలను రక్షించును.
40: 2 నా జనులను ఓదార్చుడి ఓదార్చుడి యెరూషలేముతో ప్రేమగా
మాటలాడుడి ఆమె యుద్ధకాలము సమాప్తమయ్యెను ఆమె దోషరుణము తీర్చబడెను యెహోవా చేతివలన ఆమె
తన సమస్త పాపముల నిమిత్తము రెండింతలు పొందెనను సమాచారము ఆమెకు ప్రకటించుడి.
49: 22 ప్రభువగు యెహోవా ఈలాగు సెలవిచ్చుచున్నాడు నేను
జనములతట్టు నా చెయియెత్తుచున్నాను జనములతట్టు నా ధ్వజము ఎత్తుచున్నాను వారు నీ కుమారులను
రొమ్ముననుంచుకొని వచ్చెదరు నీ కుమార్తెలు వారి భుజములమీద మోయబడెదరు
23 రాజులు నిన్ను పోషించు తండ్రులుగాను వారి రాణులు నీకు
పాలిచ్చు దాదులుగాను ఉండెదరు వారు భూమిమీద సాగిలపడి నీకు నమస్కారము చేసెదరు నీ పాదముల
ధూళి నాకెదరు. అప్పుడు నేను యెహోవాననియు నాకొరకు కని పెట్టుకొనువారు
అవమానము నొందరనియు నీవు తెలిసికొందువు.
24 బలాఢ్యుని చేతిలోనుండి కొల్లసొమ్ము ఎవడు తీసికొన గలడు?
భీకరులు చెరపట్టినవారు విడిపింపబడుదురా?
25 యెహోవా ఈలాగు సెలవిచ్చుచున్నాడు బలాఢ్యులు చెరపట్టినవారు
సహితము విడిపింప బడుదురు భీకరులు చెరపట్టినవారు విడిపింపబడుదురు నీతో యుద్ధము చేయువారితో
నేనే యుద్ధము చేసెదను నీ పిల్లలను నేనే రక్షించెదను.
26 యెహోవానైన నేనే నీ రక్షకుడననియు యాకోబు బలవంతుడు నీ
విమోచకుడనియు మనుష్యు లందరు ఎరుగునట్లు నిన్ను బాధపరచువారికి తమ స్వమాంసము తినిపించె
దను క్రొత్త ద్రాక్షారసముచేత మత్తులైనట్టుగా తమ రక్తము చేత వారు మత్తులగుదురు.
యెహేజ్కేలు 20: 40 నిజముగా ఇశ్రా యేలీయుల ఉన్నతమైన
కొండయగు నా పరిశుద్ధ పర్వతమందు దేశములోనున్న ఇశ్రాయేలీయులందరును నాకు సేవచేయుదురు;
ఇదే ప్రభువైన యెహోవా వాక్కు. అచ్చటనే నేను వారిని
అంగీకరించెదను. అచ్చటనే మీ ప్రతిష్ఠితమైన యర్పణలను, మీ ప్రథమ ఫలదానములను, ప్రతిష్ఠితములగు మీ కానుకలనన్నిటిని
నేనంగీకరించెదను.
41 జనములలోనుండి నేను మిమ్మును రప్పించునప్పుడును,
మిమ్మును చెదరగొట్టిన ఆ యా దేశము లలోనుండి మిమ్మును సమకూర్చునప్పుడును,
పరిమళధూప ముగా మిమ్మును అంగీకరించెదను, అన్యజనులయెదుటను
మీ మధ్యను నన్ను నేను పరిశుద్ధపరచుకొందును.
42 మీ పితరులకిచ్చెదనని నేను ప్రమాణ పూర్వకముగా చెప్పిన
దేశమునకు, అనగా ఇశ్రాయేలీయుల దేశమునకు నేను మిమ్మును రప్పించునప్పుడు
నేనే యెహోవానని మీరు తెలిసికొందురు.
43 అచ్చట చేరి మీ ప్రవర్తనను, మిమ్మును
మీరు అపవిత్ర పరచుకొనిన మీ క్రియలన్నిటిని మనస్సు నకు తెచ్చుకొని, మీరు చేసిన దుష్క్రియలనుబట్టి మిమ్మును మీరే అసహ్యించుకొందురు.
ఈవిధంగా
వేయేండ్ల పాలనలో ఇశ్రాయేలు ప్రజలంతా సంతోషంతో ప్రభువైన యేసుక్రీస్తుప్రభులవారిని ప్రేమిస్తూ
ఆయన ప్రేమలో పరవశిస్తూ ఉంటారు! ఆయన నీకు కూడా ప్రేమను పంచడానికి సిద్దంగా ఉన్నారు!
మరి
నీవు ఆయన ప్రేమ కోరుతావా?
దైవాశీస్సులు!!!
*గీతాలకు గీతము-పరమగీతము*
*139వ భాగము*
*నా తల్లియింట చేర్చుదును*
పరమగీతము 8: 2. నేను నీకు మార్గదర్శినౌదును
నా తల్లియింట చేర్చుదును నీవు నాకు ఉపదేశము చెప్పుదువు సంభార సమ్మిళిత ద్రాక్షారసమును
నా దాడిమఫలరసమును నేను నీకిత్తును.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : నేను నీకు మార్గదర్శినౌదును నా తల్లియింట చేర్చుదును నీవు నాకు ఉపదేశము చెప్పుదువు
సంభార సమ్మిళిత ద్రాక్షారసమును నా దాడిమఫలరసమును నేను నీకిత్తును
ప్రియులారా! ఈ వచనంలో అనేక ప్రాముఖ్యమైన
అంశాలు కనిపిస్తున్నాయి!
మొదటిది: నేను నీకు మార్గదర్శిని అగుదును! దేవునికి ఒక విశ్వాసి ఎలా మార్గదర్శి
కాగలదు???
రెండవది: నా తల్లి ఇంట నిన్ను చేర్చుదును
మూడవది: నీవు నాకు ఉపదేశము చెప్పుదువు
నాల్గవది: సంభార సమ్మిళిత ద్రాక్షారసమును నా దాడిమఫలరసమును నేను
నీకిత్తును.
ఈరోజు తల్లి కోసం చూసుకుందాం!
ప్రియులారా
ఈ గ్రంధములో అనేకసార్లు తల్లి అనేమాట చెప్పబడింది. సుమారుగా ఆరుసార్లు తల్లి అనే మాట కనిపిస్తుంది!
ఇక్కడ నా తల్లి ఇంత నిన్ను చేర్చుదును అనగా ఇశ్రాయేలు దేశము లేక ఇశ్రాయేలు
జనాంగము అని అర్ధము ప్రియులారా!
ఇంకా
అలంకారముగా తల్లి కోసం ఎక్కడ చెప్పబడిందో చూసుకుందాం!
పరమ 3:4 లో 4 నేను
వారిని విడిచి కొంచెము దూరము పోగా నా ప్రాణప్రియుడు నాకెదురుపడెను వదలిపెట్టక నేనతని
పట్టుకొంటిని నా తల్లి యింటికతని తోడుకొని వచ్చితిని నన్ను కనినదాని యరలోనికి తోడుకొని
వచ్చితిని.
నా తల్లి ఇంటికి ఇంకా నన్ను కనిన దాని అర అంటూ చెప్పబడింది: ఇక్కడ ఈ తల్లి షూలమ్మితిని
కన్నది!నిజానికి షూలమ్మితి ఇశ్రాయేలు దేశానికి సాదృశ్యం ఇంకా
సంఘానికి కూడా సాదృశ్యం! కాబట్టి షూలమ్మితి తల్లి అనగా ఇశ్రాయేలు
దేశం లేక జనాంగము అని అర్ధం!!!
3:11 లో 11 సీయోను కుమార్తెలారా,
వేంచేయుడి కిరీటము ధరించిన సొలొమోనురాజును చూడుడి వివాహదినమున అతని తల్లి
అతనికి పెట్టిన కిరీటము చూడుడి ఆ దినము అతనికి బహు సంతోషకరము.
ఇక్కడ
అతని తల్లి అంటున్నారు:
అతడు అనగా సోలోమోను! సోలోమోను తల్లి బత్షెబా!
వివాహ దినమున బత్షెబా సోలోమోను కు ఒక కిరీటం పెట్టింది! గమనించాలి: ఈ తల్లి ఇశ్రాయేలు జనాంగమునకు సాదృశ్యం!
వారు ఆయనకు పెట్టింది ముళ్ళ కిరీటం!!!
8:1 లో నా తల్లి అనేమాట చూడవచ్చు! ఈ తల్లి షూలమ్మితి యొక్క తల్లి-
ఇశ్రాయేలు జనాంగము నకు సాదృశ్యం!
8:2 లో నా తల్లి ఇంట అనేమాట చూడవచ్చు! తల్లి ఇశ్రాయేలు జనాంగము!
తల్లి ఇల్లు ఇశ్రాయేలు దేశము! ఇంకా వివరంగా చెప్పాలంటే
యెరూషలేము అని అర్ధము!!!
8:5 లో నీ తన ప్రియునిమీద ఆనుకొని అరణ్యమార్గమున వచ్చునది ఎవతె? జల్దరువృక్షము క్రింద నేను నిన్ను లేపితిని అచ్చట నీ తల్లికి నీవలన ప్రసవవేదన
కలిగెను నిన్ను కనిన తల్లి యిచ్చటనే ప్రసవవేదన పడెను.
ఇక్కడ
నీ తల్లికి నీ వలన ప్రసవ వేదన అనే మాట చూడవచ్చు!
ఆ
తల్లి ఇశ్రాయేలు జనాంగము!
ప్రసవ వేదన ఎందుకు కలిగింది అంటే ఇశ్రాయేలు వారు చేసిన దోష కార్యాలయ
వలన కలిగిన శాపము వలన కలిగిన ఫలితమే ప్రసవ వేదన!!
అయితే బైబిల్ లో మరో కొంతమంది తల్లులు ఉన్నారు వారివలె మనం ఉండకూడదు! మరోకొంతమంది
ఆదర్శవంతురాళ్ళు తల్లులు కూడా ఉన్నారు! ఉదాహరణకు: మోషే గారి తల్లి, సమూయేలు గారి తల్లి, గుణవతి యైన స్త్రీ!మరియమ్మ గారు, తిమోతి గారి తల్లి ఇంకా అనేకమంది ఉన్నారు!
యెషయా 50:1 లో 1 యెహోవా ఈలాగు సెలవిచ్చుచున్నాడు నేను మీ తల్లిని విడనాడిన పరిత్యాగ పత్రిక
ఎక్కడనున్నది? నా అప్పులవారిలో ఎవనికి మిమ్మును అమి్మవేసితిని?
మీ దోషములనుబట్టి మీరు అమ్మబడితిరి మీ అతిక్రమములనుబట్టి మీ తల్లి పరిత్యాగము
చేయబడెను.
ఇక్కడ ఈ తల్లి ఇశ్రాయేలు ప్రజలు లేక దేశము!!! తాను
చేసిన వ్యతిరేక పనుల వలన ఆమె నాశనమైంది! మీ దోషములను బట్టియే
మీరు అమ్మబడ్డారు అంటున్నారు! ఇలాంటి తల్లి వలే ఉండకూడదు!
యెషయా 51:2 లో 2 మీ తండ్రియైన అబ్రాహాము సంగతి ఆలోచించుడి మిమ్మును కనిన శారాను ఆలోచించుడి
అతడు ఒంటరియై యుండగా నేను అతని పిలిచితిని అతనిని ఆశీర్వదించి అతనిని పెక్కుమంది యగునట్లు
చేసితిని.
ఈ వచనంలో మరో తల్లి ఉంది! ఆమె శారా
గారు! విశ్వాసులకు తల్లి! విశ్వాసవీరనారీ!
ఈమె ఆశీర్వదించబడిన ఇశ్రాయేలు జనాంగము నకు సాదృశ్యము! మనము కూడా ఈమెలా ఉండాలి!
యెహేజ్కేలు 16:3 లో మరో తల్లి ఉంది:
నీ తల్లి హిత్తీయురాలు అంటున్నారు దేవుడు! ఈ తల్లి
ఇశ్రాయేలు జనాంగము ప్రారంభ చరిత్రకు సాదృశ్యం! అన్యదేవతలను పూజించిన
రక్షణ లేని ఇశ్రాయేలు జనాంగము! వీరిలా ఉండకూడదు!
హొషేయా 2:3 లో మీ తల్లి పోకిరి చూపులు చూసింది
అని వ్రాయబడింది! పాపపు జీవితం విగరాహారాధన వైపు లోకము వైపు చూచిన
ఇశ్రాయేలు ప్రజలను సూచిస్తుంది ఈమె! ఇలా మనము ఉండకూడదు!
హొషేయా 10:14 లో మరో స్త్రీ ఉంది”
పిల్లల మీద తల్లులు నేలను పడవేయబడుదురు అని ఉంది! వీరు ఎందుకు పడవేయబడుతున్నారు అంటే వారియొక్క స్వనీతిని నమ్ముకున్నారు గాని
దేవుని యొక్క నీతి కోసం చూడానే లేదు అందుకే ఈ దుస్తితి!!
కాబట్టి
నీవు ఎలాంటి తల్లిని పోలి ఉన్నావు?
దైవాశీస్సులు!!!
*గీతాలకు గీతము-పరమగీతము*
*140వ భాగము*
*నీవు నాకు ఉపదేశము చెప్పుదువు*
పరమగీతము 8: 2. నేను నీకు మార్గదర్శినౌదును
నా తల్లియింట చేర్చుదును నీవు నాకు ఉపదేశము చెప్పుదువు సంభార సమ్మిళిత ద్రాక్షారసమును
నా దాడిమఫలరసమును నేను నీకిత్తును.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : నేను నీకు మార్గదర్శినౌదును నా తల్లియింట చేర్చుదును నీవు నాకు ఉపదేశము చెప్పుదువు
సంభార సమ్మిళిత ద్రాక్షారసమును నా దాడిమఫలరసమును నేను నీకిత్తును
ప్రియులారా! ఈ వచనంలో అనేక ప్రాముఖ్యమైన
అంశాలు కనిపిస్తున్నాయి!
మొదటిది: నేను నీకు మార్గదర్శిని
అగుదును! దేవునికి ఒక
విశ్వాసి ఎలా మార్గదర్శి కాగలదు???
రెండవది: నా తల్లి ఇంట నిన్ను
చేర్చుదును
మూడవది: నీవు నాకు ఉపదేశము చెప్పుదువు
నాల్గవది: సంభార సమ్మిళిత ద్రాక్షారసమును
నా దాడిమఫలరసమును నేను నీకిత్తును.
ఈరోజు నేను నీకు మార్గదర్శిని అగుదును
నీవు నాకు ఉపదేశము చెప్పుదువు కోసం చూసుకుందాం!
(గతభాగం తరువాయి)
క్రీస్తు
ప్రభువుకు బబులోను సంఘములోని విగ్రహ దేవుళ్లకు సంబంధము లేదు కనుక నీవు నిజమైన నా సహోదరుడవని
నేను గుర్తించానని షూలమ్మీతీ చెప్పుచు ఈ వచనములో నేను నీకు మార్గదర్శిగా ఉంటూ నేను
నిన్ను నడిపిస్తానన్నది. నా తల్లియింట నిజముగా ఉండవలసినది విగ్రహ దేవుళ్లు కాదుగాని నీవు మాత్రమే అని
చెప్పుచు షూలమ్మీతీ క్రీస్తు ప్రభువుకు తన యింటికి మార్గము చూపుతూ ఆహ్వానించు చున్నది. అందువలన వచ్చు నిందలను తాను సహించుటకు
ముందుగానే సిద్ధమైంది కనుక తన ప్రియుడైన క్రీస్తు ప్రభువును తన తల్లి యింటిలో అనగా
బబులోను సంఘములో చేర్చుకొంది. అప్పుడు ప్రభువుతో నీవు నాకు ఉపదేశము చెప్పుదువు అని చెప్పుచున్నది. అనగా అక్కడ నేను నీతో ఎలా ఉండాలి నిన్ను నేను ఎలా ప్రేమించాలి అన్నదానిని
ఉపదేశించమని అదియు తన తల్లియింట చెప్పమని చెప్పుచున్నది. ఇలా నన్ను నీవు కరుణించి నాతో కూడ
వచ్చి నాకు నీవు ఉపదేశిస్తే నీకు నేను ద్రాక్షారసమును, దానిమ్మ
ఫల రసమును ఇస్తానని చెప్పుచున్నది.
అంటే ఇంకా అనేకులకు నేను మార్గదర్శిగా ఉండి ద్రాక్షావళ్లియైన
నీలో జతపడుచు నేను ఫలించి అనేక ఆత్మలను నేను నీకిత్తును అని వాగ్దానము చేయుచున్నది.
ఈ వాగ్దానము చాలా గొప్పది.
ఇక నీవు నాకు ఉపదేశం చెప్పుదువు అనేమాట వేయేండ్ల పాలనకు సంబంధించిన
మాట:
ఆయన పాలనలో ఆయన తన ప్రజలకు ఉపదేశం చేస్తారు! ఆ
ఉపదేశం యెరూషలేము నుండి వినబడుతుంది! అందువలన ప్రపంచ దేశాలు యెరూషలేము
నకు లోబడతాయి! ఉపదేశం వినడానికి ప్రపంచ దేశాలు యెరూషలేము వస్తాయి!
దీనికోసం అనేక రిఫరెన్సులు ఉన్నాయి!
యెషయా 54:13 నీ పిల్లలందరు యెహోవాచేత ఉపదేశము
నొందుదురు నీ పిల్లలకు అధిక విశ్రాంతి కలుగును.
నీ
పిల్లలు అనగా ఇశ్రాయేలు జనము!! దేవుడు వారికి బోధకుడుగా ఉతారు! ఆయన
మాట ఇంతకు ముందు వారు వినలేదు గాని వెయ్యేఏండ్ల పాలన వింటారు! ఉపదేశ ఫలితంగా వారు నీతిమంతులుగా ఉంటారు!
యెషయా 2:3 అంత్యదినములలో పర్వతములపైన యెహోవా
మందిర పర్వతము పర్వత శిఖరమున స్థిరపరచబడి కొండల కంటె ఎత్తుగా ఎత్తబడును ప్రవాహము వచ్చినట్లు
సమస్త అన్యజనులు దానిలోనికి వచ్చెదరు
3 ఆ కాలమున సీయోనులోనుండి ధర్మశాస్త్రము యెరూషలేములోనుండి
యెహోవా వాక్కు బయలు వెళ్లును. జనములు గుంపులు గుంపులుగా వచ్చి
యాకోబు దేవుని మందిరమునకు యెహోవా పర్వత మునకు మనము వెళ్లుదము రండి ఆయన తన మార్గముల
విషయమై మనకు బోధించును మనము ఆయన త్రోవలలో నడుతము అని చెప్పుకొందురు.
48: 17 నీ విమోచకుడును ఇశ్రాయేలు పరిశుద్ధదేవుడునైన యెహోవా
ఈలాగు సెలవిచ్చుచున్నాడు నీకు ప్రయోజనము కలుగునట్లు నీ దేవుడనైన యెహోవానగు నేనే నీకు
ఉపదేశము చేయుదును నీవు నడవవలసిన త్రోవను నిన్ను నడిపించుదును.
ఇక్కడ
నీవు నడువవలసిన మార్గము నీకు చెబుతాను- అది యేసు నామము మరియు ఆయన సువార్త! ఆ రోజులలో వారు వింటారు అంగీకరిస్తారు!
ఇంకా
అంటున్నారు దారి తప్పిపోతే
30: 21 మీరు కుడి తట్టయినను ఎడమ తట్టయినను తిరిగినను ఇదే త్రోవ దీనిలో
నడువుడి అని నీ వెనుకనుండి యొక శబ్దము నీ చెవులకు వినబడును.
ఇదీ
వేయేండ్ల పాలనలో దేవుని ఉపదేశములు!!!
దైవాశీస్సులు!!!
*గీతాలకు గీతము-పరమగీతము*
*141వ భాగము*
*సంభార సమ్మిళిత ద్రాక్షారసమును నా దాడిమఫలరసమును నేను
నీకిత్తును*
పరమగీతము 8: 2. నేను నీకు మార్గదర్శినౌదును
నా తల్లియింట చేర్చుదును నీవు నాకు ఉపదేశము చెప్పుదువు సంభార సమ్మిళిత ద్రాక్షారసమును
నా దాడిమఫలరసమును నేను నీకిత్తును.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : నేను నీకు మార్గదర్శినౌదును నా తల్లియింట చేర్చుదును నీవు నాకు ఉపదేశము చెప్పుదువు
సంభార సమ్మిళిత ద్రాక్షారసమును నా దాడిమఫలరసమును నేను నీకిత్తును
ప్రియులారా! ఈ వచనంలో అనేక ప్రాముఖ్యమైన
అంశాలు కనిపిస్తున్నాయి!
మొదటిది: నేను నీకు మార్గదర్శిని
అగుదును! దేవునికి ఒక
విశ్వాసి ఎలా మార్గదర్శి కాగలదు???
రెండవది: నా తల్లి ఇంట నిన్ను
చేర్చుదును
మూడవది: నీవు నాకు ఉపదేశము చెప్పుదువు
నాల్గవది: సంభార సమ్మిళిత ద్రాక్షారసమును
నా దాడిమఫలరసమును నేను నీకిత్తును.
ఈరోజు
సంభార సమ్మిళిత ద్రాక్షారసమును నా దాడిమఫలరసమును నేను నీకిత్తును కోసం చూసుకుందాం!
(గతభాగం తరువాయి)
ద్రాక్షారసం
ఆనందమునకు మరియు పరిశుద్ధాత్మయందలి ఆనందానికి సాదృశ్యం!! దీనిని మొదటగా యూదుల కోణములో చూసుకుంటే-
వేయేండ్ల పాలనలో విశ్వాసుల జీవితాలే కాదు ఇశ్రాయేలు ప్రజల జీవితాలు కూడా
ఆనందముతో ఉప్పొంగుతూ ద్రాక్షారసము దానిమ్మ ఫలములు కనిపిస్తున్నాయి! వీటిని ఆత్మీయ ఫలములుగా భావిస్తాము! కారణమేమనగా ఇవి భూమికి
తాకవు! భూమికి ఎత్తుగా గాలిలో పండే పంటలు!! ఐగుప్తులో ఉన్నప్పుడు దేవుని ప్రజలు ఉల్లిపాయలు తిన్నామని కీరకాయలు దోషకాయలు
తిన్నాము- అరణ్యంలో మాకు దొరకలేదు అని ఏడ్చారు! అవి భూమి మీద పండే పంటలు! అయితే ఇక్కడ షూలమ్మితి ఏమంటుంది
సంభార సమ్మిళిత ద్రాక్షారసమును నా దాడిమఫలరసమును నేను నీకిత్తును. అనగా సంభార ద్రాక్షారసము, దానిమ్మ ఫలములు ఇస్తాను అంటుంది!
ఈ రెండు భూమి మీద పండేవి కావు ! భూమికి పైన చెట్టుకు
గాలిలో వ్రేలాడుతూ ఉంటాయి! అందుకే వీటిని ఆత్మ పంటలు అంటారు పండితులు!
అనగా దీని అర్ధము మీరు ఐగుప్తులో ఉన్నప్పుడు శరీర సంబంధమైన పంటలు తిన్నారు
ఫలించారు!
అయితే మీరు వేయేండ్ల పాలనలో ఇంకా పరమ యెరూషలేములో ఉన్నప్పుడు ఆత్మీయ
లేక ఆధ్యాత్మిక పంటలు పండిస్తారు! పండుతారు! వాటినే మీరు దేవునికి ఇస్తారు అని దీని అర్ధం!!! అనగా దేవుని బిడ్డలు భూసంబంధమైన క్రియలు
అన్నీ విడచి ఆత్మ సంబంధమైన కార్యాలు చేస్తూ ఆత్మఫలము ఫలిస్తారు! శారీర ఆశలు అన్నీ విశ్వాసిలో మాయమై పోతాయి! శారీర కార్యాలు
అని గలతీ పత్రిక 5 లో చెప్పబడిన ప్రతీదీ వెళ్ళిపోతుంది.
కేవలం ఆత్మఫలము అని చెప్పబడిన ప్రేమ సంతోషము సమాధానం మంచితనము ఆశానిగ్రహము
దయాలత్వము ఇలాంటి ఆత్మఫలము మాత్రమే కనిపిస్తాయి!!
ఈరోజులలో విచారం ఏమిటంటే అనేక సంఘాలలో ఈ ఆత్మఫలము కనిపించడం లేదు గాని
శరీరకార్యాలు కనబడే సంఘాలు ఎక్కువై పోయాయి! ఇలాంటి శరీర సంబంధుల వలనే సంఘాలు
పాడైపోతున్నాయి! అయితే
ఆత్మఫలము ఫలిస్తున్న సంఘాలను చూసి ప్రభువు సంతోషించే దేవుడు!!
ఇక
సంభార సమ్మిళిత ద్రాక్షారసము కోసం చూసుకుంటే సంభార సమ్మిళిత అనగా పరిమళ ద్రవ్యముల కలయిక
అని అర్ధము!! దీనికోసం మనకు నిర్గమ 30:25 లో కనిపిస్తుంది!
దీనినే అభిషేక తైలము అని కూడా పిలుస్తారు! తైలము
పరిశుద్ధాత్మకు సాదృశ్యం!! దేవుని ప్రజలు వేయేండ్ల పాలనలో సంభార
సమ్మిళిత ద్రాక్షారసమునకు సాదృశ్యమైన పరిశుద్ధాత్మ శక్తితో నింపబడి ఆత్మపూర్ణులుగా
ఉంటారు!! అందువలనే దేవుని కోసం ఫలాలను ఫలిస్తారు! దేవుని బిడ్డలు ఈ తైలముతో బల్లను దాని ఉపకరణములను దూప వేదికను అభిషేకిస్తారు!
అదేవిధంగా మనం కూడా ప్రభువు బల్లలో పాల్గొనే టప్పుడు పరిశుద్దాత్మ శక్తితో
నింపబడాలి! పరిశుద్దాత్మ బలంతో ప్రార్ధనాపరులుగా ఉండాలి!
మనం చేసే ప్రతీ పని కూడా పరిశుద్దాత్మ బలంతోనే చేయాలి!
నిర్గమ 30:35 ప్రకారం: సంభారము యొక్క మూడు లక్షణాలు కనిపించాలి!
సంభారముతో దూపద్రవ్యాలు చేయాలి! దూపము
అనగా ప్రార్ధన!! దేవుని బిడ్డలు ప్రార్ధనాపరులుగా జీవించాలి!
రెండు సంభారము పరిశుద్ధమైనది! దేవుని
బిడ్డలు పరిశుద్ధంగా జీవించాలి! మాటలోనూ క్రియలోనూ తలంపులోనూ
కూడా పరిశుద్ధంగా జీవించాలి!
మూడు సంభారముతో ఉప్పు కలపాలి! అనగా దేవుని
బిడ్డల జీవితం వీటన్నితో పాటుగా ఉప్పు కలిగిన సారము కలిగిన జీవితం జీవించాలి! ఉప్పు ఉంటే వంట రుచిగా ఉంటుంది అలాగే
దేవుని బిడ్డలు జీవితాలు రుచికరంగా ఉండాలి! ఉప్పు వెంటనే కరిగిపోతుంది!
అలాగే దేవుని బిడ్డలు ఇతరుల శ్రమలు కన్నీరు చూచి వెంటనే కరిగిపోవాలి!
వారికోసం ప్రార్ధించాలి! అంతేకాకుండా నీ చేతనైనంత
సహాయం చేయాలి!
సంభారముతో అనేకమైన సుగంధద్రవ్యాలు కలిపారు! అలాగే
మన జీవితాలలో పరిశుద్ధాత్మ శక్తి ప్రార్ధనాజీవితం సాక్ష్యం కాపాడుకునే జీవితము ఇవన్నీ
ఉంది అంటేనే మనము దాడిమ ఫల జీవితం జీవించి నట్లు!!
షూలమ్మితి
సంభార సమ్మిళిత ద్రాక్షరసము ప్రభువుకు ఇచ్చి ఆయనను వేయేండ్ల పాలనలో సంతోష పరుస్తున్నారు! మరి నీవు ఏమిచ్చి ఆయనను
సంతోష పరుస్తావు?
ఈ లోకంలో ఆయనను సంతోష పరచాలంటే రెండు
వచనాలు చూసుకుందాం!
మీకా 6: 6 ఏమి తీసికొని వచ్చి నేను యెహోవాను
దర్శింతును? ఏమి తీసికొని వచ్చి మహోన్నతుడైన దేవుని సన్నిధిని
నమస్కారము చేతును? దహనబలులను ఏడాది దూడలను అర్పించి దర్శింతునా?
7 వేలకొలది పొట్టేళ్లును వేలాది నదులంత విస్తారమైన తైలమును
ఆయనకు సంతోషము కలుగజేయునా? నా అతిక్రమమునకై నా జ్యేష్ఠపుత్రుని
నేనిత్తునా? నా పాపపరిహారమునకై నా గర్భ ఫలమును నేనిత్తునా?
8 మనుష్యుడా, యేది ఉత్తమమో అది
నీకు తెలియజేయబడియున్నది; న్యాయముగా నడుచుకొను టయు, కనికరమును ప్రేమించుటయు, దీనమనస్సుకలిగి నీ దేవుని యెదుట
ప్రవర్తించుటయు, ఇంతేగదా యెహోవా నిన్నడుగుచున్నాడు.
మోషే గారు అంటున్నారు ద్వితీ 10: 12 కాబట్టి ఇశ్రాయేలూ, నీ దేవుడైన యెహోవాకు భయ పడి ఆయన మార్గములన్నిటిలో
నడుచుచు, ఆయనను ప్రేమించి, నీ దేవుడైన యెహోవాను
నీ పూర్ణ మనస్సుతోను నీ పూర్ణాత్మతోను సేవించి,
13 నీ మేలుకొరకు నేడు నేను నీకాజ్ఞాపించు యెహోవా ఆజ్ఞలను
కట్టడలను అను సరించి నడుచుకొందునను మాట కాక నీ దేవుడైన యెహోవా నిన్ను మరి ఏమి అడుగుచున్నాడు?
ఈరోజు
కూడా దేవుడు అదే కోరుచున్నాడు! మరి ఆయనను సంతోషపెట్ట గలవా!!!
దైవాశీస్సులు!!!
*గీతాలకు గీతము-పరమగీతము*
*142వ భాగము*
*తన ప్రియునిమీద ఆనుకొని అరణ్యమార్గమున వచ్చునది ఎవతె?*
పరమగీతము 8: 3 అతని యెడమచెయ్యి నా తలక్రింద
నున్నది అతని కుడిచెయ్యి నన్ను కౌగిలించుచున్నది
4 యెరూషలేము కుమార్తెలారా, లేచుటకు
ప్రేమకు ఇచ్ఛపుట్టువరకు లేపకయు కలతపరచకయు నుందుమని నేను మీచేత ప్రమాణము చేయించుకొందును.
5 తన ప్రియునిమీద ఆనుకొని అరణ్యమార్గమున వచ్చునది ఎవతె?
జల్దరువృక్షము క్రింద నేను నిన్ను లేపితిని అచ్చట నీ తల్లికి నీవలన ప్రసవవేదన
కలిగెను నిన్ను కనిన తల్లి యిచ్చటనే ప్రసవవేదన పడెను.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : 3 అతని యెడమచెయ్యి నా తలక్రింద నున్నది అతని కుడిచెయ్యి నన్ను కౌగిలించుచున్నది
4 యెరూషలేము కుమార్తెలారా, లేచుటకు ప్రేమకు ఇచ్ఛపుట్టువరకు
లేపకయు కలతపరచకయు నుందుమని నేను మీచేత ప్రమాణము చేయించుకొందును.
5 తన ప్రియునిమీద ఆనుకొని అరణ్యమార్గమున వచ్చునది ఎవతె? జల్దరువృక్షము క్రింద నేను నిన్ను లేపితిని అచ్చట నీ తల్లికి నీవలన ప్రసవవేదన
కలిగెను నిన్ను కనిన తల్లి యిచ్చటనే ప్రసవవేదన పడెను.
ప్రియదైవజనమా!!! ఈ మూడు నాలుగు వచనాలు
అనగా 3 అతని యెడమచెయ్యి నా తలక్రింద నున్నది అతని కుడిచెయ్యి
నన్ను కౌగిలించుచున్నది
4 యెరూషలేము కుమార్తెలారా, లేచుటకు ప్రేమకు ఇచ్ఛపుట్టువరకు
లేపకయు కలతపరచకయు నుందుమని నేను మీచేత ప్రమాణము చేయించుకొందును.
ఈ
రెండు వచనాలు గతంలో విస్తారంగా ధ్యానం చేసుకున్నాము గనుక తిన్నగా 5 వ వచనం ధ్యానం చేసుకుందాం!
తన ప్రియునిమీద ఆనుకొని
అరణ్యమార్గమున వచ్చునది ఎవతె? జల్దరువృక్షము
క్రింద నేను నిన్ను లేపితిని అచ్చట నీ తల్లికి నీవలన ప్రసవవేదన కలిగెను నిన్ను కనిన
తల్లి యిచ్చటనే ప్రసవవేదన పడెను.
తన ప్రియునిమీద ఆనుకొని అరణ్యమార్గమున వచ్చునది ఎవతె? అని మన మూలవచనములో ప్రశ్నించుట జరిగింది. అరణ్యము అనగా జనవాసము తక్కువగా ఉండే
ప్రాంతము లేక జనులు నివశించుటకు యోగ్యమైనను నివాసము ఉండని ప్రాంతము. ఇలాంటి అయోగ్యమైన స్థలమైనను ఎడారిలా
కాక గడ్డి ఎక్కువగా ఉన్న ఆ ప్రాంతములో తన ప్రియునిమీద నడవలేని స్థితిలో ఆనుకొని ఒక
స్త్రీ వస్తున్నది. ఈ
స్త్రీ కూడ సంఘమే. ఈ
సంఘము యొక్క భారము సిలువగా క్రీస్తు ప్రభువు భుజముపై పడగా ఆయన దానిని మోస్తూ గొల్గతా
అను ప్రాంతమునకు యెరూషలేము నుండి తీసుకొని వచ్చారు. మార్గమంతా జనసందోహముతో నిండిపోయింది. కాని దానిలో క్రీస్తు ప్రభువుపై నిజ
ప్రేమ కలిగి సంఘములో యోగ్యరీతిలో ఉండుటకు యోగ్యమైనవారు ఎందరు? చాలా తక్కువమంది అని చెప్పవచ్చును. కనుక దానిని మనము జనులు గుంపులు గుంపులుగా
ఉన్నను దేవునికి యోగ్యమైనవారు అక్కడ లేరు గనుక అది అరణ్యముగా చెప్పబడింది. ఈ అరణ్యములో ప్రియుడు నడుస్తూ సిలువను
మోస్తూ వస్తున్నారు. అంటే సంఘము సీయోనులో క్రీస్తు ప్రభువే పునాదిగా వేయబడింది. దానిని వృద్ధిలోనికి తెచ్చు బాధ్యత
క్రీస్తు ప్రభువుదే. క్రీస్తు ప్రభువుకు సంఘముపై అంత ప్రేమ ఉంది. అందుకే తనే పునాదిగా వేయబడిన సంఘము
నడవలేని స్థితిలో ఉన్నదని గ్రహించి దానిని తనమీద ఆనుకొనునట్లు చేసుకొని గొల్గతాకు నడిపించాడు. నడచుటకు బలహీనపడిన స్త్రీ ప్రియుని
ఆనుకొని ఎలా నడుస్తుంది? ఒక చేయి ప్రియుని భుజముపై వేయగా ప్రియుడు తన ఎడమ చేయిని తల వెనుక మెడ భాగములో
ఉంచి, కుడి చేయిని నడుము భాగములో పట్టుకొని సగము భారము మోయుచు,
మిగిలిన భారమును ప్రియురాలు తన కాళ్లపై మోపి నడచును. అలాగే సిలువ తన కుడి భుజముపై వేయగా
ఎడమచేతిని అడ్డ కర్రను పట్టుకొని కుడిచేతి సిలువ కర్రకు క్రింద నుండి కొద్దిగా పై భాగములో
పట్టుకొని, సిలువ కర్ర క్రింద భాగము నేలను తాకుచుండగా లాగుకొనుచు
దానిని తీసుకొని పోవుట జరిగింది. ఈ విధముగా క్రీస్తు ప్రభువు సిలువ బలియాగ కాలములో సంఘము ఉన్న పరిస్థితిని వర్ణించుట
జరిగింది.
ఈ విధముగా నీరసించిన స్థితిలో సంఘము ఉండగా క్రీస్తు ప్రభువు సిలువలో
బలియాగము చేశాడు. ఆ బలియాగములో
సిలువ మ్రానును జల్దరువృక్షముగా చెప్పబడింది. ఇంతవరకు సిలువ సంఘముగా ఆనుకొని రాగా,
బలియాగ సమయమునకు క్రీస్తు ప్రభువును సిలువపై బలి ఇచ్చారో, అప్పుడే అది క్రీస్తు ప్రభువుకు మారుగా జల్దరువృక్షముగా మారింది. ఆ సిలువ క్రింద నిజదైవమును గూర్చి
చింతించువారు కొందరు ఉన్నారు. వారిలో శిష్యుడు యోహాను, తన తల్లియైన మరియమ్మ. ఆ స్థితిని శిష్యులందరు పారిపోయిన
యోహాను మాత్రము ఎవరికి జంకక అక్కడ ఉన్నాడు. కనుక సంఘము ఏ రూపములో ఉన్నది? అని ఎవరైన అడిగితే యోహాను అను శిష్యుని
రూపములో అక్కడ ఉన్నది. మిగిలినవారందరు పారిపోయారు.
ఈ స్థితిలో పాపక్షమాపణ క్రీస్తు ప్రభువు జల్దరువృక్షమైన సిలువపై
నుండి ఇచ్చి, సంఘమును బలపరచి వారిని లేపుట జరిగింది.
దైవాశీస్సులు!!!
*గీతాలకు గీతము-పరమగీతము*
*143వ భాగము*
*తన ప్రియునిమీద ఆనుకొని అరణ్యమార్గమున వచ్చునది ఎవతె?*
పరమగీతము 8: 5 తన ప్రియునిమీద ఆనుకొని అరణ్యమార్గమున
వచ్చునది ఎవతె? జల్దరువృక్షము క్రింద నేను నిన్ను లేపితిని అచ్చట
నీ తల్లికి నీవలన ప్రసవవేదన కలిగెను నిన్ను కనిన తల్లి యిచ్చటనే ప్రసవవేదన పడెను.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : 5 తన ప్రియునిమీద ఆనుకొని అరణ్యమార్గమున వచ్చునది ఎవతె? జల్దరువృక్షము క్రింద నేను నిన్ను లేపితిని అచ్చట నీ తల్లికి నీవలన ప్రసవవేదన
కలిగెను నిన్ను కనిన తల్లి యిచ్చటనే ప్రసవవేదన పడెను.
(గతభాగం తరువాయి)
ప్రియులారా! ఇదే వచనాన్ని ఈ రోజు
మరో కోణములో చూసుకుందాం!
“ఎడారి”– పరమగీతము
3:6, (ధూమ స్తంభములవలె అరణ్యమార్గముగా వచ్చు ఇది ఏమి? గోపరసముతోను సాంబ్రాణితోను వర్తకులమ్ము వివిధమైన సుగంధ చూర్ణములతోను పరిమళించుచు
వచ్చు ఇది ఏమి?) . ఇజ్రాయేల్ జాతి బలిష్ఠమైన యెహోవా చేతిని ఆనుకుని
ఎడారి దారిగుండా ఈజిప్ట్ నుంచి కనాను దేశానికి వచ్చింది. అలానే
ఎడారి వంటి ఈ లోకం నుంచి క్రీస్తు సంఘం పరమ జెరుసలంకు క్రీస్తుపై అనుకుని పయనిస్తున్నది.
ఈ వచనంలో ప్రపంచంలో
ప్రజలు ఒక అద్భుతాన్ని చూస్తారు! ఒక స్త్రీ తన భర్తపై ఆనుకుని
అరణ్యమార్గంలో ప్రయాణం చేస్తుంది! ఈ అరణ్య ప్రయాణం ముగిసిన తర్వాత
ఆమె యెరూషలేము నకు చేరుతుంది! ఈ స్త్రీ ఇశ్రాయేలు జనాంగము!!!
వారు ప్రభువు మీద ఆనుకుని మొదటగా మీద చూసుకున్నట్లుగా ఈజిప్టు నుండి
ఇశ్రాయేలు దేశం చేరుకున్నారు! అయితే ఇప్పుడు మరలా ప్రభువు మీద
ఆనుకోవాలి! మరలా తమ యాత్రను అనగా ఆధ్యాత్మిక యాత్ర మొదలుపెట్టాలి!
ఆ మజిలీ వేయేండ్ల పరిపాలనకు ముందు అనేకమైన శ్రమలు హింసలు పొందుకోబోతుంది!
వేయేండ్ల పాలనలో తన శ్రమలకు శోధనలకు బాధలకు విముక్తి పొంది విశ్రాంతి
పొందుతారు. అంతేకాకుండా ప్రభువుతో కలిసి రాజ్యం చేస్తారు!
ఈ యాత్రలో కలిగిన హింసల వలన ఆమె ఎంతగానో బలహీనురాలై ఇప్పుడు తన ప్రియునిపై
ఆనుకుని నడుచుకుంటూ వేయేండ్ల పాలనకు వెళ్లబోతుంది అక్కడ విశ్రాంతి తీసుకోబోతుంది!
అప్పుడు ఆ విశ్రాంతి కోసమైన ప్రవచనాలు అన్నీ నెరవేరుతాయి!!!
ఇక నీవు నేను కూడా ఈ కనాను యాత్రలో ఉన్నాము! సార్వత్రిక
సంఘము కూడా పరమకనాను యాత్రలో ఉంది! ఇప్పుడు మనము మనకు ఎదురయ్యే
ఈ శ్రమలను శోధనలను తట్టుకుని జయించి ముందుకు సాగాలి! నీకు నీవుగా
ఏమీ విజయం సాధించలేవు!! మనము ఆనుకోవలసింది మన ప్రియుడైన యేసుక్రీస్తుప్రభులవారితోనే!!
ఎందుకంటే ఆయన నీకు ముందుగా ఇదే బాటలో అదే శ్రమల సంకెళ్లను అనుభవించి
గమ్యస్థానం చేరుకున్నారు! ఆయన మనకు నాయకుడు! మన ప్రియుడు! మన గైడ్!! మనకు ఆదర్శకుడు!!
మన చేయి పట్టుకుని నడిపించ గలిగిన సత్తా గలవాడు!!! మరి నీవు ఆయనమీద ఆనుకుని నడవడానికి సిద్దంగా ఉన్నావా?
ఆయన దవళవర్ణుడు రత్నవర్ణుడు సురూపమైనను సొగసైనను లేనివాడు! ఎవరూ గుర్తించలేనంతగా
మారిపోయాడు నీకోసం నాకోసం!!! ఒకవేళ నీవు ఆయనను కోరుకున్నా ఈ మార్గంలో
ఈ యాత్రలో అన్నీ శ్రమలే శోధనలే తిట్లు చీవాట్లు ప్రభువుకోసం ప్రభువు నామం కోసం నిందలు
అవమానాలు సహించాలి! అలా ఆయనమీద ఆనుకుంటూ సాగిపోవాలి! మరో మార్గం లేదు! చిట్టచివరికి నీవు నీ మజిలీ చేరుకుంటావు!
అప్పుడు ప్రభువు మొదట నీ ప్రతీ బాష్ప బింధువు తుడుస్తారు! తర్వాత తనతోపాటుగా పరిపాలన చేసే అధికారం నీకిస్తారు వేయేండ్ల పాలనలో!!!
అందుకే
యెషయా 26:3 లో అంటున్నారు
3 ఎవనిమనస్సు నీమీద ఆనుకొనునో వానిని నీవు పూర్ణశాంతిగలవానిగా
కాపాడుదువు. ఏలయనగా అతడు నీయందు విశ్వాసముంచి యున్నాడు.
నీవు
ప్రభువు మీద ఆనుకుని నడచినప్పుడు ఆయన నిన్ను గమ్యస్థానం చేర్చడమే కాకుండా నిన్ను పూర్ణ
శాంతి గలవానిగా మార్చగలరు నా దేవుడు!!
కీర్తన 27: 9 నీ ముఖమును నాకు దాచకుము కోపముచేత
నీ సేవకుని తోలివేయకుము. నా సహాయుడవు నీవే రక్షణకర్తవగు నా దేవా,
నన్ను దిగనాడకుము నన్ను విడువకుము.
దేవుని మీద ఆనుకున్న దావీదు గారు ఇలా
ప్రభువును వేడుకుంటున్నారు! అయితే దేవుడు ఎప్పుడూ ఆయన చేయి విడువలేదు!!
చివరకు గొర్రెల మధ్య కాపరిగా ఉన్న దావీదుగారిని చక్రవర్తిగా మార్చారు
దేవుడు!
28: 7 యెహోవా నా ఆశ్రయము, నా కేడెము
నా హృదయము ఆయనయందు నమి్మకయుంచెను గనుక నాకు సహాయము కలిగెను. కావున
నా హృదయము ప్రహర్షించుచున్నది కీర్తనలతో నేను ఆయనను స్తుతించుచున్నాను.
8 యెహోవా తన జనులకు ఆశ్రయము ఆయన తన అభిషిక్తునికి రక్షణదుర్గము.
54: ఇదిగో దేవుడే నాకు సహాయకుడు ప్రభువే నా ప్రాణమును
ఆదరించువాడు! ఈ కీర్తనలో పూర్తిగా ప్రభువుపై ఆనుకున్న అనుభవం
కనిపిస్తుంది మనకు!!
యెషయా 50: 9 ప్రభువగు యెహోవా నాకు సహాయము
చేయును నామీద నేరస్థాపనచేయువాడెవడు? వారందరు వస్త్రమువలె పాతగిలిపోవుదురు
చిమ్మెట వారిని తినివేయును.
ఇలాంటి
దృఢమైన విశ్వాసము కలిగి దేవుని మీద ఆనుకుని మన ఆధ్యాత్మిక యాత్రలో ముందుకు సాగిపోతే
తప్పకుండా మనము కూడా వేయేండ్ల పాలనలో ఆయనతో పాటుగా పరిపాలన చేస్తాము!!
దైవాశీస్సులు!!!
*గీతాలకు గీతము-పరమగీతము*
*144వ భాగము*
*ప్రేమ మరణమంత బలవంతమైనది ఈర్ష్య పాతాళమంత కఠోరమైనది*
పరమగీతము 8: 6.ప్రేమ మరణమంత బలవంతమైనది ఈర్ష్య
పాతాళమంత కఠోరమైనది దాని జ్వాలలు అగ్నిజ్వాలా సమములు అది యెహోవా పుట్టించు జ్వాల నీ
హృదయముమీద నన్ను నామాక్షరముగా ఉంచుము నీ భుజమునకు నామాక్షరముగా నన్నుంచుము.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : 6.ప్రేమ మరణమంత బలవంతమైనది ఈర్ష్య పాతాళమంత కఠోరమైనది దాని జ్వాలలు అగ్నిజ్వాలా
సమములు అది యెహోవా పుట్టించు జ్వాల నీ హృదయముమీద నన్ను నామాక్షరముగా ఉంచుము నీ భుజమునకు
నామాక్షరముగా నన్నుంచుము.
ప్రియుడు (లేక ప్రియురాలు)
తనను ప్రేమించే వ్యక్తి ప్రేమ అంతటి పైనా శాశ్వతంగా తనకే హక్కు ఉండాలని,
అంటే లక్కమీద ముద్ర పడినట్టుగా ఆమె ప్రేమ పై తన రూపే ముద్రించబడాలని
కోరుకోవడం ఈ మాటల్లోని అంతరార్థం కావచ్చు.
“మరణం”– మనుషుల శత్రువైన మరణం
చాలా శక్తివంతమైనది. తన చేజిక్కినవారిని ఇకెన్నడూ విడిచి పెట్టదు.
మానవుని పాలిట పరమ మిత్రుని వంటి దైవ ప్రేమకు ఉన్న శక్తి అంతకన్నా తక్కువేమీ
కాదు. అలాగే దేవుని ప్రేమ
తనవారిని ఎన్నడూ విడిచి పెట్టదు (రోమీయులకు 8:38-39,
).
38 మరణమైనను జీవమైనను దేవదూతలైనను ప్రధానులైనను ఉన్నవియైనను
రాబోవునవియైనను అధికారులైనను ఎత్తయినను లోతైనను సృష్టింపబడిన మరి ఏదైనను,
39 మన ప్రభువైన క్రీస్తు యేసునందలి దేవుని ప్రేమనుండి
మనలను ఎడబాపనేరవని రూఢిగా నమ్ముచున్నాను.
“రోషం లేక ఈర్ష్య ”– నిర్గమకాండము
20:5, ; నిర్గమకాండము 34:14, ; ద్వితీయోపదేశకాండము
4:24, . ప్రేమ ఎంత ఎక్కువగా ఉంటే ప్రేమించిన వ్యక్తి దారి తొలగిపోవచ్చునేమో
అన్న తపన, రోషం అంత ఎక్కువగా ఉంటుంది.
“ముద్ర”– ఇది ప్రియుని పేరు చెక్కివున్న
ఒక రత్నం కావచ్చు. నిర్గమకాండము 28:9-12, , నిర్గమకాండము 28:17-21, ; యెషయా 49:16 చూడుము నా యరచేతులమీదనే నిన్ను చెక్కియున్నాను నీ ప్రాకారములు నిత్యము నాయెదుట
నున్నవి
పరమగీతము 8:6-7, ''ప్రేమ మరణమంత బలవంతమైనది ఈర్ష్య పాతాళమంత
కఠోరమైనది దాని జ్వాలలు
అగ్నిజ్వాలా సమములు అది
యెహోవా పుట్టించు జ్వాల నీ హృదయముమీద నన్ను నామాక్షరముగా ఉంచుము నీ భుజమునకు నామాక్షరముగా నన్నుంచుము. అగాధసముద్ర జలము ప్రేమను ఆర్పజాలదు నదీ ప్రవాహములు దాని ముంచివేయజాలవు ప్రేమకై యొకడు తన స్వాస్థ్యమంత ఇచ్చినను తిరస్కారముతో అతడు త్రోసివేయబడును.''
ప్రేమ - ఈర్ష్య రెండు చాలా అవినాభావ సంబంధమును కలిగియున్నవి. ప్రేమలో స్వార్థము, త్యాగము రెండు ఉన్నాయి. ప్రేమలోని స్వార్థము ఈర్ష్యకు
కారణమగును. అలాగే పరమగీతములో
ప్రేమ మరణమంత బలవంతమైనది అని చెప్పుచున్నాడు. క్రీస్తు ప్రభువులోని
ప్రేమ ఆయన పాపి కొరకు తన ప్రాణమును అర్పించలేదా! ఇంత గొప్ప త్యాగమునకు కారణము ప్రేమే
కదా! మదర్ థెరిస్సా ఇండియాలో సేవకు కారణమేమి? ప్రేమే కదా! ఇది త్యాగమును సూచించును. దానికి రెండవ కోణము ఆ ప్రేమలో అంతా
నాకే కావాలి అన్న స్వార్థము వచ్చినప్పుడు దానికి ఈర్ష్య జతపడును. ఇది ఎప్పుడైతే చేరునో అది సంఘమును
నాశనము చేయునేగాని వృద్ధిలోనికి తీసుకొని రాదు. ప్రవక్తల వలన యెరూషలేము సంఘము పొందుచున్న
వృద్ధిని చూచి ఈర్ష్య పొందిన సాతాను తన అనుచరులలో కూడ ఈ ఈర్ష్యను లేపి ప్రవక్తలను చంపించాడు. క్రీస్తు ప్రభువును చంపించాడు. ఆయన శిష్యులలో అనేకులను హత:సాక్షులుగా మార్చాడు. దీనికి కారణము సంఘము వృద్ధిలోకి వచ్చుట. దీనిని ఈర్ష్యగా చెప్పబడింది. ఈ ఈర్ష్యను కలిగినవారు పాతాళ లోకమంత
కఠోరమైనది అని చెప్పబడింది. వారికి తరువాత స్థితి పాతాళ లోకమని ఆ లోకములో అగ్నిజ్వాలలతో బాధింపబడుదురని
అది దేవుడైన యెహోవా వలన పుట్టించు జ్వాలలని చెప్పుచున్నాడు. మత్తయి 25:41, ''అప్పుడాయన యెడమవైపున ఉండువారిని చూచి-శపింప బడినవార లారా,
నన్ను విడిచి అపవాదికిని వాని దూతలకును సిద్ధపరచబడిన నిత్యాగ్నిలోనికి
పోవుడి.'' ఇవి ముందుగానే
సిద్ధపరచబడి ఉన్నాయి. కనుక క్రీస్తు ప్రభువుపై ప్రేమ మరణమంత బలవంతమైనదియైనను మనకు పరలోకాన్ని ఇస్తుంది. క్రీస్తు ప్రభువుపై ఈర్ష్య పాతాళమంత
కఠోరమైనదిగా మారి మనలను శిక్షించును.
ఈ రెండు స్థితులు ఈ లోకములో క్రియ జరిగిస్తున్నాయి. కనుక ఓ విశ్వాసి, నీ భుజమునకు నామాక్షరముగా నన్నుంచుము అని ప్రియుడు చెప్పుచున్నారు. మత్తయి 11:28-30, ''ప్రయాసపడి భారము మోసికొనుచున్న సమస్త జనులారా, నా యొద్దకు
రండి; నేను మీకు విశ్రాంతి కలుగజేతును. నేను సాత్వికుడను దీనమనస్సు గలవాడను
గనుక మీమీద నా కాడి ఎత్తికొని నాయొద్ద నేర్చు కొనుడి; అప్పుడు
మీ ప్రాణములకు విశ్రాంతి దొరకును. ఏలయనగా నా కాడి సుళువుగాను
నా భారము తేలికగాను ఉన్నవి.'' ఈ విధముగా క్రీస్తు సువార్త అను కాడిని మన భుజముపై ఉంచుకోవాలి. దానిని మోయాలి. అప్పుడే క్రీస్తు ప్రేమ మన భుజముపై సువార్త అక్షరములుగా నిలుచును. అలాంటి ప్రేమను అగాధ సముద్రజలములు
ఆర్పజాలవు.
ఈ జలములు ఎవరు? ప్రకటన 17:1, 15, ''ఆ యేడు పాత్రలను పట్టుకొని యున్న యేడుగురు దేవదూతలలో
ఒకడువచ్చి నాతో మాటలాడుచు ఈలాగు చెప్పెను.
-నీవిక్కడికి రమ్ము, విస్తార జలములమీద కూర్చున్న
మహావేశ్యకు చేయబడు తీర్పు నీకు కనుపరచెదను; . . . మరియు ఆ దూత నాతో ఈలాగు చెప్పెను-ఆ వేశ్య కూర్చున్నచోట
నీవు చూచిన జలములు ప్రజలను, జనసమూహములను, జనములను, ఆ యా భాషలు మాటలాడువారిని సూచించును.'' ఇలా పాపపు స్థితిలో జీవించుచు బబులోను సంఘముగా సాతానును ప్రియునిగా చేసుకొని
వేశ్యలుగా ఉన్నవారు ఎందరు వచ్చినను క్రీస్తు ప్రభువు ప్రేమను, ఆయనపై మనకున్న ప్రేమను ఆర్పలేరని చెప్పబడింది.
అలాగే ప్రకటన 12:15, ''కావున ఆ స్త్రీ, ప్రవాహమునకు
కొట్టుకొని పోవలెనని ఆ సర్పము తన నోటినుండి నీళ్లు నదీప్రవాహముగా ఆమె వెనుక వెళ్లగ్రక్కెనుగాని''
ఇలా ప్రవాహముగా వచ్చు
కష్టములు, బాధలు ఏమి కూడ ముంచివేయలేవని చెప్పబడింది. ఎంత ధనము ఇచ్చినను వీరు తిరస్కరిస్తారేగాని
క్రీస్తు ప్రభువుపై వారికి యున్న ప్రేమను వదలరని చెప్పబడింది.
దైవాశీస్సులు!!
*గీతాలకు గీతము-పరమగీతము*
*145వ భాగము*
*ప్రేమ మరణమంత బలవంతమైనది ఈర్ష్య పాతాళమంత కఠోరమైనది*
పరమగీతము 8: 6.ప్రేమ మరణమంత బలవంతమైనది ఈర్ష్య
పాతాళమంత కఠోరమైనది దాని జ్వాలలు అగ్నిజ్వాలా సమములు అది యెహోవా పుట్టించు జ్వాల నీ
హృదయముమీద నన్ను నామాక్షరముగా ఉంచుము నీ భుజమునకు నామాక్షరముగా నన్నుంచుము.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : 6.
ప్రేమ మరణమంత బలవంతమైనది ఈర్ష్య పాతాళమంత కఠోరమైనది దాని జ్వాలలు అగ్నిజ్వాలా
సమములు అది యెహోవా పుట్టించు జ్వాల నీ హృదయముమీద నన్ను నామాక్షరముగా ఉంచుము నీ భుజమునకు
నామాక్షరముగా నన్నుంచుము.
(గతభాగం తరువాయి)
ఇక
ప్రేమ ఎంతో బలవంతమైనది ఎంత అంటే మరణమంత!! అసలు ప్రేమ అంటే!!!!???
గలతీ 5:22. అయితే ఆత్మ ఫలమేమనగా,
ప్రేమ, సంతోషము, సమాధానము,
దీర్ఘశాంతము, దయాళుత్వము, మంచితనము, విశ్వాసము, సాత్వికము,
ఆశానిగ్రహము.
23. ఇట్టివాటికి విరోధమైన నియమమేదియులేదు.
ఆత్మఫలములో మొదటిది శ్రేష్టమైనది అయిన *ప్రేమ*!
కొలస్సీయులకు 3: 14
వీటన్నిటిపైన పరిపూర్ణతకు అనుబంధమైన ప్రేమను ధరించుకొనుడి.
ప్రియులారా!
ఈ వచనం చాలా జాగ్రత్తగా పరిశీలించవలసిన అవసరం ఉంది. కారణం పౌలుగారు రాసిన పత్రికలు మామూలుగా చదువుకుంటూ పోతే – ఏమీ అర్ధం కాదు మనకు.
దానిని జాగ్రత్తగా ప్రార్ధనపూర్వకముగా చదివితే అర్ధం అవుతాయి మనకు పౌలుగారిని
వాడుకొని పరిశుద్ధాత్ముడు ఎన్ని మంచి సందేశాలు మనకోసం వ్రాయించారో అర్ధం అవుతుంది.
ఈ వచనంలో అంటున్నారు పౌలుగారు—పరిపూర్ణతకు అనుబంధమైన ప్రేమను
ధరించుకొనుడి. ఇక్కడ ఆయన వీటన్నికన్నా ప్రేమను ధరించుకొనుడి అనడం లేదు గాని పరిపూర్ణతకు అనుబంధమైన
ప్రేమ అంటున్నారు. దీని అర్ధం చాలా ఉంది గాని సింపుల్ గా చెప్పాలంటే—ప్రేమకు—పరిపూర్ణతకు సంబంధం ఉంది.
– పరిశుద్ధులు సంపూర్ణులు
కావాలి అంటే – పరిచర్య చేయాలి అది fivefold ministry గాని, tenfold ministry అయినా సరే! ఈ సంపూర్ణులు పరిపూర్ణులు కావాలి అంటే—ప్రేమను ధరించుకోవాలి!!! ఒక వ్యక్తికి ఎన్ని
ఫలాలు, శక్తులు, టాలెంట్లు ఉన్నా ప్రేమలేకపోతే
పరిపూర్ణుడు కాలేడు! పౌలుగారు అంటున్నారు
1 కొరింథీ 13:1-3 లో
1. మనుష్యుల భాషలతోను దేవదూతల భాషలతోను నేను మాటలాడినను,
ప్రేమలేనివాడనైతే మ్రోగెడు కంచును గణగణలాడు తాళమునైయుందును.
2. ప్రవచించు కృపావరము కలిగి మర్మములన్నియు జ్ఞానమంతయు
ఎరిగినవాడనైనను, కొండలను పెకలింపగల పరిపూర్ణ విశ్వాసముగలవాడనైనను,
ప్రేమలేనివాడనైతే నేను వ్యర్థుడను.
3. బీదలపోషణ కొరకు నా ఆస్తి అంతయు ఇచ్చినను, కాల్చబడుటకు (అనేక ప్రాచీన ప్రతులలో-అతిశయించు నిమిత్తము అని పాఠాంతరము) నా శరీరమును అప్పగించినను,
ప్రేమ లేనివాడనైతే నాకు ప్రయోజనమేమియు లేదు. . ..
*కాబట్టి ప్రేమలేని విశ్వాసి, ప్రేమలేని
సేవకుడు, ప్రేమలేని ప్రసంగీకుడు –వేస్ట్ ఫెల్లో!*
ప్రేమకు ప్రతిరూపం యేసుప్రభులవారు!
అందుకే ఆయన మనలను రక్షించడానికి మానవరూపం దాల్చి, పరమును విడచి, భువికి వచ్చారు. Philippians(ఫిలిప్పీయులకు) 2:5,6,7,8
5. క్రీస్తుయేసునకు కలిగిన యీ మనస్సు మీరును కలిగియుండుడి.
6. ఆయన దేవుని స్వరూ పము కలిగినవాడైయుండి, దేవునితో సమానముగా ఉండుట విడిచిపెట్టకూడని భాగ్యమని యెంచుకొనలేదు గాని
7. మనుష్యుల పోలికగా పుట్టి, దాసుని
స్వరూపమును ధరించుకొని, తన్ను తానే రిక్తునిగా చేసికొనెను.
8. మరియు, ఆయన ఆకారమందు మనుష్యుడుగా
కనబడి,మరణము పొందునంతగా, అనగా సిలువ మరణము
పొందునంతగా విధేయత చూపినవాడై, తన్నుతాను తగ్గించుకొనెను.
. . .. . ఆయన మనకోసం ఎన్ని
బాధలు పడ్డారో కదా!
ఇక ప్రేమకోసం బైబిల్ ఎక్కువగా రాసినవారు
మొదటగా పౌలుగారు, రెండవదిగా యోహానుగారు! ప్రేమకోసం రాయడానికి కారణం విశ్వాసుల మధ్య ప్రేమ ఒక్కటే వారి మధ్య పరిపూర్ణ
ఐక్యతను నెలకొల్పగలదు! ప్రేమలేకపోతే మనుష్యులు మధ్య స్వార్ధంతో కూడిన ఆశలు, తగాదాలు, కొట్లాటలు, చీలికలు ఉంటాయి.
ప్రేమలేకపోతే శరీర కార్యాలు అన్నీ పనిచేస్తాయి!
అందుకే సామెతలు
10:12 లో ప్రేమ దోషములను కప్పును అంటున్నారు. ప్రసంగీ
8:6 ప్రేమ మరణమంత బలవంతమైనది , ఈర్ష్య పాతాలమంత
కఠోరమైనది అంటున్నారు. దేవుడు మనపట్ల చూపేది ఆగాపే ప్రేమ! అది అమరమైనది!
అమోఘమైనది! అందుకే ఆయన యిర్మియా 31:3 లో అంటున్నారు శాశ్వతమైన ప్రేమతో నేను నిన్ను ప్రేమించుచున్నాను గనుక విడువక
నీ ఎడల కృపచూపు చున్నాను. ఎంత ప్రేమామయుడో మన స్వామి యేసు!!!
అదే ప్రేమను మనము కూడా కలిగియుండాలి అనేది దేవుని ఆశ! అయితే
ఈ ప్రేమ చల్లారిపోతుంది మనుష్యులలో! ఎలా? అక్రమము విస్తరించినందువలన అనేకుల
ప్రేమ చల్లారును! మత్తయి 24:12;
యోహాను 17:26 జాగ్రత్తగా పరిశీలన చేస్తే తండ్రియైన దేవుడు యేసుప్రభులవారియందు ఏ విధమైన ప్రేమను ఉంచారో-
అదేప్రేమ యేసుప్రభులవారు మనయందు ఉండేలా తండ్రిని వేడుకున్నారు.
పౌలుగారు
చెప్పిన ఈ మాట జాగ్రత్తగా గమనించండి:
రోమా 5:5
ఎందుకనగా ఈ నిరీక్షణ మనలను సిగ్గుపరచదు. మనకు అనుగ్రహింపబడిన
పరిశుద్ధాత్మ ద్వారా దేవుని ప్రేమ మన హృదయములలో కుమ్మరింపబడియున్నది.
. .
. దేవుని ప్రేమ మన హృదయంలో కుమ్మరించబడింది
ఎలా? పరిశుద్ధాత్మ ద్వారా!
కాబట్టి
ఆ ప్రేమను కోల్పోవద్దు!
మరి ఈ ప్రేమ మనలో ఎలా ఉండాలి?
*** నిష్కపటమైనదిగా ఉండాలి. రోమా 12:9;
*** చెడును అసహ్యించుకొనాలి. రోమా 12:9;
*** అనురాగం కలిగినదై యుండాలి. రోమా
12:10;
*** పొరుగువారికి కీడు చేయనిది రోమా 13:10;
*** క్షేమాభివృద్ధి కలుగజేసేది. 1 కొరింథీ 8:1;
ఇంకా Romans(రోమీయులకు)
13:8,9,10
8. ఒకని నొకడు ప్రేమించుట విషయములో తప్పమరేమియు ఎవనికిని
అచ్చియుండవద్దు. పొరుగువానిని ప్రేమించువాడే ధర్మశాస్త్రము నెరవేర్చినవాడు.
9. ఏలాగనగా వ్యభిచరింపవద్దు, నరహత్య
చేయవద్దు, దొంగిలవద్దు, ఆశింపవద్దు,
అనునవియు, మరి ఏ ఆజ్ఞయైన ఉన్న యెడల అదియు నిన్నువలె
నీ పొరుగువాని ప్రేమింప వలెనను వాక్యములో సంక్షేపముగా ఇమిడియున్నవి.
10. ప్రేమ పొరుగువానికి కీడు చేయదు గనుక ప్రేమకలిగి యుండుట
ధర్మశాస్త్రమును నెరవేర్చుటయే.
* ప్రేమ దీర్ఘకాలము సహించును,
* దయ చూపించును.
* ప్రేమ మత్సరపడదు;
* ప్రేమ డంబముగా ప్రవర్తింపదు;
* అది ఉప్పొంగదు;
* అమర్యాదగా నడువదు;
* స్వప్రయో జనమును విచారించుకొనదు;
* త్వరగా కోపపడదు;
* అపకారమును మనస్సులో ఉంచుకొనదు.
* దుర్నీతివిషయమై సంతోషపడక
* సత్యమునందు సంతోషించును.
* అన్ని టికి తాళుకొనును,
* అన్నిటిని నమ్మును;
* అన్నిటిని నిరీక్షించును;
* అన్నిటిని ఓర్చును.
* ప్రేమ శాశ్వతకాలముండును.
👉 విశ్వాసము, నిరీక్షణ,
ప్రేమ యీ మూడును నిలుచును; వీటిలో శ్రేష్ఠమైనది
ప్రేమయే.
1కొరింది
13:4-8,13
అందుకే 1 కొరింథీ 14:1 లో
ప్రేమ కలిగియుండుటకు ప్రయాసపడుడి(మూలభాషలో-ప్రేమను వెంటాడుడి) . ఆత్మ సంబంధమైన వరములను ఆసక్తితో
అపేక్షించుడి; విశేషముగా మీరు ప్రవచన వరము అపేక్షించుడి.
గలతీ 5:6 ప్రకారం విశ్వాస కార్యసాధకం
కావాలి అంటే ప్రేమ తప్పకుండా కావాలి!
గలతీ 5:22
అయితే ఆత్మ ఫలమేమనగా, ప్రేమ, సంతోషము, సమాధానము, దీర్ఘశాంతము,
దయాళుత్వము, మంచితనము, విశ్వాసము,
సాత్వికము, ఆశానిగ్రహము.
ఫిలిప్పీ 1:9
మీరు శ్రేష్ఠమైన కార్యములను వివేచింపగలవారగుటకు, మీ ప్రేమ
తెలివితోను, సకల విధములైన అనుభవజ్ఞానముతోను కూడినదై, అంతకంతకు అభివృద్ధి పొందవలెననియు, ...
అందుకే హెబ్రీ 10:25 లో
ఆ దినము సమీపించుట మీరు చూచినకొలది మరి యెక్కువగా ఆలాగు చేయుచు, ప్రేమ
చూపుటకును సత్కార్యములు చేయుటకును ఒకనినొకడు పురికొల్పవలెనని (మూలభాషలో- లేపవలెనని) ఆలోచింతము అంటున్నారు.
పేతురుగారు ప్రేమ కోసం ఏమ్మన్నారు ఈ వచనాలలో ఉన్నాయి 1పేతురు 1: 21
మీరు క్షయ బీజమునుండి కాక, శాశ్వతమగు
జీవముగల దేవుని వాక్యమూలముగా అక్షయ బీజమునుండి పుట్టింపబడినవారు గనుక నిష్కపటమైన సహోదర
ప్రేమ కలుగునట్లు,. . .,
ఇంకా రిఫరెన్సులు 3:8, 4:8;
యోహాను గారు చెప్పినది చూద్దాం. 1 యోహాను
2:5
ఆయన వాక్యము ఎవడు గైకొనునో వానిలో దేవుని ప్రేమ నిజముగా పరిపూర్ణమాయెను;
మరిన్ని రిఫరెన్సులు 3:16; 3:17; 4:7, 12, 18; 2 యోహాను 1:6
కాబట్టి
ఒకసారి మనల్ని మనం పరిశీలన చేసుకుందాం. అట్టి మహోన్నత ప్రేమ మనలో ఉన్నదా? మన ప్రేమ కేవలం మాటలలోనా, చేతలలో కూడా ఉందా? ఒకవేళ లేకపోతే దానిని పొందుకోడానికి ప్రయత్నం చేద్దాం!
అట్టి
ప్రేమ, సహోదర
ప్రేమ మనందరం పొందుకుందుము గాక!
ఆమెన్!
దైవాశీస్సులు!
*గీతాలకు గీతము-పరమగీతము*
*146వ భాగము*
*ప్రేమ మరణమంత బలవంతమైనది ఈర్ష్య పాతాళమంత కఠోరమైనది*
పరమగీతము 8: 6.ప్రేమ మరణమంత బలవంతమైనది ఈర్ష్య
పాతాళమంత కఠోరమైనది దాని జ్వాలలు అగ్నిజ్వాలా సమములు అది యెహోవా పుట్టించు జ్వాల నీ
హృదయముమీద నన్ను నామాక్షరముగా ఉంచుము నీ భుజమునకు నామాక్షరముగా నన్నుంచుము.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : 6.ప్రేమ మరణమంత బలవంతమైనది ఈర్ష్య పాతాళమంత కఠోరమైనది దాని జ్వాలలు అగ్నిజ్వాలా
సమములు అది యెహోవా పుట్టించు జ్వాల నీ హృదయముమీద నన్ను నామాక్షరముగా ఉంచుము నీ భుజమునకు
నామాక్షరముగా నన్నుంచుము.
(గతభాగం తరువాయి)
ఇక ఈర్ష్య పాతాళమంత కఠోరమైనది
దాని జ్వాలలు అగ్నిజ్వాలా సమములు కోసం ధ్యానం చేసుకుందాం!
ఈర్ష్య
పదానికి ప్రధానమైన పర్యాయపదం అసూయ. అదనంగా సంబంధిత పదాలు మరియు సమానార్థాలు:
కడుపుమంట, ద్వేషం, పగ!!
గలతీ 5 వ అధ్యాయం ప్రకారం ఇది
శరీరకార్యములలో ఒకటి! ఇది కలిగిన వారు పరలోక రాజ్యమును స్వతత్రించు
కోలేరు అని చెబుతుంది!
గలతీ 5:19—21
19. శరీర కార్యములు స్పష్టమైయున్నవి; అవేవనగా, జారత్వము, అపవిత్రత,
కాముకత్వము,
20. విగ్రహారాధన, వ్యభిచారము,
ద్వేషములు, కలహము, మత్సరములు,
క్రోధములు, కక్షలు,
21. భేదములు, విమతములు,
*అసూయలు*, మత్తతలు, అల్లరితో
కూడిన ఆటపాటలు మొదలైనవి. వీటిని గూర్చి నేను మునుపు చెప్పిన ప్రకారము
ఇట్టి వాటిని చేయువారు దేవుని రాజ్యమును స్వతంత్రించుకొనరని మీతో స్పష్టముగా చెప్పుచున్నాను.
“శరీరం” అనేది
తన దుష్ట వాంఛలతో కూడిన మానవ స్వభావంలోని పాపపూరితమైన ఒక వస్తువు. ఒక వ్యక్తి మారుమనస్సు పొందిన తర్వాతకూడా, అది నిలిచేవుండి,
అతనికి బహు ప్రమాదకరమైన శత్రువుగా పరిణమిస్తుంది. అనుకూల పరిస్థితులను బట్టి ఎదో ఒక సందర్భంలో బయట పడుతూనే ఉంటుంది.
*అసూయ అంటే?
*
మనము
యిష్టపడి కోరుకొనేది మరొకరి దగ్గర వుంటే, వానిపై అయిష్టత కలిగియుండడం.
మనము
బైక్ మీద వెళ్తుంటే?
వేగంగా
దూసుకు పోతున్న కారు వైపు చూస్తాము గాని, మన ప్రక్కనే చెమటలు కక్కుతూ సైకిల్ తొక్కుతున్న
వ్యక్తిని పట్టించుకోము.
మన
ఆశలన్నీ మన పైవాటి మీదే వుంటాయి. నేను ఆ స్థితిలో ఎందుకు లేను? అనే తలంపు
మన జీవితంలో అసంతృప్తిని, మనకంటే ఉన్నత స్థితిలో వున్నవారిపైన
'అసూయను' కలిగిస్తుంది.
అసూయ
కలిగిన నీవు సంతోషముగా వుండలేవు. ఎదుట వారిని సంతోషముగా వుండనివ్వవు.
🔺 అసూయకు ముఖ్య కారణం
* సంతృప్తి లేని జీవితం
* ఇతరుల బాగును సహించుకోలేని స్థితి
* ఇతరుల నైపుణ్యాలను అభినంధించలేని స్థితి
అపోస్తలుడైన
పౌలు జైలులో ఖైదీగా వున్నప్పుడు ఆయన చెప్తున్న మాటలు మన జీవితాలకు గొప్ప మేల్కొలుపు.
నేనేస్థితిలో ఉన్నను ఆస్థితిలో సంతృప్తి కలిగియుండ నేర్చుకొని
యున్నాను. ఫిలిప్పి 4:11
సంతృప్తి కలిగియుంటే? అసూయకు తావే లేదు.
🔺
అసూయ మరణానికి దారి తీస్తుంది :
బుద్ధిలేనివారు అసూయవలన చచ్చెదరు. యోబు 5:2
🔺 అసూయలేకుండా జీవించాలి.
ఒకరి నొకరము వివాదమునకు రేపకయు, ఒకరి యందొకరము
అసూయపడకయు వృథాగా అతిశయపడకయు ఉందము.
గలతియులకు 5:26
🔺 అసూయ కలిగియుంటే దేవుని రాజ్యాన్ని స్వతంత్రించుకోలేము.
భేదములు, విమతములు, అసూయలు, మత్తతలు, అల్లరితో కూడిన
ఆటపాటలు మొదలైనవి. వీటినిగూర్చి నేనుమునుపు చెప్పిన ప్రకారము
ఇట్టి వాటిని చేయువారు దేవుని రాజ్యమును స్వతంత్రించుకొనరని మీతో స్పష్టముగా చెప్పుచున్నాను. గలతియులకు 5:21
🔺 *అసూయను విసర్జించాలి: *
ప్రభువు దయాళుడని మీరు రుచిచూచియున్న యెడల సమస్తమైన దుష్టత్వమును, సమస్తమైన
కపటమును, వేషధారణను, అసూయను, సమస్త దూషణ మాటలను మాని, క్రొత్తగా జన్మించిన శిశువులను
పోలినవారై, నిర్మల మైన వాక్యమను పాలవలన రక్షణ విషయములో ఎదుగు
నిమిత్తము, ఆ పాలను అపేక్షించుడి. 1పేతురు 2:1-3
శరీరకార్యమేదైనా
నిన్ను దేవుని నుండి దూరంచేసి, లోకానికి మరింత దగ్గర చేస్తుంది. లోకము,
దాని ఆశలు గతించిపోతాయి. ఆయన చిత్తాన్ని జరిగించేవారే
స్థిరముగా నిలుస్తారు.
అసూయను
వీడి, దాని
స్థానంలో క్రీస్తు ప్రేమను నింపుకొని, సమాధాన కరమైన జీవితాన్ని
జీవించడానికి ప్రయాస పడదాం! అసూయను వీడి, తిరిగి జన్మించిన అనుభవం కలిగి కక్షలు క్రోదాలు లేకుండా చిన్న బిడ్డలా పరలోకాన్ని చేరుకొందాము!
గమనించాలి: ఇలాంటి శరీరకార్యములు
చేసేవారు ఎవరూ దేవుని రాజ్యములో ప్రవేశించరని 21వ వచనంలో చెబుతున్నారు!
దేవునిరాజ్యంలో ప్రవేశించక పోతే నరకంలో సీటు కన్ఫర్మ్ అన్నమాట!
కాబట్టి
ఏమికావాలో నిర్ణయించుకో!
శరీరకార్యాలు
వదలివేసి- ఆత్మఫలము కలిగి ఆత్మానుసారంగా నడచుకొందాం!
దైవాశీస్సులు!
*గీతాలకు గీతము-పరమగీతము*
*147వ భాగము*
*ప్రేమ మరణమంత బలవంతమైనది ఈర్ష్య పాతాళమంత కఠోరమైనది*
పరమగీతము 8: 6. ప్రేమ మరణమంత బలవంతమైనది ఈర్ష్య
పాతాళమంత కఠోరమైనది దాని జ్వాలలు అగ్నిజ్వాలా సమములు అది యెహోవా పుట్టించు జ్వాల నీ
హృదయముమీద నన్ను నామాక్షరముగా ఉంచుము నీ భుజమునకు నామాక్షరముగా నన్నుంచుము.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : 6.ప్రేమ మరణమంత బలవంతమైనది ఈర్ష్య పాతాళమంత కఠోరమైనది దాని జ్వాలలు అగ్నిజ్వాలా
సమములు అది యెహోవా పుట్టించు జ్వాల నీ హృదయముమీద నన్ను నామాక్షరముగా ఉంచుము నీ భుజమునకు
నామాక్షరముగా నన్నుంచుము.
(గతభాగం తరువాయి)
ఇక
దాని జ్వాలలు అగ్నిజ్వాలా సమములు నీ హృదయముమీద నన్ను నామాక్షరముగా ఉంచుము నీ భుజమునకు
నామాక్షరముగా నన్నుంచుము కోసం ధ్యానం చేసుకుందాం!
ప్రేమ
యొక్క జ్వాలలు అగ్ని జ్వాలా సమములు అంటున్నారు ఇక్కడ!!
ఇక
ఈ అగ్ని జ్వాలలను ఎవరూ ఆర్పలేరు అంటున్నారు! అయితే దేవుని ప్రేమాగ్ని జ్వాలలు చాలాసార్లు ప్రత్యక్షమైనట్లు బైబిల్ గ్రంధంలో
చూడగలము!
ఇశ్రాయేలు
ప్రజలు ఘోరమైన దాస్యములో ఐగుప్తు దేశంలో బాధపడుతున్నారు! వారు పెట్టిన మొర్ర దేవుని
సన్నిధిని చేరింది! అప్పుడు దేవుని ప్రేమ మోషే గారికి మండుచున్న
పొదలో కనబడింది నిర్గమ 3 వ అధ్యాయంలో!!!
2 ఒక పొద నడిమిని అగ్నిజ్వాలలో యెహోవా దూత అతనికి ప్రత్యక్షమాయెను.
అతడు చూచినప్పుడు అగ్ని వలన ఆ పొద మండుచుండెను. గాని పొద కాలిపోలేదు.
3 అప్పుడు మోషేఆ పొద యేల కాలిపోలేదో నేను ఆ తట్టు వెళ్లి
యీ గొప్పవింత చూచెదననుకొనెను.
4 దానిని చూచుటకు అతడు ఆ తట్టు వచ్చుట యెహోవా చూచెను.
దేవుడు ఆ పొద నడుమనుండి మోషే మోషే అని అతనిని పిలిచెను. అందుకతడు చిత్తము ప్రభువా అనెను.
5 అందుకాయన దగ్గరకు రావద్దు, నీ
పాదముల నుండి నీ చెప్పులు విడువుము, నీవు నిలిచియున్న స్థలము
పరిశుద్ధ ప్రదేశము అనెను.
6 మరియు ఆయననేను నీ తండ్రి దేవుడను, అబ్రాహాము దేవుడను ఇస్సాకు దేవుడను యాకోబు దేవుడను అని చెప్పగా మోషే తన ముఖ
మును కప్పుకొని దేవునివైపు చూడ వెరచెను.
7 మరియు యెహోవా యిట్లనెనునేను ఐగుప్తులోనున్న నా ప్రజల
బాధను నిశ్చయముగా చూచితిని, పనులలో తమ్మును కష్టపెట్టువారినిబట్టి
వారు పెట్టిన మొరను వింటిని, వారి దుఃఖములు నాకు తెలిసే యున్నవి.
8 కాబట్టి ఐగుప్తీయుల చేతిలోనుండి వారిని విడిపించుటకును,
ఆ దేశములోనుండి విశాలమైన మంచి దేశమునకు, అనగా కనానీయులకు
హిత్తీయులకు అమోరీయులకు పెరిజ్జీయు లకు హివ్వీయులకు యెబూసీయులకు నివాసస్థానమై,
పాలు తేనెలు ప్రవహించు దేశమునకు వారిని నడిపించు టకును దిగివచ్చి యున్నాను.
9 ఇశ్రాయేలీయుల మొర నిజముగా నాయొద్దకు చేరినది,
ఐగుప్తీయులు వారినిపెట్టు చున్న హింస చూచితిని.
10 కాగా రమ్ము, నిన్ను ఫరోయొద్దకు
పంపెదను; ఇశ్రాయేలీయులైన నా ప్రజలను నీవు ఐగుప్తులోనుండి తోడుకొని
పోవలెననెను.
ఈ
విధంగా దేవుని ప్రేమ జ్వాల వలే మోషే గారి దగ్గరకు వచ్చింది! ఒప్పించింది!
ఇక
తర్వాత ఆదికాండం 15 వ అధ్యాయంలో దేవుని ప్రేమ అబ్రాహాము గారికి కనబడి ఆయనతో నిత్య నిబంధన చేసింది!
17 మరియు ప్రొద్దు గ్రుంకి కటిక చీకటి పడినప్పుడు రాజుచున్న
పొయ్యియు అగ్నిజ్వాలయును కనబడి ఆ ఖండముల మధ్య నడిచిపోయెను.
18 ఆ దినమందే యెహోవా ఐగుప్తు నది మొదలుకొని గొప్ప నదియైన
యూఫ్రటీసు నదివరకు ఈ దేశమును, అనగా
19 కేనీయులను కనిజ్జీయులను కద్మోనీయులను
20 హిత్తీయులను పెరిజ్జీయులను రెఫాయీయులను
21 అమోరీయులను కనానీయులను గిర్గాషీయులను యెబూసీయులను
నీ సంతాన మున కిచ్చియున్నానని అబ్రాముతో నిబంధన చేసెను.
ఇక
నిర్గమ 13 వ అధ్యాయం ప్రకారం ఇదే ప్రేమ పగలు మేఘ స్తంభము గాను రాత్రి అగ్ని స్తంభము గాను ఇశ్రాయేలు ప్రజలను అరణ్యంలో
40 సంవత్సరాలు నడిపించింది!
21 వారు పగలు రాత్రియుప్రయాణము చేయునట్లుగా యెహోవాత్రోవలో
వారిని నడిపించుటకై పగటివేళ మేఘస్తంభములోను, వారికి వెలుగిచ్చుటకు
రాత్రివేళ అగ్నిస్తంభములోను ఉండి వారికి ముందుగా నడచుచు వచ్చెను.
22 ఆయన పగటివేళ మేఘస్తంభమునైనను రాత్రివేళ అగ్నిస్తంభమునైనను
ప్రజలయెదుటనుండి తొలగింపలేదు.
ఇక
ఇదే అవసరమైనప్పుడు ఇశ్రాయేలు ప్రజలకు సహాయం చేసింది ఆపాత్కాలములో
14: 24 అయితే వేకువ జామున యెహోవా ఆ అగ్ని మేఘమయమైన స్తంభమునుండి
ఐగుప్తీయుల దండు వైపు చూచి ఐగుప్తీయుల దండును కలవరపరచి
25 వారి రథచక్రములు ఊడిపడునట్లు చేయగా వారు బహు కష్టపడి
తోలుచుండిరి. అప్పుడు ఐగుప్తీయులు ఇశ్రాయేలీయుల యెదుటనుండి పారిపోదము
రండి; యెహోవా వారిపక్షమున మనతో యుద్ధము చేయుచున్నాడని చెప్పుకొనిరి.
ఇంకా
అనేకమైన సందర్భాలు ఉన్నాయి!
ఇశ్రాయేలు ప్రజలు ప్రత్యక్ష గుడారం నిలబెట్టినప్పుడు ఆయన ప్రేమ అగ్ని
రూపములో వెల్లడైంది! సంఖ్యా 9:15 లో!
ఇంకా సోలోమోను రాజు మందిరం కట్టి, ప్రతిష్టించి
నప్పుడు కూడా ఆయన ప్రేమ అగ్ని జ్వాలామయముగా కనిపించింది!
ఇక
నామాక్షరంగా చేయడం అనగా ముద్ర ఉంగరముగా మార్చడం! పూర్వకాలంలో ఒక చిన్న రాతి ముక్కను నూరి
తమ అక్షరం వచ్చినట్లు చేసి దానికి చిన్న త్రాడు కట్టి అది తన మెడలో ఉండేటట్లు వ్రేలాడదీసే
వారు! ఇదే నామాక్షరం లేక ముద్ర ఉంగరం!! ఇది ప్రమాణాలకు సాక్ష్యముగా ఉండేది! ఇవే కాల క్రమేణా
రాజులు యొక్క ముద్రగా రూపాంతరం చెందాయి! ఇప్పుడు షూలమ్మితి దేవుని
చేతిలో ఒక ముద్రగా ఉండాలని ఆశిస్తుంది! నీవు కూడా అలా దేవుని
ముద్రగా ఉండటానికి ఇష్టపడుతున్నావా?
దైవాశీస్సులు!!!
*గీతాలకు గీతము-పరమగీతము*
*148వ భాగము*
*అగాధసముద్ర జలము ప్రేమను ఆర్పజాలదు*
పరమగీతము 8: 7.అగాధసముద్ర జలము ప్రేమను ఆర్పజాలదు
నదీ ప్రవాహములు దాని ముంచివేయజాలవు ప్రేమకై యొకడు తన స్వాస్థ్యమంత ఇచ్చినను తిరస్కారముతో
అతడు త్రోసివేయబడును.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : 7.అగాధసముద్ర జలము ప్రేమను ఆర్పజాలదు నదీ ప్రవాహములు దాని ముంచివేయజాలవు ప్రేమకై
యొకడు తన స్వాస్థ్యమంత ఇచ్చినను తిరస్కారముతో అతడు త్రోసివేయబడును
ఏడవ వచనంలో కూడా ప్రేమ కోసమే చెబుతున్నారు! ప్రేమ
ఎంతో బలమైనది అనిచెబుతూ అది మరణం కంటే బలీయమైనది అంటూ ఆ ప్రేమను అగాధ సముద్రజలము ప్రేమను
ఆర్ప జాలదు! నదీ ప్రవాహములు దానిని ముంచివేయ జాలవు ప్రేమకై ఇలాడు
తన శ్వాస్త్యమును ఆస్తిని కూడా త్రోసివేస్తాడు అంటున్నారు!
దేవుని ప్రేమ ఎంత తీవ్రమైన అగ్ని జ్వాల అంటే, నీళ్ళు
ఎంత వరదలై పొంగినా దాన్లోని చిన్న మంటను కూడా ఆర్పలేవు. దాని
కాలిగోటికి సాటియైనది కూడా ఈ లోకంలో మరేదీ లేదు. ఆధ్యాత్మిక సుగుణాలు
యోగ్యతలన్నిటిలోకీ ప్రేమ గొప్పది (1 కొరింతు 13 అధ్యాయం)
ఇది ప్రేమకోసం వ్రాయబడినా నాకు కొన్ని వచనాలు గుర్తుకు వస్తున్నాయి! వీటిలో
దేవుని నిండు ప్రేమ మనకు కనిపిస్తుంది!
మొదటగా యోనా విషయంలో జరిగింది!
ఆయన దేవుని మాటను త్రోసివేసి ఉత్తర ఇరాన్ వెళ్ళకుండా స్పెయిన్ దేశము
పారిపోతుంటే దేవుడు పెద్ద తుఫాను పంపంచి సముద్రంలో పడవేయ నిచ్చి పెద్ద చేపను పంపించి
మింగించి బుద్ది చెప్పారు! అప్పుడు మన కధా నాయకుడు మొర్రపెడుతున్నారు
2 వ అధ్యాయంలో
2 నేను ఉపద్రవములో ఉండి యెహోవాకు మనవిచేయగా ఆయన నాకు
ప్రత్యుత్తరమిచ్చెను; పాతాళగర్భములోనుండి నేను కేకలు వేయగా నీవు
నా ప్రార్థన నంగీకరించియున్నావు.
3 నీవు నన్ను అగాధమైన సముద్రగర్భములో పడవేసి యున్నావు,
ప్రవాహములు నన్ను చుట్టుకొనియున్నవి, నీ తరంగములును
నీ కరుళ్లును నన్ను కప్పియున్నవి.
4 నీ సన్నిధిలోనుండి నేను వెలివేయబడినను, నీ పరిశుద్ధాలయ ముతట్టు మరల చూచెదననుకొంటిని.
5 ప్రాణాంతము వచ్చునంతగా జలములు నన్ను చుట్టు కొనియున్నవి,
సముద్రాగాధము నన్ను ఆవరించియున్నది. సముద్రపునాచు
నా తలకుచుట్టుకొని యున్నది.
6 నేను మరెన్న టికిని ఎక్కిరాకుండ భూమి గడియలు వేయబడియున్నవి;
పర్వతముల పునాదులలోనికి నేను దిగియున్నాను, నా
దేవా, యెహోవా, నీవు నా ప్రాణము కూపములోనుండి
పైకి రప్పించియున్నావు.
7 కూపములోనుండి నా ప్రాణము నాలో మూర్ఛిల్లగా నేను యెహోవాను
జ్ఞాప కము చేసి కొంటిని; నీ పరిశుద్ధాలయములోనికి నీయొద్దకు నా
మనవి వచ్చెను.
కీర్తన 40: 1 యెహోవాకొరకు నేను సహనముతో
కనిపెట్టు కొంటిని ఆయన నాకు చెవియొగ్గి నా మొఱ్ఱ ఆలకించెను.
2 నాశనకరమైన గుంటలోనుండియు జిగటగల దొంగ ఊబిలో నుండియు.
ఆయన నన్ను పైకెత్తెను నా పాదములు బండమీద నిలిపి నా అడుగులు స్థిర పరచెను.
కీర్తన 60: 1 దేవా, జలములు నా ప్రాణముమీద పొర్లుచున్నవి నన్ను రక్షింపుము.
2 నిలుక యియ్యని అగాధమైన దొంగ ఊబిలో నేను దిగిపోవుచున్నాను
అగాధ జలములలో నేను దిగబడియున్నాను వరదలు నన్ను ముంచివేయుచున్నవి.
14 నేను దిగిపోకుండ ఊబిలోనుండి నన్ను తప్పించుము నా పగవారిచేతిలోనుండి
అగాధజలములలోనుండి నన్ను తప్పించుము.
15 నీటివరదలు నన్ను ముంచనియ్యకుము అగాధసముద్రము నన్ను
మింగనియ్యకుము గుంట నన్ను మింగనియ్యకుము.
యెషయా 43: 2 నీవు జలములలో బడి దాటునప్పుడు
నేను నీకు తోడై యుందును నదులలో బడి వెళ్లునప్పుడు అవి నీమీద పొర్లిపారవు. నీవు అగ్నిమధ్యను నడచునప్పుడు కాలిపోవు, జ్వాలలు నిన్ను
కాల్చవు
3 యెహోవానగు నేను నీకు దేవుడను, ఇశ్రాయేలు పరిశుద్ధదేవుడనైన నేనే నిన్ను రక్షించువాడను నీప్రాణరక్షణ క్రయముగా
ఐగుప్తును ఇచ్చి యున్నాను నీకు బదులుగా కూషును సెబాను ఇచ్చియున్నాను.
కాబట్టి
మనమీద ఉన్న దేవుని ప్రేమ అగ్నిని మనలను ఏమీ చెయ్యనీయదు.
ఉదాహరణ తన బిడ్డలు హనన్యా మిషాయేలు అజర్యా అనేవారు తనకోసం అగ్ని గుండములో
పడవేయబడినప్పుడు తాను కూడా అగ్ని గుండములో దిగి తన ప్రజలను విడిపించారు! అలాగే నదులు కూడా తన బిడ్డలను ఏమీ చేయనీయరు!
దైవాశీస్సులు!!!
*గీతాలకు గీతము-పరమగీతము*
*149వ భాగము*
*మాకొక చిన్న చెల్లెలు కలదు దానికి ఇంకను వయస్సు రాలేదు*
పరమగీతము 8: 8-10, మాకొక చిన్న చెల్లెలు కలదు
దానికి ఇంకను వయస్సు రాలేదు వివాహకాలము వచ్చినప్పుడు మేము దానివిషయమై యేమి చేయుదుము? అది ప్రాకారమువంటిదాయెనా? మేము దానిపైన వెండి గోపురమొకటి కట్టుదుము. అది కవాటమువంటిదాయెనా? దేవదారు మ్రానుతో దానికి అడ్డులను
కట్టుదుము నేను ప్రాకారమువంటిదాననైతిని నా కుచములు దుర్గములాయెను అందువలన అతనిదృష్టికి నేను క్షేమము నొందదగినదాననైతిని.''
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : మాకొక చిన్న చెల్లెలు కలదు దానికి ఇంకను వయస్సు రాలేదు వివాహకాలము వచ్చినప్పుడు
మేము దానివిషయమై యేమి చేయుదుము?
ఈ మాటలు పలుకుతున్నది బహుశా
మిత్రులు– అంటే జెరుసలం కుమార్తెలు కావచ్చు. లేక పరమగీతము 1:6, లో ఉన్న సోదరులు కావచ్చు. ఎలా అర్థం చేసుకున్నా ఆధ్యాత్మిక భావం ఒకటే. కొందరు వ్యాఖ్యాతలు
చిన్న చెల్లెలంటే క్రొత్త నిబంధన సంఘం అని అభిప్రాయపడ్డారు. మరి కొందరు ఆమె ఇంకా క్రీస్తు
వైపుకు తిరగని వ్యక్తులకు సూచన అని వ్యాఖ్యానించారు. బయటివి బయటే
ఉంచేందుకు గోడ కడతారు. లోపల ఉండవలసిన వాటిని లోపలికి రానిచ్చేందుకు
తలుపు ఉపయోగపడుతుంది
మరో కోణంలో: ఇందులో చిన్న చెల్లెలు ఒకటి ఉంది.
ఈమె కూడ సంఘమే. కాకపోతే చిన్నది. నిజానికి ఏకసంఘముగా ఉండాలి. కాని పాపములవ బబులోను సంఘము ఏర్పడగా,
మారుమనస్సు వలన షూలమ్మీతీ బబులోను సంఘములోనే చిన్న చిన్న సంఘములు ఏర్పరచుకొని
క్రీస్తు ప్రభువుపై తన ప్రేమను చూపుచున్నది. పౌలు తన జీవిత కాలములో అన్యుల మధ్య
సువార్తను జరిగించి అనేక చిన్న చెల్లెళ్లను ఏర్పరచుట జరిగింది. అవి క్రమేణా వృద్ధి చెంది మహా సంఘాలుగా
మారాయి. అలాగే మన మూలవాక్యములో
కూడ ఒక చిన్న చెల్లెలు ఉంది. ఆమె ఎవరికి చెల్లెలు? సంఘానికే. అనగా
యెరూషలేము సంఘమునకు ఈమె చెల్లెలు. కాని ఆమెకు దూరముగా వేరొక చోట షూలమ్మీతీ ద్వారా మారుమనస్సు పొందినవారి ద్వారా
ఈ సంఘము వారి వద్ద ఏర్పరచబడింది. ఇది ఏర్పరచబడినప్పుడు ఈ సంఘములో అన్ని కొదువే. చెల్లెలు అనగా అపరిపక్వ స్థితిలో
ఉన్నది. ఈ చెల్లెలుకు ఇంకా వయస్సు రాని స్థితిలో కొంత కాలము జరుగుతూ
వచ్చింది. కొంత కాలానికి
సంఘము అను చెల్లెలు పెద్దదై వివాహ వయస్సుకు వచ్చింది. అంటే సంఘము వృద్ధి చెంది నింపబడుచూ
వస్తుంది. ఈ స్థితికి
వచ్చినప్పుడు ఈ సంఘము విషయములో ఏమి చేయాలి? అన్న ఆలోచన వస్తుంది. అప్పుడు దానికి ఒక స్థలము సిద్ధపరచి
దానికి ప్రాకారములు కట్టి దానిలో వెండి వంటి విలువైన వస్తువులతో గోపురము అనగా ఆలయము
నిర్మించాలన్న తలంపు కలిగి అందరు కలిసి నిర్మిస్తారు. అలాగే అది ప్రాకారము కలిగి రక్షణలో
సంపూర్తిగా ఉంటేనే ఆలయ నిర్మాణము జరుగును
లేకపోతే జలప్రవాహమువలె సాతాను సంఘము వలన బాధలలో ఉంటే దానికి దేవదారు
మ్రానులతో అడ్డులు కట్టి సంరక్షించుకొందమని అందులోని విశ్వాసులు సంఘమును వృద్ధి చేయుచూ
పెద్ద సంఘముగా మార్చుట జరుగును.
ఈ స్థితిలో
చిన్న చెల్లెలుగా ఉన్న సంఘము కూడ నా ప్రాకారము మంచి రక్షణలో ఉన్నది. తనలోని మధ్య భాగము బాగా పెంపొంది
దుర్గమువలె ఆకర్షించుచు బలమైనదిగా తయారైతినని అనుకొనుచున్నది. ఈ స్థితి ఎలా ఉన్నది? ఈ స్థితి క్రీస్తు ప్రభువుకు యోగ్యమైనది
అని చెప్పబడింది. కనుక
చిన్న చెల్లెలైనను దానిని వృద్ధి చేసి క్రీస్తు ప్రభువుకు యోగ్యరీతిలో మలచి గొఱ్ఱెపిల్ల
వివాహ మహోత్సవములో ఆయన దృష్టికి ఆకర్షించునట్లుగా నీతిలో నడిపించగలిగితే పరమయెరూషలేములో
చేర్చబడి క్షేమమును పొందును.
యెహేజ్కేలు 16:61 చూసుకుంతే ఇంకా
వివరంగా అర్ధం చేసుకోవచ్చు: 61 నీ
అక్క చెల్లెండ్రు నీవు చేసిన నిబంధనలో పాలివారు కాకుండి నను నేను వారిని నీకు కుమార్తెలుగా
ఇయ్యబోవుచున్నాను. నీవు వారిని చేర్చుకొనునప్పుడు నీ వ్రవర్తన
మనస్సునకు తెచ్చుకొని సిగ్గుపడుదువు.
62 నేను యెహోవానని నీవు తెలిసికొనునట్లు నేను నీతో నా
నిబంధనను స్థిరపరచెదను.
యెహేజ్కేలు 23వ అధ్యాయంలో అక్క పేరు
చెల్లి పేరు వ్రాయబడింది 4 వారిలో పెద్దదాని పేరు ఒహొలా, ఆమె సహోదరి పేరు ఒహొలీబా. వీరు నాకు పెండ్లి చేయబడినవారై
కుమారులను కుమార్తెలను కనిరి ఒహొలాయను పేరు షోమ్రోనునకును, ఒహొలీబాయను పేరు యెరూషలేమునకును
చెందుచున్నవి.
దీని
అర్ధం ఏమిటంటే వీరు దేవునికి ప్రధానం చేయబడినా గాని దేవుని కొరకు నీతిగా నిజాయితీగా
నిలబడలేక పోయారు అందుకే దేవుడే వీరిని శిక్షించారు! అందుకే అంటున్నారు 31 ప్రభువైన యెహోవా సెలవిచ్చునదేమనగా నీ అక్క
పానము చేసిన, లోతును వెడల్పునుగల పాత్రలోనిది నీవును పానము చేయవలెను.
32 అందులో పానము చేయ వలసినది చాలయున్నది గనుక ఎగతాళియు
అపహాస్యమును నీకు తటస్థించెను.
33 నీ అక్కయైన షోమ్రోను పాత్ర వినాశోపద్రవములతో నిండినది,
నీవు దానిలో నిది త్రాగి మత్తురాలవై దుఃఖముతో నింపబడుదువు.
కాబట్టి దేవుని మాటను వినకుండా కేవలం
బాప్తిస్మము తీసుకుని నామకార్ధంగా లోకములో జీవించేవారు ఈ చెల్లికి సాదృశ్యంగా ఉన్నారు!
ఇక
చివరగా పౌలుగారు ఆత్మావేషుడై 1 కోరింథీ పత్రికలో వ్రాస్తున్నారు: 1 సహోదరులారా, ఆత్మసంబంధులైన
మనుష్యులతో మాటలాడినట్లు నేను మీతో మాటలాడలేక పోతిని. శరీర సంబంధులైన
మనుష్యులే అనియు, క్రీస్తునందు పసిబిడ్డలే అనియు, మీతో మాటలాడవలసివచ్చెను.
2 అప్పటిలో మీకు బలము చాలకపోయినందున పాలతోనే మిమ్మును
పెంచితినిగాని అన్నముతో మిమ్మును పెంచలేదు. మీరింకను శరీరసంబంధులై
యుండుటవలన ఇప్పుడును మీరు బలహీనులై ¸
3 మీలో అసూయయు కలహమును ఉండగా మీరు శరీర సంబంధులై మనుష్య
రీతిగా నడుచుకొనువారు కారా?
ఇంకా
హెబ్రీ 5 లో కూడా అంటున్నారు 12 కాలమునుబట్టి చూచితే మీరు బోధకులుగా ఉండవలసినవారై యుండగా, దేవోక్తులలో మొదటి మూలపాఠములను ఒకడు మీకు మరల బోధింపవలసి వచ్చెను. మీరు పాలుత్రాగవలసినవారే గాని బలమైన ఆహారము తినగలవారుకారు.
13 మరియు పాలు త్రాగు ప్రతివాడును శిశువేగనుక నీతి వాక్యవిషయములో
అనుభవములేనివాడై యున్నాడు.
14 వయస్సు వచ్చిన వారు అభ్యాసముచేత మేలు కీడులను వివేచించుటకు
సాధకముచేయబడిన జ్ఞానేంద్రియములు కలిగియున్నారు గనుక బలమైన అహారము వారికే తగును.
కాబట్టి
ప్రియ సహోదరి సహోదరుడా!!
నీవు ఇంకా చిన్న చెల్లెలు వలె ఉన్నావా? లేక ఎదిగిన
సంఘములో ఉన్నావా? పరిశీలన
చేసుకో!!
అవసరమైతే
సరిచేసుకో!!
దైవాశీస్సులు!!
*గీతాలకు గీతము-పరమగీతము*
*150వ భాగము*
*బయలు హామోనునందు సాలొమోను కొక ద్రాక్షావనము కలదు*
పరమగీతము 8: 11 బయలు హామోనునందు సాలొమోను
కొక ద్రాక్షావనము కలదు అతడు దానిని కాపులకిచ్చెను దాని ఫలములకు వచ్చుబడిగా ఒక్కొక్కడు
వేయి రూపాయిలు తేవలెను.
12 నా ద్రాక్షావనము నా వశమున ఉన్నది సొలొమోనూ,
ఆ వేయి రూపాయిలు నీకే చెల్లును. దానిని కాపుచేయువారికి
రెండువందలు వచ్చును.
13 ఉద్యానవనములలో పెంచబడినదానా, నీ చెలికత్తెలు నీ స్వరము వినగోరుదురు నన్నును దాని విననిమ్ము.
14 నా ప్రియుడా, త్వరపడుము లఘువైన
యిఱ్ఱివలె ఉండుము గంధవర్గవృక్ష పర్వతములమీద గంతులువేయు లేడిపిల్లవలె ఉండుము.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : బయలు హామోనునందు సాలొమోను కొక ద్రాక్షావనము కలదు అతడు దానిని కాపులకిచ్చెను
దాని ఫలములకు వచ్చుబడిగా ఒక్కొక్కడు వేయి రూపాయిలు తేవలెను.
సొలొమోను ఇశ్రాయేలీయులకు రాజు. ఆయనకు ఒక ద్రాక్షావనము ఒకటి ఉన్నదని
చెప్పబడింది. దానిని
ఆయన కాపులకు గుత్తకు ఇచ్చాడు. వారు దానిని కాచి దాని ఫలములను అమ్మినప్పుడు వచ్చు ఆదాయమును ఒక్కొక్కడు వెయ్యి
రూపాయలు తేవలెనని చెప్పి కాపలాగా ఇచ్చుట జరిగింది. ఇలా ఇచ్చినను ఆ ద్రాక్షావనము మాత్రము
తన వశమునే ఉన్నదని చెప్పుచున్నాడు.
కనుక కాపులు వెయ్యి రూపాయలు తెచ్చి సొలొమోనుకు ఇచ్చినప్పుడు,
అందులో వారికి రెండు వందలు రూపాయలున్నవని చెప్పబడింది.
ఇందులో దేవుడు సంఘమును నిర్మించి
దానిని కాచుటకు మనలో చాలామందికి కౌలుకు అనగా లీజుకు ఇచ్చాడు. దానిని సరియైన రీతిలో కాచి వృద్ధిలోకి
తీసుకొని వచ్చిన ఆత్మలు వృద్ధి చెంది ఫలింపు కనిపిస్తుంది. వీటిని మనము దేవునికి అర్పించవలసియున్నది. కాపుకి ఇచ్చినది వెయ్యి రూపాయలు. వీరు చెల్లించవలసినది వెయ్యి రూపాయలు. ఎన్ని ఆత్మలను రక్షణలోనికి తెస్తారో
అందరిని దేవునికి ఇచ్చివేయాలి. దీనికి ఫలితము రెండువందలు రూపాయలు వచ్చునని చెప్పబడింది. ఇది క్రీస్తు ప్రభువు జయించినవారికి
ఇచ్చు బహుమానముగా ఇచ్చును. మొదట కాపు ఇచ్చునప్పుడు వారివద్ద ఏమి లేదు. చివరిగా వారివద్ద రెండువందలు రూపాయలు
ఉన్నాయి. కనుక వీరు పరలోకములో
మంచి స్థానమును కలిగి జీవించుదురని ఆత్మీయార్ధంగా చెప్పబడింది.
సోలోమోను రాజుకు బయలు అనే ప్రాంతంలో ఒక ద్రాక్షతోట ఉంది ఇది
దోతాను అనే ప్రాంతంలో ఉంది! ఇది విగరాహారాధనకు సంబంధించిన ప్రదేశం
అక్కడ బయలు దేవతను కొలుస్తారు! బయల్ హమోను అనగా సమూహానికి ప్రభువు!
అది విగ్రహ పేరు అయినా నిజానికి సమూహానికి అధిపతి తోటకు అధిపతి యేసుక్రీస్తుప్రభులవారు
ఒక్కరే!!!
సోలోమోను గారు
ఇశ్రాయేలు ప్రాంతమే కాకుండా అన్యుల ప్రాంతాలను ఎలా పరిపాలించారో అలాగే యేసుక్రీస్తుప్రభులవారు
కూడా కేవలం యూదులను కాకుండా సమస్త అన్యజనులలో తన వారిని ప్రత్యేకపరచుకోవడమే కాకుండా
వేయేండ్ల పాలనలో వారందరినీ ప్రపంచ దేశాలను ఎలా బోతున్నారు!
దానికి
నిదర్శనం క్రింద వచనాలు:
కీర్తన 2: నన్ను అడుగుము, జనములను నీకు స్వాస్థ్యముగానుభూమిని దిగంతములవరకు సొత్తుగాను ఇచ్చెదను.
9 ఇనుపదండముతో నీవు వారిని నలుగగొట్టెదవుకుండను పగులగొట్టినట్టు
వారిని ముక్క చెక్కలుగాపగులగొట్టెదవు
ఆది 12: 3 నిన్ను ఆశీర్వదించువారిని
ఆశీర్వదించెదను; నిన్ను దూషించువాని శపించెదను; భూమియొక్క సమస్తవంశ ములు నీయందు ఆశీర్వదించబడునని అబ్రాముతో అనగా
22: 18 మరియు నీవు నా మాట వినినందున భూలోకములోని జనములన్నియు
నీ సంతానమువలన ఆశీర్వదించబడును నాతోడని ప్రమాణము చేసియున్నానని యెహోవా సెలవిచ్చెన నెను.
కీర్తన 22: 27 భూదిగంతముల నివాసులందరు జ్ఞాపకము
చేసికొని యెహోవాతట్టు తిరిగెదరు అన్యజనుల వంశస్థులందరు నీ సన్నిధిని నమస్కారము చేసెదరు
86: 10 నీవు సృజించిన అన్యజనులందరును వచ్చి నీ సన్నిధిని
నమస్కారము చేయుదురు నీ నామమును ఘనపరచుదురు
యెషయా 55: 4 ఇదిగో జనములకు సాక్షిగా అతని
నియమించితిని జనములకు రాజుగాను అధిపతిగాను అతని నియమించి తిని
5 నీవెరుగని జనులను నీవు పిలిచెదవు నిన్నెరుగని జనులు
యెహోవా నిన్ను మహిమపరచగా చూచి నీ దేవుడైన యెహోవానుబట్టి ఇశ్రాయేలు పరిశుద్ధ దేవునిబట్టి
నీయొద్దకు పరుగెత్తి వచ్చెదరు.
6 యెహోవా మీకు దొరుకు కాలమునందు ఆయనను వెదకుడి ఆయన సమీపములో
ఉండగా ఆయనను వేడు కొనుడి.
కాబట్టి
వేయేండ్ల పాలనలో యేసుక్రీస్తుప్రభులవారు ఈ భూలోకమంతా పరిపాలన చేస్తారు!
దైవాశీస్సులు!!!
*గీతాలకు గీతము-పరమగీతము*
*151వ భాగము*
*ఉద్యానవనములలో పెంచబడినదానా, నీ
చెలికత్తెలు నీ స్వరము వినగోరుదురు నన్నును దాని విననిమ్ము*
పరమగీతము 8: 11 బయలు హామోనునందు సాలొమోను
కొక ద్రాక్షావనము కలదు అతడు దానిని కాపులకిచ్చెను దాని ఫలములకు వచ్చుబడిగా ఒక్కొక్కడు
వేయి రూపాయిలు తేవలెను.
12 నా ద్రాక్షావనము నా వశమున ఉన్నది సొలొమోనూ,
ఆ వేయి రూపాయిలు నీకే చెల్లును. దానిని కాపుచేయువారికి
రెండువందలు వచ్చును.
13 ఉద్యానవనములలో పెంచబడినదానా, నీ చెలికత్తెలు నీ స్వరము వినగోరుదురు నన్నును దాని విననిమ్ము.
14 నా ప్రియుడా, త్వరపడుము లఘువైన
యిఱ్ఱివలె ఉండుము గంధవర్గవృక్ష పర్వతములమీద గంతులువేయు లేడిపిల్లవలె ఉండుము.
ప్రియులారా! పరమగీతములను ధ్యానము చేస్తున్నాము.
ఈ
వచనంలో అంటున్నారు : బయలు హామోనునందు సాలొమోను కొక ద్రాక్షావనము కలదు అతడు దానిని కాపులకిచ్చెను
దాని ఫలములకు వచ్చుబడిగా ఒక్కొక్కడు వేయి రూపాయిలు తేవలెను.
''ఉద్యానవనములలో పెంచబడినదానా,''
అనుటలో ఇది యెరూషలేము సంఘము. దీనిలో ఏ లోటు ఉండదు. అందుకే కలత చెందక విశ్రాంతిలో ఆనందముగా
ఉండుమని క్రీస్తు ప్రభువే స్వయంగా మూడుసార్లు చెప్పుట జరిగింది. ఇలాంటివారి స్వరమును వారి చెలికెత్తెలు
వినాలని కోరుకొందురని చెప్పబడింది.
ప్రకటన 14:1-3, ''మరియు నేను చూడగా, ఇదిగో, ఆ గొఱ్ఱెపిల్ల సీయోను పర్వతముమీద నిలువబడి యుండెను. ఆయన నామమును ఆయన తండ్రి నామమును నొసళ్లయందు
లిఖింపబడి యున్న నూట నలువదినాలుగు వేలమంది ఆయనతో కూడ ఉండిరి. మరియు విస్తారమైన జలముల ధ్వనితోను
గొప్ప ఉరుము ధ్వనితోను సమానమైన యొక శబ్దము పరలోకములో నుండి రాగా వింటిని. నేను వినిన ఆ శబ్దము వీణెలు వాయించుచున్న
వైణికుల నాదమును పోలినది. వారు సింహాసనము ఎదుటను, ఆ నాలుగు జీవుల యెదుటను,
పెద్దలయెదుటను ఒక క్రొత్త కీర్తన పాడుచున్నారు; భూలోకములోనుండి కొనబడిన ఆ నూట నలువది నాలుగువేలమంది తప్ప మరి ఎవరును ఆ కీర్తన
నేర్చుకొనజాలరు.''
ఇందులో
వీరు పాడు కీర్తన ఎవరును నేర్చుకొనలేకపోతున్నారు. అలాగే పరమ యెరూషలేముకు చెందిన కుమార్తెలు
అనగా విశ్వాసులు ఈ భూమిపై అక్కడక్కడ మాత్రమే ఉంటారు, ఈ
1,44,000 మంది ఇశ్రాయేలీయుల నుండి ఎన్నికయినవారు కారు! వీరు ప్రత్యేకమైన వారు ప్రియులారా! .
అలాగే
క్రీస్తు ప్రభువు కూడ వారి స్వరమును వినాలని కోరుకుంటాడని చెప్ప బడింది. కనుక పరిశుద్ధులు పరమయెరూషలేము నివాసులు
వారికి ఏ కొరత ఉండదు. వారి స్వరాన్ని సాధారణ స్థితిలో ఉన్న విశ్వాసులు, వారి
సంఘములు వినాలని కోరు కొన్నట్లే, క్రీస్తు ప్రభువు కూడ దానిని
వినాలని అనుకొంటారు. కనుక నా ప్రియుడవైన క్రీస్తు ప్రభువా, నా స్వరమును వినుటకు
త్వరపడుము, జింకవలె చురుకును కలిగి లేడిపిల్లవలె హుషారుగా ఉండమని
చెప్పబడింది. ఇలా ఎప్పుడైతే
పరిశుద్ధుని స్వరము సువార్త రూపములో వినబడునో ఆ క్షణమే క్రీస్తు ప్రభువు స్వరమును విని
నల్లనిదియైన బబులోను కుమార్తెను ఆకర్షించుటకు చురుకుగా ఉండమని చెప్పుచున్నాడు.
గమనించాలి వేయేండ్ల పాలనకు ముందు ఇశ్రాయేలు జనాంగము యేసుక్రీస్తుప్రభులవారిని
రక్షకునిగా అంగీకరించలేదు! శ్రమల కాలంలో అంగీకరిస్తారు! అయితే ఈ చివరి వచనం ప్రకారం వీరు ఇప్పుడు ప్రభువైన ఏసుకరాకను కోరుతున్నారు!
జింక దుమికినట్లు ప్రభువైన యేసు ఈ లోకానికి దూకి రావాలని దేవుని ప్రజలు
ఇప్పుడు కోరుతున్నారు! గంధవర్గ వృక్ష పర్వతాలు పరిమళ వాసనకు సాదృశ్యం!!
ప్రభువు పరిమళాలు వెదజల్లుతూ తన సంఘముకోసం రావాలని దేవుని బిడ్డలు ఆశిస్తున్నారు!
అలాగే పరిశుద్ధాత్ముడు కూడా ప్రభువు త్వరగా రావాలని సంఘం ఎత్తబడాలని
తాను తిరిగి పరలోకం వెళ్ళి తండ్రితో కలిసి ఆ మహిమలో ఉండాలని పరిశుద్ధాత్ముడు కూడా కోరుకుంటున్నాడు! కారణం
సంఘం ప్రారంభమైన పెంతుకొస్తు దినమునుండి ఆయన ఈ భూమిమీదనే ఉండిపోయారు! ప్రభువు త్వరగా రావాలని తన సంఘాన్ని ఈ లోకం నుండి విమోచించాలని మనం కూడా కోరుకుందాం!
ప్రకటన 22: 12 ఇదిగో త్వరగా వచ్చుచున్నాను.
వానివాని క్రియచొప్పున ప్రతివాని కిచ్చుటకు నేను సిద్ధపరచిన జీతము నాయొద్ద
ఉన్నది.
13 నేనే అల్ఫాయు ఓమెగయు, మొదటివాడను
కడపటివాడను, ఆదియు అంతమునై యున్నాను.
17 ఆత్మయు పెండ్లి కుమార్తెయు రమ్ము అని చెప్పు చున్నారు;
వినువాడును రమ్ము అని చెప్పవలెను; దప్పి గొనిన
వానిని రానిమ్ము; ఇచ్ఛయించువానిని జీవజలమును ఉచితముగా పుచ్చుకొననిమ్ము.
21 ప్రభువైన యేసు కృప పరిశుద్ధులకు తోడై యుండును గాక.
ఆమేన్.
(సమాప్తం)
# # # #
# # # # # # # # # # # # # # #
📢
గమనిక: ఈ సందేశం అనేకులకు ఆశీర్వాదకరంగా ఉండాలని
ఆశిస్తున్నాము. కంటెంట్
లో ఎట్లాంటి మార్పులు చెయ్యకుండా షేర్ చేసి, మీరునూ ప్రభువు పరిచర్యలో
పాలిభాగస్తులు కాగలరు. వందనములు!!
ఈ
గీతాలకు గీతము అనే పరమ గీతము ద్వారా ప్రభువు మీతో మాట్లాడారని ఆశిస్తున్నాను! దయచేసి నాకోసం,
నా కుటుంభం, మా పరిచర్యలు కోసం మా సంఘాల కోసం ప్రార్ధన
చేయండి! ప్రభువు చిత్తమైతే మరో శీర్షికతో మరలా కలుసుకుందాం!
✍️ ఇట్లు మీ సహోదరుడు
బ్రదర్. రాజకుమార్
దోనె
📧 Email: rajkumardone@gmail.com

కామెంట్లు
కామెంట్ను పోస్ట్ చేయండి